نعم أنا حاط كل كلامك اللي قلته بالحسبان وأنا أتكلم عن سعر السيارة وقلت أن الأشياء اللي فيها مكلفة بشكل واضح وغيره، بس لما قلت اللي قلته أقصد على أرض الواقع وبالنسبة لمستهلك ما يميل لتفضيل الـGTR مثلا.
على فكرة بالنسبة لي كشخص سعودي آخر شيء أفكر فيه في السيارة هو صرف البنزين .. أو خلنا أقولها بشكل أفضل: ما أفكر فيه من الأساس وشيء ما آخذه بالحسبان أبدا.
التشالنجر طول عمرها سيارة ثقيلة، سالفة الطنين هذه لطالما سويت عليها نكت بين الشباب (لو تصدم جدار حطمته، لو تصدم آدمي فرمته .. إلخ) XD وعلى الرغم من الوزن الثقيل جدا يظل تسارعه ممتاز بالنسبة لمحركه ولو تعدل يصير أفضل لكن يظل الوزن يعيق أدائه مقارنة بالكمارو، وبعدين التشالنجر بيكون نظيف هههه واللون اللي شفته أتمنى يكون البرتقالي القوي وليس الأحمر (لوني المفضل على التشالنجر)، للأسف الوكيل زايد في سعرها بشكل سخيف تنباع بحدود 200 ألف وهي سعرها زي التشارجر وأقل شوي ببعض الموديلز، زايدين في سعرها واجد بصراحة.
الا احد جرب crown victoria موديل 2008 وانت طالع؟ السياره فيها مشكله من الوكاله! تنسيم من الأبواب الخلفيه تضهر من بعد ما توصل السرعه تقريبا فوق 100 بشكل كبير جدا ...ومن تجربه شخصيه مع واحد من ربعي + عمي + ولد عمي وكلهم ينسمون بشكل مزعج! مع ان عندنا grand marquis بس موديل 99 الا انه ما في ولا تنسيم لحد تقريبا سرعه 130 .
أنا مجرب بس ما أتذكر أني لاحظت تنسيم، عموما هو شيء مستغرب يا رجل السيارة نفسها من أكثر من عشر سنين لول!.
تحرير :
الا يا جماعه في سياره تويوتا جديده كوبيه شسمها بضبط؟ ...امس شفت منها اكثر من 3 واستغربت ! من وين طلعت السياره مدري@@ ...واليوم شفت نفسها بضبط بس لكسز تشبه الكامري شوي .
لو كنت تقصد الـFT-86 فهي ما نزلت للآن، ولو تقصد اللكزس فالكوبيه عندهم سيارة غبية وقبيحة ولا تشبه وصفك، وأخرى هي الـIS F الرائعة وما في منها تويوتا، لو تقصد السيلكا أو الـScion ويجي منها كوبيه في أمريكا وحسيت أنها موديل موديل مو قديم فأتوقع أنهم جايبينهم من أمريكا، ردك هذا لحس مخي ياخي .. قاعد أحاول أعصر مخي ما طلع شيء ×_×، وضح أكثر لو سمحت XP
لا ...ولا اتوقع بشوفها لاني عمري ما سمعت بحس لها بالكويت حتى ....لكن في جم integra وفي وحده دائما اشوفها واقفه عند مطعم اسبوعيا امر عليه
أنا شفت وحدة عندنا أتوقع أنها موديل '94 وأول ما شفتها قعدت أفرك عيني مو مصدق (شايفها في الليل لا تعتب) ومرة شفت راعيها طالع مع موستنج الجيل السابق أتوقع موديله 03-04 وكان مستواهم نفس الشيء تقريبا ومن صوتهم مبين أنهم معدلين ولو تعديلات خفيفة، الـNSX تصميمها خرافي رزة وفي الأرض وتشوفها تحس أنها سوبركار.
بالنسبة للتصميم أعتقد قلت أكثر من مرة أنه مسألة ذوق، ناس تقول الكمارو وناس تقول التشالنجر وناس تقول الموستنج طول عمرها الأساس وإلخ، أما التصميم الأخير فأنا أفضل الموستنج هالمرة زي ما ذكرت سابقا ومو بس السيارة بشكلها العادي اختلاف الإصدارات وكثرة الاصدارات الخاصة كل واحد منها يعطيني إحساس مختلف.
ونرجع للنيسان مرة ثانية، الترانسمشن في سيارات نيسان لا يقهر، والله نفسي في زد جير عادي لهذا السبب والزد من سياراتي المفضلة على كل حال، الموديل الجديد سعره بلاش بصراحة يبدأ من 110 آلاف واللي يقهرني أني سمعت أنه بحدود ال200 ألف هنا ... سلامات؟!
