وعلشان كذا قلت لك في عوامل ثانية تلعب دور ، مثلا من اللي اذكره بوقت صدور ماس كانت شعبية وهبة الربج الغربي ضربت اقصاها ، ويتشر ٣ نزلت في وقت هبة العالم المفتوح ، بس طبعاً علشان تستغل هالهبات لازم تعرف كيف تسوي لعبة تستقطب هالجمهور
تقدر توجد تبرير لنجاح اي لعبه اذا بتدقق بهالطريقة
بس المشكلة ان هالاسقاطات كان ممكن تصير لفاينل فانتاسي
فاينل فانتاسي سابقا كانت هي اللي تصنع الترند مو تلحقه هذي اخطاء سكوير الجوهرية .. فقدوا افضليتهم التقنية .. سابقا حرفيا بينهم وبين المنافسين تقريبا جيل
ولا احد يقول ليي هالشي غير قابل للتكرار .. ريد ديد اي واحد يلعبها ما بيصدق انها من نفس جيل ويتشر !
جتا 5 لعبه جبارة تقنيا .. حتى لو بنروح لجينرا ثاني .. شوف ديابلو وشوف قرنائها .. حرفيا متقدمه عنهم بجيل تقريبا
سكوير تفتقد لهالمواهب لهالقدرات .. حتى ريبيرث نعم هي لعبه تستحق تقييماتها المرتفعه لكنها بالنسبة ليي مو Everlasting يعني ما تعمر .. ما بتشوف مثلا اليوتيوبرز يلعبونها يحمسون الناس ليها
هذا غير جمهورها الاصلي ما بيتحمسون ليها
اكثر فيديوات شفتهم كمراجعات و Essay للعبه كلهم يذمونها وبنقاط ذم صحيحة
انا متالم ان لعبه كانت سابقا عندها الجراة .. تقتل البطلة .. حرفيا بطلة اللعبه تقتلها بثلثها الاول او نصها
الحين ما عندهم الجراة حتى لشخصية ثانوية !
وبكذا حتى لعبة زي ريبرث اللي لاقت استحسان قوي من النقاد والفانز ماقدرت تقطب ناس اكثر
ولا بتقدر .. بلغتنا الدارجة .. شنو فيها زود ريبيرث ؟
منتج يلعب على منطقة الامان خايف من المغامرة !
اشوف هالامر مشابه جدا للي حصل مع سلسلة زيلدا بين الجيل السابع والجيل الثامن.
لسة احيانا تشوف سيكولز تحس المفروض تبيع اكثر مع انها نزلت بوقت مقارب للاصلية وبظروف مشابهة و لسة ماقدرت تبيع زي الاصل بفارق حتى مع الاستحسان النقدي ، زي ماجوراز كيف باعت اقل من نص مبيعات اوكارينا سواء الاصلية او الريميك
كواحد من برا .. المشكلة الاساسية هني واللي اتفهمه من اليابانيين على هالقاعدة .. ان ماجوراز ماسك مقدم كانه DLC او هذا الاحساس اللي جاني من الاصدار الاصلي .. يعني ما ادري من وين متولد هالاحساس وهالتغطية هل ان فريق جانبي اصدره او انهم بسرعه اصدروه .. ما ادري هالجزء يعطيك ايحاء انه تكملة توسعه اكثر منه انه جزء ثاني
مرة ثانية وعاشرة هذا احساس متابع
يعني هالشي ما جاني بتاتا من دموع المملكة
يمكن هذا الاحساس اغلب الاجزاء الثانية تقدمه او يعتقد انها تقدمه بس اللي انا اشوفه لا .. اغلبية المطورين حاليا الجزء الثاني يكون عصارة التجربة تشوفه محسن مطور مضخم
يعني حتى هورايزون وانا انتقد الثاني رايح جاي ما انكر انه محطوط فيه جهد ومال واجتهدوا لتقديم جزء ثاني افضل ما يكون .. خطؤوا في خطوات مو خطوة
لكن وينهم وووين سكوير ما بين فاينل 13 الى ريبيرث !
