TG CARS _|||_ الموضوع الرسمي للســيارات

[Zero]

أنت بتشتري سيارة من أمريكا، صح؟، الكمارو V6 (لو هي اللي تقصدها) أفضل من أي compact car بدون ما تشوف الدرب :laugh:: لو كانت من مليون سنة فما بالك بآخر جيل لها. السيارة سعرها بحدود 23 ألف دولار في أمريكا بالنسبة للV6 وهذا السعر الابتدائي، فهل قصدك شيء مستعمل لفترة قصيرة ومو ماشي وحالته شبه جديدة؟ أو أن قصدك بشوي فأنت ناوي تزيد لسعر الجديدة؟

لو كنت مكانك أزيد فلوس وآخذ SS 2010 مستعمل (قير عادي لأن الأوتو عبيط... 400 حصان مقابل 426 للعادي) بدل ما أروح آخذ V6، بس الموضوع مختلف لو صرفية البنزين عامل حساس في اختيارك.

يا رجال السيارات في أمريكا ببلاش ولو تقدر تدفع 18 ألف أو أكثر شوي تقدر تجيب لك سيارة مستعلة محترمة بالراحة.

الزبدة لو كنت في أمريكا مستحيل أقط فلوسي على compact car والسيارات هناك ببلاش... ببلاش!

 

[Capitano-18]

ايه صحيح من أمريكا, والي اقصدها الكمارو V6. انا مستعد ادفع على المستعمل بس ابي سيارة شبه جديدة وسعرها يكون مناسب واتمنى احصل لأني بطلع للمعارض بعد كم يوم. وإذا ماحصلت راح اخذ جديدة ان شاء الله. بشكل عام تنصحني بالكمارو لو ماحصلت سيارة مستعملة مناسبة بما انها ارخص من الموستانغ والخ... (كسيارة سبورت) وهل هي ممتازة للسفر؟ والطرق الطويلة؟

 

[NiGhTMaRe]

مبروك صاحب الـE يعطيك خيرها ويكفيك شرها..وتتربى فعزك وتجيبلك С-class لوول، حاول تركبلها الكت AMG لأنه رخيص على ماعتقد عندنا في الامارات حوالي الـ20 الف درهم.. بس يعطيك شكل ثاني للسياره..
احب هالسياره بعكس بي ام دبليو اللي صارت تجيب سيارات ممله وتصاميم معوقه ومكاين تعبانه "ماعدا الـ3series" مكينتها ممتازه ..
امس شفت سباق رهيب بين RS6 سيدان ولانسر ايفلوشن الجديدة وانا داخل عرض بالـRS4 اخرب عليهم خخخ طبعاً الRS6 قطعنا.. الايفلوشن اعتقد ماكان يدعس لأنه كل شوي اسمعه يقول طراخ طراخ كنه مكينة بوب كورن!


بالنسبه للسيارات الامريكيه كنت ناوي اخذ دودج جالنجر حبيتها وحسيت فيها هيبة الكلاسيك والامريكن مسل بس هونت لأن دودج فيها مشاكل وخرابات على قولة المجربين..
حتى الكورفت حلوه ومقاعدها مريحه من ايامها وهي مريحه..والكمارو حلوه كشكل اما كأداء ماجربتها الصراحه..الموستانق الحين صار احسن من زمان بس يشرب بترول شرب

شوفوا هالفيديو، فيراري ايطاليا 458 مع الحب بس مزوده من ايفوتك 750 حصان..طبعا الفرق 180 حصان لكن فرق الوزن واضح 1380 كجم للفيراري و2000 كجم للأودي!
[video=youtube;XtbiT8M1uZ0]http://www.youtube.com/watch?v=XtbiT8M1uZ0[/video]

 

[Zero]

كابتينو، الكمارو مو أرخص من الموستنج بشكل كبير، بل فرق السعر بينهم لا يذكر، والموستنج بشكل عام أفضل، لكن اختيارك يرجع لتفضيلك الشخصي بالنهاية، وزي ما قلت لك الكمارو أحسن من أي compact car ما في مجال للمقارنة أبدا، سيارة قوية وتستحمل... تتركها وتروح تاخذ حاجة مثل المازدا 3؟ كأنك تقول بتشتري كورولا XD، لو كنت في محلك مستحيل أدور غير سيارة كوبيه أمريكية وأنا في أمريكا على رخص أسعارهم.


نايتمير، التشالينجر مشكلته وزنه طنين تقريبا وهذا يأثر على أدائه مقارنة بالكمارو والموستنج... وفوق هذا سعره أغلى على غير سنع (أتكلم عن سعره الرسمي وإلا الكمارو الوكلاء مستهبلين في سعره عندنا)، صرفية الموستنج الجديد للوقود أفضل بشوي من الكمارو والموستنج أقوى على فكرة، الكمارو صرفه للبنزين مثل الشيلبي واللي هو أفضل بكثير من الكمارو.

 

[Sea.roOock]

مكينة الكمارو حجمها 6.2 . مكينه الموستنج 5.0

شفت مراجعات وسويت حوسه مواقع عشان اطلع بنتيجة من الافضل بينهم لان قريبي كان محتار ..

من ناحية المرونه والقوة والاداء الموستنج تمتلك ,, الكمارو قويه وشكلها أفضل من الموستنج لكن , لو تهتم بأداء السيارة فكر بالمسوتنج بجدية

[video=youtube;tJHqbqGCCMc]http://www.youtube.com/watch?v=tJHqbqGCCMc[/video]

هذا فديو مقارنه بين الموستنج , تشالنجير , كمارو .. لكن مو كان الفئات هذي أقوى من العادية ؟ بالظبط وش هو نوع الموستنج أو الكمارو اللي تبحث عنه ؟

[video=youtube;DMktli1m0og]http://www.youtube.com/watch?v=DMktli1m0og&feature=related[/video]

 

[Zero]

سعة المكينة ما لها دخل بشيء، وأما الشكل مسألة نسبية (شخصيا أفضل الموستنج ثم التشالينجر ثم الكمارو).

وويش تقصد بالفئات العادية؟ ترى في V6 وV8، التشالينجر فيه R/T وعلى الرغم من أنه V8 لكنه في المنتصف وخارج المنافسة\المقارنة، والشيلبي إصدار خاص وبرضوا خارج المنافسة لأنه من فئة أعلى. إلا لو كنت تقصد بالفئات العادية المواصفات فهذا موضوع ثاني... واللي يهتم بالمحرك فقط ما بيهتم لهم في الغالب.

اللي يتقارنوا ببعض هم الGT والSS والSRT8.

 

[The Doctor]

الزبدة لو كنت في أمريكا مستحيل أقط فلوسي على compact car والسيارات هناك ببلاش... ببلاش!

انت قاعد تنسى سعر البنزين...

 

[Capitano-18]

مشكورين شباب. حالياً جالس ادور في النت عن السيارات المستعملة حصلت challenger 2010 سعرها مناسب وعجبني, تحمست بما ان اخوي فضلها لآنه يبي سيارة 4 ابواب. لكن اخوي نايتمير خوفني P: يوم قال دوج مشكلتها الخرابات فبديت اهون لول.

 

[Zero]

انت قاعد تنسى سعر البنزين...

أنا ما نسيت سعر البنزين لأني قلت له يوخر عن الSS المستعمل وفكرة الV8 لو تهمه الصرفية، أما الV6 صرفها حاله حال السيارات السيدان العادية تقريبا.

مشكلة لما الناس تعمم صرفية البنزين على الأمريكي وتنسى تطالع الmpg ratings، وتنسى أن التقنية تطورت، وتنسى أن في خيار V6...إلخ، اللي بيشتري سيارة الأفضل يروح يطالع الأرقام الرسمية.

بعدين لا تنسى في دول ثانية سعر البنزين فيها غالي برضوا لكن سعر السيارة مسخرة... لو كان هذا اللي تقصده.

 

[عاشق 360]

الله يبارك فيكم شباب , والله يصبرني على ماتوصل .

حسن بالنسبه لاسعار السيارات بامريكا سمعت وايد ناس يطلبون سياييرهم من الخارج خصوصا السيارات الي سعرها مرتفع , معقوله فرق السعر لهاذي الدرجه ؟ وان كان مافيه اختلافات بين النسخ الامريكيه والخليجيه من السياره ؟

 

[Zero]

لا في اختلافات ولا هم... اختلافات وين يا حسرة يعني تتوقع عندنا شيء زيادة على فرق السعر؟ لول، السيارة هي هي طبعا، الفرق في السعر أحيانا يكون ملحوظ وأحيانا أخرى يكون كبير جدا، عاد الفرق محزن في السيارات الرياضية.

ال370Z عى سبيل المثال سعرها الابتدائي في أمريكا 125 ألف ريال تقريبا، في بريطانيا 165 ألف تقريبا، في ألمانيا 192 ألف تقريبا. السعر من كل عملة محول إلى الريال.
سعر السيارة فل بالكت حق Nismo أرخص من سعر الbase model ببريطانيا بفرق كبير فما بالك بألمانيا!

طبعا السيارة عندنا حسب ما سمعت جابوها بأسعار سخيفة مادري كم بالضبط... يعني 190-200 ألف، آخر زمن "داتسن زد" صارت بهذا السعر وهي كانت في يوم من الأيام مضرب المثل في الاعتمادية والقيمة اللي بتدفعها مقابل السعر القليل جدا.

أنا ذكرت لك مثال من سيارة واحدة... تبغى أجيب لك أمثلة أخرى حاضرين لو تبغى 10 أمثلة مستعد أجيب لك.

المشكلة أني أحب السيارة... الحمراني وكيل نيسان بيفتح له فرع في منطقتنا أخيرا وأشوفهم يشتغلوا على الصالة حقته، لما يفتح باروح أستفسر.

 

[Capitano-18]

اوكي شباب رايكم بال Challenger 2010 اتوكل على الله واخذها؟ لقيتها مستعملة بسعر ممتاز

 

[s3rorh]

اودي ... سيارات الشركه ده بدت تأسر قلبي اكثر من بقيه الشركات ... لو بس تجون لبريطانيا .. وتشوف كيف الدوس عليها بس .. هي .. وشركه فلكس واجن

 

[Zero]

التشالينجر V6 أوR/T؟ عن نفسي ما عندي مشكلة ويا التشالينجر بس لو كنت مكانك راح أتجه للكمارو لو باخذ V6.

 

[USefQ80]

اودي الحين قاعدة تصمم اشكال روعة بس المشكلة انها ما تنفع للكويت ( لأن الوكالة زفت و جو الكويت ما ينفع ) مادري عن بقية الدول !
اللي يمشي الحين مرسيدس - بي م دبليو - لكزس < من شركات الـ luxury cars الي اسعارهم معقولة :tongue:
في غيرهم يمشون بالكويت بن بالنسبة لي بس اعترف بهالشركات :tongue:

 

[Zero]

أسعارهم معقولة؟! أوكي :laugh::، أرمي 200 ألف في أودي 4 سلندر... أسعار مقعولة جدا :laugh::، أنت تدري الشخص العادي إلى مدى يبغاله يتعب علشان يوفر سيارة بهذا المبلغ؟

وبعدين سيارات لكزس شيلها من القائمة أرجوك ولا تحطها جنب مرسيدس.

 

[The Doctor]

اللكزس تعريف الملل

 

[Zero]

لأنها تويوتا بعلامة، سيارات تصميمها bland لأبعد درجة، لا حد ينقز ويجيب لي عوامل أخرى ترانا تكلمنا عن التصميم بس. والإنفنتي نفس الشيء، بس على الأقل سيارات إنفنتي فيها محركات تمام وأداء معقول.

اليوم بس شفت M35 وأنا أمشي ويا صاحبي، درت له وقلت: ألتيما دفع خلفي ويا شوية قوة :laugh::.

 

[USefQ80]

لوول أسعارهم مو معقولة بس في فئات أسعارهم تمشي

أنا عندي لكزس Gs من ناحية الشكل اشوفه حلوة و عموما لكزس بس عندهم سيارتين يسوى تقط عليهم Gs and Lx

و أكييد مافي مقارنة مرسيدس تقدم أحلى الأشكال

و انا اكبر فان لمرسيدس

BMW بعد الـ 5 Series اقدر اقول يستريحون احسن شكلها كلش ما عجبني

 

[NiGhTMaRe]

أسعارهم معقولة؟! أوكي :laugh::، أرمي 200 ألف في أودي 4 سلندر... أسعار مقعولة جدا :laugh::، أنت تدري الشخص العادي إلى مدى يبغاله يتعب علشان يوفر سيارة بهذا المبلغ؟

وبعدين سيارات لكزس شيلها من القائمة أرجوك ولا تحطها جنب مرسيدس.

من قال سعرها 200 الف؟؟ الA4 عندنا بحدود ال145 الف! وبعدين شوف مكينتها بتلقى عليها تربو وغير الدفع الرباعي والمواصفات الحلوه..
توني ادري ان الـQ7 لما تسرع فيها تنزل بروحها اوتوماتيكيا عشان تكون اكثر ثبات بالسرعات العاليه، بعكس البي ام x5 لازم تنزلها انت بنفسك

حسن انا معاك في موضوع اللكزس بصراحه هي مثلها مثل Acura للهوندا في امريكا وانفينيتي للنيسان بس انفينيتي عالاقل يصممون شاصي خاص وسياره يبدونها من الصفر والاداء يكون سبورت ومريح..
اللكزس للأسف شاصي كامري ومشي حالك بشوية اوبشنز وجلد مغشوش وخشب عباره عن ستكر ملصق.. والتصاميم معفنه..

البي ام هالجيل تعبان وممل، لا مكاين ولا تصاميم ولا موديلات مثل الناس..
المرسدس اشوفه الافضل هالجيل ويا البورشه والاودي..اتكلم من ناحية الارقام والجوائز واراء الناس..

 

[NiGhTMaRe]

حد شاف هالفيديو المحشش؟؟ الكلمات ضحكتني

[video=youtube;lqJDuZIcQ34]http://www.youtube.com/watch?v=lqJDuZIcQ34[/video]

 

[Zero]

يب شفته من قبل، الفيديو رهيب وكل شيء فيه واقعي (باستثناء المبالغات طبعا)، اللوحة الطويلة وصورة البروفايل...إلخ :laugh::. أما السعر ويش تقول عن الA5؟ سعرها غالي بزيادة صراحة خصوصا الفئات العليا منها، طبعا برأيي هي أفضل أودي وسيارة أودي المثالية وأجمل أودي بالراحة، أنظر لها زي ما أنظر للمرسيدس E-class.

موضوع الplatform سولفت فيه من قبل وقلت أن موضوع البلاتفورمز ما يقلل من السيارة، أنا مشكلتي ويا لكزس هي ويا المنتج ككل، جودة الداخلية فيهم أفضل من سيارات تويوتا بشكل ملحوظ بس ما يبرر السعر، وغير هذا ما أشوف فيها تقنيات خرافية ولا محركات قوية ولا شيء، ضيف على ذلك التصاميم المملة، أوكي سيارات الشركة جودتها تمام ومحركها يدوم للأبد... بس هذا لوحده مو كافي للجذب.

إنفنتي يعجبني أداء سياراتها، بس أشكال سياراتها معفنة للغاية برأي ومملة وتفتقر للهوية وما تقارن بتصاميم الألماني لا من قريب ولا من بعيد، حتى BMW واللي ما أحب سياراتها أشوف أنهم أجمل بمليون مرة من إنفنتي من ناحية التصميم.

 

[USefQ80]

^^
+ و المشكلة الكويت مو مال سيارة كشخة لأنك بعد كل مرة تسوقها بتقعد تبجي من اللي يلفون عليك + شوارعنا اللي كلها حفر + الصخر اللي جنه مطر !!

فالسالفة يبيلها واحد عنده معاش حق التصليح !

هذا حادث صارلي قبل شهر تقريبا ! الحبيب طاف اشارة و انا دشيت فيه !
اهو عنده Envoy , و الدعامية كانت نصين انا كسرتها عشان اقدر امشي بالسيارة

 

[NiGhTMaRe]

ياخي حلو اتناقش معك احسك تفهمني، والله يا حسن الS5 عندنا تنباع على 280الف درهم وقابل للتخفيض واشوفه ممتاز مقارنةً باسعار البي ام دبليو والمرسيدس، بس لو انا باخذ سياره S باخذ الـS4 عليها مكينة بنت كلب، 333 حصان وتربو و6 سلندر ويعطيك عزم وقوة وتسارع افضل من ال8 سلندر الي في الموديل الي قبلها "4.9 ثانيه" +صرفية ممتازه، وعطوا المكينة جائزة افضل محرك وغير السياره اختاروها سيارة العام في اكثر عن موقع!

انا افكر اخذ الS4 أو الـA7 ويمكن A5 Sportback..

 

[NiGhTMaRe]

^^
+ و المشكلة الكويت مو مال سيارة كشخة لأنك بعد كل مرة تسوقها بتقعد تبجي من اللي يلفون عليك + شوارعنا اللي كلها حفر + الصخر اللي جنه مطر !!

فالسالفة يبيلها واحد عنده معاش حق التصليح !

هذا حادث صارلي قبل شهر تقريبا ! الحبيب طاف اشارة و انا دشيت فيه !
اهو عنده Envoy , و الدعامية كانت نصين انا كسرتها عشان اقدر امشي بالسيارة

الحمدلله عالسلامه ماتشوف شر.. ان شاءالله آخر مره أهم شي في الحديد ولافيك..

 

[Zero]

عاد تدري؟ الأودي الوحيد اللي أتمناه بالفعل هو الS5 شكله رهييييب... الأماني ببلاش صح؟ :confident:، الشبك الأمامي حقه يكفيك... أنا أصلا شبك الA5 العادي يعجبني بقوة، كم سعر الRS6 في الإمارات؟ أدري أن السيارة سعرها الرسمي غالي جدا ما يحتاج تقول :laugh::

الS5 سعره في أمريكا يتراوح بين 53-59 ألف، ياخي هالأمريكان ما يستاهلوا هالأسعار... كل شيء يتذمروا من سعره وما في أحد أرخص منهم في أسعار السيارات :laugh::

الS5 سعرها أرخص من الCTS-V Coupe (بغض النظر عن الفرق الكبير في القوة لصالح الكاديلاك)، بس أبين لك لأي درجة الأمريكان محظوظين في الأسعار حتى في الألماني :laugh::

تعرف ويش اللي يقهر؟ أن السيارات العادية المملة الألتيما وهالطقة أسعارها هنا ما تختلف عن أمريكا واجد، بعض سيارات فورد هنا أرخص من أمريكا نفسها بشوي أو نفسه بالضبط أيوه سيارات فورد!... تخيل!، لكن لما يجيبوا لك الوكلاء سيارة رياضية تعال شوف كيف يخسفوا في سعرها :yuck::، الموستنج سمعت أن الوكيل أول ما جاب الكشف ب180 ألف نفس سعر الشيلبي :laugh::، وأكيد رفع سعر الشيلبي لفوق ال200 علشان بعدين يرجعه لسعره الطبيعي آخر السنة، عمري ما راح أفهم سبب رفعه لسعر الكشف بهذا الشكل مع أن الكوبيه سعره ما يختلف واجد (لو كان فل).

ميلاني ما تشوف شر إن شاء الله، إن شاء الله تركيب الصدام ما كان كسرة ظهر، احمد ربك أنك مو بالسعودية لأنك ما ودك تدري بكم جميل وكيل تويوتا ببيع لك الصدام :laugh::

 

[USefQ80]

^^
الشر ماييكم
لوول الله يعافي التأمين :laugh:: تصليحها كان 2100 ك.د = 28 الف ريال ! كل شي حتى لو في زلق تبديل على طووول ! و التأمين عندي لي 12 الف دينار :laugh::

و سالفة الأسعار عادي قبل ما اخذ الـ Gs كنت ابي A5 3.2 و سعرها عندنا 21 الف ك.د !! بعدها بفترة صار بـ 17.5 و بس لون واحد ! بس اودي عندنا الوكالة مو شي :sadwalk:

 

[Zero]

2011 دينار؟! يا ساتر!، هذا والصدام (داخليا) ما تضرر، والسيارة ما تضرر فيها شيء داخليا، الحمد لله أن المبلغ هذا ما طلع من كيسك :evil::

بالنسبة للـS5 تعجبني لسبب بديهي: فيها كل شيء أحبه في سيارة، طيب وبالتفصيل؟ أقدر أقول أنها Pony car لكن ألمانية، وويش تطلع هالأشياء؟ كوبيه متوسطة الحجم + كبوت\أمامية طويلة + خلفية قصيرة + ارتفاع منخفض + تصميم بسيط ما فيه أي تعقيدات أو تعرجات أو خطوط زايدة + محرك V8 + جير عادي (محرقة بنزين :laugh:🙂. بس ما دامها ألمانية لو بقعد 10 سنين ما بقدر أشتريها وأنا ما أبغى أنتظر طول هالمدة علشان سيارة، لو بنتظر هالمدة عمري لا سقت أحسن لي :laugh::

واللي يخليني أفضل السيارات الأمريكية هو وجود سيارات بهذه المتطلبات، أنا ما أحب السيارات الأمريكية لأنها أمريكية فقط، لكن اللي يخلي السيارات الأمريكية مثالية بالنسبة لي هو السعر اللي إن شاء الله أقدر أوفره يوما ما :laugh:: وحتى لو أضطريت أنتظر كلها سنتين أو حاجة بعد ما أتوظف وأنا داق لي وحدة أقساط، الله يصبرنا زيادة بس... السيارات كل سنة أسعارها تزيد شوي >.>، ما راح يجي اليوم اللي بشتري فيه الشيلبي إلا سعره قفز 10 آلاف دولار زيادة عن سعره الحالي بالراحة.

 

[USefQ80]

الكشافات الأمامية الكبيرة الواحد بـ 450 دينار و الصغيرة 300 و شي و كلها تبديل :laugh::

انا سيارتي القادمة ماراح تكون الى مرسيدس و انشاء الله CLS !! و ان الله قدرنه نفكر بالـ CL و لو انها Over Priced !

:inlove::inlove::inlove::inlove:

 

[Zero]

أنا أحلامي على قدي، أبغى 48 ألف دولار علشان هالحلوة، اللي ما بوصل لها إلا لما ينحط فيها Independent rear axle وينقز سعرها +3K$ :sadwalk:

لو ما أشتريها باموت، أنا مصمم أني أشتريها مهما يصير لو أعيش على خبز... أنا مرتب أولوياتي زي ما أبغى.