أنت مختفي طول هالوقت وما طلعك إلا موضوع بوكيمون وهذا الموضوع؟
:
بالنسبة لDodge، الشركة طلعت الDart وهذا شيء ممتاز من عدة نواحي، السيارة سيارة من الجيل الجديد وتحس كل شيء فيها حديث وبذلك تقدر تاكل شوية جو لو طلعت ممتازة وتنافس الموجودين، سعرها يبدأ بحدود 15 ألف دولار.
زي ما قلت سابقا، الشركة حرفيا ما عندها شيء، يعني لو ناخذ طلة على أهم سياراتها:
Avenger السيارة متوسطة الحجم، بدون محرك بخيار أقوى، تنافس الbase model من السيارات اللي زي الفيوجن والكامري والأكورد والألتيما وإلخ، بس المشكلة السيارة تبين آوتديتد وتحس فيها شيء غلط! تحسها شيء مميز بزيادة ومو كل الناس تقبل تاخذه.
Charger السيارة اللي رجعت الشركة للحياة وأعادت لها هيبتها، لولا التشارجر لكان الله أعلم بحال Dodge هالوقت، السيارة الوحيدة من الشركة اللي قاعدة تبيع زي الكيك وتشوفها بكل مكان، خيار إرجاع السيارة وتصميمها بتصميم "وحش" خلاها icon ورجع شعبيتها بين الناس.
Challenger السيارة ما طلعت إلا ب2009، وهي سيارة رياضية فمبيعاتها أقل، هذا غير أن مبيعاتها أقل حتى من منافسيها Mustang وCamaro، وغير هذا أضعف بسبب وزنها الثقيل وبذلك صارت الخيار الأقل تفضيلا.
Durango سيارة ممتازة من Dodge ومحركها قوي وسعرها بلاش، لكن مع أن الExplorer أضعف إلا أن شعبيتها أكبر بكثير وماكلة على الDurango الجو، وفي سيارات أخرى من هالفئة أكثر شعبية منها، هذا غير أن الناس ما تستحبذ تصميمها.
Ram ببساطة سيارة ممتازة لكنها أقل شعبية من F-Series بفرق كبير وحتى من سيارات شفروليه.
في سيارات عبارة عن "مسخ" أستحي من ذكرها حتى، سيارات أصغر من الDurango تحاول تصير Cross-over بينما هي قبيحة وفاشلة بكل شيء :laugh::
هذه أهم سيارات الشركة، الحل اللي تسويه الشركة أنها تلحق الركب، لو تجيب سيارة تقدر تنافس Sonata وFusion... إلخ وتكون عصرية وبداخلية جيدة ومريحة ومميزات واجد بيكون شيء جميل. الDart سيارة في الاتجاه الصحيح، سيارة عصرية وتقدم الموجود بالسوق وأتمنى تنجح.
أما Toyota أن سئمت من هاشركة، خلاص ضقت ذرعا بها.
FT86 من البداية عارفين أنها سيارة RWD بقوة متواضعة ولما تنزل بينترس السوق بقطع التعديل لها، لكن السيارة ما هي ذاك الشيء الخارق + السيارة الجذابة الوحيدة للشركة منذ فترة طويلة + طال انتظارها لحد ما الناس ملت أصلا! = يمكن لما تنزل ما تحصل النجاح المطلوب، يعني حتى لو باعت بشكل جيد أو مقبول ما أتوقع تعديلها بينشهر بالشكل اللي تصورته.
عاد الناس أشاعوا أنها ناوية ترجع الSupra، يشاع أنها بتكون هايبرد 400 حصان، المشكلة لو بينزلوا سيارة زي هذه ما يقعوا في خطأ نيسان ويعملوا سيارة قوية لكنها غالية جدا، أفضل تكون بأكثر من 400 حصان ولكن بمحرك وقود NA بدون فلسفة وتقنيات إلكترونية زايدة ترفع سعر السيارة على أي شيء آخر، كلنا عارفين لو تويوتا يشتغلوا صح بيصنعوا سيارة رياضية قابلة للتعديل بشكل لا نهائي ومستعدة تعيش للأبد... لكن مع توجه السوق هالأيام هل يقدروا يصنعوا شيء رخيص؟ لو ودهم ينافسوا الموجود في أمريكا المفروض نعم، ويش يحدني أني أروح أرمي 45 ألف دولار مثلا في سيارة بالمواصفات اللي ذكرتها وأنا أقدر أجيب موستنج ب30 ألف دولار؟
عن نفسي فاقد الأمل في تويوتا كليا، أبغى أتفائل لكن ما أقدر.
