TG CARS _|||_ الموضوع الرسمي للســيارات

[USefQ80]

انا CLS اذا السالفة ما فيها زواج ! بس اذا تزوجت يا حلاة ال Gs :tongue:

اشوف الأزرق احلى عليها :inlove:

 

[Zero]

لوني المفضل هو اللون الأزرق الغامق مو هذا (اللون الفوردي بالخطين طبعا، بدونهم شكل الشيلبي غلط)، اللون اللي أتكلم عنه هو اللون اللي تشوفه واجد بالأشياء الرسمية وفي الموقع الرسمي وأعتبره اللون الأساسي. لكن يظل اللون الأزرق الفاتح أحلى عليها من الأحمر.

وبعدين ويش دخل الزواج بشراء السيارة؟ :laugh:: الموضوعين منفصلين تماما بالنسبة لي وما يأثر أحدهما على الآخر، يا رجل حتى لو عمرك 50 سنة وعندك 10 أولاد... المفروض ما في شيء يوقف قدام حبك للسيارات

 

[USefQ80]

^^
لوول لأنه السيارة بتكون بعد التخرج و اكييد بعد الزواج بفترة راح اقدر بس اقصد وقت التخرج يا سيارة يا زواج ! و الزواج يبيبله فلوووس :laugh:: ( مابي اطلع بره الموضوع زيادة ) :tongue:

هذي صورة الرنج بمعرض الكويت ! ياخي شكله جنه لعبة !

 

[BioHazard]

في ناس كثير ما تهمهم المكينه والاداء لذلك اللكزس تعتبر خيار جيد خاصه للجوده الي تقدمها ونظام الشريطيه الغبي الي عندنا. ابوي من هالنوع واللكزس حقته ٤٣٠ الحين جايبه له ١٢٠ وهي موديل ٢٠٠١.

انا سيارتي ٢٠١٠ وما تجيب هالسعر :laugh::

انا في كندا شريت لكزس، ابغى الراحه وما يهمني الشكل (مب سيء مره) خيار اشوفه جيد.

 

[Zero]

هي منطقيا ما تستاهل هالسعر ولا حتى نصفه، لكن الشعب غشيم :laugh:: والعتب علي اللي بيشتري، لو تشتري لك لكزس من أمريكا بتجيبه برخص التراب. لا تقول اللي يشتري لكزس ما يهمه الأداء لأن هذه مشكلته، الواحد يتوقع من سيارة سعرها مادري كم محرك قوي، ما أقصد حاجة غير معقولة... شيء زي إنفنتي يكون تمام.

الLS يمكن قوته تنبلع شوي+سيارة شياب لول، أنا كنت أقصد الGS والES اللي محركاتهم ميتة، الIS برضوا محركه ميت (اللي عندنا أبو محرك 3.0 القديم اللي أكل عليه الدهر وشرب)، في أمريكا في واحد اقتصادي 2.5 وأدائه مثل ال3.0 اللي عندنا بل أفضل، وآخر محركه 3.5 وأقوى بفرق ملحوظ من ال3.0 اللي عندنا، المحرك أفضل لأنها محركات جديدة، المحرك اللي عندنا هو نفسه القديم حق IS300 (هالاسم من زمان ما سمعوه في أمريكا) والسيارة هي نفسها تويوتا ألتيزا باليابان.

بس الIS لو ندخل الموديلات الأمريكية فهو خارج الحسبة، ال3.5 محركه ممتاز بالنسبة له وسعرها أرخص من الميت اللي عندنا أيضا :laugh::، ولا ننسى وجود الIS F بعد، أبغى سيارة بنسخة متوتة (اشتقاقا من كلمة تويوتا) بنفس حجم ومحرك الIS F وبسعر معقول ما يختلف سيارات الكوبيه الأمريكية، بس الشركة الحين صايرة تقهر وما في أمل تسوى حاجات رهيبة زي هذه 🙁

الIS اللي عندنا هو عبارة عن نكتة مقارنة بالأمريكي نفس السيارة بالشكل وبجودة الداخلية أوكي، لكن شاشة معفنة ومحرك قديم وسعر أغلى بواجد، عن نفسي ما أقبل أشتري سيارة ملعوب بها بهذا الشكل، لو كنت أبغى لكزس باجيب لي واحد مستعمل من أمريكا وأنا ما أشوف الدرب.

 

[BioHazard]

حسن ترى اغلب الشعب عندنا ما تهمه المكينه، اكثر شي يهتمون له الشكل + سعر البيع. الشكل الناس اذواق وانا اشوف اللكزس حلوه مهب بالسوء الي تتكلم عنه، افضلها على الـBMW والناس اذواق بالاخير.

سعر البيع يعتمد على تحمل السياره وجودتها وهذا شيء تتفوق فيه اللكزس بشكل كبيييير مره بالسعوديه يعني انا سيارتي XF ٢٠١٠ وابوي ٤٣٠ ٢٠٠١ وكلنا شريناها بنفس السعر بالضبط، تخيل سياره ابوي تجيب اكثر من سيارتي الحين؟

اللكزس صحيح مرتفعه اسعاره عن الخارج لكن لو تاخذ سعر البيع بالحسبه بتكون خيار افضل بكثير من اغلب السيارات ان ما كانت كلها. الشعب غشيم هذا شيء كلنا تنفق عليه وانا كنت افكر مثلك اقول وش دخل الشعب لكن انا ورطت بسيارتي، لاني الي اقدر ابيعها ومحد يعرف حتى يوزن كفراتها، عكس اللكزس الي تحصل قطع غياره ببقاله على الخطوط :laugh::

 

[Zero]

لول المشكلة أنت قاعد تتكلم شيئين متضادين بشكل كبير، سيارتك مو منتشرة أبدا والشركة حقتها كل يوم تنباع وعلى العكس تماما من لكزس اللي منتشرة نوعا ما، عاد أنت لما تشتري سيارة وتفكر في سعر البيع هذه مشكلتك :laugh::، سعر البيع مو بالضرورة له علاقة بتحمل السيارة وجودتها... بل بال"معروف" في الغالب، الكامري سيارة زبالة بس تجيب سعر جيد وهي مستعملة مثلا، المرسيدس مثلا سعره يطيح بشكل كبير ومعروف أنه depreciable لدرجة كبيرة على الرغم من جودته العالية وتحمله... ليش؟ لأنه من الأساس غالي ولما الواحد يدور مستعمل فهو أكيد مو قادر على سعر الجديد وبالتالي لما يدور مستعمل فهو يدور الرخص، وحتى لو ظلت السيارة مرتفعة في السعر فالسبب بيكون في فرق واجد بين سعرها جديدة وسعرها مستعملة، لو الواحد حصل السيارة الألمانية بسعر ما يختلف واجد عن الجديدة أكيد ما راح يشتريها (لو هو يقدر يدفع هالمبلغ فمن باب أولى بيروح يشتري جديدة) فتشوفه المستعمل -وإن ظل غالي- يفرق واجد عن سعر السيارة لما كانت جديدة.

بما أن الشعب غشيم فأنت أيضا تقدر تخلي هالشيء في صالحك (أنا ما ذكرت الجانب الإيجابي في ردي السابق :laugh:🙂، وهو أنك تقدر تحصل سيارات رهيبة من ماركات ثانية ويكون سعر المستعمل هنا قريب من سعر المستعمل في الخارج.


أنا قلتها سابقا، الواحد المفروض يدور على السيارة اللي تناسبه لأقصى درجة علشان يحتفظ فيها لأطول فترة ممكنة لحد ما تتحلل، والسيارة لما تتحلل أكيد بتفقد من قيمتها الكثير وذاك الوقت سعر البيع أصلا مو مهم بما أنك "حللت" السيارة.

لو بشتري سيارة معينة البيع هو آخر حاجة أفكر فيها... بل ما أفكر فيه، فما بالك ب"سعر البيع"، الكلام هذا للناس اللي تبغى تجرب كل يوم سيارة وكل يوم تبيع وتشتري ومو عارفة تستقر على شيء... في ناس من هالنوع وهذا مو بالضرورة شيء غلط! اللي يعيش بهذه الطريقة هذا أسلوب حياته وهو حر فيه.

إذا الله وفقني إن شاء الله وشريت السيارة اللي في بالي فما أشوف في أي مانع أنها تظل عندي للأبد!

 

[BioHazard]

لول المشكلة أنت قاعد تتكلم شيئين متضادين بشكل كبير، سيارتك مو منتشرة أبدا والشركة حقتها كل يوم تنباع وعلى العكس تماما من لكزس اللي منتشرة نوعا ما، عاد أنت لما تشتري سيارة وتفكر في سعر البيع هذه مشكلتك :laugh::، سعر البيع مو بالضرورة له علاقة بتحمل السيارة وجودتها... بل بال"معروف" في الغالب، الكامري سيارة زبالة بس تجيب سعر جيد وهي مستعملة مثلا، المرسيدس مثلا سعره يطيح بشكل كبير ومعروف أنه depreciable لدرجة كبيرة على الرغم من جودته العالية وتحمله... ليش؟ لأنه من الأساس غالي ولما الواحد يدور مستعمل فهو أكيد مو قادر على سعر الجديد وبالتالي لما يدور مستعمل فهو يدور الرخص، وحتى لو ظلت السيارة مرتفعة في السعر فالسبب بيكون في فرق واجد بين سعرها جديدة وسعرها مستعملة، لو الواحد حصل السيارة الألمانية بسعر ما يختلف واجد عن الجديدة أكيد ما راح يشتريها (لو هو يقدر يدفع هالمبلغ فمن باب أولى بيروح يشتري جديدة) فتشوفه المستعمل -وإن ظل غالي- يفرق واجد عن سعر السيارة لما كانت جديدة.

بما أن الشعب غشيم فأنت أيضا تقدر تخلي هالشيء في صالحك (أنا ما ذكرت الجانب الإيجابي في ردي السابق :laugh:🙂، وهو أنك تقدر تحصل سيارات رهيبة من ماركات ثانية ويكون سعر المستعمل هنا قريب من سعر المستعمل في الخارج.


أنا قلتها سابقا، الواحد المفروض يدور على السيارة اللي تناسبه لأقصى درجة علشان يحتفظ فيها لأطول فترة ممكنة لحد ما تتحلل، والسيارة لما تتحلل أكيد بتفقد من قيمتها الكثير وذاك الوقت سعر البيع أصلا مو مهم بما أنك "حللت" السيارة.

لو بشتري سيارة معينة البيع هو آخر حاجة أفكر فيها... بل ما أفكر فيه، فما بالك ب"سعر البيع"، الكلام هذا للناس اللي تبغى تجرب كل يوم سيارة وكل يوم تبيع وتشتري ومو عارفة تستقر على شيء... في ناس من هالنوع وهذا مو بالضرورة شيء غلط! اللي يعيش بهذه الطريقة هذا أسلوب حياته وهو حر فيه.

إذا الله وفقني إن شاء الله وشريت السيارة اللي في بالي فما أشوف في أي مانع أنها تظل عندي للأبد!

حسن ما اقتنعت بكلامك، السياره يطيح بسعره بسرعه لانه ما يكون عليها طلب مب عشان انه بالاساس غالي! اللكزس والمرسيدس اسعارهم متقاربه عندنا ليش سياره تمسك وسياره تطيح مره؟ شيء معروف جوده اللكزس >>>>> المرسيدس عندنا هذا ما يعتمد على السياره فقط لا الوكيل والورش الي تفهم بالسياره ايضاً داخله بالموضوع.

انا بالنسبه لي ما اقدر "احلل" السياره، من النوع الي احب التغيير لذلك تهمني انه السياره تمسك سعرها، شغله انه الوكاله كل يوم عند احد (مبالغه طبعاً) ما يبرر ابداً انه سياره ٢٠٠١ تجيب اعلى من سياره ٢٠١٠، مافي مبرر لهالشيء ابداً.

 

[Zero]

أنا مو قاعد أقارن بالجودة أبدا ولا قلت جودة لكزس أقل ولا جودة مرسيدس وهذا موضوع ما يهمني ولا يخصني لأني ما عمري بشترى واحدة منهم لول... وطبعا تقدر تقول جودة لكزس\مرسيدس أو مهما كان أفضل لبكرا بالنهاية المسألة بيخالفوك فيها ناس واجد، أنا وضحت فكرة معينة وما أعتقد أنها وصلت، يعني تصور أن سيارة ألمانية (ما راح أقول مرسيدس علشان لا تفكرني أقصد شيء آخر) سعرها 320 ألف، في أحد بيشتريها ب300 ألف بعد فترة قصيرة نسبيا؟ لو هو يقدر يدفع هالمبلغ فمن باب أولى يروح يشتري جديدة، وفي الغالب المشتري هذا غلبان وتلقاه ميت على السيارة هذه مثلا... اللي راح يبيعها ما بيقدر يبيعها بسعر مرتفع جدا لأنه ما عنده خيار، والمشتري تلقاه مو مستعد يدفع أكثر من 230 (مثلا) جابها بالموت (ويظل سعر مرتفع جدا)، وتلقى البائع يدور غيره أو يبيع لما يستلم أو يكنسل الفكرة...إلخ اللي يريحه عاد.

طبعا بالنسبة لسعر الشراء والتغيير قلت أن اللي يسووه بكيفهم وما هو شيء غلط! بس لازم تكون ماخذ بالك ما دام أنت اللي بتسوي هالشيء، أيه وكلنا متفقين أنه ما في مبرر لسعر الLS وأن الشعب غشيم وسيارات تويوتا حالة خاصة... فمادري وين المشكلة الحين؟ :laugh::، على العموم سيارتك هذه تقدر تخليها تحفة عندك لفترة طويلة ما دام بيعها=خسارة، وتشتري غيرها ما دامك قادر على التغيير...إلخ، الحلول كثيرة.

طبعا مادري كيف تشعر الحين، بس لو عندي XF ما أفكر أتخلص منها ولا بعد 10 سنوات أو أكثر، تصميم السيارة راح يبقى خرافي للأبد.

 

[BioHazard]

أنا مو قاعد أقارن بالجودة أبدا ولا قلت جودة لكزس أقل ولا جودة مرسيدس وهذا موضوع ما يهمني ولا يخصني لأني ما عمري بشترى واحدة منهم لول... وطبعا تقدر تقول جودة لكزس\مرسيدس أو مهما كان أفضل لبكرا بالنهاية المسألة بيخالفوك فيها ناس واجد، أنا وضحت فكرة معينة وما أعتقد أنها وصلت، يعني تصور أن سيارة ألمانية (ما راح أقول مرسيدس علشان لا تفكرني أقصد شيء آخر) سعرها 320 ألف، في أحد بيشتريها ب300 ألف بعد فترة قصيرة نسبيا؟ لو هو يقدر يدفع هالمبلغ فمن باب أولى يروح يشتري جديدة، وفي الغالب المشتري هذا غلبان وتلقاه ميت على السيارة هذه مثلا... اللي راح يبيعها ما بيقدر يبيعها بسعر مرتفع جدا لأنه ما عنده خيار، والمشتري تلقاه مو مستعد يدفع أكثر من 230 (مثلا) جابها بالموت (ويظل سعر مرتفع جدا)، وتلقى البائع يدور غيره أو يبيع لما يستلم أو يكنسل الفكرة...إلخ اللي يريحه عاد.

طبعا بالنسبة لسعر الشراء والتغيير قلت أن اللي يسووه بكيفهم وما هو شيء غلط! بس لازم تكون ماخذ بالك ما دام أنت اللي بتسوي هالشيء، أيه وكلنا متفقين أنه ما في مبرر لسعر الLS وأن الشعب غشيم وسيارات تويوتا حالة خاصة... فمادري وين المشكلة الحين؟ :laugh::، على العموم سيارتك هذه تقدر تخليها تحفة عندك لفترة طويلة ما دام بيعها=خسارة، وتشتري غيرها ما دامك قادر على التغيير...إلخ، الحلول كثيرة.

طبعا مادري كيف تشعر الحين، بس لو عندي XF ما أفكر أتخلص منها ولا بعد 10 سنوات أو أكثر، تصميم السيارة راح يبقى خرافي للأبد.

حسن فهمت نقطتك بس الي قاعد تقول عنه مستحيل قاعد يصير الحين مع اللكزس. السياره تمسك سعرها يعني تشتريها ب300 بتبيعها بعد سنه ب270+.

سيارتي انا عاجبتني ولا كنت افكر ابيعها لكن مسافر بعثه ومنب مخلص الا بعد 6 سنوات يمكن عشان كذا كنت افكر ابيعها.

 

[Zero]

نعم أنا ما قلت أنه يصير مع اللكزس بل بالعكس! أصلا سيارات لكزس أرخص + العامل "التويوتي" موجود فيها.

6 سنوات؟ يا كريم! الله يعينك طول هالمدة وبالتوفيق، نصيحة لو بتبيع سيارتك؟
-حاول تشوف لك شخص مهتم بالجاغوار وفان لها، علشان يكون مقدر ولا يغلّبك في السعر، لا تخاف ترى الدنيا فيها ناس واجد.
-بيعها على شخص بيشتريها للاستعمال الشخصي، أسوء قرار يتخذه بائع السيارة هو أنه يبيعها على بائع آخر وكن متأكد أنه مو بائع، تلقاه ياخذها منك بسعر حلو ويروح يدبر حاله ويبيعها بسعر أعلى بفرق ما دام هو بائع أصلا وعنده قدرة أكثر من غير البائعين على البيع.
-لا تبيعها في معرض أو شيء من هالقبيل لنفس السبب السابق.
-مادري عن وضعك وأكيد أنت ما قلت بتبيع السيارة من دون سبب، لكن لو عندك أخو أو أحد في البيت يقدر يستفيد منها ويحافظ عليها مو أحسن أنكم تخلوها؟
-بدل ما تبيعها لمعرض، وديها عنده يعرضها ويشوف لك "شرّاي" وياخذ له نسبة من البيع، لا تنسى أنه بدوره كمعرض عنده اتصال مع مشترين أكثر منك كشخص.
-بيعها على صديق أو قريب لو قدرت، بتقول كيف صديق أو قريب أخليه يدفع لي أكثر من معرض؟ لأنه يقدّرك... بس مو دائما، هالموضوع يختلف من شخص لشخص ومن ناس لناس.

 

[BioHazard]

في افضل الاحوال بتجيب لي 140 يعني تقريباً نص السعر, البيع خارج الحسبه الحين. كل اخواني عندهم سيارات او يدرسون برى فشكلي ابخليها عشان اي واحد يجي من برى يستخدمها :sarcastic:

 

[kInGsIzE]

أنا قلتها سابقا، الواحد المفروض يدور على السيارة اللي تناسبه لأقصى درجة علشان يحتفظ فيها لأطول فترة ممكنة لحد ما تتحلل، والسيارة لما تتحلل أكيد بتفقد من قيمتها الكثير وذاك الوقت سعر البيع أصلا مو مهم بما أنك "حللت" السيارة.

لو بشتري سيارة معينة البيع هو آخر حاجة أفكر فيها... بل ما أفكر فيه، فما بالك ب"سعر البيع"، الكلام هذا للناس اللي تبغى تجرب كل يوم سيارة وكل يوم تبيع وتشتري ومو عارفة تستقر على شيء... في ناس من هالنوع وهذا مو بالضرورة شيء غلط! اللي يعيش بهذه الطريقة هذا أسلوب حياته وهو حر فيه.

إذا الله وفقني إن شاء الله وشريت السيارة اللي في بالي فما أشوف في أي مانع أنها تظل عندي للأبد!

بالضبط حسن اتفق معك .. انا شريت سيارتي كاديلاك cts 2008 و اخر شي كنت افكر فيه هو بيعها بعدين .. بالعكس انبسطت على تصميمها و مواصفاتها و صيانتها .. والحين كمان دفعت مبلغ اضافي سويت ابجريد لشكلها الخارجي طلبت السبورت كيت و الجنوط السبورت حق 2010 و مبسوط صارت نفس 2010 بالضبط .. و عارف اني لو فكرت اوديها المعارض الان ما رح تجيب لي ثلث السعر اللي خسرته عليها بس ما همني .. يكفي الشعور اللي احسه و انا اقود سياره انا اعشقها و اشعق شعارها ..

 

[Zero]

في افضل الاحوال بتجيب لي 140 يعني تقريباً نص السعر, البيع خارج الحسبه الحين. كل اخواني عندهم سيارات او يدرسون برى فشكلي ابخليها عشان اي واحد يجي من برى يستخدمها :sarcastic:

:confuse:؟ وأنا طول الوقت على بالي سيارتك XF V6 طلعت XF V8؟ من جدك تبيع الV8؟ شكلك تبغى تنضرب :laugh::!، السيارة هذه إما أنك ما تشتريها (وهذا المفروض) أو أنك لما تشتريها تخليها عندك وتحتفظ بها... وللمرة المليون أقول تراها تحفة.

بالضبط حسن اتفق معك .. انا شريت سيارتي كاديلاك cts 2008 و اخر شي كنت افكر فيه هو بيعها بعدين .. بالعكس انبسطت على تصميمها و مواصفاتها و صيانتها .. والحين كمان دفعت مبلغ اضافي سويت ابجريد لشكلها الخارجي طلبت السبورت كيت و الجنوط السبورت حق 2010 و مبسوط صارت نفس 2010 بالضبط .. و عارف اني لو فكرت اوديها المعارض الان ما رح تجيب لي ثلث السعر اللي خسرته عليها بس ما همني .. يكفي الشعور اللي احسه و انا اقود سياره انا اعشقها و اشعق شعارها ..

المشكلة في ناس واجد (حتى مستخدمين عاديين ومو من النوع اللي يبدلوا) مو راضيين يفهموا هذا! أنت بدورك كمستهلك المفروض أول شيء تدور عليه هو السيارة اللي تفكر تخليها عندك لأطول فترة ممكنة، مو تقول لي "سعر البيع" لأنك بعد ما تستهلك السيارة أصلا بيكون ما له فائدة، خلاصة الكلام أن الناس لازم يتركوا عنهم التفكير الغلط ويفكروا بالشيء الأهم، وهو هل السيارة تنفع لهم أكثر من أي شيء آخر أو لا.

لو كانت بتكون سيارة نادرة أو كلاسيك أو مطلوبة أو شيء من هالقبيل بعد ما تمر عليها سنوات طويلة فأنت محظوظ، سيارتك الكاديلاك لو تخليها عندك 15-20 سنة بتصير تحفة عندك وبتصير غالية عليك، ويمكن ذاك الوقت ما تدري تكون تحفة وتجيب لك سعر عالي لما تتحول لشيء يطلق عليه "كلاسيك".

 

[Capitano-18]

رحت وكالة دودج أمس، حصلت CHARGER 2009 مستعملة. السيارة نظيفة كأنها جديدة من الخارج والداخل، بس مشكلتها انها ماشية 40 الف ميل! وهذا الشي محيرني صراحة. (بس بحثت عن الريكوردز للسيارة ماحصلت حوادث لها ولا شي مجرد تغيير اسلاك كهربائية). سعرها 13 الف دولار واحتمال كبير انه ينزل السعر بحيث تصير 11 الف. يهمني رايكم شباب، ويهمني رايك كثير اخوي حسن.

بعض الصور:

 

[عاشق 360]

^
كم سعرها الاصلي ؟ لو كان الفرق قليل انطر الشكل الجديد واخذه .

 

[Capitano-18]

^
كم سعرها الاصلي ؟ لو كان الفرق قليل انطر الشكل الجديد واخذه .

سعر الجديدة 2010= 24 الف دولار ، 2011= 25 الف دولار. عن 2009 ما ادري كم بالضبط الجديدة بس اتوقع من 20 وفوق.

انا من بعد ماشفت السيارات المستعملة الرهيبة والرخيصة شلت من بالي سيارة جديدة بالوقت الحالي.

 

[FARES_]

شباب شنو رأيكم بالـ Mazda mx-5 2010 الجديده..
بعد البحث عن تاريخ السياره .. هذي المعلومات الي حصلتها
- هي سياره ناجحه وهذه تعتبر الفئة الثالثه للmx5
- اكثر roadster شعبية من فئته , قيااده جدا ممتازه 50 في 50 لكل الجانبين ( ما فهمت؟) ..
- يقال انها تنفع للمشوار اليومي واقتصاديه بنفس الوقت سواء بسعرها العام او حرق البانزين ( 4 سلندر )
- لكن قوتها ضعيفة مقارنه بباقي السيارات.. على ما اذكر 220 حصان فقط؟
- سماعات bose ..

هذا شكلها.. , شفتها بمعرض السيارات بالكويت قبل شهر وصراحه حطيت عيني عليها ><"

مثل منتوا شايفين.. السياره بسيطه ومافي ذيك التقنيات فيها , سعرها 8 kd اذا ماني غلطان
نبي رأيكم فيها؟.. لأنه ما شفت منها بالكويت الا 3.. بالشارع باين ما عليها اقبال ابد بالخليج- _ - هل من أسباب؟

 

[Painkiller Q8]

^
السياره حلوه .. بس انا ما انصح في مازدا خصوصا في الكويت ... سعرها مرتفع ومالها سووق ابد .. يعني لو تبيعها تجيبلك 55% من سعرها تقريبا
اذا مو مفكر تبيع في المستقبل .. عادي اخذا

بس ترا 8 آلاف في وايد سيارات افضل منها !!! اعد النظر فيها !

 

[JIN KAZAMA]

رحت وكالة دودج أمس، حصلت CHARGER 2009 مستعملة. السيارة نظيفة كأنها جديدة من الخارج والداخل، بس مشكلتها انها ماشية 40 الف ميل! وهذا الشي محيرني صراحة. (بس بحثت عن الريكوردز للسيارة ماحصلت حوادث لها ولا شي مجرد تغيير اسلاك كهربائية). سعرها 13 الف دولار واحتمال كبير انه ينزل السعر بحيث تصير 11 الف. يهمني رايكم شباب، ويهمني رايك كثير اخوي حسن.

شوف اهم شي الاستعمال , يعني مثلا شخص قد يكون مشى بسيارته 60 الف كيلو ولكن استعماله للسياره زباله , بينما في اشخاص
يمشوا بالسياره 90 الف وتاخذ السياره منه تحسها زي الوكاله ! وانت تعرف هالشي عن طريق الفحص للسياره , وبالنسبه لي 60 الف كيلو
مسافه ممتازه حيث ان الضمان لا يزال ساري عليها , بس طبعا اذا تقدر تاخذ جديده فهي افضل لانها راح تكون على يدك 🙂

 

[Capitano-18]

شوف اهم شي الاستعمال , يعني مثلا شخص قد يكون مشى بسيارته 60 الف كيلو ولكن استعماله للسياره زباله , بينما في اشخاص
يمشوا بالسياره 90 الف وتاخذ السياره منه تحسها زي الوكاله ! وانت تعرف هالشي عن طريق الفحص للسياره , وبالنسبه لي 60 الف كيلو
مسافه ممتازه حيث ان الضمان لا يزال ساري عليها , بس طبعا اذا تقدر تاخذ جديده فهي افضل لانها راح تكون على يدك 🙂

صحيح كلامك، بس 40 الف ميل بسنتين اشوفها كثير مرة. سألت الي يشتغل يقولي تعتبر متوسطة. على العموم الشي الي طمني شوي اني بحثت عن السيارة اذا كان لها حوادث او خرابات كثيرة ومؤثرة والخ...، ماكان فيه الا تغيير اسلاك كهربائية. انا ودي بجديدة وماكنت ناوي اطلع هالسنة اصلاً بس زهقت من التكاسي شفطت جيبي شفط. صراحة عجبتني الشارجر وسعرها مناسب بالنسبة لي واحتمال كبير ينزل سعرها.

 

[s3rorh]

فارس ... على هالجملة

- يقال انها تنفع للمشوار اليومي واقتصاديه بنفس الوقت سواء بسعرها العام او حرق البانزين ( 4 سلندر )

حسستني قاعد ببريطانيا ... ومشقوق شق بسعر البانزين :tongue:

من زمان وانا اشوفك ضارب على هالموتر المازدا ..... إلا ورا ما تأخذ لك

صدقني الموتر فحل ... والفحلُ قليلُ 😉

 

[FARES_]

^

المشكلة مو موجوده بالوكاله لوول - _ - .. وبنفس الوقت انا ابي شي بـ2010...

 

[MAX9009]

رحت وكالة دودج أمس، حصلت CHARGER 2009 مستعملة. السيارة نظيفة كأنها جديدة من الخارج والداخل، بس مشكلتها انها ماشية 40 الف ميل! وهذا الشي محيرني صراحة. (بس بحثت عن الريكوردز للسيارة ماحصلت حوادث لها ولا شي مجرد تغيير اسلاك كهربائية). سعرها 13 الف دولار واحتمال كبير انه ينزل السعر بحيث تصير 11 الف. يهمني رايكم شباب، ويهمني رايك كثير اخوي حسن.

سعرها ممتاز بالإضافه لانها ماشيه 40 الف ميل ما اشوفه كثير برضوا خلال سنتين .. السياره بشكل عام ممتازه بالإضافه لشكلها الرياضي وحجمها العائلي وعمليه بشكل ما راح تتخيله .. حقتي موديلها 2006 واخدتها استعمال امريكي بنفس السعر تقريبا من قبل سنه وماشاء الله تبارك الله كأنها جديده وكل من ركب معي تعجبه راحتها وسواقتها .. توكل على الله وخذها .

 

[The Doctor]

SLK جديدة

[video=youtube;3i2k0bCEQbo]http://www.youtube.com/watch?v=3i2k0bCEQbo[/video]

هو أنا لحالي و لا سيارات البنات فجأة صاروا رهيبين؟ أول شي الZ4 و الحين ذي

 

[Zero]

هذه مو سيارات بنات، هذه سيارات "بنات مدللات"، بعدين الZ4 ما عمري سميته سيارة بنات وأما الSLK ما هي بتلك الشهرة حتى أتذكرها بهذا الشيء، سيارات البنات فعليا هم سيارات فيلكس :laugh::

 

[The Doctor]

الSLK، الZ4 (و قبلها الZ3)، و البوكستر، كلهم سيارات بنات..

 

[Zero]

مرة ثانية، سيارات بنات "مدللات" :laugh::، الZ4 أحسه أكول من أن يكون سيارة بنات أقولها وأنا أكبر هيتر للشركة... بس لو بتتكلم عن قوة السيارة المضحكة فأنا وياك :laugh::، عندك الVW Eos تحسها سيارة بنات من جد... ولو أن هذه هي الأخرى سيارة رهيبة.

الجول... وإلا خلني ساكت لا أحد ينقز علي. :laugh::

 

[The Doctor]

ليش فرقت مدللات و لا لا؟

الZ4 الجديدة لكن، رهيبة بقوة

 

[Capitano-18]

سعرها ممتاز بالإضافه لانها ماشيه 40 الف ميل ما اشوفه كثير برضوا خلال سنتين .. السياره بشكل عام ممتازه بالإضافه لشكلها الرياضي وحجمها العائلي وعمليه بشكل ما راح تتخيله .. حقتي موديلها 2006 واخدتها استعمال امريكي بنفس السعر تقريبا من قبل سنه وماشاء الله تبارك الله كأنها جديده وكل من ركب معي تعجبه راحتها وسواقتها .. توكل على الله وخذها .

اقتنعت فيها وان شاء الله خلال هالاسبوعين راح تكون عندي. شكراً شباب.