::
::
::
<<<< تعلم هالحركه من جيم ماستر علشان محد يقر الموضوع من برا .. مواهاهاهاهاها
شلونكم شباب .. وشلون الجو وياكم ... بالنسبه للكويت الجو كله غبار وهوا عالي ... وياويلك اذا شعرك طويل ( مثلي ) وطلعت برا من غير ما تغطي شعرك .. والله يا انك بتاكلها صح .. لدرجه أنك إذا تسبحت بتحس انه اكو رمل براسك >_> .. هذى اهى اجواء الكويت ....
بما أنى تخصص ميكانيكا سيارات حبيت ان أقول لكم شغلات الاغلب يجهلها وهم بعد اشارككم بالمعلومات العامه الى عندي .. لانى ادري لو دخلت بالتخصص .. بتدقون اصبع 😛 ... وما بتفهمون ..
همممم لنبدا بأول معلومه :
1- في بعض الشباب اذا حب يصب ماي للراديتر ... يصب ماى الراديتر كله (( ألى هوا اسمه دواء الراديتر .. ألى لونه احمر او اخضر )) من غير ما يضيف ماي حنفيه .. وايضاً في شباب ما يتعامل بشي اسمه دواء الراديتر .. بل كله يتعامل بماي الحنفيه ... المهم النقطتين الى ذكرتهم اثنيناتهم غلط . والسبب :
اذا كنت كله تضيف بس ماي حنفيه . فا مع مرور الوقت مجرى الماي راح يصدأ .. ويكون رواسب صدى وهذا الشي يخلي مجرى الماي يتصكر .. ومعناتها انه الماي الى يوصل للمكينه شوي .. وهذا يؤدي إلا ارتفاع بدرجه حرارة المحرك ...
والعلاج :
إذا الراديتر كان محتاج واحد لتر من الماى ... كل الى تسويه تضيف نص لتر من ماي الحنفيه ونص لتر من الدواء ^^
2- السفايف ... والى ما يعرف السفايف .. اهى ألى تمسك الدسك لما تبي توقف أو اذا تبي تخفف من سرعتك (( الدسك هى القطعه الى يتثبت عليها الكيب او الرنغ او الاطار المعدني )) .... طريقه تبديل السفايف سهله .. بس يبيلها صور >_> ... و ان شاء الله اذا قدرت اصور طريقه التبدل بحطها اهنى ... مو هذى مشكلتنا .. بل مشكلتنا الواحد اذا توة بدل سفايف .. تلقاه بعده ما وصل للبيت يكب شوي ماي على السفايف ... هذا الشي غلط غلط لانه جذي انت تخربهم وتخليهم يطلعون صوت .... وعلى طاري الصوت .. دايما وايد شباب يكون توة امركب سفايف اذا مسك ابريك يسمع صوت ويروح ولواحد نصاب وهالنصاب يقول له (( سفايفك يبيلهم تبديل )) وهالشي صار لى -.- ... علشان توخر الصوت كل الى عليك تشيل السفايف وتسوي لهم سنفرة بسيطه .. والسنفره ما تكلف بس اللهم قطعه قماش وواحد من وجه القماش خشن .. انت تمسك القماشه وتفركها بالسفسوفه ... بس شوي مو وايد . ونظفها من بعد الفرك وركبها . بجذي الصوت يختفي ^^
3- تبديل الزيت .. لازم تبدل الزيت لانه ضروري علشان تحافظ على المكينه ... وفي اغلب الشباب لما تقول له ليش تبدل الزيت .. يجاوب لك بصورة غير دقيقه (( ابدل الزيت علشان احافظ على المكينه )) ولما تقول له شلون ... يقعد يطالع يمين ويسار .. الجواب اهوا .. داخل المكينه يصير احتراق .. ومرات جزء من الزيت يحوش هالإحتراق ويصير اسود ... ومع مرور الوقت يكون كتل كربون من كثر عمليات الاحتراق .. وهذا الشي يؤثر بالبستن وبالسلندر ... لانه الزيت يكون محروق حيل وفيه كربونات صلبه .. ومع تحرك البستن بسرعه بجدار السلندر .. يسوي احتكاك ... وهالشي يؤدي إلى توسع السلندر ويخلي الزيت يدخل لغرفه الاحتراق بنسبه 10% بدال ما كان يدخل بنسبه 0,2% .. وهذا اهو بما نسميه باللغه العاميه (( الصرفيه ))
5- البلكات ... البلكات وظيفتها تعطي الشراره .. علشان تولد الانفجار ويدور المحرك .. واذا كنت تبي تعرف متى تبدلهم .. راح تلاحظ مع مرور الوقت بانه السيارت بدت تمشي امقطعه ( اترتر ) .. فا اهنى اتعرف انك لازم تبدلهم ... والى يقدر يسميها بالتصفيه بس التصفيه شوي شامله .. بحيث انك تبدل الفلتر والوايرات ( إذا لزم ) والزيت والبلكات
6- الوقت لمناسب لتحرك السياره عند تشغيلها .... في اغلب الشباب يوصل للبيت بليل وينام ويجي ثاني يوم على الصبح يدقها سلف ويقعد بو دقيقتين ويحرك السياره >_> .. هذا الشي خاطئ .. لانه مو معقوله امخلى السياره واقفه من امس وثاني يوم تدق سلف وتمشي ... لانه السياره لازم تحتر .. وتوصل لدرجه الحرارة الى تخليها تمشي فيها ... وهالشي تعرفه من طريقتين ... يا اما من عداد الحرارة Temp أو من عداد الضغط ال RPM ... ومن عداد الحرارة هذى سهله اول ما تشوفها اوصلت لل C أو تخطتها .. فا اهنى مسموح لك بالمشي
اما بخصوص عداد الضغط RPM لازم العداد يكون تحت الواحد بشوي بشكل ادق عند ال800 .. وهال800 معناتها انه الكرنك يفر 800 لفه بالدقيقه وهذا اهوا عدد الفلات الطبيعيه للمحرك .. وكل ما كنت السياره بارده كل ما كان عدد اللفات اكثر لغايه ما توصل لعدد اللفات الطبيعيه
7- البانزين .... واعيد واقول اغلب الشباب يخلي سيارته توقف بالطريج يالله يروح يترس لها بانزين -.- .. فا اقول له انت غلطان .. لانك اذا خليت السياره تفضي كل الى موجود بالخزان .. فا انت اهنى تخلي السياره تاكل الشوائب الى موجوده بالخزان .... وهالشوائب شلون تدخل ... تدخل عن طريقين ... أثناء ما انت تعبي (( يعنى وانت فاتح الغطاء حق التعبئه يدخل اغبار واتربه داخل الخزان )) ... والطريقه الثانيه في البانزين نفسه ... لانه البانزين ما يوصل لك صافي ونقي بنسبه 100% (( علشان جذي في بانزين عادي وبانزين خصوصي )) وانا انصح بالخصوصي .. وهذى كلها تؤثر على مجرى البانزين .. وتخلى عمر فلتر البانزين اقل ..
8- ( الدوسه , الفزة , القومه , الدعسه ) كل هذى المصطلحات معناتها السباق .. يعنى عند الاشاره تحصل شباب واقفين يم بعض واول ما تصير خضرا .. وتشوفهم اقلعوا مسرعين ... هالشي غلط .. لانك بجذي تؤدي إلا تأكل المكينه ... حتى لو كنت توك امبدل زيت .... لانه وانت واقف يكون البستن يتحرك شوي ويكون مقدار الزيت الى يدخل بهالتحرك مناسب له .... فا لما تجي وتضغط على دعسه البانزين بصوره مفاجئه ... فا اهنى البستن يتحرك خلنا نقول من 900 حركه إلى 1300 حركه بصورة مفاجئه .. وهل الشي يخلى الزيت ما يلحق يوصل للبستن بالوقت المناسب ويمكن يستغرق ثانيه على ما يوصل الزيت لمستواه المطلوب .. وعلى فكره هالثانيه مو هينه ... وثانيه على ثانيه على ثانيه صاروا دقايق . وجم دقيقه على دقيقه .. تسوي شغل .. وهالشي يؤدي إلا قصر عمر المحرك
9- الدفع الامامى والخلفى .... في شباب يقولون الامامى اقوى ... وشباب يقولون الخلفي اقوى ... وانا كنت من مناصرين الدفع الخلفي (( من حيث الفزة )) .. بس للأسف اكتشفت بانه الدفع الامامي اكثر كفأة ... يعنى التيما ويا فكتوريا ... الالتيما اهوا الفايز .... اما التيما ويا موستنغ LX بو دبه موديل 1993 لونه اسود 8 سلندر ماكينته 5,0 الأصليه , فا اسمحلى الاكس اهوا الفايز وبالراحه 😛 .. يعنى الامامي يستجيب لك بسرعه من حيث السرعه ..
والدفع الخلفي يعطي عزم اكثر من الامامي ... واكثر متانه على تحمل الوزن الزائد من الدفع الامامي .. وعليه استعراض مو طبيعي ^_^
10- سحب السايد .... وهذى شغله مهمه ... والى اقصده مو بالاستعراض بل لما توقف .... يعنى لما تحب توقف السياره وتطفيها ... مو على طول تحطه بP وتطفي .. No No جذي غلط .. لانه الطريقه الصحيحه هى .. اول ما توقف تماما تحطه على ال N (( مع ضغط دواسه البريك )) وتسحب السايد (( واهنى تهد دعسه البريك )) .. ومن ثمه تحطه P .. لانك بهالحركه تحمل وقفه السياره على السايد ... اما اذا كنت غشيم وحطيته على طول على الP وطفيت السيارة من غير ما تسحب سايد .. او حتى لو سحبت السايد (( لانه ماكو فرق )) ... فا انت اهنى تقط حمل السياره على القير .. وهذا الشي يضر بالقير نفسه ... اما اذا كنت تحب تسحب سايدا وانت تمشي .. فا انصيحتى حاول انك تقطه بN وانت تسحب ... اما اذا حسيتها صعبه ... فا حاول بأنك اثناء سحب السياد .. لا تضغط على دعسه البانزين ( تدعس بانزين + تسحب سايد بنفس الوقت = ودع على السياره ) >_> .. خوووش ... أما اذا كانت سيارتك كامرى ... فا عادي سوي هالشي .. لانى اكره هالسياره مواهاهاهاهاها ..
وأى استفسارات مقدور عليها انا حاضر ^^ .. وان شاء الله بحط موضوع عن اسباب ارتفاع درجه حراره السياره وهم تقريبا بحدود ال25 سبب .. كنت باحطهم اهنى بس قلت لا تنحاشون من الطفشه 😛
.. واذا الموضوع ضيق خلقكم .. قولو علشان اغير من لونه واعدله ..
ويا جماعه .. دعواتكم بأنى اخلص من سالفه الDs اللعين >_<"
.. See Ya
::
::
<<<< تعلم هالحركه من جيم ماستر علشان محد يقر الموضوع من برا .. مواهاهاهاهاها
شلونكم شباب .. وشلون الجو وياكم ... بالنسبه للكويت الجو كله غبار وهوا عالي ... وياويلك اذا شعرك طويل ( مثلي ) وطلعت برا من غير ما تغطي شعرك .. والله يا انك بتاكلها صح .. لدرجه أنك إذا تسبحت بتحس انه اكو رمل براسك >_> .. هذى اهى اجواء الكويت ....
بما أنى تخصص ميكانيكا سيارات حبيت ان أقول لكم شغلات الاغلب يجهلها وهم بعد اشارككم بالمعلومات العامه الى عندي .. لانى ادري لو دخلت بالتخصص .. بتدقون اصبع 😛 ... وما بتفهمون ..
همممم لنبدا بأول معلومه :
1- في بعض الشباب اذا حب يصب ماي للراديتر ... يصب ماى الراديتر كله (( ألى هوا اسمه دواء الراديتر .. ألى لونه احمر او اخضر )) من غير ما يضيف ماي حنفيه .. وايضاً في شباب ما يتعامل بشي اسمه دواء الراديتر .. بل كله يتعامل بماي الحنفيه ... المهم النقطتين الى ذكرتهم اثنيناتهم غلط . والسبب :
اذا كنت كله تضيف بس ماي حنفيه . فا مع مرور الوقت مجرى الماي راح يصدأ .. ويكون رواسب صدى وهذا الشي يخلي مجرى الماي يتصكر .. ومعناتها انه الماي الى يوصل للمكينه شوي .. وهذا يؤدي إلا ارتفاع بدرجه حرارة المحرك ...
والعلاج :
إذا الراديتر كان محتاج واحد لتر من الماى ... كل الى تسويه تضيف نص لتر من ماي الحنفيه ونص لتر من الدواء ^^
2- السفايف ... والى ما يعرف السفايف .. اهى ألى تمسك الدسك لما تبي توقف أو اذا تبي تخفف من سرعتك (( الدسك هى القطعه الى يتثبت عليها الكيب او الرنغ او الاطار المعدني )) .... طريقه تبديل السفايف سهله .. بس يبيلها صور >_> ... و ان شاء الله اذا قدرت اصور طريقه التبدل بحطها اهنى ... مو هذى مشكلتنا .. بل مشكلتنا الواحد اذا توة بدل سفايف .. تلقاه بعده ما وصل للبيت يكب شوي ماي على السفايف ... هذا الشي غلط غلط لانه جذي انت تخربهم وتخليهم يطلعون صوت .... وعلى طاري الصوت .. دايما وايد شباب يكون توة امركب سفايف اذا مسك ابريك يسمع صوت ويروح ولواحد نصاب وهالنصاب يقول له (( سفايفك يبيلهم تبديل )) وهالشي صار لى -.- ... علشان توخر الصوت كل الى عليك تشيل السفايف وتسوي لهم سنفرة بسيطه .. والسنفره ما تكلف بس اللهم قطعه قماش وواحد من وجه القماش خشن .. انت تمسك القماشه وتفركها بالسفسوفه ... بس شوي مو وايد . ونظفها من بعد الفرك وركبها . بجذي الصوت يختفي ^^
3- تبديل الزيت .. لازم تبدل الزيت لانه ضروري علشان تحافظ على المكينه ... وفي اغلب الشباب لما تقول له ليش تبدل الزيت .. يجاوب لك بصورة غير دقيقه (( ابدل الزيت علشان احافظ على المكينه )) ولما تقول له شلون ... يقعد يطالع يمين ويسار .. الجواب اهوا .. داخل المكينه يصير احتراق .. ومرات جزء من الزيت يحوش هالإحتراق ويصير اسود ... ومع مرور الوقت يكون كتل كربون من كثر عمليات الاحتراق .. وهذا الشي يؤثر بالبستن وبالسلندر ... لانه الزيت يكون محروق حيل وفيه كربونات صلبه .. ومع تحرك البستن بسرعه بجدار السلندر .. يسوي احتكاك ... وهالشي يؤدي إلى توسع السلندر ويخلي الزيت يدخل لغرفه الاحتراق بنسبه 10% بدال ما كان يدخل بنسبه 0,2% .. وهذا اهو بما نسميه باللغه العاميه (( الصرفيه ))
5- البلكات ... البلكات وظيفتها تعطي الشراره .. علشان تولد الانفجار ويدور المحرك .. واذا كنت تبي تعرف متى تبدلهم .. راح تلاحظ مع مرور الوقت بانه السيارت بدت تمشي امقطعه ( اترتر ) .. فا اهنى اتعرف انك لازم تبدلهم ... والى يقدر يسميها بالتصفيه بس التصفيه شوي شامله .. بحيث انك تبدل الفلتر والوايرات ( إذا لزم ) والزيت والبلكات
6- الوقت لمناسب لتحرك السياره عند تشغيلها .... في اغلب الشباب يوصل للبيت بليل وينام ويجي ثاني يوم على الصبح يدقها سلف ويقعد بو دقيقتين ويحرك السياره >_> .. هذا الشي خاطئ .. لانه مو معقوله امخلى السياره واقفه من امس وثاني يوم تدق سلف وتمشي ... لانه السياره لازم تحتر .. وتوصل لدرجه الحرارة الى تخليها تمشي فيها ... وهالشي تعرفه من طريقتين ... يا اما من عداد الحرارة Temp أو من عداد الضغط ال RPM ... ومن عداد الحرارة هذى سهله اول ما تشوفها اوصلت لل C أو تخطتها .. فا اهنى مسموح لك بالمشي
اما بخصوص عداد الضغط RPM لازم العداد يكون تحت الواحد بشوي بشكل ادق عند ال800 .. وهال800 معناتها انه الكرنك يفر 800 لفه بالدقيقه وهذا اهوا عدد الفلات الطبيعيه للمحرك .. وكل ما كنت السياره بارده كل ما كان عدد اللفات اكثر لغايه ما توصل لعدد اللفات الطبيعيه
7- البانزين .... واعيد واقول اغلب الشباب يخلي سيارته توقف بالطريج يالله يروح يترس لها بانزين -.- .. فا اقول له انت غلطان .. لانك اذا خليت السياره تفضي كل الى موجود بالخزان .. فا انت اهنى تخلي السياره تاكل الشوائب الى موجوده بالخزان .... وهالشوائب شلون تدخل ... تدخل عن طريقين ... أثناء ما انت تعبي (( يعنى وانت فاتح الغطاء حق التعبئه يدخل اغبار واتربه داخل الخزان )) ... والطريقه الثانيه في البانزين نفسه ... لانه البانزين ما يوصل لك صافي ونقي بنسبه 100% (( علشان جذي في بانزين عادي وبانزين خصوصي )) وانا انصح بالخصوصي .. وهذى كلها تؤثر على مجرى البانزين .. وتخلى عمر فلتر البانزين اقل ..
8- ( الدوسه , الفزة , القومه , الدعسه ) كل هذى المصطلحات معناتها السباق .. يعنى عند الاشاره تحصل شباب واقفين يم بعض واول ما تصير خضرا .. وتشوفهم اقلعوا مسرعين ... هالشي غلط .. لانك بجذي تؤدي إلا تأكل المكينه ... حتى لو كنت توك امبدل زيت .... لانه وانت واقف يكون البستن يتحرك شوي ويكون مقدار الزيت الى يدخل بهالتحرك مناسب له .... فا لما تجي وتضغط على دعسه البانزين بصوره مفاجئه ... فا اهنى البستن يتحرك خلنا نقول من 900 حركه إلى 1300 حركه بصورة مفاجئه .. وهل الشي يخلى الزيت ما يلحق يوصل للبستن بالوقت المناسب ويمكن يستغرق ثانيه على ما يوصل الزيت لمستواه المطلوب .. وعلى فكره هالثانيه مو هينه ... وثانيه على ثانيه على ثانيه صاروا دقايق . وجم دقيقه على دقيقه .. تسوي شغل .. وهالشي يؤدي إلا قصر عمر المحرك
9- الدفع الامامى والخلفى .... في شباب يقولون الامامى اقوى ... وشباب يقولون الخلفي اقوى ... وانا كنت من مناصرين الدفع الخلفي (( من حيث الفزة )) .. بس للأسف اكتشفت بانه الدفع الامامي اكثر كفأة ... يعنى التيما ويا فكتوريا ... الالتيما اهوا الفايز .... اما التيما ويا موستنغ LX بو دبه موديل 1993 لونه اسود 8 سلندر ماكينته 5,0 الأصليه , فا اسمحلى الاكس اهوا الفايز وبالراحه 😛 .. يعنى الامامي يستجيب لك بسرعه من حيث السرعه ..
والدفع الخلفي يعطي عزم اكثر من الامامي ... واكثر متانه على تحمل الوزن الزائد من الدفع الامامي .. وعليه استعراض مو طبيعي ^_^
10- سحب السايد .... وهذى شغله مهمه ... والى اقصده مو بالاستعراض بل لما توقف .... يعنى لما تحب توقف السياره وتطفيها ... مو على طول تحطه بP وتطفي .. No No جذي غلط .. لانه الطريقه الصحيحه هى .. اول ما توقف تماما تحطه على ال N (( مع ضغط دواسه البريك )) وتسحب السايد (( واهنى تهد دعسه البريك )) .. ومن ثمه تحطه P .. لانك بهالحركه تحمل وقفه السياره على السايد ... اما اذا كنت غشيم وحطيته على طول على الP وطفيت السيارة من غير ما تسحب سايد .. او حتى لو سحبت السايد (( لانه ماكو فرق )) ... فا انت اهنى تقط حمل السياره على القير .. وهذا الشي يضر بالقير نفسه ... اما اذا كنت تحب تسحب سايدا وانت تمشي .. فا انصيحتى حاول انك تقطه بN وانت تسحب ... اما اذا حسيتها صعبه ... فا حاول بأنك اثناء سحب السياد .. لا تضغط على دعسه البانزين ( تدعس بانزين + تسحب سايد بنفس الوقت = ودع على السياره ) >_> .. خوووش ... أما اذا كانت سيارتك كامرى ... فا عادي سوي هالشي .. لانى اكره هالسياره مواهاهاهاهاها ..
وأى استفسارات مقدور عليها انا حاضر ^^ .. وان شاء الله بحط موضوع عن اسباب ارتفاع درجه حراره السياره وهم تقريبا بحدود ال25 سبب .. كنت باحطهم اهنى بس قلت لا تنحاشون من الطفشه 😛
.. واذا الموضوع ضيق خلقكم .. قولو علشان اغير من لونه واعدله ..
ويا جماعه .. دعواتكم بأنى اخلص من سالفه الDs اللعين >_<"
.. See Ya
:
