تحمية السيارة في الصباح .. مضيعة للوقت والمال !

[Xeon-Q8]

انا انطر الRpm ينزل تحت الـ1 بعدين احركها و المشكلة مراات اكون مستعيل و تاخذ فوق الـ5 دقائق ! :

1+

 

[Revolver]

هالكلام موجود في دليل السيارة ..

بالضبط, والمشكلة عجزت اكلم الأوادم ومحد معطيني وجه. الواحد يسمع اللي يعجبه
حمي السيارة لمدة 30 ثانية فقط, واذا بغيت تحرك لا تعطيها Full throttle او قريب منها, انا ما اخلي الـRPM يعدي الـ2000 الين ما تحمى بشكل كامل "العاده 5 دقايق على الطريق علشان تحمى"

 

[SCREAMING_RAGE]

انا انطر الRpm ينزل تحت الـ1 بعدين احركها و المشكلة مراات اكون مستعيل و تاخذ فوق الـ5 دقائق ! :

أنا مثلك دائما............ لكن اعتقد ان مكيف السياره هو اللي يلعب دور كبير في وقت التحميه !!!
فاحياناً في بريطانيا, ومع الجو البارد, الزجاج الامامي حق السياره يكون كله ثلج, وياريته لو ثلج عادي, لالا, أقصد ثلج سميك جداً, يعني المساحات ما تقدر تشيله !! وعلشان تفتح المكيف الساخن حق الزجاج الامامي, لازم المكينه (( على ما اظن )) تكون ساخنه بعض الشئ, فتحميتي دائماً تاخذ 10 الى 15 دقيقه !!
لكن في الرياض, فتحميتي دائماً تاخذ في حدود العشر دقائق, خمس دقائق قبل لا افتح المكيف, و الخمس الباقيه علشان تبرد السياره و الكراسي XD

 

[Suzuki Yu]

الافضل تشغل السيارة لمدة دقيقة بعدين تمشي

 

[Mute City]

أسوأ ما في اخويه يقتلني بتحميته للسياره وكل مره بخرج يقولي باحمي السياره

 

[squall leonhart]

انا ما اعترف بالتحمية ابدا .. سيارتي كملت معاي 6 سنين و ما اتذكر اني حميتها .. يا دوب على بال ما اربط حزام الامان و اشغل المكيف و الراديو و انطلق

 

[Vorg Zangief]

ترى الكلام عن فصل الشتاء .
و انا اشوف لازم تحمي السيارة شوي . على حسب الجو . إذا كان بارد جداً يمكن يستغرق 4 او 5 دقائق . اصلاً في فصل الشتاء اذا ما حميت السيارة و مشيت فيها على طول . احس السيارة تصير ثقيلة . لما ارفع رجلي عن البانزين . بسرعة توقف كأني لازم بريك .
لهذا انا افضل التحمية

 

[Xeon-Q8]

انا ما اعترف بالتحمية ابدا .. سيارتي كملت معاي 6 سنين و ما اتذكر اني حميتها .. يا دوب على بال ما اربط حزام الامان و اشغل المكيف و الراديو و انطلق

وين ساكن ؟؟
عندنا بالكويت ... نـــــــادر .. جدا جدا جدا .. تلقى رجل او شاب يربط حزام الأمان .. عندنا عييب وفشله

اهنيك بصراحه .. انا عن نفسي مستحيل اسويها .. خوفا ع البرستيج ..

 

[Jonas]

وين ساكن ؟؟
عندنا بالكويت ... نـــــــادر .. جدا جدا جدا .. تلقى رجل او شاب يربط حزام الأمان .. عندنا عييب وفشله

لا تخاف التفكير المتخلف ذا موجود في السعوديه بعد

 

[Xeon-Q8]

^
المسلسلات الأجنبيه والأفلام .. تشوفهم اول مايركب السياره يربط الحزام

لكن المسلسلات العربيه والخليجيه خصوصا .. مستحيل يسويها .. حتى الإعلام يسوق لهالفكره

 

[m7787m]

وين ساكن ؟؟
عندنا بالكويت ... نـــــــادر .. جدا جدا جدا .. تلقى رجل او شاب يربط حزام الأمان .. عندنا عييب وفشله

اهنيك بصراحه .. انا عن نفسي مستحيل اسويها .. خوفا ع البرستيج ..

إسمح لي عالتدخل بس ... سلامتك أولى من نظر الآخرين للشيء هذا .

 

[إحساس]

مدري اذا احد عنده معلومه عن تشغيل المكيف بسرعه بعد تشغيل السياره .. هل لازم انتظر السياره لما تحتمي ولا اشغل مافيه مشكله .؟

الصباح برد مره ولازم اشغل المكيف بسرعه .. فـ مدري اذا كان اللي اسويه غلط ولا ..

 

[Tiger]

انا عندي الموتر من يوم اشغل السياره المكيف يشتغل معه اتوماتيك و مكتوب في كتيب السياره التحميه تضر السياره

 

[Noah`s Ark]

أنا من النوع الي ادق سلف وأمشي إلى أن شريت آيفون, أتفقد تويتر واجلس نص ساعة على ما امشي :P

 

[Xeon-Q8]

إسمح لي عالتدخل بس ... سلامتك أولى من نظر الآخرين للشيء هذا .

معك حق .. لكن الشماته والطنازه محد يتحملها ..

العالم في الكويت لاغيه حزام الأمان .. نعده عيب في التصنيع .. شغله زياده

 

[أوكازو]

و الله انا صار لي قرابة الـ 10 سنوات اسوق و ما اذكر اني حميت "باستثناء ايام الطفة بالسيارة لول"
و مع ذلك ما صار لي مشاكل و لله الحمد و المنة.

 

[USefQ80]

لوول Xeon نفس الحالة
حتى بالتفتيش نادرا يخالف على الحزام
و انا بس اربط الحزام اذا بصير شوماخر :tongue:

 

[SPIRIT X360]

في الشتاء بالعاد الماكينه أول ماتشغل السياره تدور حوالي 1200 RPM وبعد 3 الى خمس دقائق تصبح 800 RPM هنا تعتبر سخنت وتقدر تحرك . هذي طريقتي في تسخين السياره

 

[Mute City]

وين ساكن ؟؟
عندنا بالكويت ... نـــــــادر .. جدا جدا جدا .. تلقى رجل او شاب يربط حزام الأمان .. عندنا عييب وفشله

اهنيك بصراحه .. انا عن نفسي مستحيل اسويها .. خوفا ع البرستيج ..

انا اكثر انسان ممكن الناس تطنزت عليه كل ما اركب السياره سبحان الله لا شعوريا تحصلني لبست الحزام واتضايق لو كان الحزام معلق او مخترب
او ما اركب في رابغ مثلا يقولون لي انت في جده ( خوف من ساهر والتفاتيش ) ولما اركب في جده معهم اخص يالنظامي إنت خواجه
اقوله لا هذا حزام الامان يحميك من غدر الاشرار يقولي اقولك .............. وخليك ساكت

 

[JIN KAZAMA]

انا اذا لبست حزام الامان اسرع سرعه جنونيه بالسياره , اما اذا مالبسته اجلس ماشي على الخفيف
فعلا حزام الامان اسم على مسمى لانه يحسسك بالامان , فمش عيب انه الواحد يلبسه
حتى وان كانت اعمارنا بيد الله

 

[squall leonhart]

انا اكثر انسان ممكن الناس تطنزت عليه كل ما اركب السياره سبحان الله لا شعوريا تحصلني لبست الحزام واتضايق لو كان الحزام معلق او مخترب
او ما اركب في رابغ مثلا يقولون لي انت في جده ( خوف من ساهر والتفاتيش ) ولما اركب في جده معهم اخص يالنظامي إنت خواجه
اقوله لا هذا حزام الامان يحميك من غدر الاشرار يقولي اقولك .............. وخليك ساكت

انا اعرف ناس من نختلف الاعمار و فئات المجتمع المختلفه و لا عمره احد بحياتي اتريق عليا اني اربط الحزام . اصلا تقريبا فئة كبيره من سكان جده يربطوا الحزام سواء اقتناع فيه او خوف من المخالفة .. كلامك ذا رجعني 6 سنين ورى اول ما طبقوا الزامية الحزام

 

[Mute City]

^
الناس في تفاوت واهل جده فيه منهم ناس فاهمه وفي ناس لا ودايما ينقالي انت خواجه انت مسوي نظامي والبعض لا اول ما يشوفني لبست يقولي ذكرتني

 

[naser]

اهم شي يرتفع زيت المكينه

وبعض السيارات مافيها عداد لزيت المكينه مثل موتري الاف جي

فتعرف ان الزيت ارتفع او لا من عداد الار بي ام

اذا نزل تحت الـ1 يعني الامور سليمه ..

 

[Mute City]

بس اعتقد تحميت السياره اذا ما كنت متأخر عن الدوام او وراك مشورا طويل ( خط , سفر )

 

[G7Ga7]

أنا اخبر الناس الي يتطنزون على الي يلبسون الحزام انقرضوا من 10 سنوات.

 

[إحساس]

^

ايه فعلا .. مثل هالناس قلو بشكل كبير .. خصوصا مع كثرة الازدحام بالمدن مثل الرياض وجده او الشرقيه .. الناس بدو يخافون اكثر من الحوادث فـ ماعاد يهمهم اي شخص يتكلم في هالناحيه ..

فيه اشياء كثيره اختلفت بالمجتمع .. المجتمع صار واعي اكثر من قبل .. لا نقيس كل الاشياء على [ اساسيات ] كنا نعرفها من يوم كنا صغار ..

 

[Mute City]

^
لوتتكلم عن شبه مدينه (رابغ) وكل العساكر يعرفونك او يعرفون ابوك او احد من اقربائك او يعرفون واحد معاك بالسياره
= ربط الحزام شي نادر جدا علشان كذا دايما يعلقون علي

 

[Revolver]

أنا اخبر الناس الي يتطنزون على الي يلبسون الحزام انقرضوا من 10 سنوات.

انا زيّك استغربت. ما كنت ادري انه فيه ناس لحد الأن شغالين طنازة
انا البس الحزام دائماً, وما فيه واحد لحد الأن تريق علي, بالعكس مره نسيته وواحد قالي "افا ما تلبس حزام؟"

 

[s3rorh]

ما قريت الردود بالموضوع لانه مافيش وقت xD

بس

6- الوقت لمناسب لتحرك السياره عند تشغيلها .... في اغلب الشباب يوصل للبيت بليل وينام ويجي ثاني يوم على الصبح يدقها سلف ويقعد بو دقيقتين ويحرك السياره >_> .. هذا الشي خاطئ .. لانه مو معقوله امخلى السياره واقفه من امس وثاني يوم تدق سلف وتمشي ... لانه السياره لازم تحتر .. وتوصل لدرجه الحرارة الى تخليها تمشي فيها ... وهالشي تعرفه من طريقتين ... يا اما من عداد الحرارة Temp أو من عداد الضغط ال RPM ... ومن عداد الحرارة هذى سهله اول ما تشوفها اوصلت لل C أو تخطتها .. فا اهنى مسموح لك بالمشي
اما بخصوص عداد الضغط RPM لازم العداد يكون تحت الواحد بشوي بشكل ادق عند ال800 .. وهال800 معناتها انه الكرنك يفر 800 لفه بالدقيقه وهذا اهوا عدد الفلات الطبيعيه للمحرك .. وكل ما كنت السياره بارده كل ما كان عدد اللفات اكثر لغايه ما توصل لعدد اللفات الطبيعيه

المصدر

http://www.true-gaming.net/boards/showthread.php?t=8220

وعلشان لحد يقول لي من وين جايب الكلام ومدري ايش .... للعلم تراني دارس دبلومه ميكانيكا سيارات سنتين ... بالمعهد التطبيقي ... يعني مو حيالله معهد .... والكلام جايبه من كتب ودكاتره ... مو من العم قوقل جونز .. ولا ويكيبيديا

وشكرا

 

[JIN KAZAMA]

^
فرحان تورينا موضوع الحين :sarcastic:
فينك قبل شهر :