حسين, بالنسبة لي ما أشوفهم سهلوه بقدر ما خلوه بالشكل الي كان من المفترض أن يظهر به في نسخة الN64!
الإضافات في الدنجن
مجرد ألوان تدلك على مكان تغيير مستوى المياه وصورة للمثلث الي يمثل شعار العائلة الملكية عشان تعزف زيلداز لولابي.. يعني أقدر أقول إن التيمبل في نسخة ال64 ما إعتمد على ذكاء في اللعب بقدر ما إحتاج حظ عشان تعرف كيف تغير مستوى المياه!
الحمدلله إني ما جربته بالنسخة القديمة لأني مدري وش كانوا يحسون فيه لما يحطون لغز بدون أي هينت عشان تفكر فيه :tongue:
مافيه زيلدا بكندا كلها ><
دوّرت ودوّرت وما لقيت .. مافيه الا اون لاين بزيادة 20 دولار . مب معقول ! ثاني لعبه بعد فاينل فانتسي اشوفها غير متواجدهـ بالسوق !
^
اطلع على الحدود الأمريكية واشترها, وإلا رح اطلبها اونلاين, فيه مواقع تقدمها بسعرها لأمريكا وكندا تقريبا
---
أنا واصل حالياً:
معبد الظلام, من جد اللي قالوا أن اللعبة صعوبتها غير موزونة على الإطلاق! الدارك تمبل مع الـ eye of the truth اتمشى وآخذ كل شي بسهولة ولا فيه اي شي صعب واجهني >,>"
إلا متى تخلص اللعبة XD ؟؟ افكر انهيها الليلة بس كل مااقول مابقى شي وتخلص, تطلع لي بلاوي P:
ما عندي فيزهـ امريكية =( .. و للاسف ان نينتندو هي اللي تبيعها بزيادة عشرين دولار في امازون الكندي .
على العموم مب مستعجل عليها , فيه العاب باخلصها قبل ما اتفرغ لها .
معبد الظلام, من جد اللي قالوا أن اللعبة صعوبتها غير موزونة على الإطلاق! الدارك تمبل مع الـ eye of the truth اتمشى وآخذ كل شي بسهولة ولا فيه اي شي صعب واجهني >,>"
إلا متى تخلص اللعبة XD ؟؟ افكر انهيها الليلة بس كل مااقول مابقى شي وتخلص, تطلع لي بلاوي P:
لووووول XD انا حليته بالصدفة! اصلا في الغرفة فيه زومبي وانا بالعادة افجرهم بـ قنابل ولا اقرب منهم لول. فـ هالمرة صدف اني كنت حاط الآي اوف تروث كالعادة في كل غرفة, ورميت عليه قنبلة واشوف حاجة تهدمت >.>" انا رحت اناظر والاقي مفتاح. ولما خلصت من المنطقة ورجعت, مريت جنب المكان ولا اشوف الصندوق؟! انا طلع فوق راسي استفهام, بعدين شغلت الآي تروث واشوف الصندوق مفتوح في الزاوية XD توني افهمها ههههه
اوكي اخيرا طلعت صعوبة معبد الظل! طلعت كلها في البوس حق الدنجن =_= والله حرق قلبي حرق! فعلا هو اصعب زعيم مرّ علي في اللعبة حتى الآن :"( بس أخيرا قضيت عليه بعدما استخدمت 3 علب فيريز -_-"
خلصت زيلدا 🙂 أول زيلدا لي, وبصراحة هاللعبة اوقعتني بـ حُب زيلدا. أبغى زيلدا زيادة T_T
بعد لعب ثلاث ايام متواصلة, واخيرا خلصتها XD وجاري تجريب الماستر كويست. قلت "تجريب" لأني خايف اتبهذل اكثر من البهذلة اللي مريت فيها. لكن حماس زيلدا عموما مازال قائم P:
صورة تحميسية من الكريدتس xD
يلا عاد حسين جاء دورك تلعب باتابون. تتذكر الوعد اللي بيننا؟؟ >.>" ياويلك تقول بعدين! 😡
Sora Diersly
على البركة إنهاء اللعبة.. بصراحة ما أنصحك تستعجل على الماستر كويست.. يعني روح إلعب لك لعبة ثانية ثم إرجع للماستر كويست بعدها عشان ما تحس إنك فقط تعيد نفس الشيء بصعوبة مختلفة :tongue:
لو تبي زيلدا ثانية أسلوبها مشابه لأوكارينا (ولو إنه فيها كم من حاجة مختلفة بالجيم بلاي) فخذ توايلايت برينسس وأضمن لك بتعجبك هي الثانية..
لوول غريب ، أنا أول ما دخلت المنطقة "انصدمت" من ستايل اللحن و ما تخيلت أشوف شي مثله باللعبة مطلقا ! و من يومها و انا دايما أسمعه XD رائع جدا جدا .
رحت لقبر الرجال الميت في القرية الي بالطريق للديث ماونتين؟
إذا لا, روح هناك وإسحب حجارة القبور فيه واحد من القبور لما تدخله بتلقى شبح يطلب منك تسابقه ولو فزت يعطيك أداة السلينقشوت.. بعدما تأخذها (سواء عندك الآن أو لا) روح للوست وودز الي أخذت منها نغمة ساريا وروح للمكان الي قابلتها فيه وانت صغير.. بتلقى درج مكسور وفوقه جذع شجرة.. صوب بالسلينقشوت على الجذع وبتتعلق فيه ويسحبك فوق الدرج المكسور وتدخل الفوريست تيمبل!
لحن الكريدت خورافي T_T انا اساسا احب هارولز فيلد فـ لما سمعت النسخة الأخيرة في الكريدتس جاني goosebumps علطول لول.
جيريدو ديزيرت ماعجبني, مدري حسيته لحن شاطح مرة في السلسلة, مقارنة بالألحان الثانية, مافيه شيء جاء مثله قبل كذا. فـ مدري ماتعودت عليه xD بس الحق ينقال: افضل ألحان سمعتها في اللعبة هي:
- هارولز فيلد.
- لحن معركة زعيم الشادو تمبل.
- الووتر تمبل
- لحن الفيري كوين لما تدخل عليها في حفرتها الصغيرة P: انا دائما اوقف هناك فترة واستمتع, بعدين اروح ارعب نفسي بضحكاتهاا P:
على فكرة, انا عندي مُشكلة في تخطي الأعداء في أول لفة بأول دنجن بالماستر كويست XD اومج صعبين بشكل!! خلاص راح اسحب على اللعبة :sarcastic: ماحبيت صعوبتها الخارقة, ماني قادر اتخيل نفسي اهزم الزُعماء في آخر الدنجنز لأن كأنهم يقولون لي "لحد يلمسك ابدا" لول.
تقييمي للعبة بالكامل كالتالي:
القصة:
9/10
رغم توقعاتي ان اللعبة راح تحمل قصة بسيطة بزيادة, تفاجأت بوجود تويستات وحبكة P: أعجبتني القصة كثير بالحركات اللي سوتها نينتيندو على القصة. اللي مااعجبني بالقصة هو أحداث كثيرة قدموها بالنهاية وهي احداث أساسية في القصة ومن الواجب تقديمها بدري شوي علشان الناس تفهم وش القصة, بدال مايخوضون معارك كثيرة ويدخلون ألف دنجن بدون سبب وجيه. أنا مااتكلم عن الواقعية من عدمها, انا اقصد مُجمل الأحداث حتى تسهل الـ flow في الأحداث وتخلي الصورة واضحة للاعب طول الوقت وهو يلعب. اسلوب الغموض اللي كشفوه في النهاية جيد مرة, ولكن لسى مايشفع أمور كثيرة كان المفروض تكون في القصة برضوا, مافيه معلومات كفاية عن غورون, زيلدا, لنك والباك جراوند حقهم بشكل عام.
الرسوم:
10/10
كما ينبغي رسوم لعبة, من جيلنا الحالي, أن تكون عليه. رائع رائع رائع :evil::
الجيم بلاي:
10/10
السبب اللي يخليني اعامل اللعبة كـ لعبة من جيلنا الحالي هو وجود افكار في اللعبة حتى ألعاب الجيل الحالي ماتقدر تجمع نصها. ألعاب كثييييرة انبنى نجاحها عن طريق استخدام افكار هذي اللعبة, وهذي تُحسب لأوكارينا. الألعاب الثانية تستخدم فكرة أو 2 من زيلدا ويبنون لعبة كاملة عليها. تخيل أن كل أفكار ألعاب البلاتفورم, آر بي جي, أكشن, تجسُس تنحط لك في لعبة وحدة؟! طبعا راح تكون زيلدا.
الأصوات:
9/10
طبعا اللعبة مافيها اصوات للشخصيات, لكن تسمع صوت لنك في الزمنين وتقارنهم مثلا. صوت لنك في الزمن القديم يجيب لي الجلطة, صراخه مُزعج بشكل بسبب الـpitch الحادة اللي في صوته, تخليني كل ماجربت اطيح/اسقط من اعلى مكان, انزل مستوى الصوت للحد الادنى -_- الفيري كوين هذي رُعب أكثر من كونها جذابة P: لكن اللعبة بشكل عام الأصوات فيها ممتازة.
الموسيقى:
10/10
ألحان خورافية وراكبة بشكل مُبدع على أجواء اللعبة والأتموسفير. لحن هارولز فيلد لوحده لما تطلع فسي الخريطة لأول مرة, يحسسك أنك على وشك بدء مغامرة جديدة فعلياً! أستمتعت بطابع كل لحن في كل زمان. ألحان معارك الزُعماء هذي حاجة ثانية *drool*
التقييم العام: 9.9/10
اللعبة هذي عطتني تجُربة خيالية مرة, لعبة حسستني بطعم الأوريجينالتي بعدما اعتقدت أني ماراح اعيش حاجة زي كذا من بعد صدور أجهزة الجيل الجديد. لكن فعلا نينتيندو سوتها, والريميك صراحة فكرة صائبة جدا. رسميا هم قدروا يجنّدوني رسميا كـ فان لـ زيلدا عبر هالريميك. أتمنى يسوو ريميكات زيادة. علما اني ماراح احمل محاكي والعب اي جزء لزيلدا قديم, لحد يقلق اهلي. لكن لو سوو اي ريميكات, راح العبها ان شاء الله. اللحين هدفي ألعب ويند ويكر, تولايت برينسس بحُكم أنهم رسوميا ممتازين 🙂
شُكرا حسين 11 وميوت سيتي (نواف) على اقناعكم لي على التجرُبة المجنونة هذي *قلب*
