hits counter

Trauma Center: Under the Knife Official thread

Khalid-S

Khalid-S

Executive Member
السلام عليكم

B0009K7ESC.01._SCLZZZZZZZ_.jpg

Trauma Center: Under the Knife

اليوم حصلت على اللعبة ( مع كاسلفينيا )
بحسب ما قرأت في بعض الردود في منتديات امريكية ان اللعبة فيها صعوبة ,, افضل شي نسويه هو فتح موضوع رسمي للعبة لمساعدة بعض .

العبة من تطوير اطلس صدرت من فترة طويلة في اليابان والآن صدرت في امريكا .

اللعبة وصل تقيماتها في جيم رانكنقز 83%
وهذي تقيمات اللعبة

Gamespy 4.5 out of 5
GameSpot 7.8 out of 10
IGN 8 out of 10
Electronic Gaming Monthly 7.17 out of 10 71.7%
GamePro 4.5 out of 5
Game Informer 8.25 out of 10
InsidePulse 8 out of 10
G4 4 out of 5
BonusStage 9.1 out of 10
Planet Gamecube 8 out of 10

صور من اللعبة

scene-01_02.gif
system-02_06.gif

chara-02_01a.gif
chara-03_03.gif



موقع اللعبة الرسمي : http://www.atlus.com/trauma_center

باذن الله الانطباعات قريباَ 🙂
 
السلام عليكم....

اللعبة هاذي يا شباب شي مو طبيعي...يعني تقدر تقول شي مو من المعقول حدوثة على الـ DS لكن حدث ^^ <<< ظريف حظرتة -____-''....

ومشكور أخوي خالد على الصور والتقييمات وما قصّرت ^^ وأنا أعتقد إن هاذي اللعبة من أوّل الألعاب إلي راح آخذها بعد لعبة سونيك ^_-.....


سلام...............................🙂
 
OHhhhhhhhhhhhh Taruma نزلت؟؟؟ متى؟

اليووووم انشاء الله راح اشتريها ^^

ولي رجعه بعد مااللعبها ^_^
 
متحمس للعبة وايد .. ان شاء الله اخذها بعد ما اخلص امتحاناتي الحالية 🙁

و اكيد بيساعدوننا دكاترة الموقع (المجهر و سكوال ليونهارت (في كلية الطب صح؟) ) ^^

في انتظار انطباعاتك خالد ..
 
لا تنسى دبل تي 😛 ... ، اما سكوال يقدر يساعدك اذا جتك حالة ولادة او ما شابه في اللعبة بس 😛
 
راح أخذ اللعبة اليوم ان شاء الله من بيت الكمبيوتر (فرع مركز حراء الدولي) بعد صلاة التراويح وراح أساعدكم في اللعبة إذا أمكن.
 
في اعتقادي اللعبة راح تكون مملة +_+
 
خخخخخخخخ سبحان الله دخلت الموضوع بالصدفه و لقيت اسمي فيه و كالعاده احمد يحش فيا...😎

عقبال ما تتزوج ياحمد و يطلع ولدك على يديني لووووووووول 🙄

اي مساعده في اي شي من اقسام الطب انا جاهز:bigSmile:
 
شباب اللعبة ممتعه لدرجه غير طبيعية ,, ما توقعتها بهذي المتعه ......... وهذي الصعوبه !!
لحد يتوقعها لعبة ممله ويحسبها بس تجربه لشاشة اللمس مثل بعض الالعاب الي نزلت ..

اللعبة فيها طورين بس ( 2 Modes ) الاول الي حلو ستوري مود والثاني تشالينج مود

الستوري مود في البداية انت طبيب توك متخرج وتشتغل في مستشفى اسمها Hope ( الامل ) مع مساعدة تعلمك البدايات في العمليات الجراحية ,, معناها في البداية كل شي بيكون سهل مثلاَ تسوي عملية لشخص سوا حادث ويده فيها جروح وشق ,, لازم اول شي تشيل الوسخ او الزجاج الي عليه بالملقط بعدين تطهر الجرح وتخيطه ... لكن مع احداث القصه .. مساعدة العمليات بتترك المستشفى وبيجيبون وحده جديده ( عمرها صغير ) ومعلوماتها قليله جداَ ,, معناها ان اللعبة بدأت تصعب اكثر ,, اول عملية صعبة هي عملية شخص اسمه ( عمر ) سوا حادث شاحنه ,, ودقات قلبه ضعيفه جدا جداَ ,, لازم تطهر الجرح وتشيل الزجاج الي بصدره بحذر عشان نبضات القلب تزيد ,, لكن المفاجأه انها تنقص وانت خبرتك ضعيفه جداَ !! ,, لوووول الحل انك تدلك صدره عشان تزيد نبضات القلب وفعلاَ بتزيد ,, بعد ما تشق صدره تحصل بلاوي في الداخل ودخل قطع زجاج فيها ونبضات قلبه قاعده تنقص بسرعه !! لوول لمن شلت الزجاج مات .. وطبعا انطردت من المستشفى وسويت Retry للعملية . ( هذي آخر عملية وصلتها وصعبه ما عرفت لها )

في العملية بيكون عندك في الشاشة الي فوق عداد الوقت ( وقت العملية ) بيكون 5 دقائق لبعض العمليات ( على حسب العملية طبعا ) لكنها مو مهمه مره ,, المهم هو عداد نبضات قلبه وهي الي بتتعبك كثير .. وفي Miss Limit بصراحه ما دققت فيه كثير لاني مركز في العملية , لكن واضح معناه هو عدد الاخطاء الي ترتكبها في العملية ( مثلاَ المريض لازم تستخدم له ليزر في بعض الحبوب الي بحلقه تروح تجيب مشرط وتألمه ! )
Operation Score وهذا الي يحدد لك كيف مستواك بعد نجاح العملية ( C - B - A .. etc ) وتزيده بحسب تعاملك مع العملية ( مثلاَ تبي تفتح الصدر بالمشرط ,, تقدر تفتحه على طول او تستخدم مطهر قبل وبعدين تشرط ,, وهذا الشي يبين لك لمن تسوي يطلع لك في شاشة اللمس Cool بمعنى افضل شي Good بمعنى متوسط و Bad بمعنى سئ ,, لكن تقدر تكمل العملية بس اذا تهتم بالمستوى الي تقدمه )

شاشة اللمس طبعا تستخدمها في استخدام ادوات العملية ( مثل المشرط او الليزر او الاصق او الابر ووالخ )
ويبين لك عداد قلب المريض

اما الطور الثاني الي هو Challenge Mode يبين العمليات الي سويتها ومستواك فيها ,, تقدر تعيد العملية عشان تقدم مستوى افضل .

الى الآن انا في اول تشابتر وباقي لي كثير اكتشفه باللعبة , واضح ان القصه بتلعب بدور في اللعبة .. اللعبة ممتعه لاقصى درجه .. انصح كل ملاك الدي اس يشترونها اليوم قبل بكره 😉
 
الشهر هذا بفلس >_<
غدا بتنزل Phoenix Wrigth: Ace Attorney هذه بأخذها
 
التعديل الأخير:
لول هذي لعبة الدكتور !! والله شكلها جيدة 🙂
 
والله من كلامك خلود شكلها حلوه..

اوكي هي وادفانس ورز وكاسلفينيا ان شاء الله بعد كم يوم..
 
شكرا خالد على النطباعات الحلوة

أنت كم عملية أنهيت للآن؟وهل جميعها تتركز في المنطقة الوسطى من الجسم (الصدر-البطن- الذراعين)؟
 
عفوا شباب ,,
باسم ,, للحين سويت 5-6 عمليات ( كاسلفينيا ماخذه وقتي )
سويت عمليتين لشخص سوا حادث ,, واحد طاح من سيكل ( بايسكل - دراجه هوائيه .. اختار الي تبي ) وانجرح , والثاني من شاحنه .. وعمليه لمغني ( في الحبال الصوتيه اعتقد او شي زي كذا ) وعملية في الصدر وعملية عند الكبد وفي الذراع .. ( ما اتذكر الباقي -.-)
 
شباب..أنتوا ما رأيكم في اللعبة؟ لأني خايف اجيبها....أنا أشتريت Trace Memory و ندمان عليها جداً...و شفت عروض هذه اللعبة...بس حسيت...بأنه....بعد فترة من اللعب..بتكون تكرار..لأن الفكرة واحدة عملية بعد عملية بعد عملية....افيدونا بأراءكم..و شكراً
 
calgary_dude قال:
شباب..أنتوا ما رأيكم في اللعبة؟ لأني خايف اجيبها....أنا أشتريت Trace Memory و ندمان عليها جداً...و شفت عروض هذه اللعبة...بس حسيت...بأنه....بعد فترة من اللعب..بتكون تكرار..لأن الفكرة واحدة عملية بعد عملية بعد عملية....افيدونا بأراءكم..و شكراً
أنقر للتوسيع...

همم , الى الآن ما اعرف اجاوبك على السؤال وبصراحه ما قرأت مراجعات اللعبة في المواقع , لكن واضح ان اللعبة فيها قصه مع الاحداث ..

لكنها صعبه على فكره , يعني ما تخلصها بسهوله مثل تريس ميموري .
 
مع أني مدرس لغة إنجليزية, بس ابدا ما توقعت إني راح أرجع للقاموس. من جد في مصطلحات طبية ما تحصلها في أي قاموس.
 
Mukuro قال:
مع أني مدرس لغة إنجليزية, بس ابدا ما توقعت إني راح أرجع للقاموس. من جد في مصطلحات طبية ما تحصلها في أي قاموس.
أنقر للتوسيع...

لوووول شادي.... اصلا حتى ال ENGLISH NATIVE SPEAKER يحتاجون لكورسات مكثفه بالمصطلحات الطبيه قبل ما يبدوا دراسة الطب لان لغة الطب مزيج بين الاتينيه و اليونانيه😕


شفتوا كيف المعناه الي عندنا:wink:
 
يمكن اشتري اللعبه بعد كم يوم هي و كاسلفينيا 🙂
 
شريت الجهاز امس ومعه اللعبه وكاسلفينيا وادفانس ورز..

لسه ما جربتها طايح في ادفانس ورز اول ما اجربها بجيكم هنا..
 
يجب تسجيل الدخول أو التسجيل كي تتمكن من الرد هنا.
عودة
أعلى