الموضوع الرسمي Uncharted 2: Among Thieves

[BioMario]

الحين رايح الكلية لول ..
جربت البداية فقط .. هممم الحقيقة أفضل بداية لأي لعبة شفتها في حياتي .. تخليك تندمج مع الحدث شيء جبار
اول ما أرجع البيت إن شاء الله بمسكها لييييين الفجر ..

 

[Yaz3D]

وصلتني رسالة من النسر جدة. مكتوب إن اللعبة وصلت عنده

 

[The Doctor]

بكم؟

و ماذا عن الشرقية؟؟!!

تعديل:

حلووو يعني اللعبة بتوصل العلقم هالاسبوع :laugh:: قبل محلاتنا الكبيرة :w00t:

متى قال بتوصل؟

 

[Emirates]

مشكورين شباب على الموضوع الرسمي

.. اول لعبة بلاي ستيشن 3 العبها واحس اني بختمها اكثر من مره وعلى كل الصعوبات

ابداع ما بعده ابداع

انا ما جربت المولتي بلير الديموو .. لكن باين عليه فوق التصور

جاري الاستمتاع باروع لعبه على البلاي ستيشن 3 الى الان

 

[Krat0s]

^
كم ساعة؟

 

[Unknown]

اللعبه وصلت الرياض .. عند محل مو مشهور دقيت على انه قريب لبيتنا
اللعبه عنده وسعره 240 ريال .. بروح له واحاول اكاسره اكثر 🙂

 

[TH3 PHENOMENA]

اللعبه وصلت الرياض .. عند محل مو مشهور دقيت على انه قريب لبيتنا
اللعبه عنده وسعره 240 ريال .. بروح له واحاول اكاسره اكثر 🙂

وشو المحل ؟
والنسر جابها على فكره

 

[xxamerxx]

اللعبة وصلت للرياض
بيت الكمبيوتر بـ269 ريال فرع عليا
النسر بـ 250 ريال فرع عبدالرحمن الغافقي مخرج 11

 

[TH3 PHENOMENA]

اخيراً :crying:

 

[The Doctor]

شريتها!!

ما عندي كاميرا حالياً، بعدين اصورها
شكراً لحسين كريتوس و محل العلقم الرهيب (بعد ما كان ميه لفترة :laugh:: )

 

[Unknown]

وشو المحل ؟
والنسر جابها على فكره

المحل بالريان على احمد بن حنبل
اخوي شرها من عنده بـ 230 "بدون مكاسر"

 

[BOJIH]

شريتها!!

ما عندي كاميرا حالياً، بعدين اصورها
شكراً لحسين كريتوس و محل العلقم الرهيب (بعد ما كان ميه لفترة :laugh:: )

لوول نفس الشيء هنا :evil::

 

[Grand]

شريتها اليوم من game center الي عند الباب الرئيسي بـ21kd 😵

 

["a7mad"]

التقييمات

 

[HAL-9000]

اليوم أخذت اللعبة ولعبت أول شابترين. إلى الآن أكثر شيء عجبني هو التركيز على سينمائية اللعبة وفي نفس الوقت ما أهملوا الجيم بلاي. كنت أتمنى MGS4 يكون فيها هذا التوازن بين العروض والجيم بلاي.

 

[MAX9009]

وصلت للشابتر الثالث ساعه ونص من اللعب المتواصل ولازم امسك نفسي ما ابي اخلصها :inlove: ..

محتوى مخفي

واااااو !!! على الشابتر الاول والتجسس يا الهي سحرني لول :inlove:

بالنسبه للرتب حقت البيتا فا كل واحد بيرجع من الرتبه الاولى .. اشوفها احسن رجعوها من جديد :happy:

 

[Ace]

شباب لازم الواحد يخلص الجزء الاول علشان يلعب الثاني ؟ لاني انا شاري الثاني وعندي الاول بس تعلق واجد ما ادري من ايش!

 

[HAL-9000]

^
مو لازم تلعب الأول. لإن قصة الثاني مو مكملة تماما للجزء الأول. لكن لازم ترجع وتلعب الأول لإنه لعبة ماتتفوت
وأعتقد اللعبة عندك تعلق عشان الابديت اللي نزل الشهر الماضي. وسمعت إن فيه ابديت مو اجباري نزل قريب تقدر تحمله عشان تنهي مشاكل اللعبة.

 

[MAX9009]

شباب لازم الواحد يخلص الجزء الاول علشان يلعب الثاني ؟

لازم ترجع وتلعب الأول لإنه لعبة ماتتفوت+ من جد من جد ما يتفوت واذا قدرت تخلصه قبل تبدا بالثاني يكون احسن

.............

 

[bnbn]

اللعبه وصلت الكويت

الامزيكيه 22 دينار و الاوربيه 20 و على حسب كلام صاحب المحل ان الامريكيه اغلى لان الاون لاين فيها احسن---> طبعا كلام فاضي

...

 

[Aoks]

الي اعرفه ان قصة الأول مالها علاقه بالثاني ​

 

[Unknown]

انا اقول لازم يكمل الجزء الاول لأن فيه شخصيات كانت موجوده بالاول
ولازم اي واحد يلعب الثاني المفروض يعرف تاريخ هالشخصيات
عشان يكون داخل جو اللعبه 100%

 

[Snake-87]

الامزيكيه 22 دينار و الاوربيه 20 و على حسب كلام صاحب المحل ان الامريكيه اغلى لان الاون لاين فيها احسن---> طبعا كلام فاضي

جيم سنتر الوحيد امريكية خذيتها منه بـ20 .. على فكرة اثنينهم 720P .
الاوروبية 19 .

 

[ASWD]

اخيرا حصلت على نسختي..بس انا نعساااان الحين باجر اول ما اصحى بقزرها لعب لين ما اقول بس:lebb:

 

[q8 spy]

وصلت جابتر 12


يا جماعة اللعبة خرافية والله

كأني قاعد أشووف فلم والله مو لعبه

 

[m7tram]

من الساعه 10 ونص وانا العب لي الحين ووقف اللعبه علشان اريح 10 دقايق وارد اكمل .

كنت متأكد ان مستوى اللعبه راح يرضيني وماكنت اشوف تريلرات ولا فيديوات لاني ادري انها راح تعجبني بس مو لي درجه اني اكون متحمس اتابع كل شي لها , والحين وانا العبها وتقريبا مو شايف الا اشياء قليله من اللعبه فأنا في قمه المتعه .. والكاميره حدها روعه واخراج اللعبه معطيها طابع حماسي .

أكثر شي مخليني حاب اللعبه أنهم قدرو يوازنون بين الأكتشافات والتسلق ولها وقتها الخاص , والأكشن .. أكثر شي كنت كاره بالأول ان اللعبه تقريبا 90% أكشن 10% اكتشافات , بس اهني اختلف الوضع ومن تمسك اليده في بدايه اللعبه ماتقدر توقف من كثر الروعه .

نوتي دوج صنعتي جوتي هالسنه ولازم تستحقينها .

 

[Magnificent]

شريتها اليوم و قبل شوي شغلتها بنية اني اجربها عالسريع

لكن شغلة "عالسريع" هذي كانت تجربة استثنائية ، ما اتذكر اني انفعلت مع لعبة زي كذا من سنين ... يمكن من ايام دووم ٣

انتشارتد ٢ هي لعبتي للشهور القادمة

 

[Mesharey]

يعطيك العافية اسود .. تسلم ..

متحمس للعبة جدا .. اهم لعبة بالنسبة لي بالسنة ..

 

[Magnificent]

الي اعرفه ان قصة الأول مالها علاقه بالثاني ​

في شخصيات تتكرر هنا ، ما يصلح اوضح اكثر لكن باكتفي للاشارة الى ان الحس الكوميدي في اللعبة يعتمد على كونك محيط بقصة الجزء السابق

 

[MAX9009]

ماشاء الله الشباب داعسين فيها من اول يوم ... بالنسبه للي يتكلموا عن الجزء الاول صراحه الاول ما يتفوفت ابدا ابدا .. اذا مالعبت الاول ما راح تحس بالشعور الي فعلا راح تحسه لمن تلعب 2 وتعرف كيف كمية الابجريد الي صارت . و زي ما قالو الشباب في كم شخصيه راح تتعرف عليهم من الجزء الاول موجودين بالثاني .. انشارتد 1 جلست العبها شهور لغاية قبل يومين كانت اخر مره العبها :inlove: وان شاء الله 2 تستمر معايه لاشهر قدااام :inlove::inlove: