الموضوع الرسمي Silent Hill 2 Remake الجحيم الصامت !

[R E D]

وصلت المستشفى

قبل كذا قتال الرأس الهرمي ضد جيمس بالريميك افضل من الكلاسيك ،

همم ما أتفق هني..
المكان المفروض مو حلبة قتال ويكون عشوائي غير متوقع.

بس بقول شي عن المستشفى الأجواء والأصوات هني بقمة جديدة.

 

[Just Human]

يعجبني انك تستلهم و تقتبس بشكل غير مباشر هندسة ممرات و غرف مركز الشرطة بريميك رزدنت ايفل 2 .. لكن مع اعادة ادماجها لتناسب العالم اللي صنعته بسايلنت هيل 2 ريميك .. اختيار موفق و تنفيذ أكثر من ممتاز.

طبعا يحسب لdev1 السبق و الريادة في تصميم هندسة عبقرية محبوكة حبك .. ما اعتقد انه في فريق قدم لعبة TPS بعنصر تميز على صعيد الهندسة يقارن بها

 

[منتقي]

انهيتها اليوم

الريميك جميل جداً، واعجبني كيف انها عملوا للأصل توسعة ضرب ٢

اكثر ريميك اضاف شغلات كثيرة ، وكأول ريميك لبلوبر تيم بصراحة مو بعيدين عن كابكوم ! كجودة

اقدر بالراحة اتلمس المجهود الكبير اللي عمله المطور هنا ، فيه رغبة شديدة لاثبات انفسهم

الألغاز على طور السهل اشوفه موزون وفيه تحدي

وضع الدودج اضافة ممتعة واللي ذكرني برزدنت ايفل الثالث ريميك

تصميم المراحل رائع وهنا لأنهم ماشين على الأصل اللي كان لايعلى عليه

الموسيقى تقدر تقول ريميك كامل مع اضافة آلات وبعض الألحان الجانبية ، والتنفيذ مايحتاج اثني عليه

بالنسبة للقصة ، اللمسات اللي اضافوها اعجبتني ، ووضحوا بعض الأمور اللي كانت مبهمة في الأصلي


شعور الرعب الصراحة مستوى ثاني، وتفوق على الأصل ، درجات الخوف قوية 😰

الجرافيكس والمحرك جميل جداً

اخراج المشاهد السينمائية شيء ثاني، زوايا التصوير والاضاءة

السلبية الوحيدة : كبروا اللقمة شوي في اطالة عمر اللعبة ، يعني كان ممكن بدل ماتكون ٢٠ ساعة مثلاً تصير ١٤ ساعة وبكذا بتقضي اي شعور بالملل ممكن يجيك ، (

محتوى مخفي

طبعا بالذات منطقة المتاهات اللي بعد السجن ، زودوها حبتين

)

لكن التجربة النهائية رهيبة

تقييمي: ٩/١٠

اتمنى نجاحها تجارياً ، ومتحمس ومتشوق وش راح يسوي بلوبر تيم مع الجزء الأول، خاصة مع حجم الخبرة اللي اكتسبوها بريميك الثاني وبعض الانتقادات البسيطة اللي جتهم والقابلة للاصلاح

 

[Just Human]

وضع الدودج اضافة ممتعة واللي ذكرني برزدنت ايفل الثالث ريميك

و مناسب للمواجهات و نوع الأعداء وقدراتهم بشكل مثالي هنا

بريميك رزدنت ايفل 3 (مع انه ممتع) لكن سهل اللعبة (اكثر مما هي سهلة)

أنا حرفيا لعبت ريميك الثالث بأسلوب ريميك الثاني .. لأنه الدودج خلاني اشعر اني بلعب لعبة قتال أرصفة TPS

 

[SILENT EVIL]

الهدوء في اخبار اللعبة تجارياً أمر مقلق جداً ،،، محتاج أشوف ريميك الأول منهم

 

[m7tram]

الهدوء في اخبار اللعبة تجارياً أمر مقلق جداً ،،، محتاج أشوف ريميك الأول منهم

بسم الله توها نازله .. هو لازم ننطر على الأقل شهر ويبين الموضوع .. الأكيد انها مو ريزيدنت ايفل كمبيعات لكن انا متفائل خير.

 

[Just Human]

ما نستغرب روعة الأتموسفير باللعبة

الart designer للعبة هو نفسه مخرج اللعبة (mateusz lenart)

الفكرة هي نفس مبدأ لما يكون مخرج الفيلم هو نفسه كاتب السيناريو .. الرؤية اللي بعقله أثناء كتابته للسيناريو بيطبقها تماما و بشكل مبدع.

 

[Terminator]

ماني مصدق ان بعد هالسنين نشوف ريميك محترم ولأفضل جزء
اتفق مع كل اللي انقال بانه من افضل الريميكات,

عن نفسي لاني اعشق هالجزء , بس اتمنى مع الوقت بلوبر يضيفون محتوى ماريا نفس الاصلي Directors cut
وطبعا تعديلات خفيفة مني ومناك وكلو تمام

 

[used2Bcat]

ختمت اللعبة. 8.5\10 ريميك ممتاز حقيقة. اتوقع دام ما لعبت الأصلية فمش ملاحظ التمطيط اللي تقولونه. أكثر منطقة ما عجبتني هي السجن.

أكبر عيب هو ان اللعبة كريمة مرة بالذخيرة و العلاج. أكبر ميزتين هي التمثيل و الهندسة الصوتية شيء خيال. ابغى الاوست حق البيانو مو محصله : (

 

[Terminator]

ختمت اللعبة. 8.5\10 ريميك ممتاز حقيقة. اتوقع دام ما لعبت الأصلية فمش ملاحظ التمطيط اللي تقولونه. أكثر منطقة ما عجبتني هي السجن.

أكبر عيب هو ان اللعبة كريمة مرة بالذخيرة و العلاج. أكبر ميزتين هي التمثيل و الهندسة الصوتية شيء خيال. ابغى الاوست حق البيانو مو محصله : (

هاذي؟

 

[used2Bcat]

هاذي؟

لا مو هو، حصلته هذا بس نسخة مو صافية : (



ابديت: حصلت النسخة الأصلية للعبة القديمة في ابل ميوزك! نايس!

 

[Hekari]

في حاجتين ضايقتني باللعبة بالمناسبة بس ماهي سلبية بارزة

اول شي لما تحاول تدف الرف وفي اعداء حولك اجباري اجباري تقتلهم ولا ماتقدر تحركه تحسسني هنا تقلب اللعبة Beat them up الي اذكره بريزي اقدر ادف الرف حتى لو في اعداء جنبي..

عاد الميندريان اكثر خصم كريييه باللعبة اذا تجمعوا لك اعداء ٣ او ٤ اضطر استعمل رصاص عليهم.. وهو يجيك بالزوايا لغرفة ضيقة مايبين كويس


الشي الثاني لما اموت انعاد باماكن عشوائية عادة يا بعد التشيك بوينت او عند السيف ودايما الخبط الاشياء الي ماشلتها الخريطة كبيرة وواسعة ماشاء الله.. مدري الوضع كيف بالهارد من هالناحية


انتظر ينزل ابديت يصلحوا مشاكل ال Stuttering الي تفقع مرارة الي يلعبها نسخة البيسي.

 

[MOSU]

عن نفسي لاني اعشق هالجزء , بس اتمنى مع الوقت بلوبر يضيفون محتوى ماريا نفس الاصلي Directors cut
وطبعا تعديلات خفيفة مني ومناك وكلو تمام

تقريبا اكيد بتجي نسخة المخرج بس بدون شك بتكون اوسع من الاصلية

 

[HardMind]

للمهتم صدرت ترجمة فانز للعبة

 

[Just Human]

خلصت مرحلة wood side apartments ودخلت على Blue creek apartments

قبل كل شيء خليني اقول انه احساس "الدعس" على المسوخ شيء "satisfying" بشدة خصوصا مع صوت جيمس المصاحب له .. تحس تفاعل المؤدي الصوتي مع الدعس نابع من قلب لدرجة انه حباله الصوتية بتتمزق (في صرخة مميزة بين الصرخات أثناء الدعس)

ما علينا.. نكمل انطباعات عن نهاية المرحلة :


تصاميم الوحوش مكررة، لكن توزيعهم بذكاء جعل مواجهتهم على قدر من المتعة نوعا ما .. لكن المواجهات مع "أصحاب الرجول" أمتع وفيهم تحدي أكثر..

حركيين و بيستعملوا اساليب خبيثة مثل التخفي والهجوم المباغت.. لكن الدودج هنا بيلعب دور أهم من الدودج بRE3 remake اللي حسيت انه استعراضي أكثر من كونها "مهارة" مهمة او ضرورية لبقاء ونجاة جيل فالنتاين من المواقف الصعبة

الدودج مع "ام رجول" يعطيك شعور بالنشوة لما تجيب التوقيت الصح و ترد الضربة بالشكل الصح .. الدودج مهم ومهارة ضرورية للنجاة هنا.

لغز العملات النقدية فيه قدر معقول من التحدي .. رغم اني اتوقع بانه القادم اصعب بكثييييير.

آخر شيء و أهم شيء .. أول مواجهة مع "الرأس الهرمي" بنهاية المرحلة .. إخراجيا تتفوق على الأصلية بفارق شاسع جدا

باللعبة الأصلية الرأس الهرمي شاف جيمس متخبي بالخزانة بالفعل، و جيمس عرف انه انشاف .. و عليه أطلق النار كردة فعل طبيعية على انه انشاف..

لكن بالريميك (و هنا تجي الصنعة و لمسة المعلمين)

استخدام التصوير ولقطة الClose Up كأداة روائية بديعة، بنشوف تعبير جيمس و بردة فعل بمكان بين الFight or flight (اللي هي السكون والثبات) .. الرأس الهرمي حرفيا هنا ما شاف جيمس ..

لكن جيمس كان غير متأكد وعليه هو غير مستعد انه يجازف، لذلك قرر انه يطلق النار (رغم عدم تأكده من انه انشاف اصلا)، تصرف طبيعي غريزي تم نقله بحرفية و بإخراج فني بديع (رغم انه يبدو بسيط) .. لقطة اخراجية بعيدة عن البهرجة أو التكلف

مشهد اخراجي يدرس.

 

[Majed sama]

منطقة المستشفى صداع / ضعت

 

[Terminator]

منطقة المستشفى صداع / ضعت

اسهل شي المستشفى, ويش اللي ضعت فيه؟

بس بصراحة الضياع هي ميزة سايلنت هيل يخليك تبحث وتشوف
ليما تحل الالغاز وبعضها لازم تقرا الرسائل عشان تحل اللغز

ذكرتني بدوامي بالمستشفى, اول اسبوع كنت كله اضيع طريقي داخل المستشفى
لان فيه دواعيس وطرق واختصارات وايد, مرة كنت افتر نص ساعة الى
آخر شي مالقيت نفسي الا في المشرحة!! مادري اضحك لو اصيح

 

[Majed sama]

اسهل شي المستشفى, ويش اللي ضعت فيه؟

بس بصراحة الضياع هي ميزة سايلنت هيل يخليك تبحث وتشوف
ليما تحل الالغاز وبعضها لازم تقرا الرسائل عشان تحل اللغز

ذكرتني بدوامي بالمستشفى, اول اسبوع كنت كله اضيع طريقي داخل المستشفى
لان فيه دواعيس وطرق واختصارات وايد, مرة كنت افتر نص ساعة الى
آخر شي مالقيت نفسي الا في المشرحة!! مادري اضحك لو اصيح

والله المستشفى تذكرني بقاعات الجامعات ابغى اروح لباب L1 اروح المصعد انزل وارجع وادور مرة ثانية ، لين اعصب واحط حرتي بالممرضات افرغ عليهم المسدس خخخخخخ

 

[Black Wolf]

منطقة المستشفى صداع / ضعت

بالعكس ما حسيت حالي وانا بلعب هذه الجزئية اني تائه

الليفل ديزان تم تصميمه بعناية وبشكل جدا ممتاز ومع ابداع الخريطة جعل التجوال امر جدا سهل وممتع

كل اشي واضح تماما امامك وسهل التعرف وين الممرات والغرف وكيف بدك تروح وتيجي

انت ركز شوي بالخريطة والاماكن وخذ مني رح تجد التجوال جدا ممتع وما رح توه بأي شكل 🙂

 

[منتقي]

بالعكس ما حسيت حالي وانا بلعب هذه الجزئية اني تائه

الليفل ديزان تم تصميمه بعناية وبشكل جدا ممتاز ومع ابداع الخريطة جعل التجوال امر جدا سهل وممتع

كل اشي واضح تماما امامك وسهل التعرف وين الممرات والغرف وكيف بدك تروح وتيجي

انت ركز شوي بالخريطة والاماكن وخذ مني رح تجد التجوال جدا ممتع وما رح توه بأي شكل 🙂

صحيح

الخريطة جزء كبير من متعة اللعبة

 

[Just Human]

بالعكس ما حسيت حالي وانا بلعب هذه الجزئية اني تائه

ما وصلت لمرحلة المستشفى بعد .. واللي سمعته انه "قمة" اللعبة، فإذا كنت انا منبهر الآن وانا بالبدايات .. فكيف لما أتقدم بالمراحل اللي "يقال" انها أفضل و قمم!

بالنسبة للتوهان ؟ المراحل وتصميمها عبقري و منظم بشكل مضبوط .. هندسة مفصلة تفصيل و خريطة من أجمل وابسط الخرائط اللي ممكن تشوفها .. خليني أقول "التصميم المعقد البسيط" .. حاجة مصممة بمزاج عالي.

 

[خشبة]

وصلت لـ Blue Creek Apt

صار لي شي رفع ضغطي!



احياناً مهما سويت نفسك راعي تخطيط وحذر بتاكلها يعني تاكلها

 

[The Praiseworthy]

طبعا أنا كنت داعس في اللعبه و ماشي تمام لين خلصت المستشفي و دخلت بالمنطقة الأساسية الي بعدها… بعدها لعبي صار أبطئ بكثير، ليش؟

لأني كل ما أكبر كل ما أصير خواف أكثر و أتوتر و أرتبك أكثر 🤣

اللعبة بعد المستشفى تصير مرعبه بشكل…. يااااااا لطييييييف !!!

تعريف ال heavy atmosphere 😰

محتوى مخفي: ما بعد المستشفى

أعطو السجن حقه الحقيقي من الرعب… وصلو لك إحساس أنه في مكان منسي عميق تحت الأرض، كمية الظلام الدامس و وحوش السبايدر كيف تقفز عليك فجأة من الظلام و تعطيك كف جامد و ترجع تختفي… الساحة الي فيها اللغز الأساسي كيف ظلامها دااااااامس بشكل يغمت القلب و يضيق الصدر 😰

و بعدين تدخل المنطقة الي بعدها المتاهة الي أنا للحين قاعد ألعب فيها… بالعكس ما حسيت بالتمطيط المبالغ فيه كل شي قاعد أشوفه شخصيا موزون… لكن كمية الظلام و العتمه و الغته الي فيها أبدا uneasy 😓

أكثر لعبة مرعبه لعبتها في حياتي… هالشي سابقا كان لي أمنيشيا الأولى… أما الآن هذه خطفتها منها بسهوووووولة.

الحمدالله عندي Visions of Mana أكمل لعبها بعد ما أختم سايلنت هيل ٢… محتاج بقوة شي كلها ألوان فاقعة و وحوش كيوت بعد الي قاعد أشوفه هني من رعب لذيذ على الأصول 🤣

 

[R E D]

الحمدالله عندي Visions of Mana

هذه فاجأتني فالبداية كنت كارها من الديمو بس اللعبة الكاملة صدمتني بجمالها

محتوى مخفي: صور من الكاميرا لأن الألوان أحلى

بالنسبة للرعب اللي بالريميك أتفق معاك بس اهم زايدين الجرعة هني لول.

 

[The Praiseworthy]

هذه فاجأتني فالبداية كنت كارها من الديمو بس اللعبة الكاملة صدمتني بجمالها

السلسلة طول عمرها معروفة بجمال الآرت… بس هالجزء يا ويلاه على جمال المناطق و العالم و الألوان الفاقعة المفعمة للحياة 😍

كارثة أن الفريق تصكر بعد ما صنعو واحده من أجمل ألعاب السنة مظهرا 😔

بالنسبة للرعب اللي بالريميك أتفق معاك بس اهم زايدين الجرعة هني لول.

زايدينها كثير و لكن بطريقة جدا جدا إيجابية!!

أنا ساعات لعبي اليومي فيها قل لأن اللعبة من شدة رعبها قاعده تسويلي emotionally draining… الفريق بدع بدع !

 

[The Praiseworthy]

الساعة الواحده و النص فجرا…. و مفزوز من النوم، السبب؟

حلمت أني داخل سايلنت هيل، و لا بعد لما فزيت من النوم قاعد أتحسس الطاولة الصغيرة يم السرير أدور على الفلاش لايت علشان أفتحه في الظلمة قبل لا أمسك تلفوني و أدرك ويني فيه فقلت أشاركم و أرجع للنوم 🤣

 

[Just Human]

الإستكشاف في اللعبة هو أحد متع حياتي بالوقت الحالي

المراحل مصممة لهذا الغرض بالتحديد .. لكن المرحلة اللي فيها حاليا عندي عليها انتقاد وحيد (كثرة الظلام بشكل مبالغ فيه).

 

[m7tram]

الإستكشاف في اللعبة هو أحد متع حياتي بالوقت الحالي

المراحل مصممة لهذا الغرض بالتحديد .. لكن المرحلة اللي فيها حاليا عندي عليها انتقاد وحيد (كثرة الظلام بشكل مبالغ فيه).

جرب تزيد البرايتنس حبتين .. انا سويتها من بداية اللعبه لما حسيت ان لما ادخل داخل الغرف حرفيا ظلام بشكل مبالغ.

 

[Terminator]

ما وصلت لمرحلة المستشفى بعد .. واللي سمعته انه "قمة" اللعبة، فإذا كنت انا منبهر الآن وانا بالبدايات .. فكيف لما أتقدم بالمراحل اللي "يقال" انها أفضل و قمم!

بالنسبة للتوهان ؟ المراحل وتصميمها عبقري و منظم بشكل مضبوط .. هندسة مفصلة تفصيل و خريطة من أجمل وابسط الخرائط اللي ممكن تشوفها .. خليني أقول "التصميم المعقد البسيط" .. حاجة مصممة بمزاج عالي.

لعبت الاصلية؟

 

[Terminator]

الساعة الواحده و النص فجرا…. و مفزوز من النوم، السبب؟

حلمت أني داخل سايلنت هيل، و لا بعد لما فزيت من النوم قاعد أتحسس الطاولة الصغيرة يم السرير أدور على الفلاش لايت علشان أفتحه في الظلمة قبل لا أمسك تلفوني و أدرك ويني فيه فقلت أشاركم و أرجع للنوم 🤣

احمد ربك زين ان ماطلع لك ابو انجيلا