السلام عليكم وصباح الخير ….
اول شيء سعيد بعودة السلسلة ٢٠ سنة كانت worth it وقد الانتظار بقوة بحاول اتفلسف وانا اطبل للعبة واكيد فيه عيوب بذكرها تخليني ماقول عنها افضل لعبة اكشن في العقد.
بتكلم عن القصة والشخصيات اعتقد كلنا نعرف مياموتو موساشي او سمعنا عنه وسعيه للأقوى وغريمه التقليدي ساساكي كوجيرو او في الحالة هذي ساساكي غانريو في البداية لا هذا موب موساشي وكوجيرو تبع مانجا فاجابوند ( اللي مبني على قصة الشخصية ) لا تتوقع تشوف ذيك الشخصيات الفلسفية العميقة هذا take مشرق موساشي متسرع متهور في نفس الوقت قوته تدعمه غانريو اخرق دايم second fiddle له لكن كلهم هدفهم واحد … هزيمة الاقوى.
الشيء ليه تكلمت عن الشخصيات في لعبة اونيموشا ؟ ببساطة لانه يدخل في صلب اللعب نفسه يعني بتشوف موساشي موب مجرد سياف شريف فقط يستخدم سيفه لا بعض الاحيان يصير قرد او brawler شخصية بدون اي قيود بيهزمك بأي طريقة.
حبيت القصة والشخصيات يدخلون القلب اوكوني مع موساشي واو ثنائي روعة حوارات تفاعل ولا غلطة, برجع لثيم كسر القيود او عدم وجودها يرجع لشرير الجزء هذا يوشيتسوني … هذا موساشي لو كان شرير ومختل وكل شيء مبني على شخصيته الحقيقية كونه كان شخص يبغى يضع قوانيه الخاصة .
لو بعيب شيء عليها هو اختفاء غانريو بعد هزيمته الاولى لوقت طويل توقعت بيكون عليه تركيز اكثر وبنشوف منظوره وكيف بتتطور قوته موازاة مع موساشي لكن واضح بعد النهاية اللي بقول pure onimusha قد ايش الجزء ذا هو صدق جزء خامس وبداية جديدة قاعد يبني لاشياء كثيرة قدام يعني لول دوكيو وغانريو موجودين ايضا اوكوني صارت اونيموشا مع موساشي الشيء يفتح احتمالات كثيرة لمحتوى اضافي وسيكول
——
من ناحية لعب الريدي اسهبت ومدحت القتال بس بقول انه نظام قتالي بيرفكت في نظري من ناحية تدرج صعوبته الاعداء اللي يقدمونهم لك والزعماء …. يالهي الزعماء انا بترك الكل وبركز على الزعيم الاخير قد ايش كسر توقعات وثيمات اللعبة اونيموشا ضد اونيموشا فينالي خرافي من ناحية صعوبة طويل ثلاث فيزات و وكل واحد منهم مختلف ومليان اسرار داخله مثلا اذا استخدمت الult بيعطونك مقطع خاص يصير كانه نزال من افلام كوروساوا باختصار 10/10 اعطيها من الناحية ذي.
تقنياً وفنيا ممتازة موب احس جرافيكس ولا احسن توجه فني بس التصاميم رائعة كلها بس اعتقد الاضاءة خانت المنظر في بعض الاحيان يبغالها تعديل …. الموسيقى جميلة بعد بس ماتوصل مستوى الرابع او الاول لان من يوصل اصلا من العاب كابكوم ؟
——
اوك خلصت مدح و تطبيل ولازم اتكلم عن منطقة اللعبة الرئيسية وجودها شيء جميل انك تمشي فيها بعد مع المطر يذكرني بالثاني بس المحتوى الجانبي عدى الcurious case مجرد حشو الشيء اللي يخليني متحمله هو لان اللعب نفسه عظيم يخليك تقدر تتغاضى عنها لو فيه شيء ماحبيته هو التجميعات اللي تطلع بعد ماتنهي اي منطقة وتكرار الزعماء الجانبين شيء طاحت فيه سيكيرو حتى لكن هنا هم زعيمين ٢ بس يتكررون بس في المحتوى الجانبي اكثر ولا الرئيسي بتشوفهم ممكن ثلاث الى اربع ايضا المرحلة الاخيرة قبل الزعيم الاخير محبطة شوي واللي لعب يعرف ليه …. الحين بتقول لعبة ٨/١٠ ؟
لا
الايجابيات بعمق المحيطات والسلبيات بالنسبة لي ماثرت على تجربتي بتاتا.
9/10
هذي من افضل العاب الاكشن اللي لعبتها في اخر ١٥ سنة
