TG CARS _|||_ الموضوع الرسمي للســيارات

[Rakan HD]

يا رجل 1100 حصان و1500 وتبي كورفت تصف معاها ..على خير ان شاء الله!
سيارات الدراج ريس اقوى الفئات يالله تجيب 1100 هذي جايبه 1500 @@

لا بس من جد سرعتها خياليه كأنها ريشه مو سياره يدعس لها تروح بفارق خيالي بالفيديو الاول ,
اصلا الجيل هذا فورد تقدمت بكل شي على gm وتستاهلها ,
ولا gm تصك pontiac ولا حتى تفكر تخلي اي شركه ثانيه عندها تتبنى fire bird-.- او على الاقل تحاول تنقذ الشركه نفسها .

 

[Zero]

لول ما حد قال يبغى الكورفيت تصف ولا أحد قال XD

أصلا الهدف من الفيديو اللي حطيته علشان يوريكم كيف السيارة "الملغمة" تقدر "تطير" على السيارات اللي أضعف منها حتى لو كانت قوية، لأن لو الهدف منه هو المقارنة فهي ظالمة وبقوة.

 

[Rakan HD]

^
بضبط ....وهذي النقطه دائما يغفل عنها اي شخص يقارن السيارات الامريكيه مع اي سيارات اخرى ,
السيارات الامريكيه دائما الفارق بينها وبين كل الانواع الاخرى هي كثره الشركات المنتجه لقطع تلغيم هذي السيارات + برمجه هذي القطع متوفره عندنا بكثره عربيا وحتى عالميا تلقا محلات واجد لو تركب اي قطعه على طول يبرمجها وامش ,

وايضا الهوندا لها قطع كثيره نفس السيارات الامريكيه وايضا الامريكان نفسهم يحبون يلغمونها ,
الا ford gt كم سلندر ؟

 

[عاشق 360]

http://www.welcomethehero.com/

هههه مسوين موقع وعد تنازلي وعفسه للكشف عن النيسان باترول الجديد

باقي 5 ساعات تقريبا .... الشكل وداخلية السياره وكل شي فيها راح يتغير كليا

تعديل :

هذي صوره تجسسيه لها طالعه من فتره ...

 

[Zero]

الا ford gt كم سلندر ؟

8 سلندر 5.4 لتر 550 حصان للعادية والمحرك خاص فيه ومو مستخدم في سيارات أخرى، السيارة هذه إبداع هندسي من جميع النواحي (قوة وتصميم وأداء) وما صارت أفضل سيارة على الإطلاق بالنسبة لي من فراغ.

في منها نسخ رسمية طبعا وهما GTX1 وGT 1000 وعدد الأحصنة فيهم خرافي.

على فكرة الـGT500 لسنة 2011 بيكون 550 حصان (رفعوه 10 أحصنة عن موديل السنة)، طبعا السيارة قوية بالفعل لكن في ناس تقارنها مع سيارات غلط (تصميمها ونوعها مختلف)، كون السيارة تمتلك محرك متوحش أقوى من محركات سيارات أصغر وأخف وزنا ما يعني أنك تقارنها بهم.

الباترول صارت آوتديتد بقوة، يا ليت يعدلوا تسارعها بس.

 

[Rakan HD]

5.4 لتر و550 حصان @@ ,
فيها تيربو ؟ سوبر جارج ؟

الكورفيت zo6 محرك 7 لتر و 505 حصان !

يا رجل 5.4 لتر اصغر من محرك كمارو ss2 والشالينجر srt8 واقوى منهم بمراحل مو طبيعيه !
>يبيلي قعده اليوم بالنت مع ford gt .

 

[Krat0s]

الفورد جي تي سوبر شارج ومكينتها ورا.

 

[Zero]

جاري تراها سوبركار ومحركها سوبرتشارجد على فكرة، ويش كنت أقول قبل شوي؟ ترى الـ2011 GT500 يملك محرك 5.4 لتر و550 حصان لكن هذا ما يعني شيء لأن المحرك مو كل شيء، لكن الـGT500 أقوى من التشارجر والكمارو والتشالنجر لو بتقارنها بسيارات من نفس الفئة.

سعرها الرسمي 150 ألف دولار (562 ألف ريال تقريبا) هذا وهي سيارة أسطورية وما صنع منها إلا نسخ محدودة، وتلومني في فورد؟ ما في شركة أكرم منها، الفورد جي تي مو بس محرك بل إبداع من كل النواحي أنت شوف كيف تصميمها بس وكل جزء من أجزائها، اعتبرها أفضل سيارة تصميما وأفضل سيارة سباق على الإطلاق إلى جانب AC Cobra.

 

[i7asan]

شفروليه ما تعرف تزيد القوة والأحصنة الا اذا زادت سعة اللتر :tongue:
مادري يمكن بعدين بنشوف 8 لتر على كابرس خخخ

 

[Zero]

السيارات الأمريكية القديمة بعضها كانت تحمل محركات 5.7 لتر و6.2 لتر و6.5 لتر و7.0 لتر و7.4 لتر وجائت فترة صارت فيها السيارات تحمل محركات بسعة لترية قليلة (مو كل الفئات، مثال: في موستنج 2.3 لتر في الثمانينات) وهالشيء مستمر للآن مع وجود محركات بسعات لترية أعلى للفئات الأعلى خصوصا شفروليه ودودج، سابقا السيارة تشوف لها مليون محرك الحين عدد المحركات قل بالنسبة للسيارة الواحدة.

 

[BigSur]

معليش شباب سؤال خفيف..

انا انسان من جنبها بالسيارات و لا احب اتطرق لها كثير
و مُبتلى باثنين من الشباب راعين سيارات بشكل جنوني
بس مو مثلكم .. راعين طعوس و تعديل و فلتر و هيدرز و مدري ايش و بطيخ
اكاد انتحر إذا طلعت معهم :d

المهم ماعلينا من السالفة <-- هذي تمهيد لأني من جنبها بالسيارات :d

سيارات الأودي كم تتراوح أسعارها عندنا بالسعودية؟
و أبي فئاتها المناسبة للاستخدام الشخصي و سعر الـ R6, R8 , R10 بالإضافة للجيب حقهم بكم؟

و عذراً على الإزعاج

 

[عاشق 360]

معليش شباب سؤال خفيف..

انا انسان من جنبها بالسيارات و لا احب اتطرق لها كثير
و مُبتلى باثنين من الشباب راعين سيارات بشكل جنوني
بس مو مثلكم .. راعين طعوس و تعديل و فلتر و هيدرز و مدري ايش و بطيخ
اكاد انتحر إذا طلعت معهم :d

المهم ماعلينا من السالفة <-- هذي تمهيد لأني من جنبها بالسيارات :d

سيارات الأودي كم تتراوح أسعارها عندنا بالسعودية؟
و أبي فئاتها المناسبة للاستخدام الشخصي و سعر الـ R6, R8 , R10 بالإضافة للجيب حقهم بكم؟

و عذراً على الإزعاج

الي تناسب الاستخدام الشخصي بنظري هي ال A4 للأقتصاديه و الـ A5-6-8 للسيدان الفخمه .

الاي 4 على ما اضن تتراوح بين ال 130 الف حتى ال 150 الف .. هي ارخصهم على ما اظن
اما الاي 5 و6و8 من + 200 الف ....

بخصوص الاجياب عندك Q5و7

الكيو 5 هي الاقل وسعرها تقريبا مابين ال 180 الف وانت طالع ...
الكيو 7 هي الافخم وتبتدي من 260 الف وانت طالع ...

ماني متأكد من الاسعار بس هم بهالحدود تقريبا ...

تعديل : R8 تقريبا 500 الف سعرها
و TT ماعندي علم صراحه بسعرها بس ماضن يتجاوز ال 200 الف

 

[i7asan]

معليش شباب سؤال خفيف..

انا انسان من جنبها بالسيارات و لا احب اتطرق لها كثير
و مُبتلى باثنين من الشباب راعين سيارات بشكل جنوني
بس مو مثلكم .. راعين طعوس و تعديل و فلتر و هيدرز و مدري ايش و بطيخ
اكاد انتحر إذا طلعت معهم :d

المهم ماعلينا من السالفة <-- هذي تمهيد لأني من جنبها بالسيارات :d

سيارات الأودي كم تتراوح أسعارها عندنا بالسعودية؟
و أبي فئاتها المناسبة للاستخدام الشخصي و سعر الـ R6, R8 , R10 بالإضافة للجيب حقهم بكم؟

و عذراً على الإزعاج

R10 سيارة سباق وليست للبيع 😀
R8 V10 ب660 الف والثمانية سلندر مادري بكم صار سعرها
RS6 ب550 الف طبعاً نفس محرك العشرة سلندر في R8 توين تيربو ( محرك لامبورجيني )
TT ب150 او 160 الف
وايضاً الA6 تبدأ من 160 الف وب 170 الف مع كت S-Line الصراحة اشوف سعرها فيها
وكل سيارات اودي مع ضمان خمس سنوات شامل كل شي ماعليك الا تعبي بنزين

وباقي الاسعار مثل ما قال الاخ عاشق 360

 

[Zero]

لو عندك إمكانية خذ A5 محرك 8 سلندر رهيبة خصوصا الكوبيه.

الـRS6 سيارة متوحشة بزيادة لكن سعرها مؤلم >.>

 

[snake eyes]

ما أعتقد احد اتكلم عنها , صوره إدج الجديده 2011 تغييرات جمليه خلتها كأنها سيارة جديده كلياً

موديل 2010 (الشكل القديم)

المزيد من الصور والتجهيزات

الداخليه تغيرت كلياً صارت اجمل, كل سيارات فورد صار لها تغيير جذري كأنها سيارات جديده, ما ادري عن اختلفات المحرك يبغالي اقرا عنها في وقت ثاني.
حسن رأيك بالشكل الجديد؟

 

[i7asan]

اودي RS5

حتى الان مافي معلومات رسمية عن المحرك
اما V10 توين تيربو نفس المستخدم في R8 و RS6
او V8 سوبر شارج وهو الاحتمال الاقرب

 

[Zero]

حسن رأيك بالشكل الجديد؟

مو من محبين الكروسأوفرز، بس حركة تكبير صفائح الكروم اللي على الشبك الأمامي خلت مظهر السيارة أفخم، الداخلية حلوة وهذا شيء مو جديد على سيارات فورد ولكني من الناس اللي ما يهمهم تصميم الداخلية أبدا XD

عموما الإيدج ما أقدر اعتبرها سيارة جديدة أو تغيير جديد لأنها أصلا تكملة لسيارات "التغيير" والإيدج السابق داخل في هالكلام، نفس الكلام ينطبق على الفيوجن والتوروس على الرغم من الفرق الخرافي في آخر موديل، أما فئة F والموستنج وسيارات فورد المعتادة من يومها وهي توب وحتى هذه السيارة قاعدة تتطور بنفس الجيل اللي هي فيه.

أما أودي RS5 فهي وحش آخر من أودي، يعجبني تركيز الشركة على السيارات القوية ولو أن السعر بيكون مؤلم بقوة كالعادة.

 

[The Bloodstains]

سعر الـRS5 أقلها بيكون 400 ريال مدام الـA5 تبدي من 200 ألف.

 

[i7asan]

تم الاعلان الرسمي
بتكون بمحرك V8 بسعة 4.2 بقوة 450 حصان وبتسارع يبلغ 4.5 ثواني

وسعرها €77,000
تقريباً 393 الف ريال :xd:
يعني زي ماقال الاخ The Bloodstains

صور جديدة:

 

[Arkan]

Oh my God

Supercharger
500 حصان

 

[s3rorh]

^
شخباري !!! aka صباح الخير !!

على حسب ما سمعت السيارات هذي موجوده صوب جليعه وطريج الملك فهد .. لزوم المطاردات الخطيه :whistle:

 

[Arkan]

أنا شفتها على خط العبدلي بحكم تجمهر المستهترين
بس فلشر الـLED الموجود داخل الشبك وبالمرايا الجانبية وفوق القماره شي خيالي

 

[s3rorh]

العبدلي شارع صدام !!؟

 

[Arkan]

^ :what: هاه ؟

شارع المطلاع عند البر ,, لا نكثر سوالف واسأله ما تدله ارسل لي على الخاص أبشر بالشرح الممل + الخرائط بعد والإحداثيات اذا تبي

 

[The Bloodstains]

تم الاعلان الرسمي
بتكون بمحرك V8 بسعة 4.2 بقوة 450 حصان وبتسارع يبلغ 4.5 ثواني

وسعرها €77,000
تقريباً 393 الف ريال :xd:
يعني زي ماقال الاخ The Bloodstains

صور جديدة:

إلا ابغا اعرفه هو ليش السيارة سعرها مبالغ فيه عندنا؟ السعر الرسمي للسيارة يبدأ من 36000 دولار و عندنا يبدأ من 200 ألف. ليش؟!!

:crying::crying::crying:

 

[Zero]

لو أنا كويتي كان اشتغلت في المرور XD

 

[Bloody_X86]

[YOUTUBE]<object width="560" height="340"><param name="movie" value="http://www.youtube.com/v/WmfEq2Q9jtE&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/WmfEq2Q9jtE&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="560" height="340"></embed></object>[/YOUTUBE]

اوستن مرتن ون-77 هذا السيارة منافس قوي للبوقتي فيرون هيكل السيارة مبني من كربون فيبر في كندا و 7.3 -V12 المكينة 700 HP يعني نفهم ان وزن سيارة خفيف و سرعة خرافية .

 

[Rakan HD]

ترا الموستانج هذا في منه 4 او 6 بالكويت بس....وشايفلهم صور وهم توهم واصلين الكويت بقراطيسهم من مده وكان نفس العدد الي ذكرته ,
وفعلا في سوبر جارج والسياره ما يحركونها الا للشغلات الضروريه حيل ,

عموما من كبر الكويت؟ خله ينحاش ....باجر ولا الي بعده يصيدونه تفتيش خخ ,

الأودي تصميمها ممتاز جدا ! كـ خارجيه او داخليه ابداع صراحه .

عمركم سمعتوا بالـ Rc Nitro Car ؟ ..سيارات لاسلكيه بانزين وايضا نيتروجين؟
ودرغت ودراغ ريس وفيها بستن وتجفيت مكينه وتبديل زيت المكينه وشاصي وكل شي؟

[YOUTUBE]8xFkvo0xHoA[/YOUTUBE]
افضل من الدرفت الحقيقي بـ 100 مره .

 

[Snake-87]

السلام عليكم
شباب أبي موقع سيارات يسوي مقارنة بين الموديلات يعني هالسنة وموديل السنة الي طافت مثلا .
شتنصحون فيه ؟

 

[Zero]

أي نوع من المقارنة؟ المقارنة بين المواصفات وتحديد ويش الموجود هنا والناقص هناك أو مراجعات؟ هل هو بين سيارة من نفس الشركة أو السيارة نفسها أو مقارنة مع سيارات أخرى؟

ولو في شيء محدد بالمرة يا ليت تذكره.