الموضوع الرسمي Suikoden 1 & 2 Remaster | عودة كلاسيكياتان rpg من كونامي

[R E D]

الثالث من أفضل الألعاب الي لعبتها في حياتي… epic بكل ما تعنيه الكلمة.

هذا الي فعلا ناطر الريماستر حقه.

الثالث افتتاحيته سينما مع اني مو لاعب هالجزء بس أحب أشوف الOP




وسمعت مدح كبير على جزء الخامس بس الرابع الكل يذمه
وفي جزء على ال DS أثار إهتمامي بس مادري شوضعه مع الفانز.

 

[R E D]

تعجبني التصاميم جدا بهالسلسلة. وثيمها السياسي حلو بدون الملل وفكرة أنك تجمع وتبنيلك جيش من الشخصيات العجيبة وكل واحد واختصاصه في المقر وخارج المقر وشوفتهم كلهم مع بعض بال HQ تبعك يعطي شعور عجيب ما حصلته بأي لعبة

كورنو كروس ممتع فيها تجميع الشخصيات بس هني تجمعهم أحلى حتى لو ما تستخدمهم. الشي الثاني 6 Party Members بنفس الوقت شي حده ممتع.

بوكيمونية إلى حد ما 😼.

 

[The Praiseworthy]

الثالث افتتاحيته سينما مع اني مو لاعب هالجزء بس أحب أشوف الOP




وسمعت مدح كبير على جزء الخامس بس الرابع الكل يذمه
وفي جزء على ال DS أثار إهتمامي بس مادري شوضعه مع الفانز.

الثالث ليش epic؟

فيه إحساس قوووووووووي من جيم أوف ثرونز و هاوس أوف ذا دراغون.

الثالث تتحكم ب 5 شخصيات رئيسية… كل شخصية رئيسية له فريقه و أصدقائه الخاصين في فصول خاصة فيه و أنت تختار طريقة ترتيب لعب الفصول.

مثلا أول فصل للشخصية A و فريقه تشوف محاولة غزو قرية و تروح تساعدهم و تقف في وجه الي غزاهم… بعدين يخلص الفصل.

بعدين تلعب أول فصل للشخصية B و فريقه و يكونون هم الغزاة و تعرف ليش غزو القرية و تلعب الجانب الآخر للمعركة ضد الشخصية A و فريقه… بعدين يخلص الفصل.

بعدين تلعب أول فصل للشخصية C و فريقه و يكونون هم من سكان القرية و تشوف الأحداث من وجهة نظرهم لحتى تكتمل عندك الصورة بالكامل للي قاعد يصير و سببه.

و اللعبة جذي تستمر ليييييييييين توصل لنقطة لما جميع الشخصيات الرئيسية و فرقهم يتجمعون في قلعة واحده و يكونون فريق واحد كبير و شوف عاد التفاعل بينهم شلون رائع و ممتاز و يشدك.

الثالث خلصته من أكثر من 22 سنة و لكن للحين أحداثه أتذكرها بوضوووووح كبيييير لأنها جد جد جد Epic و تظل عالقة في ذاكرتك من قوتها.

مو ألعاب هالأيام تخلصها و بعد سنة أو سنتين ناسي أغلب الأحداث.

تتذكر عبدالله لما كنت تلعبها بنفس الوقت الي أنا كنت ألعبها @Golden_Sun ؟ المفضلة عندنا كانت كريس 🥰

 

[MorridooM]

في جزء على ال DS أثار إهتمامي بس مادري شوضعه مع الفانز.

يكرهوه بعد ، ٩٠% من فانز السلسلة ما يحبون إلا الثاني بس ، حتى لما يمدحوا الخامس، يمدحوه أقرب جزء لشعور الثاني .

تعجبني التصاميم جدا بهالسلسلة. وثيمها السياسي حلو بدون الملل وفكرة أنك تجمع وتبنيلك جيش من الشخصيات العجيبة وكل واحد واختصاصه في المقر وخارج المقر وشوفتهم كلهم مع بعض بال HQ تبعك يعطي شعور عجيب ما حصلته بأي لعبة

كورنو كروس ممتع فيها تجميع الشخصيات بس هني تجمعهم أحلى حتى لو ما تستخدمهم. الشي الثاني 6 Party Members بنفس الوقت شي حده ممتع.

بوكيمونية إلى حد ما 😼.

يب هي تتشارك الشيء هذا مع كرونو كروس بس التطبيق هنا أحسن و راح يتحسن مع مرور الأجزاء ، و زي ما قلت فوق القصة السياسية مو ثقيلة على القلب و شعور تكوين الجيش من الصفر شيء ما تحس فيه إلا بسويكودين.

أنا أفضل حقبة البس٢ و كيف السلسلة انتقلت للثري دي لكن الحق ينقال ، ال sprites بأجزاء البس١ حلوة و عمرت بشكل ممتاز.

 

[R E D]

بعض الأصوات استهبال ههههه
تنين صوته فيل
وصوت بطة لما تضغط زر غير مسموح.

 

[The Last Lombax]

وفي جزء على ال DS أثار إهتمامي بس مادري شوضعه مع الفانز.

يكرهوه بعد ، ٩٠% من فانز السلسلة ما يحبون إلا الثاني بس ، حتى لما يمدحوا الخامس، يمدحوه أقرب جزء لشعور الثاني .

عاد كان هو اول شي سيكودين العبه في حياتي (&) صحيح ما خلصتها لكن اذكر كنت مبسوط منها؟!

 

[MorridooM]

عاد كان هو اول شي سيكودين العبه في حياتي (&) صحيح ما خلصتها لكن اذكر كنت مبسوط منها؟!

أنا لاعبه قريب ، جزء مرة بطل و مظلوم من الفانز ، عيبه الوحيد إنه قلل عدد الشخصيات اللي تشارك بالمعركة من ستة لأربعة (سويكودين ٤ عنده نفس العيب) ، صحيح مو مرتبط قصصيا بالأجزاء الرئيسية بس أنا أشوفها ميزة بحيث يمديك تلعبه و تشوف لو الجيمبلاي لوول حق السلسلة يناسبك ولا لا.

 

[ahmed-xd]

ما في احد لعب آخر جزء نزل Gensō Suikoden: Tsumugareshi Hyakunen no Toki على psp عام 2012 ? اللي نزل له ترجمة فانز عام 2021

 

[MorridooM]

ما في احد لعب آخر جزء نزل Gensō Suikoden: Tsumugareshi Hyakunen no Toki على psp عام 2012 ? اللي نزل له ترجمة فانز عام 2021

الريدي عندي بس لسه ما لعبته.

 

[Golden_Sun]

تتذكر عبدالله لما كنت تلعبها بنفس الوقت الي أنا كنت ألعبها @Golden_Sun ؟ المفضلة عندنا كانت كريس 🥰

اتمنى ارجع العبه مرة ثانية، توني بديت مع سيكودين الاول، اول مرة العبه ومستمتع فيه جدا

 

[The Praiseworthy]

اتمنى ارجع العبه مرة ثانية، توني بديت مع سيكودين الاول، اول مرة العبه ومستمتع فيه جدا

أنا إنصدمت لأي درجة إستمتعت في إعادة سيكودين 1… مع أن اللعبة صارلها 30 سنة إلا أنها لا تزال ممتازة مع today’s standards.

طبعا الحين قاعد أعيد الثاني… و ما يحتاج أتكلم… لا تزال من أفضل ألعاب الجانرا على الإطلاق.

 

[The Praiseworthy]

خلصت الثاني قبل كم يوم… و صراحة ما بغيت أفتك.

صرت أتنرفز من سالفة أن كل شوي شخصيات يدخلون فريقي و يطلعون من فريقي و يلا أروح أبدل بين أسلحتهم و أدرعهم و أطور من أسلحتهم و أشيل أسحار و أحط أسحار و بعدين أرجع و أعيد كل شوي لأن اللعبة تفرض عليك كل شوي شخصيات يطلعون من فريقك و شخصيات يدخلون فريقك… إلخ

أتفهم الي يفضل الثاني بالسلسلة… لكن بالنسبة لي أفضل الأول عليه لأن القصة فيه more focused و شخصياته الرئيسية أفضل، أيضا ال ost فيه أجمل.

و أفضل الثالث عليهم كلهم لأنه more epic و أتمني المبيعات القوية للريماستر هذا يشجعهم على عمل ريماستر للثالث.

 

[The Praiseworthy]

مشكلة معظم العاب jrpg المركزة على القصة وان عدد البارتي يكون أكثر من 4 او 5

5-8 أعضاء فريق و يكونون دائما معاي شي عادي تماما… و لكن إحنا نتكلم هنا عن 108 😅

 

[Raulioo]

خلصت الثاني قبل كم يوم… و صراحة ما بغيت أفتك.

صرت أتنرفز من سالفة أن كل شوي شخصيات يدخلون فريقي و يطلعون من فريقي و يلا أروح أبدل بين أسلحتهم و أدرعهم و أطور من أسلحتهم و أشيل أسحار و أحط أسحار و بعدين أرجع و أعيد كل شوي لأن اللعبة تفرض عليك كل شوي شخصيات يطلعون من فريقك و شخصيات يدخلون فريقك… إلخ

أتفهم الي يفضل الثاني بالسلسلة… لكن بالنسبة لي أفضل الأول عليه لأن القصة فيه more focused و شخصياته الرئيسية أفضل، أيضا ال ost فيه أجمل.

و أفضل الثالث عليهم كلهم لأنه more epic و أتمني المبيعات القوية للريماستر هذا يشجعهم على عمل ريماستر للثالث.

لعبت الخامس؟
الخامس بنظري شال الافضل من كل جزء وحطه بقالب واحد...قصتي وشخصياتي المفضلة فيه.

طبعا هو مدخلي للسلسلة فهذا يخليني افقد الحيادية بنفس الوقت @@

 

[The Praiseworthy]

لعبت الخامس؟
الخامس بنظري شال الافضل من كل جزء وحطه بقالب واحد...قصتي وشخصياتي المفضلة فيه.

طبعا هو مدخلي للسلسلة فهذا يخليني افقد الحيادية بنفس الوقت @@

أنا لاعب و مخلص كل الأجزاء.

الخامس كانت عودة قوية جدا للسلسلة بعد التحشيش الي صار مع الرابع.

لكن الثالث لا يزال جزئي المفضل… طريقة تقسيم القصة لشابترات و فصول و كيف كل فصل له شخصية رئيسية و فريقه الخاص، و كيف بالنهاية كل الشخصيات تتجمع مع بعض في القلعة و يصيرون فريق واحد كبير ضخم.

شي لا يكرر.

أيضا شخصية كريس ( المفضلة عندي في كل السلسلة ) طريقة كتابتها و ال character development الي مرت فيه…. رفع من مكانة الثالث عندي أكثر ❤️

 

[Golden_Sun]

خلصت الثاني قبل كم يوم… و صراحة ما بغيت أفتك.

صرت أتنرفز من سالفة أن كل شوي شخصيات يدخلون فريقي و يطلعون من فريقي و يلا أروح أبدل بين أسلحتهم و أدرعهم و أطور من أسلحتهم و أشيل أسحار و أحط أسحار و بعدين أرجع و أعيد كل شوي لأن اللعبة تفرض عليك كل شوي شخصيات يطلعون من فريقك و شخصيات يدخلون فريقك… إلخ

أتفهم الي يفضل الثاني بالسلسلة… لكن بالنسبة لي أفضل الأول عليه لأن القصة فيه more focused و شخصياته الرئيسية أفضل، أيضا ال ost فيه أجمل.

و أفضل الثالث عليهم كلهم لأنه more epic و أتمني المبيعات القوية للريماستر هذا يشجعهم على عمل ريماستر للثالث.

حاليا في نهاية الاول وبصراحة هالجزئين فيهم هالنقطة التعيسة، مافيه ابداً item management صالح، كل شوي احرك ادوات ومعدات من شخصية لشخصيه، وايضا الجزء الاول فيه عيب رسمي أن على كثرة الشخصيات لكن اللعبة تجبرك وتحدك تحط بفريقك ٤ شخصيات اجباري ولك حق تضيف اثنين على مزاجك، طيب ونظام الـunite بالقتال كيف استخدمة لو ما عطيتوني مجال احط الشخصيات اللي ابيها؟ وليش حاطين فوق ١٠٠ شخصية لو مجبور بخمس او ست شخصيات طول اللعبة؟

ما اتذكر الثالث لو كان فيه هالنقطة، او حتى الثاني، لكن اتمنى انها تقل مع الاجزاء القادمة هههه!

^ ومن كلامكم فوق، تحمست اشوف الخامس، لان وقفت العب سيكودين من بعد الثالث.

 

[The Praiseworthy]

او حتى الثاني

Oh you just wait ^_^

الثاني فيه نرفزة أكثر بكثيييييير من هالناحية من الأول.

خاصة أن فيكي و blinking mirror تحصلها بوقت متأخر أكثر من الأول و بفارق بين فيكي و المرآة نفسها.

تدري جم مرة اللعبة غيرت فريقي على مزاجها و إضطررت أني أطق مشوار على الأرجل و أرجع للقلعة علشان أبدل الأدرع و المعدات بينهم و بعدين أروح أرفع لفل الأسلحة بالقرية القريبة و بعدين أرفع لفل الشخصيات الجديدة بالفريق و بعدين أرجع أطق مشوار مرة ثانية للمكان الي كنت فيه و أكمل القصة علشان بعد نص ساعه يغيرون فريقي مرة ثانية و أعيد المآساة من جديد؟

لاعت جبدي و هذا سبب أني طولت علما خلصت الثاني… إستثقلت لعبها.

ما اتذكر الثالث لو كان فيه هالنقطة

يازين الثالث… أبدا مافي هالمغثة 🥲

 

[R E D]

خلصت الجزء الاول على Hard بعد 35 ساعة لعب. حصلت كل الشخصيات وطلعت النهاية الصح، والحين باخذ بريك من السلسلة جدامي مليون لعبة جديدة (&).

استمتعت Suikoden الأولى حلوة ومدخل جميل حق السلسلة. أحلى شي فيها المليون شخصية التجميع كان ممتع، وشعور حلو ومميز أنك تبني الجيش وكل واحد له دوره بالمقر الرئيسي وله تصميمه ومكانه. المقر وهو ينبني ويفتحلك ميزات أكثر شي شعور عجيب و Homey. تقدر تجمع أغلب الشخصيات بروحك بدون Guide إذا قرأت الكتب اللي تحصلها عن لور العالم وهالشيء عجبني الطريقة اللي تكشفلك الأسرار. بس بعض الشخصيات Missable تحتاج Guide. حركات ألعاب جربج قبل مع ال Missable مشكلة 🙄 .

طريقة Farm الفلوس كانت ممتعة مع القمار لول. طريقة التلفيل فيها Cap على حسب قوة الوحوش بس ال Scaling يفرق كثير والشخصيات ال Low Level بسرعة تقدر توصلها لأعلى لفل حق شخصياتك.

ما حسيت اللعبة Grindy الصعوبة لا بأس على Hard، في كم زعيم كان صعب، بس أحلى شي البارتي من 6 شخصيات والتخصيص وال Restocking كان ممتع، كل شوي صاعد ونازل بالمقر شوي تعبت من السلام والمصاعد ومرات أضيع، اللعبة أحيانا تسويلك Lock مع كم شخصية علشان القصة فالواحد يحتاح يخصص ويدرب كذا مرة. ال Inventory محدود يعني فيها Inventory Management وهالشيء زاد من متعة التخصيص برأيي بس يمكن يزعج البعض.

أخيرا الحين فهمت Concept سلسلة Suikoden بصراحة شيء ممتاز ومميز أقدر أتخيلها تصير أحلى وأحلى مع كل جزء، القصة بهالجزء بسيطة بس حلوة وفيها كم لحظة درامية Mature عميقة، مافيها ميلودراما طويلة كل شيء يصير بسرعة و To the Point بس مرات يسرعون كثير طايرين.

الزعيم الأخير واضح أنه مستلهم من باران من داي الشجاع لول جد على هالتصميم وشوي من القصة وقدرته التنينية. أفضل شخصية عندي ماثيو وفيكتور، باقي الشخصيات جيدين حتى اللي ما عندهم دور بالقصة حسيت وجودهم عجيب ومنطقي وغامض. واضح حق جزء ثاني وعالم أكبر. الرسم الجديد حق الشخصيات عجبني جدا.

اهي اللعبة Large Scale جدا مع ال Concept بس على رسمات وسبرايتات الPS1 زين منهم النتيجة جدا ممتاز Charming والPacing كان جيد. الحروب اللي تصير والجيمبلاي فيها بسيط بس ممتع. لعبة إستراتيجية سريعة على حجرة ورقة مقص بس ودي لو يتطور الشيء أكثر.

محتوى مخفي: بعلق على كل شخصية ودي أعلق عليها

Cleo صديقة البطل دايما معاي في البارتي ساحرة قوة
حسبتها ولد فالبداية الوضع مريب بس أنا اللي كنت مضيع

Clive هذا جانبي بس أعطاني فايب نومورا يعني واضح تلميح حق 2 وموجود بس جذي علشان الغموض والTease. عنده سالفة وشكلها سالفة قوية.

Crowley جانبي وجدا سري! احتجت امشي بالشاشاة السوداء داخل كهف علشان أوصله. ساحر قوي جدا ومن كتاب اللور هذا مو طبيعي يمكن عنده Rune ملعون لأنه عايش مادري كم سنة. شكلي بشوفه أكثر ب 2.

Esmeralda شخصية ما عندها سالفة بس رسمها ليدي اوسكار @.

Flik أعتبره بطل، بس يا أنه متسرع بكل شيء، عجبني تصميمه ذو وقوي دايما معاي في البارتي بالصف الأمامي.

Fuma أحلى شيء بالنينجاز أنهم وقت الحروب مفيدين يعلمونك شنو الخصم راح يسوي وأنت تشوي الشيء اللي ضده.

Gremio هذا بيبي سيتر البطل، وضعه كان مشكوك بس طلع يشوفه اخوه الصغير وجذي. مات موته دموية بعدين رجعوه من الموت وكأنه يوم جديد عادي لول.

البطل Tir Mcdohl بن Teo Mcdohl
واجهة ابوه المقفل وقتله! بصراحة لحظة مميزة ودراما من الطراز الرفيع مع شوية غباء يمثل من الواقع من طرف الأب.

Hix هذا بطل الشونن لما يكون فاشل

Humphrey الأنمي التروب اللي يعجبني دايما. شخصية قوية مرات أخليه فالبارتي وسالفته سالفة مكتوبة بكتاب اللور اللي تجمعه.

Joshua اللعبة فيها Dragon Riders تذكرت ال Dragoons. أتمنى نشوفهم أكثر بالسيكول.

Kasim Hazil قاسم هازل؟ اعربي هذا بس بس ماثيو صاده صيد.

Kasumi هذه وحدة من الوايفوز.

Kessler هذا وين شايفه من قبل بأي أنمي هممم.

Kirike جانبي وهذا فاصل عاد يقطع رؤوس بس بالنهاية رجع فلاح.

Kirkis لينك بس النسخة الفاشلة. اللعبة فيها Elves و Dwarves ونفس الدراما وأفكار Tolkien.

Lester هذا اللي نقول عنه Why the long face.

Liukan شكله الدكتور الوحيد اللي بالعالم لو مو اهو مع السلامة الكل

Lorelai اسمها فيه كلمة Lore بس ما عندها أي لور باللعبة. بس شوفها جميلة كافي.

Maas اللعبة فيها مليون حداد Maas Moose Mees Mace ملاحظ يشطحون بالارتستايل مرات ويعجبني هالشيء.

Mathew الأسطورة هذا استراتيجي البطل ودوره عجيب.

Melodye لول من الاسم تغير لك أصوات ال Menu وبس هذا دورها بالحياة + كيوت خدود.

Millia هذه Dragon Rider 🚀 قوية مرات أحطها بالبارتي.

Mina هذه بس موجودة علشان هالرسمة لا أكثر.

Odessa أهم شخصية وايفو بس ماتت من البداية حزنت صراحة حسيتها بريئة بزيادة 😔

Pahn شكله مرجلة بس أكثر شخصية مو مرجلة. أتمنى شخصيته تطور إذا موجود بالجزء الثاني.

Pesmerga جوي هالشخصيات الغامضة. واضح بيكون له دور ب 2 مع اللي ضده.

Rubi هذا من اوفا الانميات القديمة (&)

Serah وايفو من شكلها تحس أخطر وأهم شخصية بس تغسل الملابس هذا كل اللي تسوين بالقصة.

Sonya Shulen وايفو بس ومهمة بس دروها سريع سريع. اللعبة ال Pacing فيها طلقة مرات لول.

Stallion اسمه جذي لأنه سريع لول بس خشمه نينتدوي.

Sydonia تقول طالع من Hokuto No Ken أو Saint Seiya

Sylvina وايفو رقم مادري جم بس تزوجت لينك الفاشل.

Tengaar وايفو بس حبيبة بطل شونن الفاشل.

Valeria سوبر وايفو ومن شخصيات البارتي قوية.

Viki سوبر وايفو لأنها توصلني لأي مكان في العالم.

Viktor شخصيتي المفضلة مع Mathew. السيف اللي حصله عجيب.

Yam Koo ذكرني باللي يطلع ب Gintama.

 

[R E D]

Suikoden 2 قفزة خيالية عن 1، توني خصلت الRunes فيعني للحين بربع الأول شكلها بتكون أطول من 1.

اللعبة صدمة ما تستحي هني أنها تعطيك بشاعة الحروب والمجازر اللي تصير وحتى الأطفال ما سلموا منها و Traumatizing مرات حتى أقرب الشخصيات تقلب على بعض. الVillain هذا Luca Blight جدا مرعب بس ودي أعذبه وأقطع راسه، كل شيء كئيب وعن بلاوي الحروب والانسان بس اللي مخفف التون المرعب هذا شخصيات لطيفة مثل البطلة السبرايتات هني لطيفة وتضحك مع الحركات ورياكشنات الشخصيات مع الايموجيز.

لاحظت الريماستر هني أفضل وأفضل مع الجزء الثاني، الخلفيات والحتى بالمعارك صارت أجمل، ميني جيم الحروب صارت لعبة FE مصغرة هالمرة، الاوست صاير أجمل والPacing خطير أحداث قوية ورا بعض وحتى الأحداث الجانبية مؤثرة.

شكلها بتكون من أحلى ألعاب الجربج عندي إذا استمرت على هذا المستوى.

 

[R.A]

Suikoden 2 قفزة خيالية عن 1. توني خصلت الRunes فيعني للحين بربع الأول شكلها بتكون أطول من 1.

اللعبة صدمتني ما تتردد هني أنها تعطيك بشاعة والحروب والمجازر اللي تصير وحتى الأطفال ما سلموا منها و Traumatized حتى أقرب الناس يقلبون ضدك. الVillain هذا جدا مرعب وأيقوني من الحين بس ودي أعذبه وأقطع راسه. صح كل شيء كئيب وعن بلاوي الحروب والانسان بس اللي مخفف كل هذا شخصيات نفس البطلة السبرايتات هني لطيفة وتضحك مع الحركات اللي يسوونها ورياكشنات الشخصيات مع الايموجيز. لاحظت الريماستر أفضل وأفضل مع الجزء الثاني، الخلفيات والحتى بالمعارك صارت أجمل، الحروب صارت لعبة FE مصغرة هالمرة، الاوست صاير أجمل والPacing خطير أحداث قوية ورا أحداث قوية وحتى الأحداث الجانبية مؤثرة وفيها عبر.

شكلها بتكون من أحلى ألعاب الجربج ايفر عندي إذا استمرت على هالمستوى.

ما شاء الله عليك تقدر تلعب اكثر من لعبة rpg بنفس الوقت؟ تلعب ترايلز و سويكدن 2 مع بعض؟

انا ما اقدر العب اكثر من لعبة rpg اختم الي ألعبها بعدها أبدأ بالي بعدها احس كذا اخف لي. إن شاء الله انك تستمتع بسويكدن 2 بنسبة لي ذي افضل لعبة RPG و كان مفروض تنجح و تحصل مديح زي ما صار مع لعبة FF 7 و chrono trigger بس للأسف ما خذت حقها زيهم.

 

[R E D]

ما شاء الله عليك تقدر تلعب اكثر من لعبة rpg بنفس الوقت؟ تلعب ترايلز و سوكودين 2 مع بعض؟

انا ما اقدر العب اكثر من لعبة rpg اختم الي ألعبها بعدها أبدأ بالي بعدها احس كذا اخف لي. إن شاء الله انك تستمتع بسوكودين 2 بنسبة لي ذي افضل لعبة RPG و كان مفروض تنجح و تحصل مديح زي ما صار مع لعبة FF 7 و chrono trigger بس للأسف ما خذت حقها زيهم.

ههههه مو أفضل شي قاعد أسويه بس عندي سباق مع الزمن هني فتشوفني مشغل ال Extreme Mode. غير هاللعبتين قاعد ألعب سايلنت هل ف ومونستر هانتر وايلدز وقريبا بلعب ديجيمون سترينجر وبوكيمون ليجيندز ز أ ان شاء الله. كنت موقف سويكدن 2 علشان ترايلز، الحين وقفت ترايلز علشان سويكودن 2، ترايلز لعبة حلوة بس كمية النصوص هناك موطبيعية والبسيجنج تعبني جدا فيعني بخليها For the long run.

 

[R E D]

Suikoden 2 قفزة خيالية عن 1، توني خصلت الRunes فيعني للحين بربع الأول شكلها بتكون أطول من 1.

اللعبة صدمة ما تستحي هني أنها تعطيك بشاعة الحروب والمجازر اللي تصير وحتى الأطفال ما سلموا منها و Traumatizing مرات حتى أقرب الشخصيات تقلب على بعض. الVillain هذا Luca Blight جدا مرعب بس ودي أعذبه وأقطع راسه، كل شيء كئيب وعن بلاوي الحروب والانسان بس اللي مخفف التون المرعب هذا شخصيات لطيفة مثل البطلة السبرايتات هني لطيفة وتضحك مع الحركات ورياكشنات الشخصيات مع الايموجيز.

لاحظت الريماستر هني أفضل وأفضل مع الجزء الثاني، الخلفيات والحتى بالمعارك صارت أجمل، ميني جيم الحروب صارت لعبة FE مصغرة هالمرة، الاوست صاير أجمل والPacing خطير أحداث قوية ورا بعض وحتى الأحداث الجانبية مؤثرة.

شكلها بتكون من أحلى ألعاب الجربج عندي إذا استمرت على هذا المستوى.

واصل عند الربع الأخير في Suikoden II، بعد 50 ساعة لعب جد اللعبة طويلة بس يمكن حسيت بهذا لأني قاعد أحللها وماشي على Guide علشان أحصل كل الشخصيات. تعرفون ألعاب قبل ما ترحم مع ال Missables والطرق شلون تحصل على الشخصيات مرات وفيها Backtracking وأشياء ما تخطر على البال فمستحيل أكتشف كل شيء من أول مرة.

Luca Blight الفيلين هذا جد مو صاحي، جينكيز خان بس على ستيرويدز وماشي ب Genocidal Spree عمري ما شفت نفسه بالألعاب، تطهير الوضع قول وفعل شنيع منه. من أرعب ال Villain بتاريخ الصناعة إذا مو أرعبهم، بس مستغرب شلون استثنى شخصية معينة باللعبة، بصراحة مو قادر أتخيل اللي راح يصير بعدين.

اللعبة فيها خيال بس اهي Grounded أكثر بالواقع، تشبه الحروب الصينية والاوربية قبل بس بجرعة خيالية بسيطة تطلع مرات مو دايما، يعني نقول Fire Emblem شوي بس أقل لكن التون هني جدي أكثر وأبشع فيه واقعية أكثر، اللعبة تحاول تخفف كل هذا باللطافة وحركات أنمي كيوت بس Still قصة ثقيلة وجدا عجيبة ب Scale خيالي.

 

[R E D]

خلصت ومسترت كل الميني جيمز.. Whack A Mole كان أصعب واحد
الرقص غشيت سجلت فيديو وقلدت بس التوقيت كان صعب
الباقي سهلين، بس في ميني جيم واحد صدمني، الطبخ

ميني جيم الطبخ سهل بس له سيناريو طويل جدا ولما خلصته حصلت Ending Credit. أول مرة بتاريخي مع الألعاب يمر علي مينيجي جيم له Ending Credit خاص شيء عجيب.

 

[R E D]

خلصت الجزء الثاني.. 80 ساعة.. الجزء الأول خلصته ب 50 ساعة
جبت الTrue Ending بمساعدة الGuide بدونه مستحيل.

لعبة طويلة، Grand، مميزة، من قمم الجانرا، تأثرت آخر شيء لحظات قوية جدا
والنهاية بيرفكشن، بس حاس بحزن الحين بودع ال 80+ شخصية اللي تعلقت فيها وبالمقر والروتين. سويكودن تجربة ماكو نفسها مميزة بفكرتها مع تجنيد الشخصيات والرحلة اللي مليانة حروب وقرارات صعبة ورعب وسعادة ياخي 10/10.

بلعب الجزء الثالث على يوم ان شاء الله، بس الحين شكلي باخذلي بريك من الJRPGs. إذا برجع بلعب Grandia الأولى والثانية و Final Fantasy Tactics.