Shadow of The Colossus --- الموضوع الرسمي

[Humam]

السلام عليكم كل سنة وانتو طيبين .. بيت الكمبيوتر يقلي اللعبة بتصول الأسبوع الجاي !! أقسم بالله مهزلة ومسخرة مابعدها مهزلة ومسخرة ..

اللعبة نزلها صديقي من النت, 1 جيجا وشوية تنصحوني آخذها ؟؟

 

[dragonwarrior]

السلام عليكم كل سنة وانتو طيبين .. بيت الكمبيوتر يقلي اللعبة بتصول الأسبوع الجاي !! أقسم بالله مهزلة ومسخرة مابعدها مهزلة ومسخرة ..

اللعبة نزلها صديقي من النت, 1 جيجا وشوية تنصحوني آخذها ؟؟

نزل اللعبة,تراها صغيرة مثل ماقلت 1.2 جيجا؟ و ألعبها! ما تسوى كل هالنطرة! 😛

 

[Final Fantasy]

نصيحه همام اخذها من صديقك منسوخة ما تسوى عليك كل هالنطرة .. الناس حصلت اللعبة و خلصتها و أنت للحين تنتظر .. اخذها منسوخه و أنا أخوك


على فكرة بديت الحين أعيد ICO من جديد لأن - سبويلر - اتضح من نهاية شادو أن اللعبتين متصلين و قرأت الاتصالات بنفسي في GameFaqs و اتضح المغزى من كلام المصممين أن اللعبتين عالمهم هو عالم واحد
فراح أعيد ICO من جديد حتى أربط الاتصالات بنفسي و راح أكتب موضوع عن الارتباطات بعد ما يحصلون أكثرية الشباب على اللعبة و يختمونها حتى نقدر نتناقش فيها كلنا .

 

[Xavi]

ليش كل التعب ذا؟ خذها كوبي ومشي حالك لما الاسبوع الجاي وخذلك الأصلي

انا بروح اشيك على المحلات الحين لعل و عسا احصلها

 

[ASWD]

اقول شباب الكوبي ليش مسوين زحمة والطريق فاضي😛

همام ماعليك منهم لا يخبصو تفكيرك 😛

ما اخذها اللا اصلي لو انطرها الى الشهر الجاي

 

[dark]

السلام عليكم كل سنة وانتو طيبين .. بيت الكمبيوتر يقلي اللعبة بتصول الأسبوع الجاي !! أقسم بالله مهزلة ومسخرة مابعدها مهزلة ومسخرة ..

اللعبة نزلها صديقي من النت, 1 جيجا وشوية تنصحوني آخذها ؟؟

وعليكم السلام وأنت طيب :razz:
الله يعينك على الأنتظار
إذا كنت تنتظر أصلي فانتظر للسبت الجاي
الحين الكوبي متوفره عندنا بس حتى الأن ما جربت اللعبة
ما دام صديقك نزلها من النت أكيد بتكون اللعبة كاملة أو تتنظرها و تخسر نفسك 200 ريال

ما اخذها اللا اصلي لو انطرها الى الشهر الجاي

وليش يعني اللي يسمعك يقول أنها أقوى لعبة في التاريخ اللي يشوف غلاف اللعبة عن بُعد تجيه غيبوبة من قوة اللعبة :razz: وما أتوقع انك تقدر تنتظرها شهر ..

نبغا أحد يكتب أنطبعاه عن اللعبة بشكل واسع مثل ( المميزات و العيوب و الأضافات و أفضل الأفكار وهل اللعبة واسعة أو مغلقة والتحكم بالحصان ألخ) نبغا إنطبعاتكم علشان نتحمس لتجربة اللعبة..

 

[ASWD]

اخ دارك

اولا الموضوع موجه لعشاق اللعبة ويحق لهم يقولو اي شي بما انه موضوعهم الخاص..ومن متى كان الغلاف احد مقاييس اللعبة!! 🙂


ثانيا اللعبة يكفيها فـــخـــرا انها ممدوحة في جميع مراجعات المواقع والمجلات بدون استثناء والكل قال عنها انها تجربة فريدة من نوعها على جميع الاجهزة

جيم سبوت

There's never really been anything like it, on the PlayStation 2 or on any other platform.

1UP

You really couldn't ask for better than that. Besides merely being one of gaming's great moments, this is the experience of the year.

Shadow of the Colossus is the true definition of an adventure game. This game will remind you of why you play video games in the first place

GamesDomain

Original, gripping, and outstandingly produced, Shadow of the Colossus is not to be missed.

IGN

Shadow of the Colossus is easily one of my favorite games on the PlayStation 2 and ranks highly among my favorites on any system. It is a true masterpiece in terms of art direction and, dare I say, cinematography. From the fights with the colossi to exploring the world to basically just standing back and letting it all soak in, Shadow of the Colossus is an amazing experience and an absolute must-have title.

Shadow of the Colossus so fantastic is akin to trying to describe why the bodies of work of Picasso, Bach or Beethoven are unquestioned classics

gamespy:

Without gushing or editorializing anymore, suffice it to say that people should feel privileged that games like this can be made in an industry flooded with repetitive franchises and rip-offs. If this game falls into fewer hands than ICO, then it will be a travesty for all. Some might complain that it's a tad short for their tastes, but it shouldn't stop anyone from experiencing it. Shadow of the Colossus is a title that deserves to be played by anyone with a PlayStation 2.

if you don't play Shadow of the Colossus, there is, indeed, something fundamentally wrong with you.

YAHOO GAMES

unique action-adventure that's every bit as enchanting.

it's the recipe for one of the most creative and unusual games of the year.

GamePro

Do yourself a favor and give this one a try

اذا تبي اكثر قول ترى احنا حاضرين

ثالثا موكل لعبة تنشرى كوبي فيه العاب تعتبر *تحف* عند الناس اللي تعرف قيمتها ومكانتها وهذي الالعاب موبس تستحق انك تشتريها اصلي بل تستحق انك تخليها في برواز وتعلقها في غرفتك كمان وازيدك من الشعر بيت في كثير من اللاعبين عندهم رف يوضعو بيه الالعاب* النادرة* واللي ماتتكرر

وهذ انا عند وعدي ماراح اخذ اللعبة اللا *اصلي* لو انتظر شهرين مو بس شهر 🙂

 

[ABUALI]

السلام عليكم كل سنة وانتو طيبين .. بيت الكمبيوتر يقلي اللعبة بتصول الأسبوع الجاي !! أقسم بالله مهزلة ومسخرة مابعدها مهزلة ومسخرة ..

اللعبة نزلها صديقي من النت, 1 جيجا وشوية تنصحوني آخذها ؟؟

حجمها الاصلي 2.5 جيجا أو شوي أقل ولأنها مضغوطة يصير حجمها 1.17 جيجا.. فـ اذا كان حجمها الاصلي 1 جيجا لا تاخذها، ولا تاخذها من السوق قول لـ صديقك يسوي خير ويعطيك نسخه 🙄

أسود : خلك على مبادئك :razz:

 

[ASWD]

أسود : خلك على مبادئك :razz:

ياشعرة ما يهزك ريح😛

 

[ABUALI]

ياشعرة ما يهزك ريح😛

ابشرك خلصتها 😎
ساحات المعارك عجيبه غريبه وهي تلعب الدور الكبير في قضائك على الكولوسس، اذا تندمج وية اللعبة تحس روحك في عالم ثاني واتموسفير مميز على قولتكم. الموسيقى وش حلاتها موسيقى البدايه والنهاية والمعارك كلهم ابداع... عقب رمضان بلعبها بمستوى الهارد

 

[Humam]

شباب أخذت النسخة من صديقي .. اللعبة عندي أخيرا !! هو قالي انها 1 جيجا وشوية على ملف ZIP يعني اكيد هي ..

ما أبغى أقول كم عملاق سدحت للآن 😛 وماراح أتكلم بولا شي عن اللعبة ليييييييين أخصلها هناك لكل حادث حديث 😉

 

[Humam]

شباب قسم بالله مرة معصب وضغطي فووووووووووووووووووووووووووووووووووووووووووووووووووووووووووق ... الcolossi الرابع الله لا يوفقه.. لعنة أبو شكله الحيوان هذا طلع لي الشيب في راسي.. ايش الهرجة معاه !! يمين بالله دوبي قعدت ساعة كاملة احاول فيه مافي أمل .. والمشكلة الhint الي حاطينه غبي جدا .. ايش الي اخدع الكولوسي حتى تمسك ظهره !! ظهره مرة عالي لو اقعد افحط مابمسكه ..

شباب ما ابغى مساعدة وطريقة الحل لهزيمته, أبغى بس hint ينفهم حتى أقدر أفكر .. ما أدري يمكن من السهر هذا ؟ صاحي من امس ولا نمت حاس مخي مرة مقفل ...

 

[rubso]

الوحش الرابع على ما اذكر الحصان ؟
اعطيك Hint .. "تخبى في السرداب الى ان يفرجها ربك" 😀 أقوى تلميح

 

[Humam]

ههههههههههههههههههههههههههههههههه روبسو مشكور .. قبل ماتكتب ردك هزمته شر هزيمة 😉 من جد الhint الي حطوه غبي انا على بالي لازم تمسكه من وراه وتسوي فيه شي بس يلا حصل خير 🙂

سدحت الكولوسي الرابع.. بقي لي 12 .. ومن الآن أقول " ياللهول على هذه اللعبة.. ياللهوووووووووووووووووول " ياناس أببكي 🙁 خلاص خلاص بعد ما اخلص اللعبة بقول كل شي D:

 

[Final Fantasy]

استمتع همام بالكلوسيس الخامس .. شي مو طبيعي !

 

[Solid Snake]

>_______________<"


أنا حتى الحين ما جربت اللعبة .. الفترة الأخيرة كنت مشغول مرة .. وأمس سألت عن اللعبة في كم محل لكن ما لقيتها ><"

 

[Gaara]

استمتع همام بالكلوسيس الخامس .. شي مو طبيعي !

I agree with you .. 🙂

 

[Aizmov]

انا درت العالم كله ... رحت كل محلات الالعاب بالمنطقه عندنا ولا لقيت اللعبه جاتني حاله كآبه
يا رب يجيبوها قبل لا زحمه العيد تبدا و ابتلش

 

[dark]

اولا الموضوع موجه لعشاق اللعبة ويحق لهم يقولو اي شي بما انه موضوعهم الخاص..ومن متى كان الغلاف احد مقاييس اللعبة!! 🙂

وأنا أعرف أنه هذا موضوع لعشاق اللعبة.
أما عن الغلاف كان فعل مجازي فقط وكان مزحه مثل
(جيم سبوت سوف تقييم الألعاب من يوم ورايح على شكل غلاف اللعبة :razz: ) إن شاء الله الفكرة توضحت لك.

ثانيا اللعبة يكفيها فـــخـــرا انها ممدوحة في جميع مراجعات المواقع والمجلات بدون استثناء والكل قال عنها انها تجربة فريدة من نوعها على جميع الاجهزة

أصلاً ما في لعبة في التاريخ ما أنمدحت
وترى نسيت تقييم اللعبة :razz:


من رأي هذة المواقع اللي سوف أذكرها مراجعاتها أو تقييمها مبالغ فيه مثل

1UP
GamesDomain
YAHOO GAMES

المواقع اللي المفضلة للجميع ومراجعتها وتقييمها تقريباً هو الصحيح مثل

IGN
gamespy
GamePro
وغيره من المجلات المعروفة (غير الرسمي للجهاز)

اذا تبي اكثر قول ترى احنا حاضرين

لا خلاص تسلم ما تركت موقع اللى حطيته :razz:

ثالثا موكل لعبة تنشرى كوبي فيه العاب تعتبر *تحف* عند الناس اللي تعرف قيمتها ومكانتها وهذي الالعاب موبس تستحق انك تشتريها اصلي بل تستحق انك تخليها في برواز وتعلقها في غرفتك كمان وازيدك من الشعر بيت في كثير من اللاعبين عندهم رف يوضعو بيه الالعاب* النادرة* واللي ماتتكرر

اللي يسمعك يقول تتكلم عن أقدم وأعرق سلسلة الألعاب :razz:
وحتى الأن ولا أحد جربها أصلي وبإنتظارك هذا إذا قدرت تتنظرها أسبوعين
أما عن الألعاب النادرة مو لازم نتكلم عنها لأنه في ألعاب كثيره له سلسلة وتستحق أسم Game of all time

ولكن المهم احنا هنا نتكلم عن شادو

همام كم باقي لك على اللعبة وتخلصها؟ نبغا مراجعه للعبة منك أو من أي أحد من الأعضاء

 

[ASWD]

dark

هههههههههههههههههههه

مدح عن مدح يفرق

فيه مدح يقول لك اللعبة جيدة لكنها ليست الافضل

وفيه مدح يقول لك ان اللعبة واحدة من اجمل الالعاب على جميع الاجهزة وألخ وهذ الكلام ينطبق على شادو ولا حابب اقتبس لك مرة ثانية من المراجعات اللي انت تثق بيها مثل جيم سبوت وألخ؟

وياما العاب تمتلك مليون اصدار لكنها بدل ما تتقدم للأفضل صارت تتأخر والامثلة ما شاء الله..!!

فريق ماعنده اللا مشروعين لكنه حقق من خلالهم ماعجزة عنه الكثير من سلاسل الالعاب!!!

ولا تخاف فيه من اقتناها اصلي ..راجع الموضوع عدل وبتشوف ..خالد + M7L

بالنهاية اي كلام تشوفه في هذ الموضوع وماعجبك مايحتاج ترد عليه لسبب بسيط وهو *الموضوع مخصص للمجانيين والمتيمين باللعبة* انت داخل هني تطلب انطباعات عنها موداخل عشان تناظر وتقيم كلام المعجبين بيها!!!

اظن الفكرة واصلة😉

 

[Final Fantasy]

همام كم باقي لك على اللعبة وتخلصها؟ نبغا مراجعه للعبة منك أو من أي أحد من الأعضاء

اذا كنت راح أكتب مراجعتي لها فراح أجلس من اليوم لباكر و أنا أكتب .. خلني أختصر عليك الطريق بكلمة وحده تعبر عن مراجعتي حول الجيم بلاي و الجيرافيكس و الموسيقى و المعارك مع العمالقة و كل شي حول اللعبة :

Masterpiece​

 

[dark]

فيه مدح يقول لك اللعبة جيدة لكنها ليست الافضل

وفيه مدح يقول لك ان اللعبة واحدة من اجمل الالعاب على جميع الاجهزة وألخ وهذ الكلام ينطبق على شادو ولا حابب اقتبس لك مرة ثانية من المراجعات اللي انت تثق بيها مثل جيم سبوت وألخ؟

وأنا قصدي أنه الكثير من الألعاب تم مدحها وانت أختار أي لعبة وأنا أحط لك مدحها على أنها يا أفضل جرافيكس أو أفضل قصة أوأفضل سريفايفل هارور ألخ..
وليش تتعب نفسك في الأقتباسات عن مدح اللعبة أنا قرأت المراجعة حقة جيم سبوت واللعبة ما دخلت في مزاجي وكذا أنا أبغا أنطبعاتكم عن اللعبة بشكل أوضح لأنه الصراحة أكثر شي شفت في أنطبعات الأعضاء المميزات ولا أحد ذكر العيوب أو تفصيل اللعبة بشكل أدق ؟؟؟ وبكذا أنا أبغا أعرف كل شي عنها علشان ما أروح لمكان بعيد وأشتري اللعبة وفي أخر شي اتركها بعد يومين أكيد الحين فهمت علي ليش أنا موجود في هذا الموضوع..

وياما العاب تمتلك مليون اصدار لكنها بدل ما تتقدم للأفضل صارت تتأخر والامثلة ما شاء الله..!!

صح معك حق ياما سلسلة ألعاب فاشلة وياما سلسلة ألعاب كل لعبة تلعب فيها تنتظر اللي بعدها من قوة اللعبة

فريق ماعنده اللا مشروعين لكنه حقق من خلالهم ماعجزة عنه الكثير من سلاسل الالعاب!!!

أيكو تقدر تقول أنها لعبة فريدة من نوعها وتحط تحتها خط ولكن خالية من الأبتكار هذا وجهة نظري أما شادو ما أقدر أتكلم عنها لأني ما جربتها
وشوف لعبة ميترويد بريم كانت لفريق في نتندو وكانت من أفضل سلسلة الألعاب ثنائية االأبعاد
ومن بعد سنين من اللعبة ظهرت اللعبة و شركة أخرى تسمى ريترو مسكة زمام الأمور بعد فترة وشوف اللعبة كيف تحولت من أفضل سلسلة الألعاب منظور الأول وغيرها من الألعاب أما سقوط السلسلة دووم .. كان 1و2 كانت الأفضل في أيامها أما 3 أختلفت والجرافيكس أصبح أفضل فقط ولكن لعبة تقريباً فاشلة ودموية أكثر من اللازم

ولا تخاف فيه من اقتناها اصلي ..راجع الموضوع عدل وبتشوف ..خالد + M7L

ممتاز , أجل عقبالك :razz:

بالنهاية اي كلام تشوفه في هذ الموضوع وماعجبك مايحتاج ترد عليه لسبب بسيط وهو *الموضوع مخصص للمجانيين والمتيمين باللعبة* انت داخل هني تطلب انطباعات عنها موداخل عشان تناظر وتقيم كلام المعجبين بيها!!!

أنا ذكرت ليش أنا موجود في الموضوع فقط إستفسار وليس تعصب و الخ

المهم ما نبغا نطلع اكثر من الموضوع

الأخ فاينل تقدر تسوي لي خدمة
طبعا كلمة Masterpiece ما بتفيدني إذا مسكت مشوار إلى أخر الرياض (لو أني في البحرين أو قطر كان ما أحتجت أنطباعات أو مراجعة لأنها بلدة صغير يعني كل شيء قريب)

وانا أبغا دافع لحصول اللعبة
يعني إذا كنت فاضي أكتب ما يتعدى ثلاث أسطر إلى خمس عن اللعبة بكل شيء

لعنة أبو شكله الحيوان هذا طلع لي الشيب في راسي.. ايش الهرجة معاه

أعصابك يا أبو الشباب
روق المانجا :razz:

 

[m7tram]

(لو أني في البحرين أو قطر كان ما أحتجت أنطباعات أو مراجعة لأنها بلدة صغير يعني كل شيء قريب)

ولو انك بالكويت بعد كل شي قريب 😉

 

[dark]

ولو انك بالكويت بعد كل شي قريب 😉

أيه صح..
بما أنك خلصت اللعبة نبغا نشوف أنطبعاتك عن اللعبة بوجهة عام

 

[Mesharey]

Well .. السلام ^^

اللعبة عندي صارلها اسبوع تقريبا ماقدرت العب فيها إلا قبل يومين وتعقدت بالبداية ~__~

لازم اعكس اشعة الشمس صح ؟ وين أوجه الأشعة ؟ على البنت ؟ مايصير شي P:

 

[Khalid-S]

لول مشاري , توجهه لجميع الاتجاهات الي حوليك الين ما يهز الدول شوك ,, وروح للمنقطة الي هزت فيها الكونترولر . بعدين تباري العملاق وهذي اللعبه 🙂

 

[Final Fantasy]

أوكي dark .. هذه هي انطباعاتي عن اللعبة :

الجيرافيكس : من أفضل ما شاهدته على البلاي ستيشن 2 على الاطلاق !!
البيئة ضخمة للغاية و تستطيع أنك تتنقل فيها على حصانك أو على رجليك بحرية مطلقة و من دون فترات تحميل .
العالم واقعي و "حي" جدا .. تستطيع أنك تشوف قاع الوادي و أنت واقف فوق الجبل و تستطيع أنك تلاحظ جداول الماء تتحرك و الشلالات تتساقط من بعد .. و تستطيع أن ترى الجسر الضخم من أبعد مكان في الخريطة .. و جيرافيكس العمالقة هي أفضل ما شاهدته على البلاي ستيشن 2 عمري ما شفت شي ضخم و واقعي لهالدرجة خاصة الشعر تستطيع حتى أن تتحسس ملمسه بخيالك من شدة الواقعيه و دقة التفاصيل .

الجيم بلاي : اللعبة ترتكز بشكل كلي على قتال العمالقة الـ 16 و التنقل بين مناطق الخريطة بين كل عملاق و الآخر حتى تصل لوجهتك التالية .
الشي الساحر في الجيم بلاي أن لكل عملاق من هالـ 16 نقاط ضعف و لغز لازم تفكك خيوطه حتى تعرف كيف تقضي عليه .. و كل معركة من معارك العمالقة شي مستحيل تنساه طوال فترة حياتك تعطيك شعور ما اختبرته من قبل و احساس كله رهبة و عظمة .. البطل يمتلك فقط سيف و قوس يساعدانه على خوض المغامرة الى النهاية .
شي آخر رائع و هو واقعية الحصان لدرجة أنه يحس بالخطر و ينهبك اذا كنت مثلا تمشي على حافة جبل و ممكن تطيح تلقاه ما يتوقف من الصراخ و يحاول يمنعك .. و يأتي لك مسرعا اذا ناديته أو صفرت له و لما تركبه يسرع كلما زدت في ضربه و يخفف كلما شددت السرج .. باختصار الحصان حقيقي 100% !

الموسيقى : أفضل موسيقى قد تحصل عليها أي لعبة .. حماسية و رائعة وقت المعارك .. و مرعبة و غامضة أثناء اللحظات الحاسمه أو قرب وقوع شي .. و في غاية الحزن في المشاهد .. موسيقى اللعبة تلعب في مشاعرك كثير و تخليك تدخل جو اللعبة بشكل خيالي .

القصة : القصة دورها مو كبير في اللعبة .. و لكنها مع ذلك من أجمل القصص التي عرفتها خاصة في النهاية ستترك لك أثر و انطباع مستحيل تنساه طول ما حييت .. قصة بسيطة صحيح و لكنها كبيرة و ضخمة بالمعاني .

 

[Mesharey]

لول مشاري , توجه لجميع الاتجاهات الي حوليك الين ما يهز الدول شوك ,, وروح للمنقطة الي هزت فيها الكونترولر . بعدين تباري العملاق وهذي اللعبه 🙂

أهلا خالد ^___^
هذي اللعبة كلها ؟ توجه الأشعة وتقابل الزعماء ؟ : /


فاينل .. يعطيك العافية على اللي كتبته ^^

 

[Khalid-S]

yup 😉

لسه ما انهيت اللعبة لكن الى الآن هذي الطريقة ..

 

[m7tram]

بما أنك خلصت اللعبة نبغا نشوف أنطبعاتك عن اللعبة بوجهة عام

1-شعور أول مره راح تحسه بلعبه
2-عالم كبير .. (فيه الصحراء-الغابه-البحر-السهول-الهضاب-المطر)
3-كل وحش وفكرته وأستراتيجيته وذكائه وضرباته وقوته
4-جرافيكس العمالقه مبهر الصراحه والمناطق بعد

يعني اللعبه بكل أختصار ....شي جديد -أحساس جديد - أبداع جديد =شي عمرك ما حسيت فيه وراح تحسه اذا لعبت اللعبه ^^