hits counter

Prison Break Season 2 --- الموضوع الرسمي

  • بادئ الموضوع بادئ الموضوع Isaac
  • تاريخ البدء تاريخ البدء
عمر .. الحين لمن اشوف نصبه في فيلم اكشن او فيلم يحكي عن قصه احتمال صدق تصير .. اتقبلها مثل ما اشوفها في فيلم اصلاَ الهدف من عرضه هو يوريك اشياء غير واقعيه ؟

ليش امسك شي علي المسلسل اصلا ؟؟ انا قاعد اشوفه كل اسبوع وبتابعه .. ولا حرام اعلق على اشياء بالمسلسل ؟؟ تبيني بس ارد اقول " شفت الحلقه اليوم .. مع السلامه " ؟؟ : /
 
لا ابيك ترد تتكلم عن القصة والاحداث مو تقعد تقول مسلسل قلب هندي وتحط الاخطاء اللي صارت بالحلقة تقول محلل مسلسلات على غفله ... بصراحة هذا شكل ردودك بالموضوع

محد قال انه قصة بريزن بريك شئ واقعي او مبني على واقع عشان المسلسل يصير واقعي 100% بدوء اخطاء ..
 
عمر .. انا قاعد اقول رائي فقط .. انا اشوف ان المسلسل قلب هندي .. لقطات ما تتصدق ابدا قاعدين نشوفها .. مثل ما انت تحلل الالعاب وتنقدها وتسوي نفسك محلل على غلفه انا قاعد اسوي نفس الشي .. ايش المشكله ؟؟ هذا نوع من انواع النقاش .. لازم يكون في نقد .. مو لازم تكون محلل عشان تنتقد .. اي شخص يتابع المسلسل يقدر ينتقده لانه قاعد يشوفه. مو يجي واحد ما شافه وداخل ينتقد.

المسلسل مكان وجوده في اماكن حقيقيه .. قصته واقعيه (مو قصه حقيقيه .. انا كان كلامي واضح بس انت عبط تبي تعلق) دايما نشوف ناس يهربون من السجن .. ناس يهربون من شرطه .. مو ناس طاحوا في جزيره ومحد يدري عنهم ويشوفون اشياء غريبه فيها 🙂

بعدين انا ما اشوف احداث حلوه في السيزن الثاني عشان اعلق عليها .. حتى لو كان في حدث حلو .. ايش تبيني اقول ؟؟ " اووه اللقطه الي كان فيها سوكري ياخذ الفلوس رهيبه " ؟؟ طيب وبعدين ؟؟ ما جبت شي جديد او فتحت باب للنقاش.
 
عبط ابي اعلق اجل .. اوكي بكيفك .. بس يوم تعرف انت وش تبي اصلا تعال تكلم ..
 
Nintendo قال:
عبط ابي اعلق اجل .. اوكي بكيفك .. بس يوم تعرف انت وش تبي اصلا تعال تكلم ..
أنقر للتوسيع...

ياريت تكتب رد باللغة العربيه مره ثانيه. قوانين المنتدى تمنع الردود الانجليزيه او رد باي لغه ثانيه
 
التعديل الأخير:
لول عمر / خالد صلوا على النبي..

انا الحين صار لي 3 ايام أحاول أنزل الحلقة الثامنة مو قادر.. التورنت يستهبل مدري ايش فيه.. الBearshare نزلت حلقة على أساس إنها الثامنة طلعت الثامنة من السيزن الأول 🙁 لقيت الحلقة الثامنة الجديدة على البير شير لكن الداونلود قلق, مرة نفسه يعلق ما يشتغل, و يا تشغل البير شير وتنسى أمر التصفح كليا لأنه ياخذ كل السرعة ..

اليوم بتنزل ان شاء الله.. يارب تكون حماس لأن السيزن الثاني مو بمستوى الأول صراحة 🙁
 
قههههر يتمسك لينكن 🙁 ابغى الحلقة العااااشرة بسرعة
 
هممم .. شفت السيزن الأول وكملت السيزن الثاني لحد الحلقة التاسعة في وقت قياسي نوعا ما لول ..

الحلقة التاسعة فيها شغل حلو وأحداث جيدة .. لول سكوفيلد لعب أعصاب ماهوني بقوة خخخ ..
حرام لنكن يمسكونه .. مدري ليه ما حسب حساب اللي كان قاعد يشوفه على الكرسي وصرّف عمره ! حتى عطاه نظرات أنه مشكك ..

حقيقةً جاني إحباط من بداية السيزن الثاني .. حسيت الحماس معدوم .. في الحلقات الأخيرة الصادرة أقدر أقول شفنا شوي من الحماس اللي فقدناه ..

فعلا S01 >>>>> S02 .. شي واضح وجلي جدا ..
 
المشكله نفس الاحساس بالمسلسل ضاع ..

مادري ولكن لانه الموسم الاول كان مختلف عن باقي المسلسلات واحداثه داخل السجن فكان شيق ولكن يوم دخلوا المدينه والعالم كله صار اغبياء ماعدا المجرمين فبصراحة المسلسل فقد الحماس جدا ..

الحين يوم مسكوا لنكن طبعا مايكل بخطه عبقريه راح يطلعه هو وابنه بضربه وحده 🙁
 
لول مااعتقد .. لو كانوا اذكياء يخلون حرب مايكل ضد الرئيسة نفسها لكن اذا مايكل راح يخرج لينكن فما اقول غير الله يخلي لووووست >.>"
 
صحيح .. بالجزء الأول يوم تكون محبوس والخيارات اللي قدامك قليلة جدا ، تشوف فن التصريف والفكرة ولعب الأعصاب .. كنا نشوف في كل حلقة شي مو متوقع بالمرة .. وهذا بحد ذاته أساس النجاح ..

لكن بالجزء الثاني ،، اللي أشوفه ممكن أشوفه بأي مسلسل ثاني للأسف .. طعم بريزون بريك الحقيقي فاقده لهاللحظة ..
 
أوكي شباب شفت الحلقة التاسعة.. وبسهولة أقدر أقول عنها أفضل حلقة بالسيزن, وهي المفتاح الضائع إلي وجده القائمين على المسلسل حتى يرجع الحماس 🙂

في الحلقة التاسعة شفنا أشياء جديدة وغير متوقعة ( وهذا الأسلوب الي يميز برزن بريك.. عنصر المفاجأة ) .. على سبيل المثال يمكن الغالبية توقعت إن C-note ( النقر ) بينمسك لكنه ما انمسك.. أيضا بيليك وجري يمسكوا T-Bag.. أيضا سكوفيلد عرف كيف ماهون قاعد يجمع المعلومات وعرف ايش السر الي مخبيه.. و الأهم من هذا كله إن لنكن وابنه انمسكوا .. هذا الشي أتوقع راح يغير كثير من أحداث المسلسل الي ملينا من كثرة تكرارها في السيزن 2..

عموما جو برزن بريك الي اتعودنا عليه في السيزن الأول فعلا غير موجود, وأعتقد الجميع لازم يتأقلم مع هذا الشي, لأنه أفضل سيناريو ممكن عمله لسيزن ثاني من المسلسل, لو قلنا انهم ما هربوا واتمسكوا من جديد وناوين يهربوا من السجن من جديد كانت طلعت فعلا مسخرة والمسلسل فعلا بيصير شي رخيص..

أتوقع الحلقة الجاية تكون حلوة 😉
 
خطيره حلقة هذا الاسبوع جدا ..

لول تي باق اكل هوا ههههههههههههه وبالك لحقه ... اجل ماسكين واحد من اهم المجرمين وحاطينه بسياره وحده مع شرطيين بدون حمايه !!! لكن مو مشكله مشي حالك المهم الواحد يتسلى ...


الحلقات الجايه بتكون حماسيه جدا .. بس احس المسلسل راح يخلص بالموسم الثاني ( ياريت ) .
 
لول صدقوني تي باج راح يقطع يده وياخذها معاه XD
 
لول صدقوني تي باج راح يقطع يده وياخذها معاه XD
أنقر للتوسيع...
فيه غير هالحل أصلاً ؟ p: ..

أما سالفة تي-باج وتبليع المفاتيح هذي لوحدها قصة ثانية لوول ..
الحلقة حلوة .. ولو أن الحلقة التاسعة تظل الأفضل في السيزن هذا ..

تحمست <.<
 
الحلقة الـ11 عجييبة .. أحداثها حلوة وبعضها غير متوقع .. ممتازة الحلقة .

الأحداث فعلا كانت حلوة وجديدة .. أكثر شي فاجأني هو تي-باج لما رصد غاري ..
 
هههههههههه

رهيبه الحلقة تي باق طلع عبقري فعلا 😉

والله المسلسل باخر حلقتين تحسن كثثثثثثثثثثثير جدا باحداث القصة .. الحين تحمست لمعرفة باقي الاحداث ..
 
من الحلقة التاسعة والمسلسل صاير ممتاز جدا ... اتمنى يثبت على هذا المستوى عشان ننسى المهزلة اللي كانت في بداية الموسم ، ويرجع بريزون بريك "الحب" على قولة همام
 
من بعد حلقه 8 ما شفت ولا حلقه بس شكلكم متحمسين اممممم بشوفهم باجر ان شاء الله .
 
ههههههههههههه روعة روعة .. الحلقة 11 فعلا برزن بريك حقيقي 😉

أكثر واحد حزنت عليه العجوز إلي ضربه مايكل في المحل, لول على طول قلت ا افاااااا ما توقعتها منك.. أما تي باق.. يا سلاااااام.. أعتقد في ذي الحلقة الكل عرف ليش هو شخصيتي المفضلة في المسلسل 😉

ان شاء الله المسلسل يستمر بهذا المستوى.. الآن أيقنت إن الحلفات الأولى فعلا نص كم.
 
شباب بعد ما قرأت في أكثر من مصدر ( IMDB - Wikipedia ) الظاهر إن المسلسل باقي له حلقتين و يخلص 🙁

على الأقل السيزن هذا لأني سمعت إنه في سيزن ثالث.. 13 حلقة فقط قليل.. يوم ينتهي برزن بريك كقصة و كمسلسل مافي شك إني راح.............................


















































baby-crying.jpg
 
لاااااااااااااااااااااااااااااااااااااااااااااااااا :cryy: ..
أصلا توه بادي الحماس يجون يوقفونه ليييييييييش ؟! -__-
 
🙁 انتهى القسم الأول من الموسم الثاني

القسم الثاني بيتكمل في السبرينغ اي بعد ما يخلص عرض 24 ويرجع يكملون بريزون بريك 🙁

على فكرة فقط للمعلومية نظام عرض موسم بريزون بريك عبارة عن موسمين في السيزون الواحد الفال 13 والسبرينج 13 حلقة عشان FOX نظامها ما تبغى عرض يأثر على عرض ثاني ( 24 يعرض بأمريكا بنفس اليوم والوقت وأول ما يخلص يرجعون برزن بريك ويكملون سيزون 2 )

كذا النظام وهذا ما يعني ان برزن بريك بينتهي بال 13 حلقة الي بتنعرض بالسبرينج يعني فقط نهاية الموسم الثاني ( ْSeason 2 ) وهو نفس النظام الي اتبعوه مع الموسم الاول 13 حلقة بالفال و13 حلقة بالسبرينج ^^

EDIT : عشان يصير كلامي أكثر دقة ^^

مسلسل 24 موعد عرض هو الساعه 8 بالليل القناة رقم 11 (FOX) وراح يبتدي عرض الموسم السادس في 14 جانيوري وراح يعرض من المسلسل حلقتين بنفس الوفت يعني من الساعه 8 الى الساعه 10 بالليل ونفس الشي اليوم الي بعده كعرض خاص من فوكس ^^.

فراح يصير تغير بمواعيد عرض برزون بريك عشان 24 يعرض بنفس وقت الخمس السنوات الماضيه ^^ وفوكس لها جدول ونظام ما يتغير بيوم وليلة فيعرضون 13 حلقة وبعدها يوقفونه ويسون سكجول جديد لبرزون بريك ^^ والغالب انه يعرض بعد ما يخلص 24 يعني الساعه 9 بالليل او الساعه 10 يوم الاثنين او يمكن يوم اخر ^^

لكن عموما زبدة الكلام كله تكملة الموسم الثاني من برزون بريك بيتكمل في يوم 22 جانيوري ^^ والمسلسل ما راح ينتهي مع انتهاء ال 13 حلقة الجاية مجرد انتهاء الموسم الثاني ^^
 
التعديل الأخير:
شفت الحلقة ال 13 ... كل إلي أقدر أقوله.................................





































واو ​

روعة.. والله روعة.. أفضل حلقة بالسيزن على الإطلاق, ياناس والله برزن بريك الحب.. الحب.. بس مين يقدر 🙁

متى يوم 22 يناير :cryy: :cryy: :cryy: :cryy:
 
بصراحة حلقة مميزة عن جد ..
الله يعين لين يوم 22 ..
 
لوووووووول ما ابي اعلق على اي حلقه جايه من بريزن بريك .. ماني ناقص يجي واحد يطب علي ...

بس لو يغيرون المسلسل لـHendi Break يكون احسن .. ولا ؟ 😛

الحلقه الاخيره في القسم الاول هي الحلقه الوحيده الجيده .. اما الباقي اكس رهيب عليها.
 
خالد انت حدك OC ولوست وذي الخرابيط.. برزن بريك للناس الكلاسيك 😉
 
يجب تسجيل الدخول أو التسجيل كي تتمكن من الرد هنا.
عودة
أعلى