الموضوع الرسمي Assassin's Creed III | ختاميّة ثلاثية الجيل!

[T u R k I]

خلصت اللعبة، ممتازة لكن ماأشوفها الأفضل بالسلسلة. من أسباب عدم اعتباري هالجزء هو الافضل هو ان المهمات مو بمستوى مهمات الأجزاء الماضية، وفيها تفاوت بسيط

عموماً، أساسنز كريد من الثاني إلى برذرهود وريفليشنز ماكان فيها تغييرات كبيرة وتجديدات لكن هنا الوضع اختلف. كالعادة إبداع في تقديم الحضارات المُختلفة، المدن والمناطق الثلجية والغابات كلها أعجبتني ولو اني ماكنت مقتنع بالمدينة بالبداية، برضوا مظهر اللعبة رائع كالعادة مع تقلّبات الجو

الأخطاء التقنية اللي تتكلموا عنها ماأثرت على تجربتي صراحه. بس البداية البديئة هي اللي خلتني مُحبط، هذا غير التحكم اللي اصبح اسرع من السابق وماتقبلت هالشي، بس بعد ساعات لعب رأيي اختلف تماماً. الكومبات لا يزال له عيوبه لكنه يظل أفضل وأسرع من السابق

لو نستثني خرابيط ديزموند اللي خاش عرض هو والشخصيات اللي معه، الكت سينز والحوارات هي الأفضل بالسلسلة بجانب الجزء الثاني، وأفضل بمراحل من برذرهود وريفليشنز (ياخوفي يهملون هالعناصر بالجزء القادم لو كان فرعي مثل ماصار)

شخصية كونور ماعجبتني. الطائر وإيتزيو > كونور. بانتظار Assassin's Creed: "اسم فرعي" القادم في نوفمبر 2013.

 

[alruqeishy]

شباب انا خذيت لايبريشن بس اساسين 3 ما وصلتني للحين ومتحرق ابي اجربها بس خايف تكون القصة مرتبطة ب3 وتحرق علي اشياء, فهل العب 3 بالاول واترك لايبريشن لبعدين او ابدأ فيها؟
شيء ثاني سمعت انه بتكون في مهمة مشتركة بين كونور وافالين, في اي نسخة؟ وهل يحتاج تكون اللعبتين معي عشان احصلها؟

 

[~L.O.R.D~]

شباب
في أشياء أبغى أعرفها في اللعبة
كيف أمسك واحد وأخله درع لي عشان أصد الرصاص لما 4-5 أشخاص يعلمون علي ؟
كيف أجمع اساسينز مساعدين لي ...عندي فقط واحد..لأني لقيت قائمة مثل برزرهوود..عشان أرسلهم يعملو مهمات ثانية في مدن أخرى

معقول ما أقدر أطور الدرع حقي ؟ لقيت واحد لابس لبس الطير
مافي طريقة أطور السلاح المسدس حقي ؟ أو أخليه يعبي بشكل أسرع..بطيء جدا
يعني من 200 سنة كان اطلاق النار أسرع ؟ معقول ؟

ايش فائدة النقود اذا ما تقدر تشتري فيها اشياء ؟

 

[FCB-Kratos]

كيف أمسك واحد وأخله درع لي عشان أصد الرصاص لما 4-5 أشخاص يعلمون علي ؟

اضغط X باتجاه أقرب عدو لك

كيف أجمع اساسينز مساعدين لي ...عندي فقط واحد..لأني لقيت قائمة مثل برزرهوود..عشان أرسلهم يعملو مهمات ثانية في مدن أخرى

لازم تخلص مهمات مساعدة الناس بقطاع من المدينة ( مثلا حماية المزارع حتى ينتهي من الحصاد ) .. بعد ما تخلص كل المهمات بتبدي مهمة مع الأساسن

معقول ما أقدر أطور الدرع حقي ؟ لقيت واحد لابس لبس الطير
مافي طريقة أطور السلاح المسدس حقي ؟ أو أخليه يعبي بشكل أسرع..بطيء جدا
يعني من 200 سنة كان اطلاق النار أسرع ؟ معقول ؟

ما فيه طريقة تطور فيها الدرع و لبس الطير مجرد كاستوم ( أتوقع بتحصله اذا خلصت المهمات الرئيسية 100% )
بالنسبة للمسدس ما جربت الا المسدس اللي بدأت فيه بس تقدر تشتري مسدسات من المحلات.

ايش فائدة النقود اذا ما تقدر تشتري فيها اشياء ؟

تقريبا ما لها فايدة الا اذا ناوي على الـ 100@% .. ختمت اللعبة و ما صرفت شيء الا على السفينة

 

[ASWD]

اخيرا وصلت نسختي,سحقا لنسخة فري دوم اديشن الميداليون للفوز:

 

[~L.O.R.D~]

اضغط X باتجاه أقرب عدو لك

بالنسبة للمسدس ما جربت الا المسدس اللي بدأت فيه بس تقدر تشتري مسدسات من المحلات.

أنا استخدم نسخة الأكس بوكس...يعني أكبس A ؟
أي متجر يبيع المسدسات ؟ وهل هي دائمة ؟

 

[sabah]

شيموس موجود في اللعبة :tongue:

محتوى مخفي: William Johnson

 

[T u R k I]

على فكرة، انا اوافق نقطة قالها ناصر، الجزء هذا حاول يكون شي مختلف ولا كأنها أساسنز كريد اللي نعرفها!

مع اني استمتعت فيها، لكن حسيت بشي ناقص موجود بالأجزاء السابقة.

 

[~L.O.R.D~]

هذا الجزء أحسه مثل الجزء الأول
مافي دروع ولا أسحلة.

 

[T u R k I]

فيه اسلحة في General Store بالخريطة.

 

[~L.O.R.D~]

اللعبة حاسس فيها احساس Déjà vu

محتوى مخفي: سبويلر

prison break
حاسس ان زعيمة التيبملرز هي والدة ديزموند
توني انهيت السيكونس الثامن وتكلمت مع واشنطن

 

[Painkiller Q8]

توها وصلتني !

 

[sabah]

ودي بس اعرف مين صاحب فكرة تجميع الاوراق الطائرة :sarcastic:

 

[Dark Side]

توني بادي فيها اللعبة اعرف اني متاخر بس اللعبة حاليا شيء مبهر الرسوم في اللعبة رهيبة وافضل من سابقيها وهي على الـLow ضروري اخذها على البي سي ابغى اجربها على الهاي او الميديم (= . معليش هيلو ابتفرغ لي اساسن ذي الايام شكله فاتني الكثير !

 

[Tiger]

أنا وصلت إلى سكوينس6 بس لحد الآن ولا مهمة رئيسيه ظهرت لي

 

[sabah]

^

طيب كيف وصلت لسيكونس 6

 

[Mesharey]

إلى الآن ماخلصتها لكن محبط جدا منها، الأجزاء الماضية أفضل، هذي فقدت ميزات عديدة موجودة قبل والمشكلة بداية اللعبة الفعلية بعد "ساعات" من اللعب، والمهمات جدا عادية ومافيها تنويع، في مهمات فرعية موجودة ومافي منها فائدة تذكر ..
أيضا أجواء اللعبة عادية جدا ومافيها ذاك الأتموسفير الممتاز ..

تركتها من كم يوم، برجع أكملها بعد فترة ..

 

[T u R k I]

^ وين وصلت؟

 

[Mesharey]

^ وين وصلت؟

ما أذكر صراحة لكن ممكن ساعات اللعب وصلت 15 ..

 

[sabah]

خلصت اللعبة...ما اعرف من وين ابدأ لول
اول شي التحكم...زر الركض هو نفسه للتسلق وهالشئ مسبب لي مشكلة كبيرة جدا خاصة لما اطارد شخص معين لأنه بمجرد ما يقترب من اي شجرة/حائط راح يتسلق بشكل تلقائي بعكس الاجزاء الماضية اللي كان لازم تضغط A حتى تتسلق
ناهيك عن التنقل لمسافات شاسعة بحثا عن المهمة التالية وعدم وجود التنقل السريع في مكان قريب "غالبا"
وبالحديث عن المساحات...الغابات والمناطق المفتوحة الاخرى ما لها اي داعي وما في شئ تسويه فيها(لا حد يقولي صيد الحيوانات لول لانه ما منه اي فائدة تقريبا).
الكاميرا صايرة اسوء من كاميرا نينجا جايدن اثناء القتال خاصة في المساحات الضيقة اللي حرفيا ما اشوف فيها شي غير الجدران والاشجار !!
طبعا المهمات الجانبية سيئة جدا وفيها تكرار مش طبيعي/بصراحة افتقدت المهمات اللي في المعابد والكهوف تحت الارض اللي كانت في الاجزاء الماضية
البعض يعتبر هذه الامور بسيطة لكن المشكلة ان الاشياء البسيطة هذه هي اللي دائما تعمل الفارق في اي لعبة وتأثر على انطباعك بشكل كبير !
وبعدين ليش ما اكدر اضرب المدنيين ؟ احيانا اطارد بعض المتعاونين مع الاعداء وفجأة لما يكشفني يشبعني ضرب وانا ما اقدر اسوي شئ,طبعا اكثر ناس كنت ارغب بقتلهم كانوا الاطفال اللي يمشون وراك ويضحكون بشكل يرفع الضغط,كان ودي فعلا اني احرقهم :sarcastic:
شخصية هيثيم كانت ممتازة كاريزما وتمثيل صوتي واداء رائع بعكس كونور اللي ما اعجبني اداء الممثل الصوتي حقه(بعيدا عن المقارنة مع اللهجة الايطالية),طبعا يبقى الطائر شخصيتي المفضلة بالسلسلة ويأتي بعده هيثم
الاعداء صاروا اكثر ذكاء ويلاحظونك ويكشفوك بشكل افضل من الاجزاء الماضية + الضباط يكونون اكثر قوة من الجنود العاديين وهالشئ خلى الكومبات اكثر توازناً من الاجزاء الماضية..بس لا زال سهل بشكل عام.
الاخطاء التقنية اثرت بشكل سلبي جدا على التجربة للاسف,قليتشات غبية ومزعجة تخرب عليك التجربة وخاصة لما تكون مندمج مع الاحداث,وبالمناسبة القوائم سيئة جدا.جدا..جدا !
الاوست ما اعجبني وبصراحة اعتبره داونجريد عن الحان Jesper Kyd
الجزء هذا اصنفه بعد ثلاثية اتزيو وممكن حتى افضل عليه الجزء الاول اللي حتى التكرار الكبير اللي فيه ما ازعجني بكثر مشاكل هذا الجزء...جزء للنسيان للاسف...لولا القصة ومعارك البحرية الرائعة كان خسفت فيه الارض ! انا اصلا خسفت فيه الارض لول

7.5

 

[T u R k I]

الجزء هذا اصنفه بعد ثلاثية اتزيو وممكن حتى افضل عليه الجزء الاول اللي حتى التكرار الكبير اللي فيه ما ازعجني بكثر مشاكل هذا الجزء..

اقدر أتفهّم كلامك لكن الاول احسن؟!! هذي مبالغه اسطورية!!

 

[sabah]

لول ما عندك فكرة عن مقدار التجربة السيئة لي مع هذا الجزء,AC كنت دائما العبها وانا في قمة الهدوء والروقان ومشاكل هذا الجزء خلتني العب وانا معصب اغلب الوقت !
لاحظ اني قارنت بينه وبين الاول من ناحية المشاكل فقط.

 

[Painkiller Q8]

اللعبه شي راقي وحبيت كل تفاصيلها والقيمبلي
والقصه وااااااو !! فعلا عميقه وضد العقيده الماسونيه

 

[Dark Side]

حتى الان موصل السيكونز 3 ومستمع على الاخر لاكن فيه مشكلتين واجهتني وهي الاخطاء التقنية(جلتشات) وتحكم الحصان المعوق وغير كذا اللعبة ممتازة صراحة باذن الله اللعبة بخلصها ذي اليومين

 

[Karim le BOSS]

^

لسا كثير


---------

انا وصلت سكوينس 10 في نصه الصراحه هيثم افضل شخصيه العاب هالسنه مع انهم مرحشينم كونور :laugh:: .. .

الجزء هذا اعجبني اكثر من الثاني باميال ضوئيه :laugh: ... بكره اخلصها

فرحان جدا جدا

 

[Sea.roOock]

^
هيثم احسن واحد لول

في محادثة رهيبة بينه و بين واحد و الثاني تكلم بشيء واضح زي الاهبل و رد عليه هيثم بشكل حرفي " You don't say" ضحكني جدا XD

 

[Karim le BOSS]

^

ايه اعرفها يوم "كونر و هيثم داخل مبنى محروق و بعدين كونر قاله لازم نطلع و بعدين قاله YOU DON'T SAY ""

 

[Karim le BOSS]

الحين خلصت قصه كونور كلها بقت حقت ديزموند قاعد اعاني في POWER SOURCES

 

[T u R k I]

في محادثة رهيبة بينه و بين واحد و الثاني تكلم بشيء واضح زي الاهبل و رد عليه هيثم بشكل حرفي " You don't say" ضحكني جدا XD

تدري ايش جاء في بالي لما سمعتها؟ علطوووول الجيف ذا:

 

[Karim le BOSS]

اللي يقول الجزء الثاني احسن جزء فاختلف معاه

نهايه اسطوريه

9.5