السلام عليكم. مع هايب انتشارتد 2 قررت اني ارجع واكمل الجزء الأول. بما اني لعبته قبل فترة وترتكته بسبب الشوتنج الي ما كان عاجبني.
لما قبل كم يوم, أول شي سويته اني رجعت الصعوبة easy, ومشت معي اللعبة تمام
😀 . أوكي, الجزء الأول كان أفضل مما توقعته صراحة, الـpacing كان ممتع, والقصة والشخصيات تنحب بسهولة, وتقنيا اللعبة أفضل ما رأيت على البي اس 3 الى الآن. في حياتي ما عمري شفت تفصيل لبيئة لعبة مثل ما شفته في انتشارتد. الشوتنج أنا اصر انه ما تم تنفيذه بشكل ممتاز. أصلاً تقدر تعرف لما تلعب اللعبة ان الي مسويها ما عنده خبره كبيرة في ألعاب الشوترز. التصوير مضروب, الهيدشوت شبه مستحيل, الأسلحة مالها ثقل ولا احساس يميزها عن بعضها. وممكن أحد يشرح لي كيف دريك يصوب فوق, والكروس هير مصوب قدام والطلقات تروح قدام؟ :laugh::. أوه ومن مشاكل الشوتينج في اللعبة هو الأعداء الي تحتاج 20 طلقة عشان يموتون. أوكي أوكي, أنا عارف انها فيديو جيم, لكن ولو. عدد الضربات الي تحتاجه عشان تقتل واحد في لعبة انتشارتد أكثر بكثير من ألعاب الشوترز الأخرى, وهالشيء راح يضايق بقوة, خصوصاً لو انك تستخدم البيستل. باختصار, الشوتنج في اللعبة سيء وفي أحسن الأحوال متوسط وماهو مميز أبداً. وبلا شك أضعف نقاط اللعبة. في الناحية الأخرى عنصر القتال الثاني للعبة, والي هو الميلي كومبات, جيد ومُرضي جداً على عكس الشوتنج. الأنميشن حق الضربات والتنوع حقه مرة رهيب.
آخر جزء في تركيبة جيمبلاي انتشارتد هو البلاتفورمنج. أوكي هو ماهو سيء, ولكن ماهو ممتاز. باستثناء بعض المناطق الي ما تقتدر تعرف فيها وين المفروض تروحلها, ما اشوف مشاكل فيه. وعلى نهاية اللعبة يصير مُرضي أكثر. لكن قوة اللعبة الأساسية هو استكشاف البيئة والقصة و الشخصيات. كل هالعناصر مُتقنة بشكل خُراااافي لدرجة اني فعلاً اصدق اني قاعد ألعب بـ"فلم". الأحداث مثيرة للاهتمام وتخليك تبغى تعرف وش يصير بعدين, وهذا الشيء خلاني أغض النظر عن الجيم بلاي المُزعج طوال اللعبة.
في النهاية انتشارتد 1 لعبة جيدة وتجربة ممتازة. متأكد لو اني لاعبها على وقتها كان قدرتها أكثر من كذا, لكن في هذا الوقت والزمان, الجيم بلاي ما عمّر بالشكل المطلوب في رأيي.
+B
وش أبي من انتشارتد 2؟
- تحسين الشوتنج. بزيادة عدد الاسلحة وجعله دقيق أكثر ومُرضي أكثر.
- زيادة الحس السنمائي للعبة. صحيح الجزء الأول كان فيه هذا العنصر, لكن ما كان كافي, وأتمنى احساس "اني العب بفلم" يزيد هالمرة.
لو نوتي دوج عرفوا يضبطون هالشيّئين في هالجزء راح أكون مرة مبسوط
😀 . ناوي اشتريها والعبها هالويك إند باذن الله.
تسويق بايخ؟
:
