TG CARS _|||_ الموضوع الرسمي للســيارات

[Zero]

أمنيتي أن يكون عندنا شارع واحد فقط يكون مسطح بشكل كامل :laugh:: الله يعين.

بالنسبة للاندكروزر خبرك قديم بس ما ألومك إذا ال70 للآن ينباع على أنه شيء جديد ومستمر :laugh::. تظن السيارة سعرها زي أيام زمان؟ لا أبدا، اللاندكروزر 200 (الجيل الحالي) صارت ب70 ألف دولار تقريبا الV8، بس في المقابل السيارة تعتبر Luxury SUV ولو تاخذها فل ما تنقص عن أي سيارة فخمة بشيء، بس تظل غالية، مادري أشوف اللكزس ما ليه داعي إلا لو تبغى ترمي فلوس زيادة بينما عندك ال200 V8 اللي ما ينقصها أي شيء في هالفئة من السيارات، بس هذا رأيي بالنهاية.

 

[NCC-1701]

أخوي عنده تاهو 2011 ومحتار وش مكينته, وأنا عندي خبره بمكاين GM وقلت له 5.3 لتر لكن ما صدقني. يقول انه 4.8 وما أدري كيف أثبت له؟ فيه فرق كبير بين المكينتين؟

 

[Zero]

أخوك على أي أساس جاب ال4.8؟ السيارة محركها 5.3 لتر، طبعا في سيارات أخرى تجي ب6.0 و6.2 زي السوبربان واليوكن كمواصفات أعلى ويجي ال5.3 كـbase.

 

[NCC-1701]

^
يقول أغلب الناس يقولون كذا لكن أستغربت, طول عمري أعرف اليوكن والتاهو 5.3.

 

[Zero]

من يقول؟ ويش عليه من كلام الناس؟ :laugh:: معقولة شاري سيارة ما يدري عن محركها؟ أقل شيء يقدر يشيك الموقع الرسمي ويريح راسه.

السيارة محركها الستاندرد بSUVs الشركة وهو 5.3 ب320 حصان وتورك 335 باوند-قدم.

 

[NCC-1701]

أيه أصلا أول ما سويت أني دخلت الموقع الرسمي وقلت شف بنفسك! وليش تستغرب؟ فيه واحد أعرفه شاري مكسيما 2005 ويظن أنها دفع خلفي! أخوي على الأقل لخبط بين المحركات فقط >_>

 

[BioHazard]

أمنيتي أن يكون عندنا شارع واحد فقط يكون مسطح بشكل كامل :laugh:: الله يعين.

بالنسبة للاندكروزر خبرك قديم بس ما ألومك إذا ال70 للآن ينباع على أنه شيء جديد ومستمر :laugh::. تظن السيارة سعرها زي أيام زمان؟ لا أبدا، اللاندكروزر 200 (الجيل الحالي) صارت ب70 ألف دولار تقريبا الV8، بس في المقابل السيارة تعتبر Luxury SUV ولو تاخذها فل ما تنقص عن أي سيارة فخمة بشيء، بس تظل غالية، مادري أشوف اللكزس ما ليه داعي إلا لو تبغى ترمي فلوس زيادة بينما عندك ال200 V8 اللي ما ينقصها أي شيء في هالفئة من السيارات، بس هذا رأيي بالنهاية.

انا كتبت 170 الف ريال, اتذكر القديم الفي اكس كان ب210؟ او 220 ما اتذكر. بس الناس ما تشتري في اكس لانه 8 سلندر والناس تدور 6. ما اعرف اذا الشكل الجديد يجيبون منه خليجي؟ ما قد شفت واحد الاستبنه حقته ورى.

الصراحه ما قد ركبت واحد من الجدد لكن واضح انه ما عندك احد في البر مقارنه بالقديم :inlove:

 

[Zero]

لاندكروزر 100 (جيل 1998-2007) كان أرخص بفرق، الجيل الحالي غالي صراحة وصار مو أي أحد يقدر يشتريه، مع ذلك ما أشوف أن انتشاره قل وأشوف V8 4.7 أو5.7 بكثرة!

 

[BioHazard]

لاندكروزر 100 (جيل 1998-2007) كان أرخص بفرق، الجيل الحالي غالي صراحة وصار مو أي أحد يقدر يشتريه، مع ذلك ما أشوف أن انتشاره قل وأشوف V8 4.7 أو5.7 بكثرة!

هي السياره قلبت عائليه اكثر منها اوف رود.

 

[Zero]

في الحقيقة السيارة تجمع بين الإثنين ولو أنها قلبت عائلية أكثر مثل ما تقول، هذا اللي يفسر سبب ارتفاع سعرها مقارنة بباقي السيارات اللي بحجمها، مثلا السيكويا والتاهو والسوبربان والأرمادا أرخص بفرق، الباترول هو المنافس وسعره أرفع من البقية أيضا. عموما اللي يدور off-road وoff-road فقط في سيارات أصغر وأرخص شيروكي، باثفايندر، أكس تيرا، برادو... إلخ.

 

[USefQ80]

^^
الLX570 عندنا بالكويت بـ 29 - 31 ( 400 - 415 الف ريال ) ! و 2 من ربعي عندهم السيارة كل اللي اقدر شي خيااال !! :inlove:
لكزس عندنا بالكويت شعبيتها ارتفعت واااايد و السبب نادر ما اتحوشك خرابات + وكالة الساير عندنا من افضل الوكالات هذا اذا ما كانت الأفضل !

 

[snake eyes]

معرض بارييت جاكسون عرضت فيه سيارات نادره باسعار خرافيه, هذا بعض السيارات بالمختصر, الى يبغى المعلومات يراجع اوتوبلوج

شيلبي 1965 Shelby GT350 موديل 65 ماشيه فقط 44 الف ميل سعرها النهائي 385 الف دولار.

1954 Desoto Adventurer II Coupe انباعت بـ1,430,000 دولار

1947 Bentley Mark VI Franay انباعت بـ2.75 مليون دولار

مين مايعرف الدودج تشارجر من مسلسلThe Dukes of Hazzard , سعرها 121,000 دولار

 

[Zero]

milanyq8i الحمد لله عندكم وكيل ممتاز، الوكيل اللي عندنا هو أسوأ شيء ممكن تتصوره.

ريان، سيارات ذاك الزمن :sadwalk:، أمس شفت موستنج جديد (غير الشيلبي اللي حطيته أنت قبل كم يوم)، أحمر وعليه تعديلات ب160 ألف.

 

[snake eyes]

^ شفتها وفي سيارات نادره كثير, في الموستنق شيلبي الكحلي 2012 والى يعتبر بروتوتايب لنسخه2013 برضه رهيب بـ 300 الف.

صوره تجسسيه لالنترا كوبيه حتعرض في معرض شيكاغو

اتوقع بعد فتره هيونداي يتقع في نفس خطأ الشركات الامريكيه من حيث كثره موديلات السيارات وتشتت المستهلك.

 

[MAX9009]

^
بالاضافه ريان كل تصاميم سياراتها نفس النمط بس اللهم احجام مختلفه

 

[snake eyes]

^
هذا مفهوم الشركه الجديد, هيونداي جابت كبير مصممين BMW عشان توحيد التصاميم واعطاها طابع مميز تتعرف عليه بدون حتى ماتشوف شعار السياره.

 

[snake eyes]

في مزاد مختلف عرضت 1955 Mercedes-Benz 300SL بـ4.62 مليون دولار :surprised:

عندي نموذجين شد بلد, نظيفه ومجدده ومفحوصه السوم 5000 الى يبغى يرسلي على الخاص :razz::


دودج تفكر في انتاج سياره جديده من هذه الفئه على غرار فورد و جنرال موترز

* خبر عن فورد بانها راح تعطي بونس للموظفين, الجدير بالذكر انه اخر بونس كان من 2008, وجنرال موترز و كليزلر هي الاخرى ممكن تعلن عن بونس للعاملين بعد اعلان الارباح الفصليه لـ2011.

 

[snake eyes]

بورش عندها قسم خاص للتصاميم Porsche Design للمنتجات الاكسسوارات,ملابس,شنط الخ..المهم انها حتفتتح فرع في نيويورك منهاتن في خطه توسع تشمل جميع انحاء العالم, برضه كان في تعاون مع شركه بلاك بيري بتصميم بورش ديزاين وطرح بسعر 6000 ريال :whistle:

في معرض سيارات سيقام في قطر 24 او25 لمده اربعه ايام, ويعتبر الحدث الثاني الاكبر في العام بالنسبه للسيارات, مين من الاعضاء المتواجدين في قطر نوايين يروحو زياره للمعرض؟؟

 

[MAX9009]

^
الجوال هذا لمن سمعت عنه وشفته اكتشفت ان تصميمه اقبح تصميم من فئة البلاك بيري والسعر لا تعليق صراحه:laugh::

 

[snake eyes]

2013 تويوتا أوريون تصل إلى السعودية من سعودي شيفت

ماعندي تعليق غير :yuck::

صور لمعرض قطر

الباقي هنا

 

[CyberMaster]

شباب وش رايكم في Chrysler 300C الجديده (2011-2012) ؟
السيارة داخلة مزاجي وموصفاتها حلوه مقارنه بسعرها لكن مشكلتها وكيلها بالسعودية سمعته زفت (المتحدة للسيارات)
طبعاً الفل كامل بـ174 الف ريال
http://youtu.be/U9tal5yE2as

 

[I-NERO-I]

اوريون شكلها بشع .

قبل كم يوم شفت الكامري الجديدة تجيب المغص .

 

[Zero]

الكامري والأوريون يومين وتتعودوا على أشكالهم وتشوفوهم بكل مكان، هي هالسيارات من متى كان تصميمها جذاب؟ أبدا ما كان.

معرض قطر للسيارات؟ أنا عندي انتقاد كبير لهذا النوع المعارض الاستعراضية، كلها سيارات ما حد يقدر يشتريها. والموديلز الأوروبيات ما كان لوجودهن أي داعي بس أعتقد أنهم جايين من طرف الشركات نفسها :laugh:: اللي بيسوي معرض سيارات يحط سيارات حقيقية رجاءً.

شباب وش رايكم في Chrysler 300C الجديده (2011-2012) ؟
السيارة داخلة مزاجي وموصفاتها حلوه مقارنه بسعرها لكن مشكلتها وكيلها بالسعودية سمعته زفت (المتحدة للسيارات)
طبعاً الفل كامل بـ174 الف ريال
http://youtu.be/U9tal5yE2as

السيارة قوية وكبيرة وما عليها كلام لو تسألني. هذا سعر SRT-R طبعا؟

مشكلتي الوحيدة ويا السيارة هي واجهتها المملة، والداخلية المخشبة المملة عند الجير، بشكل عام أنا أنجذب للأشياء اللي تعتبر فخمة.

والمقدم حق المراجعة :laugh::

 

[Zero]

ههههههههه أنا ويني عن هالقناة الرهيبة من زمان؟ :laugh:: أعتقد شفت لهم فيديو سابقا بس ما أعرت اهتمام كبير.


[video=youtube;kIR4yDbHiro]http://www.youtube.com/watch?v=kIR4yDbHiro[/video]

[video=youtube;f249i2gfzFg]http://www.youtube.com/watch?v=f249i2gfzFg[/video]

رهابة أسلوب المقدمين تقدر تقنعك بأي سيارة مهما كانت زبالة :xd:

اللي يميز قناة Rosenthal Automotive هو الحس الفكاهي والتقديم الممتع جدا، بس كشيء أكثر احترافية فيه قنوات رهيبة ومستواها أفضل وحتى كوميديا ممتازة مثل Everyday Driver وحتى The Smoking Tire ممتازة.

قناة Everyday Driver بالذات واحدة من أفضل قنوات مراجعات السيارات على الإطلاق اللي مرت عليي.

 

[NCC-1701]

يا شباب أنا أعشق هالسيارة! Holden Ute

تتوقعون تنجح في السوق الخليجي لو دخلت بعلامات شفر مثل الكابرس واللومينا؟ الشباب أكيد بتعجبهم.

وهذي الفئة الرياضية, HSV Maloo

 

[MAX9009]

^
مادري بس صراحه جداً سيئه كاتصميم تحسها معدله تعديل مو من الشركه نفسها لول

 

[CyberMaster]

السيارة قوية وكبيرة وما عليها كلام لو تسألني. هذا سعر SRT-R طبعا؟

مشكلتي الوحيدة ويا السيارة هي واجهتها المملة، والداخلية المخشبة المملة عند الجير، بشكل عام أنا أنجذب للأشياء اللي تعتبر فخمة.

والمقدم حق المراجعة :laugh::

لا للأسف السيارة طار سعرها بعد ماتغيرت ونزلت بالشكل الجديد في 2011
174 الف ريال هذا سعر الفل كامل بمكينة HEMI V8 5.7L 363 HP & 394 lb-ft of torque الـSRT8 مابعد نزلت عند الوكيل لكن سعرها المتوقع فوق الـ200 الف !
http://www.chrysler.com/en/2012/300c/

المقدم هذا الى دخلها في مزاجي اكثر لول
لا بس من جد السيارة اشوفها تطورت كثير داخلياً وخارجياً واضح انه شركة فيات كان لها اثر كبير في اللمسات الجمالية الي حصلت للسيارة خصوصا في فئة الـLuxury Series الى تستخدم نفس الجلد ومستوى التطريز الموجود في المازيراتي ( والوكيل الغبي الي عندنا موفر نفس الجلد في الفل كامل لكن منقص بعض المميزات )
لكن الي مخوفني منها الوكيل والصيانه ! ولما ابحث عن بدائل ما القى شي في نفس الفئة وبنفس المميزات وبسعر مقارب وماراح يتغير شكله في 2013 ! لذلك شكله مالي الا هي.

 

[Zero]

تصدق ما شيكت أسعار السيارة بشكل دقيق لكل فئة لليوم؟ مو من عادتي XD

سعر الSRT-8 يبدأ بحدود 176 ألف في الموقع (47170 دولار)، يعني الفل زيادة عليه المواصفات اللي ترمي السعر فوق بتخليه يوصل 200 ألف، بس مو من صالح كرايزلر أبدا أن سعرها يقرب من CTS-V.

بالنسبة لHolden Ute سيارة تختلف عن سيارات هالفئة بامتلاك محرك قوي وشكل وألوان جذابة ووزنها الخفيف يعطيها قوة، سيارة ممتازة، هي أقرب السيارات من El Camino من بين كل السيارات الموجودة على وجه الأرض هاللحظة، بس لو GM قرروا يصنعوا El Camino جديد مستحيل ينقلوا السيارة مجرد نقل ويغيروا العلامة بل بيصنعوا شيء جديد كليا لأمريكا لو حبوا يرجعوا هيبة السيارة.

 

[NCC-1701]

^
مادري بس صراحه جداً سيئه كاتصميم تحسها معدله تعديل مو من الشركه نفسها لول

بالعكس! أشوف تصميمها جدا رائع. يمكن لو تشوف فيديو تغير رأيك.

[video=youtube;6Zf2QiBgfdc]http://www.youtube.com/watch?v=6Zf2QiBgfdc[/video]

بالنسبة لHolden Ute سيارة تختلف عن سيارات هالفئة بامتلاك محرك قوي وشكل وألوان جذابة، هي أقرب السيارات من El Camino من بين كل السيارات الموجودة على وجه الأرض هاللحظة، بس لو GM قرروا يصنعوا El Camino جديد مستحيل ينقلوا السيارة مجرد نقل ويغيروا العلامة بل بيصنعوا شيء جديد كليا لأمريكا لو حبوا يرجعوا هيبة السيارة.

إحتمال تروح لأمريكا كـ ال كامينو بعلامات شفر مثل ماسوت بونتياك مع الـGTO والـG8.
+
اليوت مو لحاله الشبيه بـ ال كامينو في عصرنا, فورد أستراليا عندهم هذا بعد:

أستراليا عالم ثاني بالنسبة للسيارات.

 

[snake eyes]

تتوقعون تنجح في السوق الخليجي لو دخلت بعلامات شفر مثل الكابرس واللومينا؟ الشباب أكيد بتعجبهم.

مع عشق الشعب للهايلوكس في المشمش

@حسن
على فكره الاسعار ولعت, الدودج تشارجر 6سلندر تبدأ بـ100 وكسور, المتحده وكيل غبي, عنده مقومات احتلال السوق لفئه الـ8 سلندر, اداره عقيمه وتسويقهم صفر على الشمال وصيانه سيئه, لو كانت وكالاتها للجزيره ولا للحاج في اسوء الحالات كان شفناها زي التويتا والفورد, لكن الوكيل نايم في العسل :/ .