TG CARS _|||_ الموضوع الرسمي للســيارات

[Assassin'o]

طيب والي سيارته ددسن موديل جديد يصلح يسدح صورتها :

 

[Zero]

ويش المانع؟ الموضوع موضوع للسيارات بجميع أنواعها.

 

[Assassin'o]

ههههههه ترا كنت أمزح بس :tongue:

المهم كان عندي كامري أبيض موديل 2000 مدري 99 كذا وكان عندي لمدة أربع سنين ( تعلمت عليه السواقة :inlove: )

اماا الحين عندي كوريلا موديل 2010 وان شاء الله أصورها لكم قريب + أصور لكم سيارة أبوي اذا تبون بعد :laugh::

 

[Zero]

أدري أنك تمزح، القصد أنه ما في مانع وأي شيء مرحب فيه، ترى المجال مفتوح وما حد ماسك أحد P:

 

[Assassin'o]

طيب كل منك خربت علي , كنت أبي اشوف ردات فعل بعض الناس لما يسمعون ان عندي ددسن :laugh::

 

[The Doctor]

تباً للبلدية لابو ابوها... حفرة في نص الشارع العام (الكلاب، ال%$^%@#) عوجت لي الجنط

الحمد لله المخرطة بتقدر تصلحه

 

[عاشق 360]

وصلت واخيرا ,


صور : حبيت اتفنن بالتصوير شوي 😎:

الرنقات انا مغيرها عن الرنقات الاصليه وياليت ماغيرتها , رفعت من سعر السياره .

من الداخل واسف على جودة الصوره الرديئه لانها بالليل , كراسي جلد مارونيه , تخشيب اخضر غااامج مايل للأسود " نسخة الافنقارد " , اضواء برتغاليه فخمه تضفي جو كلاسيكي على السياره .

العدادات , اليسار ثاني واحد ساعه لول .





صور للفيجرز وواو على واقعيته بادق التفاصيل " حتى الصندوق والارضيات الي تحت الكراسي البلاستيكيه من المخمل !!!

الايجابيات :
- شكل فخم وملفت " كلاسيكي " , مواد صناعيه ممتاز بعيده كل البعد عن الرخص " لكسزس :laugh:: " .
- مشية السياره ورساوتها وثقلها وخفة السكان , تحس انك فعلا تمشي سياره فخمه .
- الكراسي مريحه جدا ومساحة الكراسي الخلفيه كبييره .


السلبيات :
- اداء السياره متواضع بحكم انها 4 سلندر تيربو .
- المرايا الجانبيه صغيره .
- السياره متواضعه تقنيا بالنسبه لسعرها لاكن يوجد فيها تقنيات خاصه بالمارسيدس ماراح تلاقيها باي سياره ثانيه , عموما من هالناحيه انا اشوف السياره تكفي وتوفي " شاشة ملونه , زينون صباحي , 6 مبدل سيديهات , مدخل ايبود , مدخل فلاش , مدخل كيب صوت , كراسي كهربائيه ,تبريد منفصل . وفيه امكانيه لوضع دي في دي وغيره افكر فيهم بالمستقبل لو احتجتهم بركبهم .

بالاخير السياره بفئتها " 200 " تعطيك شكل وفخامه وراحة بالسواقه ماراح تحصلها بمنافساتها والسياره جدا ملفته للنظر , لاكن لو كنت مهتم بالاداء والتقنيات فيه الفئات الاعلى " 300 - 350 - 500 " و راح تكلفك كثير على غير سنع " برايي " , او الخيار الاقرب هو السيارات اليابانيه - الامريكيه , ولو انها ما اعتقد تعطيك فخامة الالماني ابدا ابدا .


ملاحظه : شباب ياليت كل واحد يحط صور سيارته ومعاها مراجعه ولو بسيطه " علشان الكل يستفيد .

 

[The Doctor]

مبرووك و تتهنى فيها


بس شيل رقم اللوحة احتياط :laugh::

 

[عاشق 360]

الله يبارك فيك .

هههه مو مشكله اللوحه اصلا مو عاجبني رقمها , الاسبوع القادم ببدلها برقم احلى لان بتنزل سلسلة ارقام متناسقه .

 

[Zero]

مبروك السيارة والله يعطيك خيرها ويكفيك شرها، داخلية الE-class (هذا الجيل) جميلة بجميع موديلاتها شكلا بغض النظر عن كثرة المواصفات الداخلية.

 

[Assassin'o]

سيارتي اللطيفة :inlove:

داري ان الكراج شبه عدمان فمعليش على الصورة الرديئة :annoyed:

بس ترا الصورة قبل كم أسبوع كذا والحين أتسخت من شوارعنا الي كلها غبر ورمال متطايرة + أمطار الي تنزل في اوقات غلط :confident:

وان شاء الله بعد ما أوديها المغسلة وتصير قميلة بصورها في مكان حلو ومن عدة أتجاهات ومن الداخل والخارج :smug: << ايه السنة الجاية :razz::

 

[FARES_]

بس شيل رقم اللوحة احتياط :laugh::

الا صحيح سؤال محيرني .. ليش كثير من الأحيان الناس دايما تخبئ رقم اللوحه لما تصور سياييرها ؟؟؟؟
يعني انت بالشارع - _- الناس تشوف الرقم او حتى وانت سافط بمكان عام... شمعنه وقفت على الصوره !

 

[Sea.roOock]

Assassin'o / نايس والله اذكر محمديشن يقول ان عندك كامري ؟ عموما الله يعطيك خيرها ويكفيك شرها

 

[Assassin'o]

Assassin'o / نايس والله اذكر محمديشن يقول ان عندك كامري ؟ عموما الله يعطيك خيرها ويكفيك شرها

يب يب بس مثل ماقلت

ههههههه ترا كنت أمزح بس :tongue:

المهم كان عندي كامري أبيض موديل 2000 مدري 99 كذا وكان عندي لمدة أربع سنين ( تعلمت عليه السواقة :inlove: )

اماا الحين عندي كوريلا موديل 2010 وان شاء الله أصورها لكم قريب + أصور لكم سيارة أبوي اذا تبون بعد :laugh::

:laugh::

تسلم أسامة :inlove:

 

[عاشق 360]

مبروك السيارة والله يعطيك خيرها ويكفيك شرها، داخلية الE-class (هذا الجيل) جميلة بجميع موديلاتها شكلا بغض النظر عن كثرة المواصفات الداخلية.

الله يبارك فيك حسن ، فعلا الداخليه للسياره ممتازه .

 

[Spartan-A34]

My baby :inlove:

 

[JIN KAZAMA]

عاشق360
مبروك على السياره , وربنا يديلك خيرها ويبعدك عن شرها ان شاء الله
عرفت تختار 🙂

 

[Sea.roOock]

توكيلات الجزيرة فورد مسوين عرض , بدون دفعة أولى ولا رسوم اداريه يشمل كل البنوك " للافاده "

 

[Tanton]

واو

 

[Sea.roOock]

فورد تستعيد عرش العلامة الأكثر إقبالاً

عادت فورد لتتربع على عرش الصدارة باعتبارها العلامة التجارية الأكثر إقبالاً بين الراغبين بشراء سيارة جديدة، مقارنة مع “تويوتا” و”شيفروليه” التي حلت في المركز الثاني، و”هوندا” في المركز الثالث. وفقاً لأحدث نسخة من دراسة “براند ووتش” (Brand Watch) التي يجريها موقع “كيلي بلو بوك” (kbb.com)

وبالإضافة إلى كونها علامة السيارات الأكثر شعبية، بغض النظر عن الطراز، خلال الربع الأخير من عام 2010،
سجلت شاحنات “فورد” أعلى معدل من حيث الإقبال على مدار تسعة أرباع سنوية على التوالي.

وحالياً، تعتبر فورد الماركة الأكثر رواجاً وإقبالاً في فئة السيارات المتعددة الاستخدامات من الفئة العادية، وتواصل فورد بروزها ربعاً وراء ربع سنوياً على صعيد سيارات سيدان وكوبيه وهاتش باك

وقال جاك نيراد، مدير التحرير والمحلل التنفيذي للأسواق في موقع “كيلي بلو بوك”: “من خلال طرح منتجات جذابة تشمل غالبية الفئات، والتركيز على التقنيات الذكية مثل “سينك” SYNC و”ماي فورد تاتش” MyFord Touch، تتصدر “فورد” قائمة السيارات التي يرغب الناس باقتنائها”.
وتعتبر آراء المتسوقين عبر موقع “كيلي بلو بوك” مؤشراً يدلّ على الاتجاهات الجديدة في مبيعات السيارات الجديدة.

نايس 😎:

 

[s3rorh]

[video=youtube;Ya-h25q_rPw]http://www.youtube.com/watch?v=Ya-h25q_rPw[/video]

وات ذا !!! :w00t:

يفصلون لك سياره بالكامل !!! ... طيب أوراق وإسم السياره بالبلد .. شنو راح يكون !!! :surprised:

 

[Capitano-18]

ايش الفرق بين AWD و RWD, وايش معنى الاختصارات هذي؟ (ما افهم كثير بالسيارات). حالياً جالس ابحث عن سيارة لأني خلال 3 شهور بالكثير راح اشتريها ان شاء الله.
حبيت اخذ رايكم بال 2011 Dodge Charger R/T Road &Track RWD هالسيارة هي الاولى في قائمة البحث. رأيكم؟

هذه مواصفات المودل الي ابيه

20X8.0 ALUMINUM CHROME CLAD WHEELS (WPG)
245/45R20 BSW AS PERFORMANCE TIRES (TVJ)
FIRESTONE BRAND TIRES (TZF)
3.06 REAR AXLE RATIO (DMP)
BLACK GRILLE W/BLACK HONEYCOMB (MFU)
HIGH PERFORMANCE EXHAUST (NEF)
HIGH SPEED ENGINE CONTROLLER (NZ5)
R/T BADGE (MV4)

 

[Leon]

^
AWD = دفع على جميع العجلات "دفع رباعي" ، إختصاراً لكلمة All Wheel Drive .
RWD = دفع خلفي ، Rear Wheel Drive .
طبعاً الدفع الرباعي يتفوق على الدفع الخلفي من ناحية ثبات السيارة عند المنعطفات وزيادة تماسكها، بينما الدفع الخلفي "أحياناً" يكون أفضل من ناحية الإنطلاقة من الصفر بسرعة عالية.

التشارجر سيارة حلوة و خاصة الRT ، لكن إذا ما عندك خبر ترى السيارة تغير شكلها في 2012 ، عشان كدة الوكالة مسوية عروض مغرية للسيارة الحالية .

ما فكرت في السوبارو ليجاسي الجديدة ؟ و خاصة موديل الGT منها ، أعمل بحث عنها واقرأ عن مواصفاتها .. إذا كنت تهتم بالأداء .

 

[Capitano-18]

^
AWD = دفع على جميع العجلات "دفع رباعي" ، إختصاراً لكلمة All Wheel Drive .
RWD = دفع خلفي ، Rear Wheel Drive .
طبعاً الدفع الرباعي يتفوق على الدفع الخلفي من ناحية ثبات السيارة عند المنعطفات وزيادة تماسكها، بينما الدفع الخلفي "أحياناً" يكون أفضل من ناحية الإنطلاقة من الصفر بسرعة عالية.

التشارجر سيارة حلوة و خاصة الRT ، لكن إذا ما عندك خبر ترى السيارة تغير شكلها في 2012 ، عشان كدة الوكالة مسوية عروض مغرية للسيارة الحالية .

ما فكرت في السوبارو ليجاسي الجديدة ؟ و خاصة موديل الGT منها ، أعمل بحث عنها واقرأ عن مواصفاتها .. إذا كنت تهتم بالأداء .

مشكور اخوي، المشكلة انا ابي شكل الوجهية تجي باللون الاسود كاملة وهالنوع مايجي الا بباكج معين وهالباكج مافي منه الا RWD, هل الدفع الخلفي يسبب لاسمح الله انزلاق للسيارة مثلا عند المنعطفات؟ (اذا كنت مسرع شوي).
بالنسبة للشكل فأعتقد الجيل الجديد للسيارة بدأ من 2011 غيروا الخلفية كاملة والوجهية شوي. فأشوف ماتسوى انتظر موديل 2012 عشان تغييرات بسيطة من ناحية الشكل وخصوصا الاسعار اكيد راح تكون مرتفعة. راح ابحث على السوبارو بكرة. شكرا مرة ثانية

 

[Leon]

أوه لحظة ! موديل 2011 هي اللي تغير شكلها و ليست 2012 ، على كدة انت بتاخذ الشكل الجديد ، ألتبس علي الموضوع .

الدفع الخلفي يظل أفضل بمراحل من الدفع الأمامي و خاصة في موضوع المنعطفات ، والدفع الرباعي أفضل منهم إثنينهم ، لكن تظل الفروق الفردية تختلف بين سيارة و أخرى لأن أنظمة السلامة و والمكابح لها دور كبير في هالمسألة ، والشي هذا بالطبع يختلف من شركة لأخرى كلاً بحسب سياستها.

على فكرة الحمدالله مؤخراً استلمت سيارتي الجديدة "Legacy GT" ، فعشان كدة جالس أنصحك فيها لول ، الله يبارك في إختيارك و ربي يوفقك ، و العفو.

 

[Zero]

الدفع الرباعي أنواع كثيرة جدا، الAWD أحد أنواعه.

مبروك ريان، أخيرا : ) وفعلا السيارة تستاهل وبقوة.

 

[Capitano-18]

^
مهتم جداً برأيك اخوي حسن عن Dodge Charger R/T Road &Track RWD

 

[Zero]

ويييين أكيد فرق كبير (أنت اللي كنت ناوي تاخذ base model صح؟)، السيارة شكل وهيبة ومحرك قوي 370hp وتورك 395 lb-ft، لكن التشارجر هذه بشكل عام فيها شيء محبط، أولا ما في نسخة كوبيه (ما علينا لول)، والشيء الآخر الجير آوتديتد! 5 تعشيقات أوتو، للأسف ما انتبهت لهذا الأمر إلا من فترة بسيطة لأن وجود جير 6 سرعات + جير عادي كانوا المفروض يكونوا شيء بديهي، المفروض يكون 6 أوتو و6 عادي بعد. لو ما عندك مشكلة مع ذلك وما تحب الجير العادي فمو مشكلة، شخصيا كنت أطمح لشيء أكبر. هذه هي السلبية الوحيدة في السيارة بنظري.

طبعا الAWD ما أشوفه يخدم السيارة، السيارة مو ناقصة وزن :laugh::

 

[BigSur]

^
مهتم جداً برأيك اخوي حسن عن Dodge Charger R/T Road &Track RWD

اشوفك حاط المكان أمريكا، انتبه لشغلة إن الدفع الخلفي جداً سيء -جداً جداً جداً- إذا ديرتك يجيها ثلج!
المدينة اللي أنا فيها سيارات الدفع الخلفي تنباع برخيص جداً لأنه يجي ثلج كثير نسبياً و الدفع الخلفي مرة زفت بالثلج.

 

[Capitano-18]

ويييين أكيد فرق كبير (أنت اللي كنت ناوي تاخذ base model صح؟)، السيارة شكل وهيبة ومحرك قوي 370hp وتورك 395 lb-ft، لكن التشارجر هذه بشكل عام فيها شيء محبط، أولا ما في نسخة كوبيه (ما علينا لول)، والشيء الآخر الجير آوتديتد! 5 تعشيقات أوتو، للأسف ما انتبهت لهذا الأمر إلا من فترة بسيطة لأن وجود جير 6 سرعات + جير عادي كانوا المفروض يكونوا شيء بديهي، المفروض يكون 6 أوتو و6 عادي بعد. لو ما عندك مشكلة مع ذلك وما تحب الجير العادي فمو مشكلة، شخصيا كنت أطمح لشيء أكبر. هذه هي السلبية الوحيدة في السيارة بنظري.

طبعا الAWD ما أشوفه يخدم السيارة، السيارة مو ناقصة وزن :laugh::

ايه، انا كنت استفسر قبل عن موديل 2009 SXT، اخوي اشتراها الريدي. الحين جا دوري :laugh::، عن نفسي ما ادري ما احب اخذ سيارة مستعملة، ناوي اخذ هذي ولمن اخلص دراسة ارجعها معاي السعودية. (او ابيعها قبل اذا بتجيب سعر ممتاز). انا ما ودي بسيارة توب واساساٌٍِ مو مهتم مرة انه لازم يكون اداءها ممتاز. التشارجر اشوف انها اداء متوسطة ومناسبة لي والشكل جداٌِ عاجبني. كنت ناوي على موستنغ لاكن التشارجر الجديد جذبني. من جد مو ناقصة وزن :laugh::

اشوفك حاط المكان أمريكا، انتبه لشغلة إن الدفع الخلفي جداً سيء -جداً جداً جداً- إذا ديرتك يجيها ثلج!
المدينة اللي أنا فيها سيارات الدفع الخلفي تنباع برخيص جداً لأنه يجي ثلج كثير نسبياً و الدفع الخلفي مرة زفت بالثلج.

المدينة الي انا فيها الثلج يجي فيها 3 مرات بالسنة بالكثير وكميات قليلة الى متوسطة، بس تقريباً يومياٌٍ تمطر. المشكلة ان الباكج الي انا ابيه مايجي الا دفع خلفي (الوجهية عاجبتني باللون الاسود وماتجي الا مع هالبكج). بروح الوكالة وبشوف. شكراٌ شباب بجد ماقصرتوا.