TG CARS _|||_ الموضوع الرسمي للســيارات

[pacino]

[youtube]5qpxwpWm7PI[/youtube]

حقيقة:
هذي السيارة الي بالفيديو هي سيارة صاحبي ..سوبرا (بقوة 1100 حصان )وتم تجهيزها خارج الكويت.مافي لها منافس لحد الآن من السيارات في الكويت(ألا نسيان GTR32 قدرت تطلع عليها وبفارق بسيط).حتى انه قام يتنافس مع سياكل ويطلع عليهم

zo6 - بورشه تيربو بانواعها-جلاردوا-سيكل سازوكي نينجا ...كلهم ماقدروا له

====
عالعموم للي يشك بقدرات هذي السيارة الاسطورية يشوف هالفيديو
[YOUTUBE]3jvUAsNZ87A[/YOUTUBE]

 

[Rakan HD]

^
معروفه بالكويت كلها ان سوبرا الخرينج اقوى سياره فيها حق سباق الشوارع بدون منافس الى الآن ,
اهم شي التصوير بحط صبحان لول!

يدوس معاي على التاهو ويعطيني قصه 300 شبّه ؟ p:

 

[Zero]

على الرغم من عدم حبي لتويوتا لكن شيء مزعج أن ما عندهم سيارات Tuner حاليا او سيارة أداء (عدى الـIS F)، لكن من منكم رأى الـFT-86؟

المفروض أنها مبنية على الـAE86، طبعا ما في أحد ما يعرف هالسيارة.

كل اللي أتمناه أنها أنها تكون بسعر معقول لما توصل للإنتاج علشان توصل لعدد كبير من الناس، أساسا مواصفاتها المبدأية تقول أنها سيارة affordable وبما أنها concept فللحين ما طلعت عنها معلومات كفاية، يتوقع يكون بحدود (أو يبدأ من) 20 ألف دولار، نقدر نقول أنها من فئة الCobalt وهالشلة.

 

[عاشق 360]

^
الكونسبت هذا يشبه كثير اللكسزس LF-A

 

[Zero]

سعر الـLF-A (اللي ما تستاهل ربع ربعه) يجيب لك معرض كامل من الـFT-86 لول :laugh::

على العموم زي ما قلت المفروض أن السيارة مستوحاة من الـAE86

 

[Nyx]

شباب ممكن أسعار الموستينج في الوكالة في السعودية بجميع الفئات , ناوي على سياره ذي اليومين بس محتاااار 🙁

 

[Zero]

شباب ممكن أسعار الموستينج في الوكالة في السعودية بجميع الفئات , ناوي على سياره ذي اليومين بس محتاااار 🙁

محمد أنت بطل

طبعا عندنا ما ينزل إلا الـGT ولو بتاخذ موستنج وتاخذ جير أوتو فأنت ما عندك سالفة، والحمد لله أنك ما قلت تشالنجر أو كمارو لأن وكالاتهم زايدين عن سعر السيارة الرسمي في أمريكا على الأقل 40 ألف ريال :laugh::

الـGT سعره بحدود 135-139 في هالحدود وأسعار البريميوم والكشف وبالخرابيط وإلخ يوصل أزيد، أعتقد الكشف (مادري العادي بمواصفات أو البريميوم) بـ155 ألف، أنا عطيتك مدى السعر "تقريبا"

لكن تبغى نصيحتي؟ أنتظر ينزل ال2011 أنصحك بقوة، يا رجل السيارة بترتفع قوتها من 315 حصان إلى 412 حصان وفيها أبجريد جامد والسعر ما بيكون أغلى بواجد.

الـGT500 الموديل السابق (مادري وصلهم الـ2010 أو لا) ولكن حسب علمي يبيعوه بـ165 ألف ولو يخيروني بينه وبين الـGT 2011 أخذت الـGT500 السابق لأنه 500 حصان يا رجل وشكله مفتري وسعره مو أغلى بواجد من الموستنج الجديد، الـ2010 قوته 540 حصان والـ2011 قوته 550 حصان .. السيارة هذه

الزبدة؟ تقدر تشيك على الـGT500 السابق، ما أنصحك تاخذ ال2010 لأن في أبجريد كبير جاي للمحرك وبرأيي كان المفروض ينزل مع ال2010 ألريدي، لو ما بتشيك على الـGT500 الموديل السابق انتظر الـGT 2011.

تذكر أن 165 ألف تقريبا تدفعها على سيارة صاروخ ومجرمة ولا تدفعها على لكزس أو شيء من هالأشياء الغبية :laugh::

طبعا تقدر تمشي حالك بأي شيء لتلك الفترة لو حاب تنتظر الـ2011، لكن لو عندك مقدرة على شراء الموستنج وتشتري غبي أو شيء غيرها لا تكلمني بعد اليوم :crying:

 

[naser]

الخرينج كم سوبرا عندهم خخ ؟

حمرا وسودا وبيضه لول

ولا كل مره يصبغونها ؟

 

[Nyx]

إذا تبغى الصراحه أنا محتار بينها وبين الـclk200 , وواحد من أصحابي ملزم علي بـc200 2010 .
بكره بشيك على الوكاله اللي هنا وبشوف .

 

[Zero]

أنت مخير نفسك بين سيارة تمشي وسيارة ما تمشي :laugh::

لا أنت ما بتاخذ الـCLK ولو بتاخذ الـCLK قلت لك روح وأنا أجري وراك .. أوكي هي مبالغة لكنه المرسيديس المفضل عندي، أنت تبغى الـC200 ولا تقعد تلخبط :xd:

يا رجل أسمع نصيحتي ولا راح تندم، سيارة قابلة للحوسة بشكل كبير ولا فيها شيء ولا فيها فلسفة زايدة لا كهربائيا ولا ميكانيكيا مع كبوت واسع ومحرك 8 سلندر، شكل هيبة وصوت وجير عادي ولا أحلى، الموستنج خيار يصب في مصلحتك من جميع النواحي.

يا عمي ويش تبغى في الC200؟ لا تحسسني أنك رجل في الثلاثين.

 

[Nyx]

أنا المشكلة طحت في وحده amg كشف أسود ,شفتها قدامي وبكل صراحه خقيت .
c200 مو داخله مزاجي أصلا , بس على قولتها مخلينها شبابيه هالمرة .
الموستنج اللي يقهر فيها ياخي داخليتها بلاستيك , مدري ليش كل السيارات الأمريكيه قالبه كذا .

 

[Zero]

داخلية الموستنج أجود بكثير (وأفضل شكلا بفرق) من داخلية الكمارو والتشالنجر، لا يغرك الشكل، ولو على الداخلية روح شوف الـGT500 وأبغى أسمع منك كلمة بلاستيك.

يا عمي ميزة My color لوحدها تخلي داخلية أي سيارة ثانية مسخرة، هو في أحلى من تغيير لون الداخلية بكبرها بألون كثيرة جدا وعلى مزاجك؟ :inlove:

محمد أنت قاعد تسبب لي ألم نفسي، ترى لسه باقي مشوار على ما أجمع وأشتري لي GT500 >.<

 

[Rakan HD]

اخذ الموستينج افضل....سبورت-شبابيه-تصميم وحش-تستاهل سعرها وزود بعد ,
ونفس ما قالك زيرو انتضر لحد ما تنزل 2011 عليها تطويرات مو قليله ابدا وبتكون مو بعيده عن سعر الحالي =امتلاك ! ..لو يخيروني بينها وبين كمارو وشالينجر وحتى clk اباخذ الموستينج ,

فورد قطع غيارها الارخص مقارنه باقي الوكالات وتعاملهم عندنا محد من قبل ذمّه (بالكويت) ,
لكن لا تاخذ ولا سياره من الي ذكرتهم الا بعد ما تعرف فعلا شنو هي متطلباتك بهذي السياره .

 

[Zero]

جملة جاري الأخيرة مهمة، لكن ما دام أنك ذكرت الموستنج فما أعتقد عندك مشكلة مع الكوبيه (في شباب ما يفضلوه).

لو ما ودك تنتظر الـ2011، روح شيك على الـGT500 سنة 2009، ولا تنسى أن السيارة 500 حصان وقابلة للزيادة بعد (لول).

 

[naser]

تم افتتاح رابطه الكويت للسيارات من جديد ...

 

[BioHazard]

انا اشوف المرسيدس افضل, الموستنق سياره ما تنفع في السعوديه. السياره ميزتها قوتها وانت ما بتستخدم الشي هذا في السعوديه لانه ما في تراكز ولا اي شي ليش تشتريها طيب, خذلك سياره شبابيه مريحه وفخمه وترى فرق السرعه ثواني معدوده بس.

انا جربت الاثنين وهذا رأيي.

 

[The Doctor]

^بس لا تنسى إن المرسيدس خراباتها مضمونة

و قطع الغيار و التصليح غاليين.. يعني لا تاخدها إلا حاط هالشي في بالك و تقدر عليه

 

[Magnificent]

الموستنج اللي يقهر فيها ياخي داخليتها بلاستيك , مدري ليش كل السيارات الأمريكيه قالبه كذا .

كلهم مدمورين ، من بعد ٢٠٠٢ صاروا يخففون قيمة الانتاج لاقل درجة ممكنة ، حتى مقاعد سياراتهم صارت رخيصة و غير مريحة الا عدد قليل من السيارات

 

[Zero]

انا اشوف المرسيدس افضل, الموستنق سياره ما تنفع في السعوديه. السياره ميزتها قوتها وانت ما بتستخدم الشي هذا في السعوديه لانه ما في تراكز ولا اي شي ليش تشتريها طيب, خذلك سياره شبابيه مريحه وفخمه وترى فرق السرعه ثواني معدوده بس.

انا جربت الاثنين وهذا رأيي.

بالعكس في أماكن واجد تقدر تاخذ راحتك فيها وتداعس وتسوي أي شيء والبلد كبير، بس أهم شيء تكون بعيد عن أعين الشرطة :laugh::

كلهم مدمورين ، من بعد ٢٠٠٢ صاروا يخففون قيمة الانتاج لاقل درجة ممكنة ، حتى مقاعد سياراتهم صارت رخيصة و غير مريحة الا عدد قليل من السيارات

فورد أحسن بمليون مرة من جينرال موترز وكرايسلر وداخلية سياراتها مو بس تتفوق في التصميم بل فرق ملحوظ حتى في الجودة.

 

[BioHazard]

زي ما قلت انا جربت النوعيين وهذا رأيي, السيارات السريعه بتتحمس يمكن اول شهرين بعدين خلاص, اهم شي الراحه في السواقه والسلامه.

Kaizoku
كل السيارات ينطبق عليها هالكلام بإستثناء تويوتا وهوندا, السيارات الوحيده الي ممكن اخاطر واخذها تقسيط لانه قليله الاعطال وسعر البيع دائماً ممتاز.

 

[i7asan]

جاي اقول كلمتين بس ..

السيارات الألمانية هي الافضل
او الأوربية بشكل عام 😀

سلامة وجودة وثبات وتقنيات متفوقة وتصاميم انيقة وتعطيك شعور بالراحة النفسية
السيارة بالنسبة لي مو في قوتها وعدد احصنتها وصوتها

بعد تجربتي مستحيل افكر في امريكي
ياباني في اشياء تعجبني مثل النسيان في الفترة الاخيرة
واللكزس والانفنتي

 

[The Bloodstains]

أنا المشكلة طحت في وحده amg كشف أسود ,شفتها قدامي وبكل صراحه خقيت .
c200 مو داخله مزاجي أصلا , بس على قولتها مخلينها شبابيه هالمرة .
الموستنج اللي يقهر فيها ياخي داخليتها بلاستيك , مدري ليش كل السيارات الأمريكيه قالبه كذا .

ما في على الأنجليزي في السيارات، فخامة و أداء لكن السعر لك عليه شوي. بس بما أنك تفكر تاخذ موستنج أو ميرسيدس فأتوقع أن ميزانيتك أكثر من 120 ألف. فأتوقع أن الـJaguar XF أو الـJaguar XJ الجديد (ما أدري كم سعره بالضبط) بيكونوا خيار Perfect.

Jaguar XJ:

Jaguar XF:

بس لازم تشيك على صور غير هذي، لأنها مو عاطية السيارات حقها. 😉

 

[Zero]

عشاق السيارات الأوروبية شاطرين في إظهار مميزاتها فقط :\، ومن وجهة نظري عيوبها تطغى على مميزاتها بالنسبة للشخص العادي.

محمد اسمع كلامي وكلام جاري لأننا عشاق حقيقيين للسيارات P:

 

[Dante]

جاي اقول كلمتين بس ..

السيارات الألمانية هي الافضل
او الأوربية بشكل عام 😀

سلامة وجودة وثبات وتقنيات متفوقة وتصاميم انيقة وتعطيك شعور بالراحة النفسية
السيارة بالنسبة لي مو في قوتها وعدد احصنتها وصوتها

بعد تجربتي مستحيل افكر في امريكي
ياباني في اشياء تعجبني مثل النسيان في الفترة الاخيرة
واللكزس والانفنتي

اتفق مع رأيك
مافي افضل من الالماني في الراحة والمواصفات ,, اقترح انك تاخذ باكثر من رأي ولو في منتديات مختصة بالسيارات يكون أفضل ولو تبعد عن المتعصبين لشركات معينة يكون افضل وافضل

 

[Rakan HD]

الأوروبي تستانس فيه وتتكشخ فيها وتتمخطر بالشوارع وتهايط على خلق الله ....بس لا سمح الله سوا فيه حادث وتعال شق ملابسك بعدها ,
نفس الكلام على قطع الغيار اول جم سنه مستانس بس خله يخرب عندك شي جايد بالسياره وشوف جم سعره بالوكاله وحتى خارج الوكاله ما هو موجود بكثره وغالي ومو مضمون ...واعطال السياره الكهربائيه والكمبيوتر 70% ما راح تقدر تصلحها الا بالوكاله سوائا بعد سنه ولا مليون ,

انا اقولها بكل صراحه الموستانج او اي سياره سبورت ثانيه ...اذا مكان عملك بعيد حيل عن سكنك ومشاوريك اليوميه طويله وما راح يكون عندك غير الموستانج فـ ما راح انصحك فيها ابدا كل السيارات السبورت بالصيف الي عندنا مع الاستعمال اليومي تندمر خلال 4 سنين على الكثير ,
والكلام هذا ينطبق على اوروبي والامريكي والياباني السبورت ,

بأختصار فورد بالفتره الأخيره تغيرت واجد ...بكل شي والجوده صارت ممتازه جدا وتقدر تشوف الأنجازات بالسنوات الاخيره ,

ولا واحد بالمنتدى يقدر يفيدك الا الي حولك وعايش معاك واصدقائك المقربين ...لانهم هم ادرى بأحوالك ,
صل صلاه استخاره وبأذن الله بتختار السياره المناسبه .

تحرير :

عشاق السيارات الأوروبية شاطرين في إظهار مميزاتها فقط :\، ومن وجهة نظري عيوبها تطغى على مميزاتها بالنسبة للشخص العادي.

محمد اسمع كلامي وكلام جاري لأننا عشاق حقيقيين للسيارات P:

تذكر سعر جنط الجاكوار الي بـ 3300 ريال ..يا رجل 3 جنوط سعر تجفيد مكينه كامل بالوكاله للسيارات الامريكيه >.>

 

[Zero]

الحين يجي أي عاشق للسيارات الأوروبية ويقول لك جودة وانسى الخرابات وكأن السيارة بتبقى صاحية للأبد، يا عمي جودة ما اختلفنا لكن ما هي ذاك الشيء اللي يستحق يخليك تدفع مبلغ وقدره في سيارة تقدر تحصل بدائل لها بأسعار أقل بفرق كبير، شراء السيارة شيء والإبقاء عليها شيء آخر .. المقدرة على شراء السيارة من الأساس وحدها مو كل شيء، ولو تفكر على المدى الطويل أيضا حتى لو كان الإبقاء على السيارة أمر سهل توفير بعض الأشياء بياخذ منك وقت لعدم توفرها وقتها تضطر تبقى بدون سيارة أو تشوف لك ياباني أو أمريكي إلى أن تصلح وضعك خصوصا لو بتاخذ لك سيارة إنجليزية مثل ما يقول أخونا فوق، أنا مو قاعد أقول أن شراء سيارة أوروبية شيء غلط لا طبعا! والله أنا نفسي في CLK وما عندي مانع أشتريها لو عندي مقدرة بغض النظر عن كونها خياري الأول أو لا .. لكن اللي أحب أوصله لك هو أنك تشوف اللي يناسبك وتحسب حساب كل صغيرة وكبيرة في مخك صح.

محمد ويش رايك تروح تاخذ لك زد؟ السيارات اليابانية هي الأقل جدلا :laugh::

على العموم مثل ما قال لك جاري شوف اللي يناسبك .. أحسبها صح، اختلاف السيارات ما جاء إلا من اختلاف رغبات الناس، تعريفي للسيارة يختلف عن تعريفك، أنا تعريفي للسيارة أنها شيء يمشي وعنده قوة وهذه هي السيارة عندي وشيء المفروض يكون في حوزة الجميع ولهذا أفضل فورد .. لو غيري يفضل شيء آخر فهو له أسبابه سواء كانت تقنعني أو لا، بالنهاية شوف ويش يناسبك "أنت" والآراء المطروحة تقدر تقرأها وتحللها بناء على ما يناسبك.

 

[MAX9009]

الـJaguar XF أو الـJaguar XJ الجديد (ما أدري كم سعره بالضبط) بيكونوا خيار Perfect.

!! perfect :yuck:: .... بالخليج عندنا ولا تفكر بالـjaguar يارجال ما تنفع بشي.

 

[The Bloodstains]

!! perfect :yuck:: .... بالخليج عندنا ولا تفكر بالـjaguar يارجال ما تنفع بشي.

لول، ليش؟ صاحبي توه من فترة ماخذ له XK-R و مبسوط معاها و لحد أحين ما سمعته يذم فيها شي. غير هذا، الجيل الجديد من سيارات Jaguar يبشر بالخير، الـXF و الـ XF-R و الـXJ الجديدة، كلهم سيارات تستاهل كل الريال تدفعه علشانهم.

 

[i7asan]

اذا على خرابات مافي سيارة ماتخترب
واذا حادث لا سمح الله .. الله يخلي التأمين
والتكلفة بعض السيارات الالمانية قطعها مثل الياباني واللي مايصدق يروح يسأل

والاوربي والالماني معروف انه الافضل مايحتاج اقول بنفسي
معروف حتى من خبراء تجربة السيارات هذا الشي

ولكن اذا بنجي للعيب الكبير عندنا في البلد هو لما تخترب السيارة الاوربية ماتتصلح في كل مكان
وهذا اكبر مشكلة تواجهنا

واللي يقول خراب السيارات الاوربية والالمانية بالذات كثيرة .. هذا واحد مايعرف شي عن السيارات
او ماخد وحدة مستخدمة ورايحة فيها وبعدين جاي يشتكي :tongue:

انا ما اجي ادافع عن الالماني واقول انه الافضل ويمكن تخلوني متعصب
بس اللي جربه وجرب الامريكي والياباني راح يعرف كلامي صح

 

[Zero]

ولكن اذا بنجي للعيب الكبير عندنا في البلد هو لما تخترب السيارة الاوربية ماتتصلح في كل مكان
وهذا اكبر مشكلة تواجهنا

هذه المشكلة الفعلية عندنا، ما راح تنحل إلا إذا زاد عدد الناس اللي يشتروهم، ولو تبغى الصراحة سيارات أودي صايرة منتشرة بشكل جنوني وأكثر من السابق بفرق كبير، سابقا بالموت تلقى وحدة أما البي إم والمرسيدس كان أكثره مستعمل ومن سنين طويلة ولكن اليوم تلقى موديلات جديدة في كل مكان.

بس حتى لو إنحل هذا مشكلة السعر ما بتصير محلولة وتظل تشكل عائق على الأغلبية.

وبحديثك عن السيارات الأمريكية لو كنت تقصد شفروليه فسياراتهم الحقيقة أجود من الخرابيط اللي نشوفها عندنا بكل صراحة خصوصا الـSUVs اللي يقعدوا سنين وما يقولوا أح، وعلى العموم الـSUVs والTrucks من اختصاص الأمريكان من زمان، على العموم أنا غاسل يدي من شفروليه ولو مستقبلا حبيت أشتري سيارة منهم مثلا مستحيل أشتري شيء من هنا أجل الكمارو زايدين في سعرها 40 ألف بالراحة والـZR1 زايدين في سعره 100 ألف ريال !@#! .. بصراحة هالزيادة تخليني عاجز عن التعبير (على الرغم من أن باقي موديلات الكورفيت ما لعبوا في سعرها واجد لأنها غالية من الأساس)، الـZR1 يا تشتريه من الخارج أو لا تشتريه.