خلصتها قبل يومين مع البلاتينيوم، أفضل من توقعاتي و على ما أظن بتكون GOTY2026 عندي
الكومبات ممتاز و أفضل من المتوقع، سريع جدا و ممتع. الأسلحة كثيرة و منوعة، الأسحلة الرئيسية تنقسم لـ 3 أنواع (One-Handed, Two-Handed, Dual-Wield)، و الأسحلة الفرعية اللي تكون استعمالها محدود، نقدر نختار سلاحين من كل نوع و نبدل بينهم بالجيمبلاي. بالنسبة لي طول اللعبة استعملت أول سيف و بعدين بدلته بسيف ثاني بعا من نوع One-Handed :/ و السلاح الفرعي استقريت على سلاح القبضات اللي نحصلها بالمنطقة الثاني
الصعوبة عالهارد كانت ممتازة لأول 20 ساعة تقريبا لأني كنت أستعمل أول سيف لفل 10، بعد ما وصلت لكويست فتح المنطقة القبل الأخيرة حولت للسايدكويستس و بدلت لسلاح زعيم المنطقة الثالثة بأعلى لفل ممكن، من هنا صارت سهلة جدا و ما مت مرة ثانية الا مرة مع الزعيم الأخير أو كم مرة من السقوط بحفر، يمكن لو وقفت تلفيل الأسلحة بلفل 20 بتكون الصعوبة موزونة أكثر؟
تنوع الأعداء مقبول، الزعماء ممتازين-جيدين جدا و عددهم ممتاز (على ما أظن أكثر من
50)، المشكلة لأنها صارت سهلة أغلبهم غلبتهم من أول مرة
قرار عدم رجوع الأعداء غريب، بالبداية ما عيبني بس بعدين ما اهتميت :| و نفس الشيء مع الزعماء، يوم كنت مصعب اللعبة على نفسي فكرت انه قرار مقبول شوية بس بعد ما لفلت بشكل طبيعي شفت ان ما تحتاج انهم يكونوا متسامحين و يخلونا نكمل من الفيز اللي خسرنا فيه :/
الليفل ديزاين جيد و تصميم العالم جيد، مناطق مفتوحة و حجمها متوسط، الا منطقة المدينة و البحيرة حسيت انهم أكبر من اللازم. الاستكشاف فيهم ممتاز خاصة ان بالنهاية بتحصل زعماء جدد و أسحلة جديدة و قدرات ميترودفينية (بس تفتح طرق مسدودة :|)
البيسينج جيد، فيه بعد المناطق و الجزئيات طولوا أكثر من اللازم (
نفس عرض المسرح بالمرحلة القبل الأخيرة)، السايدكويستس بعد جزئية بالمين كويست يصيروا كثيرين و خلوني أنسي الهدف بالمين كويست :|
ما عيبني ان بعض الكويستات ممكن يضيعوا بسهولة، قبل ما أبديها شفت جايد بالتروفيز اللي ممكن يضيعوا و سويتهم أول ما وصلت لهم، بس في كويستات ثانية ما مطلوبة عليهم تروفيز ضاعوا علي و ما عرفت عنهم الا بعد فوات الأوان :/ (مثلا سايدكويست بعد ما نفتح المرحلة الأخيرة:
قتال زعيمة الأقنعة الثاني، لو قاتلتها بشكل طبيعي بيخلص القتال بالفيز الثاني و بتهرب و بيعتبر فشلت بالكويست، لازم نقاتلها بسلاح السيف الطويل المطور عشان نفتح الفيز الثالث)
القصة جيدة-عادية، بس
لأن معظم الأسامي صينية مخي ما يربط الأحداث فيها :/ الشخصيات عاديين، في جزئيات لور من مذكرات أو ذكريات نسمعها بس بالعادة ما أقريها أو أسمعها عالسريع.... يمكن بشوف فيديو ملخص للقصة بعدين :/
الأتموسفير و الآرت جيدين جدا، الساوندتراك جيد جدا و أفضل من المتوقع. الجرافكس جيد جدا، الأداء ممتاز على الـ PS5 Pro، ما واجهت أي جليتشات بس كان في شوية دروب بالفريمات بمنطقة البحيرة