TG CARS _|||_ الموضوع الرسمي للســيارات

[i7asan]

رأيكم في VW باسات و أودي A4 (موديلات ٢٠٠٩) ..
كلهم خارجياً حلو .. أما داخلياً همممم . غير كذا قطع الغيار الي تذبح >.<
في شيء يميزهم عن لكزس E350 ؟ .. الي أشوفها حلو من الداخل والخارج .

ممم انا سمعت في تغييرات في موديل 2010 للA4 :

- نفجيشن
- تليفون
- حساسات امامية و خلفية
- زينون عالي واطي
- تشغيل بصمة
- الشاشة اللي بين العدادات ملونة
- جنوط 18
- و لمباتها الخلفية صارت LED

اللي بالأحمر الأختلافات بينها وبين 2009
طبعاً هي كانت موجودة ولكن بالطلب والحين صارت ستاندر ب 158

الباسات سي سي فيها نفس المواصفات وميزتين زيادة:
وجود نظام Lane Assist : يخلي السيارة تمشي في المسار نفسه عن طريق خطوط الشارع ( يفيد اذا واحد نام وهو يسوق خخخ او في السفر )

ونظام Parking Assist :يخلي السيارة تصفط (توقف) بنفسها

ولا تنسى جودة المواد الداخلية والثبات فولكس واجن واودي افضل من اللكزس
وقطع الغيار اسعارها متوسطة الى مناسبة وارخص من الهوندا

انا ناوي على سيارة ايش رايكم في Lumina ss ?

يا كثر اللي يشتكوا منها.. محبوبة الورش:tongue:

 

[BioHazard]

الباسات العاديه بحول ال80 الف, السي سي تبدأ من 130 والفل يوصل 150 او اكثر بشوي, وترى الي بالسعوديه مافيها الاسست (لاين,بارك) ما ادري اذا الدفعه الجديده فيها.

زيرو بالعكس في ناس تهتم بالداخليه اكثر, اصلا وش فايده المكينه بالسعوديه؟؟

 

[i7asan]

^
لول ترى في ناس ماتهتم في الداخلية ابداً .. اهم شي شكل السيارة وقوة المكينة وثمانية سلندر

الدفعة الأولى من السي سي كان فيها لاين وبارك اسست
مممم الظاهر لغوهم عشان يخلوهم في الستة سلندر بس
والستة سلندر موجودة في وكالة البحرين وسعرها 181 الف:xd:

 

[Rakan HD]

باسات الي شفتها كانت فل .
الدينار مو ١٢ ريال سعودي؟ .. يعني الـCC بس ٨٤ ألف بس؟!
يومين ويردون علي وكالة أودي .. متحمس !

ما اعرف احول بالضبط ,
الي اذكره انه باسات سي سي كانت بـ 12 الف دينار تقريبا ما كانت غاليه على المواصفات الي فيها والتصميم الي اكثر من رائع .

تحرير :

القيادة والأداء أهم لأن هذا اللي يصنع فرق بين سيارة وسيارة .. الداخلية ما تنفعك يا عزيزي المفروض تطالع في الداخلية بعد ما تشيك على الأشياء الأخرى وتشوفها مناسبة لو لا.

أنا أصلا لو عندي الخيار أني أشتري أودي بتكون A4 كوبيه لا غير.

اتوقع معضم عشّاق السيارات الامريكيه راح يقولون نفس الكلام لان السيارات الامريكيه=القوه والاداء ,
ونفس الشي بالنسبه لي اول شي لو بشتري سياره اول شي بشوفه هو قوه واداء السياره ,

عموما لو اي شخص يبي يشوف افضل داخليه سياره سيدان عاديه انصحه يشوف chrysler 300c ولو حصلّه يقعد على مقعدها وبيفهم قصدي .

 

[United Freak]

سامع بالمثل الي يقول ابعد عن الشّر وغنيلو؟ هذا ينطبق عن اللومينا ,
نصيحه اخويه واكثر اي شخص يفكر يشتري لومينا لازم يعرف انها سياره زباله عزكم الله بكل ما تعنيه الكلمه بالـ استخدام مع المده يعني لو بتستخدمها لمده 3-4 سنوات بتشوف مشاكل فيها الله لا يوريك (سياره ولد عمي وايضا عمي وكل وحده موديل اجدد من الثاني) وكلهم مشاكل .

شكرا على النصيحة عيل شكلي بأخذ الA4

 

[BioHazard]

الامريكيه قوه فقط, اداء معصي.. ومعليش بس داخليه الكرايسلر ما توصل لدرجه "افضل داخليه" ابداً, ولا حتى حولها.

 

[Rakan HD]

^
لهذا كتبت عاديه والمقصد من الكلمه ان سعرها متوسط ونفس ما قلت انا لو مو قاعد على مقعدها ما كان قلت هذا الكلام ,

اداء معصي؟ لو هي مو اداء ما كان شفت السيارات الرياضيه الامريكيه الاكثر اهتماما ويمكن انتشارا بعد ,
والاسهل تعديلا سوائا على المضهر او محرك .

 

[Zero]

حسن انا قلت اللكزس احسن منهم ؟ لا !

وأنا قلت أنك قلت أنها أحسن منهما؟ >.> كنت أقول لك لا تنظر للداخلية والمواصفات قبل لا تنظر لما هو أهم.


بالنسبة للأخ اللي يبغى لومينا .. كنت أبغى أتكلم وأطعن في السيارة بس خفت أن يجي أحد ويدافع عنها ويسوي لي وجع راس :sarcastic: لكن الحمد لله ما قصروا ، نظرتي لسيارات هولدن = ورق.

الامريكيه قوه فقط, اداء معصي..

أداء معصي؟ أوكي إحنى ما جربنا الألماني علشان ما نجرب غيره مثل ما تقولوا لكنكم ما عرفتوا الأمريكي.

ما يحتاج أروح أدفع فوق ال300 ألف علشان أحصل سيارة ألمانية قوتها وأدائها ما يوصلوا للـImpala ss وروح شوف الCorvette بس أدائها وقوتها أحسن من سيارات بضعفين أو ثلاثة أو أربعة أضعاف سعرها .. الCorvette في أمريكا هي "مرعبة السيارات المستوردة" ، المشكلة الناس قعدوا يطعنوا في شفروليه في السنين الأخيرة بسبب الخرابيط اللي تنزلها في الشرق الأوسط وهالشيء يقهرني ، لكن سيارات شفروليه "الحقيقة" هي ما يبحث عنه الإنسان العادي ، وهذا أنا تكلمت عن شفروليه فقط .. لا تخليني أكتب لك صفحتين عن السبب اللي يخلي فورد أحسن شركة في العالم ومو بس أحسن شركة سيارات في نظري.

 

[Black]

شكرا HaSaNeMo على المواصفات 🙂 "الاسم الكريم؟" .. وشكراً جميعاً على الاستجابة .
الحين انا متحمس اكثر للتجربة .
United Freak .. مبروك مقدماً 😀

 

[عاشق 360]

داخلية الكرايسلر بسيطه جدا ومريحه وحلوه شكليا " خصوصا الي تكون مع التخشيب "

بالنسبه لأفضل داخليه سياره فأشوف الانفنتي تستحق اللقب وبالراحه حتى .

 

[m7787m]

تنصحوني أشتري forza أو GT 5 ؟ :laugh:sweat:​

 

[i7asan]

شكرا HaSaNeMo على المواصفات 🙂 "الاسم الكريم؟" .. وشكراً جميعاً على الاستجابة .
الحين انا متحمس اكثر للتجربة .
United Freak .. مبروك مقدماً 😀

اسمي حسن

ولا تنسى تعطينا انطباعك عن التجربة.. واذا كان الموظف بجرب السيارة وياك امسك نفسك عدل لول.. لأن بيدخل المنعطفات بشكل جنوني :xd:
هادي ايام اول مانزلت الA4 الجديدة للتجربة بس الحين مادري يسوها او لا

تنصحوني أشتري forza أو GT 5 ؟ :laugh:sweat:

خد نيد فور سبيد شفت احسن :tongue::tongue:

 

[BioHazard]

وأنا قلت أنك قلت أنها أحسن منهما؟ >.> كنت أقول لك لا تنظر للداخلية والمواصفات قبل لا تنظر لما هو أهم.


بالنسبة للأخ اللي يبغى لومينا .. كنت أبغى أتكلم وأطعن في السيارة بس خفت أن يجي أحد ويدافع عنها ويسوي لي وجع راس :sarcastic: لكن الحمد لله ما قصروا ، نظرتي لسيارات هولدن = ورق.


أداء معصي؟ أوكي إحنى ما جربنا الألماني علشان ما نجرب غيره مثل ما تقولوا لكنكم ما عرفتوا الأمريكي.

ما يحتاج أروح أدفع فوق ال300 ألف علشان أحصل سيارة ألمانية قوتها وأدائها ما يوصلوا للـImpala ss وروح شوف الCorvette بس أدائها وقوتها أحسن من سيارات بضعفين أو ثلاثة أو أربعة أضعاف سعرها .. الCorvette في أمريكا هي "مرعبة السيارات المستوردة" ، المشكلة الناس قعدوا يطعنوا في شفروليه في السنين الأخيرة بسبب الخرابيط اللي تنزلها في الشرق الأوسط وهالشيء يقهرني ، لكن سيارات شفروليه "الحقيقة" هي ما يبحث عنه الإنسان العادي ، وهذا أنا تكلمت عن شفروليه فقط .. لا تخليني أكتب لك صفحتين عن السبب اللي يخلي فورد أحسن شركة في العالم ومو بس أحسن شركة سيارات في نظري.

السعر ما يحق لنا نتكلم فيه كثير لانه فرق الاقتصاد هو السبب. سيارات شفروليه الي في امريكا والله ما جربتها بس كل شي جاء من امريكا للسعوديه زباله.

خلي الموضوع هذا الين ما اجرب الامريكي وانت جرب الالماني, بس الى الان انا متمسك برائي (وبقوة) اذا شلنا من راسنا فارق السعر لانه ظلم للسيارات الاوروبيه.

 

[The Bloodstains]

إذا كان الفخامة تصب في مصلحة الأوروبي هذا ما يدل على أن هو الأفضل. لو تسأل اي واحد فاهم في السيارات بيقولك أن الأمريكي هو الأفضل أداءاً. يكفي أن الأمريكين عندهم أسرع سيارة، وعندهم أقوى الـSupercars، وعندهم أقوى الـTrucks وعندهم وعندهم. وفي المقابل ويش عنده الأوروبي؟! فخامة بأداء ما يوصل إلى نص أداء الأمريكي؟

مع أني أميل إلى الأوروبي أكثر، لكن الحق ينقال. أمريكا مسيطرة على سوق السيارات بشكل مرعب.

 

[Thirsty Fire]

أنا من رأي بما أن الوالد يعشق اللكزس و سقت اكثر من وحدة فهي مريحة فخامتها متوسطة لكن التكنولوجيا اللي فيها ممتازة لكن عيبها انك تمل منها بسرعة بعكس الاوروبي امكن مشاكلها اكثر و لكن قيادتها ممتعة ولذلك اذا فكرت اشتري سيارة عائلية بروح لكزس لكن للمتعة و التعديل ما آقدر استغنى عن الميني اللي عندي واذا غيرت راح اخذ قولف من فولكس من غير تفكير لأن آنا يهمني المتعة في القيادة قبل الفخامة

 

[Magnificent]

الأمريكي هو الأفضل أداءاً

الامريكي لفترة من الزمن كان الافضل أداءً بفارق سنين ضوئية

http://en.wikipedia.org/wiki/Cylinder_block#Big_block

البيج بلوك V8 الحين شبه منقرض ، يعني الحين الامريكي عقل شوي ، و صار الافضل أداءً بفارق بسيط

بكرة محد يدري ، يمكن الاقتصاد يجبره يتخلى عن كبريائه و يعمم الـhybrid

 

[i7asan]

إذا كان الفخامة تصب في مصلحة الأوروبي هذا ما يدل على أن هو الأفضل. لو تسأل اي واحد فاهم في السيارات بيقولك أن الأمريكي هو الأفضل أداءاً. يكفي أن الأمريكين عندهم أسرع سيارة، وعندهم أقوى الـSupercars، وعندهم أقوى الـTrucks وعندهم وعندهم. وفي المقابل ويش عنده الأوروبي؟! فخامة بأداء ما يوصل إلى نص أداء الأمريكي؟

مع أني أميل إلى الأوروبي أكثر، لكن الحق ينقال. أمريكا مسيطرة على سوق السيارات بشكل مرعب.

بسألك سؤال واحد بس
انت عندك فكرة عن السيارات الاوربية ؟

وتصحيح معلومات
اسرع سيارة في العالم هي اوربية
والاوربي والياباني هو المسيطر في سوق السيارات في السنوات الاخيرة

خلي الموضوع هذا الين ما اجرب الامريكي وانت جرب الالماني,

اذا عندك الماني ما انصحك تجرب امريكي
بتشعر بداون جريد اليم:xd: ..

 

[BioHazard]

إذا كان الفخامة تصب في مصلحة الأوروبي هذا ما يدل على أن هو الأفضل. لو تسأل اي واحد فاهم في السيارات بيقولك أن الأمريكي هو الأفضل أداءاً. يكفي أن الأمريكين عندهم أسرع سيارة، وعندهم أقوى الـSupercars، وعندهم أقوى الـTrucks وعندهم وعندهم. وفي المقابل ويش عنده الأوروبي؟! فخامة بأداء ما يوصل إلى نص أداء الأمريكي؟

مع أني أميل إلى الأوروبي أكثر، لكن الحق ينقال. أمريكا مسيطرة على سوق السيارات بشكل مرعب.

اسرع سياره اوروبيه, وش اقوى سوبر كارز قصدك؟ ترى يا شباب الاداء =/= عدد الاحصنه.

 

[Magnificent]

اوكي السيارات فئات و انا اشوف السيارات الأمريكية أقوى أدائاً من سيارات في نفس فئات السعر و الشي هذا يكثر في الجيوب و البك اب

الألمان ما يختلف اثنين انه آخر عامل يتم توظيفه في تصاميم سياراتهم لمنح المركبة اقصى أداء هو سعة المحرك فعشان كذا يجتهدون في الترانزميشن و محاور الدفع و الابعاد و الوزن و توزيعه و انسيابية البدي اضافة للتحكم و الكبح من باب السيفتي و رفع الستانداردز الخ


لكن الامريكي يعتمد على القوة مع تقليل تعقيد التقنية المستخدمة و كان (و تقريباً ما يزال) الأساس في القوة هو سعة المكينة حتى انهم خلال السبعينات صنفوا المكاين حسب مساحة الكبوت اللي بيستوعبها فصارت كذا نوعين : big block و small block و الحجم هذا يشير لحجم بلوك المكينة نفسها من غير الراس و التصنيف هذا ما حصل الا بسبب "غطرسة" المهندسين الامريكان اللي كانوا يستهلكون كل انش مكعب تحت غطا الكبوت لتوفير مساحة لوحش من القوة و الحرارة و استهلاك الوقود ...

و عشان كذا صار مجال تعديل و تحسين أداء المحرك متوفر لشركات الطرف الثالث و المستخدمين المحترفين ، و عشان كذا صار رائج في سباقات الدراج ريس و غيرها من السباقات ، صح انها ماهي اساليب عملية لتحصيل اكبر مقدار من القوة لكن ارتباط ضخامة بلوك المكينة بالتصاميم الامريكية صارت ثقافة متعارف عليها في عالم السيارات


الزبدة ان الفرق بين الامريكي و الالماني مثل الفرق بين نيو جيو و سوبر نينتيندو

 

[Zero]

يا شباب الاداء =/= عدد الاحصنه.
Reply With Quote

من قال أن عدد الأحصنة = الأداء؟ أحد قالها؟ لا ، عدد الأحصنة لا يعني شيء لو عندك سيارتين بنفس العدد لكن في فرق بينهم في الهاندلنج والتسارع والوزن والسرعة وإلخ .. في عوامل كثيرة داخلة ضمن "الأداء" ليش تنظر لها على أنها عامل واحد ، ويش تعريفك الشخصي للأداء أصلا؟

وتصحيح معلومات
اسرع سيارة في العالم هي اوربية

اسرع سياره اوروبيه

وتصحيح معلومات:
أسرع سيارة حاليا هي Ultimate Aero من شركة Shelby Super Cars أوSSC وهي ما لها علاقة بكارول شيلبي المصمم المشهور.

السيارة محركها 8 سلندر ، وزنها أخف بكثير من البوغاتي ، ونصف سعرها مع ذلك تصميمها ما يوصل لهيبة البوغاتي وهي مو أقوى بكثير ولا هي بهيبة البوغاتي ، ببساطة الـUltimate Aero محرك وهيكل وما فيها فخامة وخرابيط البوغاتي وحتى وزنها خفيف لدرجة ما تتوقعوها .. لذلك أنا لما أقول أنها محرك وهيكل أنا أعني ذلك.

 

[عاشق 360]

إذا كان الفخامة تصب في مصلحة الأوروبي هذا ما يدل على أن هو الأفضل. لو تسأل اي واحد فاهم في السيارات بيقولك أن الأمريكي هو الأفضل أداءاً. يكفي أن الأمريكين عندهم أسرع سيارة، وعندهم أقوى الـSupercars، وعندهم أقوى الـTrucks وعندهم وعندهم. وفي المقابل ويش عنده الأوروبي؟! فخامة بأداء ما يوصل إلى نص أداء الأمريكي؟

مع أني أميل إلى الأوروبي أكثر، لكن الحق ينقال. أمريكا مسيطرة على سوق السيارات بشكل مرعب.

زمن الامريكي ولى .

اذا تبي احسن السيايير الاقتصاديه والي تعمر فالخيار الاول هو الياباني .

اما من ناحية السرعه + الفخامه .. الاوربي مسيطر

" البواغاتي والمايباخ والرولز رايس والبورش والفيراري غير الفئات الفخمه من المارسيدس والاودي والبي ام " مالهم منافس بالسوق الامريكي !

 

[Zero]

" البواغاتي والمايباخ والرولز رايس والبورش والفيراري غير الفئات الفخمه من المارسيدس والاودي والبي ام " مالهم منافس بالسوق الامريكي !

ومن قال أن هذا السوق اللي اختاروه المصنعين الأمريكان؟ لو هذا هو السوق اللي اختاروه كان ما في أحد غير الأغنياء يستخدم سيارة هالأيام ، يمكن GM وكرايسلر متخبطين بس ما تقدر تقول نفس الكلام على فورد.

فورد جعلت من السيارة اختراع متوفر ويقدر يشتريه الكل ، روح إقرأ تاريخ المصنعين الأمريكيين وشوف.

بعدين لازم أكتب لك مثال الكورفيت مرة ثانية؟ شفروليه جعلت إمتلاك سوبر كار أمر ممكن لعدد أكبر من الناس.


في نقطة لازم أوضحها: العبرة مو بمن يصنع سيارة بأكثر عدد ممكن من التقنيات وبأسعار خرافية .. ترى الكل يقدر يسويها ، بس الشطارة مو هنا ولو كان الأمر كذلك كان ما حد قدر يشتري سيارة.

أساسا حتى لو كنت متمكن ماديا مستحيل أفكر في غير السيارات الأمريكية ، علشان لا أحد يجي ويقول أني متعصب للأمريكي ترى أنا ما أمتلك سيارة أمريكية وأكثر شيء قدرت عليه هو الهيونداي .. بس مستقبلا لما اعتمد على نفسي وأجي أشتري سيارة يا أشتري فورد يا ما أشتري سيارة من الأساس.

 

[Rakan HD]

في نقطة لازم أوضحها: العبرة مو بمن يصنع سيارة بأكثر عدد ممكن من التقنيات وبأسعار خرافية .. ترى الكل يقدر يسويها ، بس الشطارة مو هنا ولو كان الأمر كذلك كان ما حد قدر يشتري سيارة.

بالضبط هذا الي يخليني اكره بشكل كبير الالماني ..واغلب الاوروبي بشكل عام ,
ولا جاك شخص يقارن سياره امريكيه والمانيه ومو حاط للسعر اي اعتبار ..زين اذا السعر غالي جدا او حتى غالي شنو بأستفيد انا او غيري من كل المستهلكين العاديين ؟ اروح المعرض اطالعها وارجع يا سلام هذي السياره الي فيها التقنيه الفلانيه و..و..و ,

يعني لو واقفه على اي شركه تصنيع سيارات فكل شركه تقدر تسويلها مصنع خاص بالسوبر كار وحطت لك مواصفات خياليه وسعر خيالي وتعال اسمع فلان يتكلم وعلاّن يتكلم ,

الكورفيت لما تشوف مواصفاتها سوائا فخامه ولا قوه راح تلقا السعر ولا شيء امام المواصفات على عكس الي سياره بنفس سعرها وهي سياره عاديه لول! من جد يعني ما اتخيل اروح مره وافكر اشتري سياره عاديه بسعر كورفيت >بالمقارنه مع الالماني طبعا.

عموما مو من اختصاصي المقارنات هذي >.>


سؤال وجيه ليش وقف yukon gt ؟

تصميمه يقول عدلّني يا قدع ....اتمنى لو ينزل الشكل الجديد منه بنفس الشكل سوائا تاهو او يوكن .

 

[Magnificent]

^ حجمه + مواصفاته خلته موجه لشريحة محدودة جداً من المستهلكين و الشركة كانت تتحمل assembly line لانتاجية محدودة ففضلوا يوجهون استثمارهم لفئات اكثر ربحية و لا هو فعلاً موتر بطل

 

[عاشق 360]

لو هذا هو السوق اللي اختاروه كان ما في أحد غير الأغنياء يستخدم سيارة هالأيام

حسين مثل ماقلت بردي السابق حتى بالسيارات الاقتصاديه اليابانيين خذو مكانهم . انت تتكلم عن سياره ولا سيارتين الي هم " سعرهم الممتاز بالنسبه لمواصفاتهم " انا اتكلم عن سوق كامل " اجياب ونص اجياب وسيارات صالون وغيرهم .

انا مو قاعد ادافع عن سوق معين لاكن بالفتره الاخيره السوق الياباني تصدر سوق السيارات الاقتصاديه " حتى بأمريكا بدا ينتشر بشكل كبير " والاوروبي تصدر سوق السيارات الفخمه وقاعد ينافس بالسوق الاقتصادي . لان هاللسوقين يوفرون خيارات السوق الامريكي مو قاعد يوفرها .

السوق الامريكي مو قاعد يوفر سيارات اعتماديه او تعمر مثل السوق الياباني وحتى اشكال اغلب السيارات الامريكيه مضروب " يمكن يعتمد على ذوقي " ومثل الشي مو قاعد يوفر سيارات فخمه مثل السوق الاوروبي ترى لكل فئه جمهور . يمكن مثل ماقلت انت السوبر كار قاعد يوفرها وبسعر معقول بس بعد فئة مستخدمينها مو كبيره .

لو بتلاحظ بأسواقنا السيارات الامريكيه بدت تتلاشى ويات محلها اليابانيه والالمانيه . ايضا االسوق الكوري بدا ينشط وينتشر بشكل حلو .

ممكن يكون كلامي المقصد منه تجاري بس بتلاحظ فئه قليله جدا الي تسأل قبل لاتشتري السياره " عن عدد الاحصنه ولا العزم ولا التسارع والثبات " عكس فئه كبيره جدا " الي تشوف الشكل والاعتماديه والصيانه وقطع الغيار والاسم اولا "

ممكن كلامي يكون خاطئ لاكن تبقى وجهة نظر .

 

[i7asan]

طيب خلاص الامريكي هو الافضل:laugh::

واعيد واكرر السنوات الأخيرة الياباني والأوربي هو المسيطر بالسوق وبالقوة المبيعات والشعبية تكفي ..
واعني بالاوربي بالتحديد سيارات فولكس واجن اللي ماتخلوا شوارع اوربا من سياراتها حالها حال التويوتا عندنا في السعودية وتليها البي ام..
دول الخليج فقط وبالتحديد السعودية اللي منتشر فيها الامريكي بشكل كبييير وفي الفترة الاخيرة بدت تقل شعبيته

الشركة الوحيدة اللي تمشي صح من الشركات الامريكية هي فورد وتصاميمها وتقنياتها صارت شبيهة بالسيارات الالمانية اي اقولها شبيهة من ناحية التصميم والتقنيات اتجهوا اتجاه الاوربي في المواصفات والتصاميم والأقتصادية.. وهذا شي ممتاز

طيب الحين اكبر شركة سيارات في العالم هي تويوتا وفي السنوات القادمة اذا فولكس واجن استمرت بنفس الطريق بتصير هي اكبر شركة سيارات في العالم ونقطة

وفي الأخير كل واحد له نظرة معينة للسيارات وفئة مفضلة
انا بالنسبة لي افضل تكون السيارة:
جودة مواد داخلية وخارجية عالية ومو بلاستيك وجلد رخيص + ثبات عالي في المنعطفات ورساوة في السرعات العالية + متعة القيادة + قوة محرك + اسعار مناسبة = فولكس واجن
بي ام ومرسيديس اسعارهم نار ومو اي شخص يقدر عليهم

 

[Rakan HD]

طيب الحين اكبر شركة سيارات في العالم هي تويوتا وفي السنوات القادمة اذا فولكس واجن استمرت بنفس الطريق بتصير هي اكبر شركة سيارات في العالم ونقطة

متوقع تويوتا ممكن تطيح بسهوله من الاول ؟ وفولكس واجن تطلع ايضا للأول بهذي السهوله؟
حتى اضن بعد اكثر من 25 سنه بتكون تويوتا مسيطره على الاسواق ما لم يحدث شيء غريب او لم يكن بالحسبان ,

واضف الكويت لقائمه وجود السيارات الامريكيه بكثره فيها (اتوقع اكثر من عندكم بالنسبه السيارات على نسبه الشعب) ...ما توقف عند بيت ما تلقا قراند ماركيز ولا كراون فكتوريا (لدرجه انها اكثر من الكامري منتشره عندنا) .

^ حجمه + مواصفاته خلته موجه لشريحة محدودة جداً من المستهلكين و الشركة كانت تتحمل assembly line لانتاجية محدودة ففضلوا يوجهون استثمارهم لفئات اكثر ربحية و لا هو فعلاً موتر بطل

يا اخي يحزني والله توقفه ...يعني لما تشوف التويوتا برادوا يجي باب واحد وايضا النيسان باترول وما تلقا التاهو او اليوكن ,

وركب عليه big block او ستروكر محترم وعطها قومات مع سيدان وخلهم ينصدمون لول.

 

[Zero]

أنا لما أقول الأمريكي أفضل ما أقصد بشكل مطلق أقصد في رأيي الشخصي :tongue: ، وإلا السيارات الأمريكية تنفع داخل شوارع إنجلترا واليابان الضيقة مع صرفها المتوحش للوقود؟ لا ، وكشخص ساكن في السعودية ما يهمني صرف الوقود أبدا ولا حتى حجم السيارة كوني ساكن في بلد الوقود فيه رخيص ومساحته وشوارعه كبيرة.

بالنسبة للسيارات الأمريكية ما حد قال أنها اقتصادية ، أغلبها لليوم تصرف بنزين وبعنف ولو نجي لأمريكا الكثير من الأمريكان اتجهوا للسيارات اليابانية والأوروبية الصغيرة بسبب أسعار البنزين ( ناس يفكروا على المدى الطويل ).

بعدين لو نجي لأكبر 6 شركات صناعة سيارات في العالم نجدهم تويوتا وGM وVW وفورد وهوندا ونيسان ، شركتين أمريكيتين فمادري على أي أساس شعبية الأمريكي نزلت ، شعبية الأمريكي ما نزلت بل شعبية السيارات الأخرى ارتفعت وعلى العموم فورد وGM طول عمرهم ضمن الـ5 الأوائل من أكبر المصنعين.

وطبعا لما أقول السيارات الأوروبية فأنا أتكلم بشكل عام ، وإلا سيارات VW حالها حال سيارات تويوتا في الخارج ( ويا ليت تزيد شعبيتها عندنا .. ما أحب تويوتا >.> ) ، وأساسا VW عندها سيارات تعجبني بقوة خصوصا الجولف.

http://www.mautofied.com/adphotos/10121302_200884204081.JPG

Yukon GT سيارة تعدلت لحد ما قالت بس ، مرة أسمع صوتها في آخر الشارع ومرة أشوف مركبين عليها إطارات أكبر منها ومرة ألقى فيها زوايد ..إلخ :laugh::

 

[عاشق 360]

التيوتا صعبه تطيح صح , لاكن حاليا قاعده تواجه عدة مشاكل وشكوات من سوء جودة تصنيع سياراتها " خصوصا الكامري " واتوقع اكثر من مره سحبت سيايير من كذا سوق ! وهذا لوحده يكلفها خسائر كبيره . زيد عليهم المنافسه الشرسه الي يواجهونها من شركات قاعده توفر سيايير بجوده وأداء بنفس اسعار سياييرهم " الاكورد والالتيمان وغيرهم .. "

 

[Zero]

أنا مستغرب ليش الناس مصرين على تويوتا للآن ، ما أشوف فيها شيء زايد مؤخرا على العكس في خيارات كثيرة أفضل منها برأيي.