الموضوع الرسمي Prince of Persia بتجربة جديدة كلياً

[Painkiller Q8]

بس حبيت اقول رايي في اللعبه !!

اللعبه قمة في الابداع وبصراحة القصه ممتعه واللعب ممتع .. تصميم اللعبه عبقري وفن

بس السلبيه الوحيده ان اللعبه سهله جدا وفيها تكرار 🙁

 

[AMG]

انا طلبت اللعبة steelbook edition

ان شاء الله تطلع تستاهل

 

[Tomb raider]

حاليا انا لعبت تقريبا 5 ساعات ، والعب على مهلي حتى الآن انطباعاتي :
- القتال في اللعبه في البدايه حسيته سيء بس الحين بعد هال5 ساعات تعودت عليه واشوفه صار احسن.
- الموسيقى : يعني ما ادري شو اقول ، الموسيقي عالم ثاني باللعبه.
-الرسوم: الرسوم مع المسيقى يكملون بعضهم البعض ، كل ما اشوف الرسم والآرت باللعبه انبهر اكثر واكثر.
مستمتع فيها وايد ، بس الامتحانات النهائيه الحين بتبدأ وبتخرب علي -_-

 

[Lunar Poet]

نزلت اليوم نسخة Steam. المينيو خرافي O= .. ألحين بلعبها.

 

[Lunar Poet]

حاليّاً ألعب اللعبة و مستمتع فيها

. امم ما أشوفها سهلة لدرجة مبالغ فيها (جيدة يعني)، و سالفة إيليكا ما أشوفها مضايقتني

(صحيح إنك ما تخسر لمن طحت من مكان عالي، لكن ما أشوف هالشي يختلف عن باقي الألعاب اللي من هالنوع. في Tomb Raider مثلاً لو طحت من مكان عالي بتخسر، لكنك بترجع إلى نفس المكان اللي كنت فيه قبل لا تطيح. هنا نفس الشي لكن العملية أسرع شوي).

سؤال: شلون أفعّل قوى إيليكا؟ عندي أكثر من 60 لايت سيدز لكن لمن ضغطت على أحد القوى عشان أفعّلها ما يصير شي).

 

[Nyx]

^ وين موصل إنت بالضبط ؟ , على ما أتذكر بعد فتره من اللعب لازم ترجع للمعبد وتفعل القوى من هناك , وهالقوى راح تفتحلك أماكن ومراحل جديد .

 

[SALAH]

^
كلام سليم ..لازم تفتح الخريطة و تروح على Tample و اكبس مثلث حتى تنتقل فورا ( Teleport ) . ومن هناك تظهر لك قوى مختلفة و تنفتح مراحل جديدة ..

اعتقد اني اقتربت من انهائها , اتعودت عليها حتى الان لكن فيه شغلتين مضايقيني جدا :

1- الاماكن متشابهة لدرجة عجيبة :what: , حتى انه فيه منطقة نفسي ارجع لها وفقدت الأمل , عجزت اني احدد مكانها لأن كل المراحل تشبه بعضها جدا..
2- القتال ..حتى الان مو مرتاح له ونظام الكومبوز مزعج جدا , لو يخلوه مفتوح وتاخذ راحتك فيه كان أفضل بمراحل !! ( مثل SoT يعني ) ..

شغلة ثانية , أحسهم أفرطوا جدا جدا باستخدام نظام القفز و المشي على الجدان , بعض المراحل تمشي بكاملها تقريبا على الجدران وهالشي بيجعل الفكرة مملة مع الوقت , وسالفة المشي على السقف ماكان لها داعي -__- .


اللعبة حلوة اجمالا ..لكن وبكل صراحة , معروضة للبيع بعد ما اخلصها ! :whistle:

 

[Justice]

محتوى مخفي

شباب وين احصل لبس الطائر؟

وبرضو في لباس جديد حق البطل وايليكا

محتوى مخفي

 

[Dr MaD]

لاااااااااااااااااااااااااااااااااااااااااا أكلت سبويلر !!!

حرام عليك ياجستس !! .. استعمل سبويلر تاغ :crying:

...................
للحين جمعت 191 light seed (( اظن اسمها كذا ))

بصراحة اللعبة قمة المتعة .. من زمان عن الألعاب اللي زي كذا .. كأنها نسخة محسنة من أساسينز كريد
بالنسبة للسهولة توقعتها أسهل من كذا (( من كلام الناس )) انا اشوفها نفس فكرة التشيك بوينت بس بفكرة منطقية شوي + تسهل اللعبة شوي وماتوقف المتعة !
الإكتشاف والأجواء شي جميل وأيليكا الحمدلله طلعت مضبوطة وماتسوي أشياء غبيه (( أكثر شي كنت خايف منه )) والحوارات معها ممتعة
للحين ماني متململ من اللعبة
أكبر عيب في اللعبة للحين : مافيه مناطق داخلية (( indoors )) .. لو صارت أتخيل الآرت فيها كيف بيكون :inlove:

شكرا يوبي سوفت

 

[Futrus]

جاستس إنت اكثر واحد في تي جي يقط سبويلرات من غير سبويلر تاج ، انتبه واستخدمه :/

 

[Krat0s]

اكره شي "اكرهه" في اللعبة تجميع الايت سيدز

 

[Ryu-Bounty Hunter]

احس ان تجمييع السييدز حاطينه بس عشان يطولون مدة اللعبة :/

بس لما تخلص اللعبة يصير عندك شي تسوويه لو كنت تبي تحوس عالم اللعبة.

 

[itachi]

الحين جمعت 307
وقريب أحصل القوه الثالثه 🙂

 

[HimoSema]

شباب.. أنهيت اللعبة, و أبي أكمل تجميع اللايت سيدز بس ما أدري شلون.
هل في طريقة معينة أكمل بعد إنهاء اللعبة؟

 

[AMG]

اليوم بديت العبها

اولا اللعبة فنية جدا جدا من ناحية الرسوم الى الموسيقى الى تصميم المراحل و الوحوش

اسلوب القتال كانت فكرتي عنه سلبية لكن اشوفه مناسب جدا لجو وهدف اللعبة

موضوع اني ما اموت و اليكا تنقذني ماهو مزعج اساسا اعتبر نفسك مت و بديت ثاني لكن هاذي المرة بسرعة . ماني شايف سبب للشكوة من هذا الشيء

اللعبة سهلة

 

[Dark Angel]

أنا أرى أن اللعبة سهلة جدا جدا... بشكل عام....
أنا أنهيت اللعبة على البي اس 3 ... الصوت والموسيقى في اللعبة رائع جدا ... انا تشتغل عندي على 7.1 ومستمتع فيها جدا... لما اركض فعلا اسمع صوت إليكا تركض خلفي والصوت يطلع من السماعات الخلفية بس.

لكن فيه بعض المناطق في اللعبة فيها شي من الصعوبة الغبية فير رأيي مثل

محتوى مخفي

المناطق المتقدمة لما تطلع القوى الخاصة تبع إليكا...

نظام القتال فيها جميل ولكن سهل جدا، تقدر تركب 14 ضربة في كومبو واحد.

القتال سهل جدا لدرجة أنك

محتوى مخفي

تقدر تتفادى القتال مع الأعداء وتقضي عليهم في رضبة وحدة وقبل ما يظهرون

أصعب ا في اللعبة هو الحصول على التروفيز \ الاتشيفمنتس فقط لا غير .... حتى الحصول على اللايت سيدز جدا سهل ... انا حصلت 945 لايت سيدز حتى الان من دون بدل مجهود كبير.

وأعتقد أنك تقدر

محتوى مخفي

تنهي اللعبة من غير ما تقاتل الأربعة الرؤوساء في اللعبة اللي هم الواريور والهنتر والكونكيوباين والكيميائي بس ما تأكدت منها

أحلى شي عجبني في اللعبة بالإضافة للبريزنتيشن والجرافكس هو القصة والحوار بين البرينس وإليكا وأيضا ما أنسى

محتوى مخفي

النهاية العظيمة للعبة

وتحياتي

 

[Krat0s]

انهيتها
تقييمي 8.8

النهاية =

محتوى مخفي

(&)

 

[Solid Snake]

بديت في اللعبة امس .. الآرت في اللعبة جميل للغاية، لكن الجرافكس بشكل عام مو "واو" .. فيه مشاكل تقنية بسيطة في اللعبة، احيانا احس انه فيه مشكلة في التكستشرز، ومستوى الجرافكس مو متوازن بشكل عام .. خصوصا المناطق المظلمة احس ان مستوى الجرافكس فيها اقل بكثير من المناطق الحية ..

الجيم بلاي كنت ماخذ عنه فكرة سلبية لكنه اعجبني بصراحة .. ومثل ما قلتوا، اللعبة سهلة بشكل لا يوصف .. فكرة وجود اليكا لانقاذك دايما حلوة في البداية لكن راح امل منها بعدين

 

[Dr MaD]

هل في طريقة معينة أقدر أشوف فيها كم لايت سيد باقي في منطقة معينه ؟

لأن احيانا امشي في القصة واطنش التجميع أخليها في وقت ثاني .. بس مستحيل أدورلي على خمسة أو عشرة لايت سيدز في كل اللعبة عشان اجيبها كلها !

 

[Krat0s]

هل في طريقة معينة أقدر أشوف فيها كم لايت سيد باقي في منطقة معينه ؟

اضغط زر الباك وروح على المناطق الي تبغى تشوف فيه كم انت مجمع طالع على يمين الشاشة وراح تلقى كم من 45

 

[AMG]

اللعبة بعد مدة لعب اشوفها حافظت على متعتها عكس ما كنت متوقع الان

محتوى مخفي

هزمت الصياد و الساحرة و جالس في منطقة المقاتل

كنت اتمنى لو في كاونتر يحسب قد ايش جلست تقفز من غير ما توقع ، مثل عداد الكومبو في ديفل ماي كراي ، كذا اللعبة بيكون فيها تحدي اكثر

 

[AMG]

انهيتها اليوم الفجر

8/10

+ارت جميل جدا
+نظام لعب و استكشاف ممتع و غير ممل
+شخصية الامير الجديدة
+الموسيقى

-قصة متوسطة الى ضعيفة
-نظام قتال سطحي
- خالية من التحدي

 

[Mario2]

انهيتها اليوم الفجر

8/10

+ارت جميل جدا
+نظام لعب و استكشاف ممتع و غير ممل
+شخصية الامير الجديدة
+الموسيقى

-قصة متوسطة الى ضعيفة
-نظام قتال سطحي
- خالية من التحدي

ممكن الفرق الوحيد اللي اشوفه برايي انك تزيد نص زياده للتقييم , لازم يعدلون السلبيات ولا اللاجزاء الثانيه لو ناويين يكملونها بتكون رايحه في عينها لو بقت مثل ما هي .

 

[Lonely Heart]

شباب اليوم ان شاء الله بجيب اللعبه ..

هل اللعبه فعلاً تسوى ؟ لانها اذا كانت افضل من تومب ريدر فاكيد راح تعجبني ..

وكم مدتها؟

 

[Krat0s]

^

في حدود الـ12 ساعة

 

[Lonely Heart]

9.0 .. من افضل العاب 2008 والبراحه ..
افضل لعبه لـ UbiSoft هذا الجيل

 

[Nemesis Zone]

انا لعبت اللعبة حوالي 7 ساعات وشايف انها مسليهانوعاً ما عدا تجميع السيدرز الممل - القتال بسيط جداً محتاج فقط شوية تركيز

الشي السىء مافيه Game Over لكن لاحظو لو كنت تقفز وتتتسلق اماكن عاليه وفجأه وقعت اكيد حتنقذك Elika لكن راح تلاحظ انها رجعتك من اول مابديت تتسلق (نفس الشي يسير مع الأعداء اذا عجم عليك وأنقذتك Elika راح يستعيد العدو شىء من طاقته )

يعني لقينا بديل للـGame Over

القفز سهل جداً والأماكن الي تتسلقها مافيها اي شي يذكر من الصعويه كدا انا مشتاق للأفخاخ والمرواح والدبابيس الي كانت في POP السابقه.

 

[BioMario]

خلصت اللعبة قبل شوي ..

اللعبة أعطيها 8.5/10
والصراحة الفريق الواحد يشهد له على فنه في الموسيقى و الجرافكس و تصميم المراحل و الآرت بشكل عام

 

[mohamed]

^

في حدود الـ12 ساعة

بس؟ أخلصها بجلستين .
يا اخي مشكلة ان كانت الالعاب بهذه المدة القصيرة.

من كلامكم , اللعبة ما تستاهل تقييمها الجبار من IGN.

 

[Akilla]

جربت اللعبة ...

ما اقول بايخة لكن ...

فيها اشياء ما دخلت مزاجي

بما اني لاعب الاجزاء السابقة ومتعمق فيها اعتقد وبرأئي ان هذا الجزء ليس الافضل

اللعبة فيها:

1-تكرار ممل
2-الاعداء نادر ما تحصل واذا حصلت كأنك قاعد تقاتل زعيم مو عدو (طبعا اتكلم عن الاعداء مو الزعماء مثل ال ) Hunter)
3-السيدز وقصة انك تجمعها علشان اليكا تفتح منطقة جديدة شي يقهر مو اي واحد رايق يجمع السيدز
4-اذا تذكرت رجعت اعدل ردي :laugh::

ويضل (الجزء الثاني) هو الاسطورة