TG CARS _|||_ الموضوع الرسمي للســيارات

[i7asan]

هذه السيارات أحجامها ممتازة وواسعة كفاية ، أكثر شيء يعجبني شكل الـA4 كوبيه.

ممم انت تعني الA5 ؟

لأن الA4 الكوبية ما تنزل الحين واعتقد استبدلت بال A5

 

[Zero]

الـA4 القديم تحس تصميمه "أودي" بقوة ، ذكرتني بالـTT هالسيارة صايرة مظلومة مع أنها كانت أول شيء يجي على البال لما الواحد يجيب طاري أودي قبل كم سنة.

أنا الـA4 سيدان يعجبني ، ونعم أقصد A5 coupe بس مادري ويش فيه لساني ماسك على :laugh::A4 coupe

على فكرة كم سعرها في السعودية؟ أقصد الـA5 محرك 8 سلندر 4.2L.

 

[Zero]

شباب التغطية الصورة لمعرض دبي للسيارات اللي صار قبل فترة تلقوها هنا:


http://www.drivearabia.com/news/2009/12/16/dubai-motor-show-2009-photo-coverage/


التغطية ضخمة بمعنى الكلمة ، الصورة كثيرة جدا والمعرض متنوع بشكل ما توقعته !


بعض الصور

كورفيت كونسبت

صورة تعجب حسنيمو

الصاروخ

ما أبغى إلا الـGT500 باللون الكلاسيكي هذا :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying: :crying:

 

[i7asan]

^
ال8 سلندر سعرها تقريباً بين 270 الى 290 ويكون اسمها S5 مثل اللي في الصورة

تعديل: وااو على سيارات المعرض! :wow:
ماشاء الله دعم قوي من الشركات
شكله بصير معرض دبي مثل المعارض العالمية كل سنة

 

[Zero]

لحظة مو الـS5 سيدان بس ×_×؟! لو أنا مضيع؟ على العموم الـS5 بشكلها السيدان ( اللي في راسي لول ) وبشكلها الكوبي هو بالفعل أفضل أودي ، يكفيك الشبك الأمامي.

 

[Leon]

ياخي كل ماشوف سيارة كونسبت أقول متى بس توصل لمرحلة الإنتاج , الكورفيت يبكي 🙁 .

 

[i7asan]

لول انت ملخبط السالفة
فئة الS زي ال M في البي ام والAMG في المرسيديس والSS في الشفر والR في الفولكس واجن
يعني
A4 الفئة العادية بعدين S4 سبورت RS4 سوبر سبورت (الA4 الحين صارت بس سيدان وشكلها يشبه الاي 5 )
A5 (كوبيه بس) الفئة العادية بعدين S5 سبورت وRS5 للحين مافي
مثلاً
A6 بعدين S6 سبورت وبعدين RS6 سوبر سبورت وتعتبر اقوى سيارة اودي بمحرك 10 سلندر توين تيربو من لامبورجيني بقوة 580 حصان ( اعتقد اقوى من الM5 )

تعديل: فيديو تسارع الRS6
[YOUTUBE]sKq6HmEM79Q[/YOUTUBE]

الصوت:inlove:

 

[Zero]

محرك 2011 Mustang GT المشاع من زمان وصورة له بسعة 5.0L و412 حصان @ 6500 RPM ، صرف الوقود 9.4 لتر/100 كم.

المحرك هذا وضع لمنافسة الكمارو لأن الـGT500 تعتبر من فئة أعلى بالنسبة لسعرها الأغلى من الكمارو بكثير ( في أمريكا طبعا ، عندنا سعرهم نفس الشيء بل الكمارو صار أغلى :laugh:: ).

شكرا شفروليه على الكمارو الجديدة خليتوا فورد تتحرك وأتمنى تظل الموستنج بنفس السعر تقريبا ، صحيح المحرك حق الـGT العادي أقوى من الموديل السابق لكن فرق بسيط جدا وغير محلوظ.

مع ذلك لسه عيني على الـGT500 ولازم أشتريها بعد كم سنة حتى لو كارول شيلبي مات وقتها يمكن يسموها كوبرا مرة ثانية ، المهم الموستنج هذا ما راح يرضي طموحاتي الجشعة بعد كم سنة ولو ما حصلت الـGT500 أبدا أبدا :crying: .. فيوجد خيار أفضل من المحرك السابق :


تعديل: لا تعتب علي ، دائما الألماني يلخبطني واحتمال أنسى بكرا :laugh::

ريان ، ياخي الكورفيت هي البديل الوحيد لو ما حصلت GT500 بعد كم سنة ، ياخي فهمني أنا متشائم لو ويش السالفة؟ أحس السيارة ما في أمل تصير عندي حتى لو في $$$$ وحتى لو بعد كم سنة ، اعتقد عقلي ما يستحمل أني أتخيل أن عندي GT500 :crying:

الزبدة أبغاها الآن :crying:

 

[i7asan]

^
بالنسبة لي مافي مقارنة بين الموستنج والكومارو
الموستنج افضل بمراحل .. الكومارو الجديد شغل رخيص وسعره غالي عندنا حرام ادفع هالمبلغ فيه

 

[Zero]

المقارنة من ناحية المحرك فقط ، أفضلية الموستنج هذا أمر مفروغ منه.

يعني محرك الكمارو SS يجي بـ6.2 لتر بـ420 حصان.
أما الموستنج الجديد يجي بمحرك 4.6 لتر 315 حصان ، مع ذلك وعلى ثقل وزنه يجيب 100 في 5 ثواني.

الكل قام يلوم فورد ( الأمريكان يقولوا الموستنج GT أغلى من الكمارو SS مع الفرق .. الناس كانوا يقولوا الكمارو V6 يتقارن مع الموستنج GT بالمحرك السابق وإلخ .. يستريحوا عاد السيارات عندهم هناك ما في أرخص منها ).

المحرك مثل ما قلت 5.0 لتر 412 حصان ، ورفعوا قوة الـ6 سلندر بمحرك 3.7 لتر إلى 305 حصان علما بأن السابق كان 6 سلندر 4.0 لتر 210 حصان .. وطبعا ما ينزل عندنا موجود في أمريكا على أساس أنه اقتصادي.


ببساطة المحرك هذا تسكيتة من فورد ولو يبغوا المزيد في GT500 من زمان.

 

[i7asan]

على الاقل فورد تجيب عدد احصنة كبير في سعة لتر قليلة
الشفر لازم تزيد سعة اللتر عشان يزيد كم حصان.. مادري وين بيوصلوا اخرتها

وقوة المحرك ماتفرق معي بشكل كبير
اهم شي الجودة والشغل الصح وسيارة ارتاح فيها من كل النواحي مو بس محرك قوي ..
ولو خيروني بين السيارتين اخذ موستنج بدون تردد

على فكرة .. فورزا 3 فيها اودي RS6 ؟:tongue:

 

[Zero]

نعم ، اللي تسويه فورد إبداع هندسي بالنسبة لحجم ووزن الموستنج GT سنة 2010 ، واللي سووه مع الـ2011 يعتبر تطوير ممتاز جدا ومسكت.

السعة اللترية مو كل شيء ، قول لشفروليه ودودج لول.


مواصفات المحركات الكاملة للسياراتين ( المحركات الجديدة للموستنج ):
كمارو V6 محرك 3.6 لتر 304 حصان.
موستنج V6 محرك 3.7 لتر محرك 305 حصان.
كمارو SS محرك V8 سعة 6.2 لتر ( 400-420 حصان ، واحد للجير الأوتو والآخر للجير العادي حسب علمي ).
موستنج GT محرك V8 سعة 5.0 لتر 412 حصان.

محركات الموستنج السابقة:
4.0 لتر 210 حصان.
4.6 لتر 315 حصان ، و300 في الموديلات اللي قبل 2010.

محركات الـGT500:
من 2007 إلى 2009: محرك 5.4 لتر 500 حصان.
2010: محرك 5.4 لتر 540 حصان.
السيارة متوفرة بجير عادي فقط.

 

[Leon]

ريان ، ياخي الكورفيت هي البديل الوحيد لو ما حصلت GT500 بعد كم سنة ، ياخي فهمني أنا متشائم لو ويش السالفة؟ أحس السيارة ما في أمل تصير عندي حتى لو في $$$$ وحتى لو بعد كم سنة ، اعتقد عقلي ما يستحمل أني أتخيل أن عندي GT500 :crying:

الزبدة أبغاها الآن :crying:

لول ليش لأ ؟ وقتها تكون نزل سعرها أقل من الحين .. ولا أقول لك بلاش تاخذ بكلامي لأنه تشاؤم برضو :laugh:: .

ان شالله يجي اليوم اللي نبارك لك عليها .

توصل بإذن لله 😛 .. لول أمزح .

 

[Magnificent]

شباب ترى احياناً تلقى سيارة سعة محركها عالية و عدد الاحصنة القصوى قليل ، لكن شوف عند كم RPM تحقق الاحصنة هذي و شوف بعد كم تورك المكينة الاقصى و عند كم RPM توصله السيارة لك ... في سيارات تعطيك عدد احصنة اقصى كبير في سعة محرك صغيرة لكن عشان توصل للاحصنة هذي لازم تحرق المكينة ، هوندا S2000 مثلاً توفر ٢٠٠ حصان في ٢٠٠٠ سم مكعب لكن شوف عند كم RPM ... حول ١٠ آلاف !!! عدد الاحصنة ما صار اقصى الا لانه ما راح يستخدم بنسبة ١٠٠٪ في مراحل دوران المحرك

 

[Zero]

مو إحنى قاعدين نقول "سعة المحرك مو كل شيء"؟ في عوامل كثيرة تأثر على أداء السيارة بالنهاية ، يعني خليك من المحرك ، تصميم السيارة وشكلها ووزنها وارتفاعها ونوع دفعها والأكسلز والسسبنشن..إلخ.

أكيد هذه أشياء كلنا حاطينها في البال بس لما نجي نتكلم عن المواصفات نتكلم عن أشياء خفيفة لأنه صعب حصر كل شيء ، الله يخلي قائمة المواصفات الكاملة في المواقع .. وعلى طاريها بعض المواقع الرسمية ترتيبهم للمواصفات يجيب لي صداع :annoyed:

 

[Leon]

شيفروليه ماليبو 2010 :

يجي منها 4 طرازات , أعلاها LTZ يجي بمحرك 2.4 ليتر 4 سلندر (؟) 169/6400 حصان .


تصميمها يذكرني بسيئة الذكر إيبيكا , تبغوا الصراحة .. من بعد عملية دمج دايو موتورز تحت شيفروليه صرت أتشاءم كثير من سياراتها , إيبيكا , أوبترا , أفيو , كابتيفا ... والله أعلم إيش اللي يجي ثاني , حاس إن عدوى السيارات الكورية انتقلت إلى سيارات شيفروليه الأصلية .. يا ليتهم ما طالعوا في دايو بس .

 

[Zero]

الإيبيكا هي اللي تشبه الماليبو مو العكس ، الماليبو موجود من زمان من قبل لا تتحول الإيبكا لهذا الشكل .. أصلا هي كان تصميمها القديم يتسمى "شكل"؟ لول كنت أحسها سيارة من دون شكل والشكل الجديد لها محاكاة لسيارات شفروليه ، الماليبو موجودة من زمان مثل ما قلت ولها Image معين يوحي بأنه سيارة من شفروليه ولو تشبه شيء جديد غير تصميمها السابق فهي تشبه الـCobalt واللي أقصده هنا شبه في الصورة العامة مو شبه في شيء معين.

ماليبو "سيارة أمريكية" بالفعل وما هي دايو ، هذه سيارة شفروليه حقيقة وما ينخاف منها.


إيبيكا ، أفيو ، أوبترا ، كابتيفا كلها سيارات دايو ، سيارات دايو ما حد كان يشتريها اشتروها جنرال موتورز وحطوا عليها علامة شفروليه .. وهوب الناس تشتري :laugh::

على طاري الإيبيكا فهي أسوء سيارة في التاريخ من ناحية الهاندلنج :laugh::

 

[Leon]

إيبيكا ، أيفو ، أوبترا ، كابتيفا كلها سيارات دايو ، سيارات دايو ما حد كان يشتريها اشتروها جنرال موتورز وحطوا عليها علامة شفروليه .. وهوب الناس تشتري

مو هذه المشكلة , مو كل الناس متابعين إيش اللي يحصل بين الشركات من عمليات إندماج أو مقايضات , فلمن يروحوا لشركة شيفروليه ويشتروا سيارة منها aka دايو .. راح يعكس سمعة سلبية عن الشركة , وهذا اللي حاصل فعلاً , ناس كثير على الأقل اللي أعرفهم طبوا في السيارات هذه وماخذينها على إنها شيفروليه أول ما طلعت , وهاتك يا خرابات بايخة أشهرها حساس الجيربوكس في الإيبيكا , والنتيجة ؟! .. حرموا ياخذوا سيارة من شيفروليه بكبرها .. كلامي معاهم ما ينفع لأن اللي يده في الموية مو زي اللي يده في النار .
الإيبيكا بالذات منتشرة بشكل خرافي في جدة , وهذا اللي خلاني أتذكرها من شفت تصميم الماليبو النادر عندنا .

 

[Rakan HD]

اوكي، خلنا نغير شوي من السيارات الأمريكية المملة:

الزوندا يا اخي فيها شيء خرافي وهي صوتها!....يعني اصوات السيارات كلها بكوم وهذي بكوم :
[YOUTUBE]pA5QQpt0-aA[/YOUTUBE]
:wow:

 

[haMod07]

:inlove::inlove::inlove:

 

[Zero]

ريان هنا المشكلة بالضبط ، عتبي على جهل الناس ، هي حركة تسويقية من جنرال موتورز لسيارات دايو وهولدن لكنها حركة رخيصة للغاية وكرهتني في أسلوب الشركة ، صارت أغلب سياراتها الأخيرة خرابيط وما في سيارات سيدان أمريكية إلا نادرا.

بالنسبة للزوندا ، هذه السيارة لطالما أعجبني صوتها .. قوي ومرعب لدرجة كبيرة.

 

[s3rorh]

شفايده السيارات الـconcept ؟ ¬_¬

 

[Zero]

شفايده السيارات الـconcept ؟ ¬_¬

استعراض عضلات قد يتحول إلى حقيقة بعد فترة من الزمن مع داونجريد واختلاف في أشياء معينة مع الحفاظ على الصورة العامة.

لا من جد ، السيارات الكونسبت حاجة مثيرة للاهتمام ودائما تنسبط لما تشوفها ، في سيارة معينة ببالي اتمنى لو تدخل في الإنتاج بس صعب :crying:

 

[Krat0s]

الزوندا محركها AMG

بالنسبة للA5 تصميمها جميل

والحين قطع غيار الفلكس ارخص من الهوندا؟؟ :wow:

انزين انت كم بكم سعر قماشات سيارتك الي قدام؟؟

 

[i7asan]

^

400 ريال
القماشات تدوم 35 الف اذا كان استخدامك عنيف خخخ

على فكرة الجولف الوحيدة اللي ب400 ريال هي سيارتي لأن حجمهم يختلف واكبر من العادية
الجولف العادية و الباسات و الايوس واعتقد السي سي بعد ب 260 ريال

في عضو في منتدى السيارات صابه حادث والحمدلله على سلامته كتب اسعار قطع غيار باسات سي سي..

1- غطاء --------------> 56 ريال .. cap
2- طرمبة مساحهـ ----> 183 ريال .. cylinder
3- زجاج -------------> 1405 ريال .. glass
4- كبوت -------------> 2058 ريال .. hood
5- قاعدة رديترات ----> 966 ريال .. carrier
6- نور أمامي --------> 2561 ريال .. headlamp
7- غطاء -------------> 2047 ريال .. cover
8- شبك --------------> 172 ريال .. grille
9- رفرف ------------> 915 ريال .. fender
10- نور ضباب ------> 286 ريال .. fog lamp
11- اشارة -----------> 160 ريال .. turnsignal
12- قربة رديتر ------> 141 ريال .. container
13- قربة مساحات --> 171 ريال .. container
14- باب ------------> 2516 ريال .. door
15- باب ------------> 1603 ريال .. door trim
16- مفصلة --------> 91 ريال .. hinge
17- مفصلة --------> 233 ريال .. hinges
18- زيج -----------> 210 ريال .. molding
19- زيج -----------> 2157 ريال .. subpart
20- طبلون ---------> 6490 ريال .. dashboard
21- وسادة هواء ---> 3483 ريال .. airbag
22- وسادة هواء ---> 4106 ريال .. airbag
23- حزام امان -----> 775 ريال .. seat belt
24- حزام امان -----> 775 ريال .. seat belt
25- كمبيوتر وسائد هواء ----> 1686 ريال .. module
27- مقص ---------> 789 ريال .. contr arm
29- عمود عكس ---> 3530 ريال .. driveshaft
31- مقص --------> 219 ريال .. conn link
32- مساعد ------> 1391 ريال .. shock ABS
33- جنط مقاس 18 ---> 1538 ريال .. wheel
34- مراية زجاج ------> 205 ريال .. mirror
36- قاعدة -------------> 324 ريال .. dampening
37- زيج --------------> 1797 ريال .. trim
38- حساس -----------> 248 ريال .. sensor
39- طرمبة -----------> 187 ريال .. pump
40- طرمبة -----------> 234 ريال .. pump
41- نور --------------> 69 ريال .. warning light
42- بطانة رفرف -----> 181 ريال .. wheel hous
43- بطانة رفرف -----> 97 ريال .. wheel hous

انا اشوف في قطع اسعارهم نار وفي مناسب

 

[Rakan HD]

6- نور أمامي --------> 2561 ريال .

يا ألهي :laugh::
2000 ونص ريال على نور امامي!!! يا رجل احلى سطاب امامي حق اي سياره ما يطلع بهذا السعر @@ ,
شكله يولع ليتات ديسكو مو زنون ولا عادي لول ,

لكن للأمانه اكثر من 50% من القطع اسعارهم ممتازه والباقي من غاليه الا متوسطه.

 

[Zero]

نفس الشيء هنا في أسعار برأيي في قطع أسعارهم مادري ويش تبغى وبعضهم سعرهم ينبلع.

 

[i7asan]

^
على فكرة سمعت واحد من الشباب يقول سطاب زينون الكابرس اس اس ب 3500
اسعار سطاب الزينون في اي وكيل ياباني او امريكي من 2300 وفوق ماشفت شي اقل

اذا كابرس الوالد موديل 2000 عنده النور الخلفي اللي على اليمين مكسور وسعره في الوكالة ب900 ريال:xd:

 

[NESTA]

من زمان عن مواضيع السيارات

بالنسبة للشباب اللي يفكرون يشترون سيارات

اهم شي الواحد يبتعد عن الجي ام و الكرايزلر

اذا كان الواحد الا يبي امريكي , لابفكر يطلع من فورد - ميركوري - لنكن

وطبعا شي اكيد ان مب كل الفورد كويس .... فيه موديلات مضروبة مثل الاكسبلورر


فورد تحسن مستواها 100% من بعد ما مسكهم الان مولالي .... خاصة من ناحية الجودة , لذلك اي واحد يبي من فورد نصيحة لاياخذ اي سيارة منهم موديلها ماتغير من 2007 , لان الموديلات القديمة كانت دمار



الياباني تقريبا كله ممتاز .... افضلهم بالتأكيد تويوتا - هوندا - نيسان - مازدا - سوبارو


وكذلك دايما الواحد يتأكد ان السيارة اللي ياخذها تكون وارد بلد المنتج

مثلا: تويوتا كامري ياخذ وارد اليابان - لان فيه وارد استراليا

هوندا CRV ياخذ وارد اليابان او امريكا - لان فيه وارد تايلاند


ويحاول دايما يروح لوكيل سيارات مايكون حرامي , ومايخاف الله مثل جميل

يلعب بالسيارات لعب من ناحية المواصفات ويبيع بسعر خرافي


هذي بعض النصايح حبيت اشارك فيها

 

[Zero]

نيستا ، تعميمك على سيارات GM مبالغة وكلامك بشكل عام فيه مبالغات ، في سيارات ممتازة جدا من GM وما يحتاج أذكرها على رأسها الـSUVs الأمريكية طبعا.

أما فورد أنا فان للشركة بس عمري ما حبيت الإكسبلورر هي سيارة جيدة لكنها مو الأفضل من ناحية القيادة وبنفس الوقت أشوفها Oversized وUnderpowered وفي منها SVT لكن أتكلم عن العادية ، بعدين فورد ما عندها سيارة وإلا سيارتين علشان تعمم هالكلام على سيارات الشركة كلها مثلا فئة F والموستنج طول عمرهم ممتازين ، يمكن من السيارات السابقة المونديو مثلا عادية جدا وما فيها شيء يميزها وعلى العموم المونديو بدلها الفيوجن حاليا اللي أحسن منها بمليون مرة ، وحاليا فورد عندها سيارات جديدة كليا من كل الفئات تقريبا.

حتى الياباني في سيارات دون المستوى مثل الكامري الجديدة زبالة بمعنى الكلمة ، الزبدة التعميم مو حلو.

أما الوكلاء فمشي حالك معظمهم نصابين وزي ما قلت على رأسهم جميل.