الموضوع الرسمي Metal Gear Solid : HD Collection الزبدة بالداخل !

[SAUD~F-16]

^ أفا! الرسم احترافي والاخراج والحوارات ممتازة وش اللي ماعجبك بالضبط؟!

والله ‏
مدري ‏
ياشباب...‏ حسيت بداونجريد بعد الثالث ‏،وغير كذا مرحلة التعذيب زادت الطين بله,‏ وبشكل عام الكوميكس لا تروقني ‏،‏ اما الجيم بلاي تحسن بالنسبة للتصويب والسي كيو سي والكو اب حلو بعد

 

[T u R k I]

^ يمكن لأنك لعبتهم ورى بعض

لاتنسى ان بيس واكر بالاصل لعبة محمول يعني فيها اشياء محدودة ومب بضخامة اجزاء الكونسول

 

[ABUALI]

الإستراتيجية اللي تعجبني في معركة ذا إيند

1- المنظار + مسدس التنويم الصغير... هالجو يعطيك متعة كبيرة، جربوها إذا وصلتون له
جهز سلاح التخدير واستخدم المنظار علشان تكشف مكان ذا إيند وإذا حصلته حاول تخلي علامة ال( : ) على راسه وإذا ضبطت الوضع إضغط L2 (بتطلع لك قائمة الأدوات) وبعدها خلك ضاغط على زر الR1 والمربع وبعدها أختار None أو أي شي من قائمة الأدوات وخلك ضاغط على R1 ومربع وبعدها أطلق وبتجيب الطلقة في راسه
هذا مثال
http://www.youtube.com/watch?v=XR8uyaEMa7o

2- لباس ذا سورو + سلاح التخدير + المنظار الحراري.
تكشف مكان ذا إيند بإستخدام المنظار الحراري فقط، وإذا وصلت له أعطه فريز وخله يطلع لك مافي جعبته.. طبعاً لباس ذا سورو وظيفته يخليك تركض بدون ما أحد يسمع خطواتك

 

[DEMON]

ذا اند كنت ادور مكانه ، أول ما القاه اطلع الشتقن والحقه وهوووب ، نص دقيقة وهو ميت :tongue:

 

[ABUALI]

هههههههاي تعريف لمصطلع "طلّع حرتك فيه"

 

[The Doctor]

قاعد ألعب Peace Walker و موصل لقتال الPupa... مادري إذا لازم أزيد لفل الintel تبعي (لفلهم ~21) بس الsupply مالهم سقيم :\

هو الظاهر إني قاعد أقاتله غلط أو شي لأن استراتيجية الشاغوهود معاه مش بنفس الفعالية (قريت في مكان إني استفيد إذا قتلته من دون تدمير الAI pod..؟) >.>

 

[Veeto]

^^^
^

لا تركز في هالامور قبل ما تنهي اللعبة
اعني امور الـ AI .. وهالسوالف

طور الليفلات .. حاول ما تقتل اي جنددي .. وبعد ما تنهي القصة بيبدء الفن !

بالنسبة للبوبا .. حوال تحفظ حرككته .. وتقدر تطلق على رجايله - اصطلاحا - وبتبطء سرعته

 

[The Doctor]

وش استفيد بعد القصة؟

هل الExtra Ops كثيرة كفاية بعد اللعبة و لا ايش بالضبط؟

 

[SAUD~F-16]

ايه توي خلصت بيس والكر...‏ وباقي اشياء كثير بعد ‏،‏ فيه ايكسترا ‏،اوبس كثير طبعا مو لازم لأكن للي يحب يكمل ويجمع تروفيز ‏..

عموما ‏،‏ بشتري مجس الأول من الستور قربيا..‏ لاكن باخذ بريك من السلسلة ‏ العب شيء ثاني قبل ما ابداء فيه ‏،‏ مو احسن؟
عندي سؤالين ‏ وش دخل يوبيسوفت واسساسزن كريد ب مجس ؟ لمحت اساميهم في الكريدتس

‏ مجس الأولى احداثها بالتسعينات؟

 

[Hekari]

وش دخل يوبيسوفت واسساسزن كريد ب مجس ؟ لمحت اساميهم في الكريدتس

هههههههههه كان صانع سلسلة اساسن كريد متفق مع كوجيما على ايام 1 ابريل قبل لانش اللعبة على انهم يسوي فيديو كذبة ابريل ان ايزيو موجود في اللعبة ، هو فعلاً موجود في مرحلة المصنع قبل قتال ذاك ال al pod الي تركب فوقه ، ناسي اسمه تقدر تقفز من فوق المصنع على اسلوب قفزة اساسن كريد وهذا يعتبر easter egg .

مجس الأولى احداثها بالتسعينات؟

لا مجس الاولى احداثها في 2005 قبل الثاني بسنتين وانت غلطان لانك بديت بالثاني قبل الاول راح تحس بداونجريد لكن مازالت اللعبة قابلة للعب ليومك هذا بالرغم انها نازلة 1998 على مافتكر .

 

[SAUD~F-16]

^
ما لعبت الثاني لسى ..

 

[ABUALI]

مجس الأولى في ميكانيكية الجيمبلاي على مقاييس اليوم الحاضر ميح حدها... ولكن التجربة اللي راح تمر فيها مع اللعبة راح تخلي عندك إنطباع أسطوري عنها. اللعبة تمتلك معارك زعماء مميزة وفريدة من نوعها، ولحظات أتموسفيرية رهيبة تدخلك جو ميتل جير بكل سهولة وتخليك تتعلق باللعبة بشكل مو طبيعي، وتمثيل صوتي هو الأفضل في السلسلة من جميع الشخصيات.

عموماً خذ لك بريك عن ميتل جير وروح ألعب جاد أوف وار شوي (&)

 

[bahamut]

انا والله شفتها بالسوق بالصدفة ماقدرت اصدق عيني لاني بصراحة ماقد سمعت اي اخبار انها راح تنزل HD من جد اصدار ولا اروع انا الى الان مالعبتها عندي بعد كم يوم اجازة حلوه راح افجرها تفجير 🙂

 

[Hekari]

اوف اوف , مابي اختمها يمكن بتعمق فيها شوي في الاماكن الفرعية ، بقى علي قتال الفولجين وذا بوس .. سؤال ، قتال ذا بوس نفسه الي كان في الفلاش باك حق ال كويك تايم ايفينتز في بيس وولكر ؟ T_T كان شيئ ماحصلتش في عالم الفيديو قيمز مش مبالغة صراحة .

خسارة ماجربت مود المونك فيرسيس سنيك انشال من هالنسخة برضو الاونلاين حتى الريبلي ثيثر ؟ كنت ابي اشوف مقاطع ايفا بدل ماسوي لمشاهدها تخزين لحاله (&) احس نسخ الاتش دي ناقصة بدون طور المونيك VS سنيك والتزلج .

 

[ABUALI]

محتوى مخفي: MGS3 & PW

معركة ذا بوس في مجس3 بالضبط نفس اللي طلع في بيس والكر لكن بدون الQTE

وجهز لك 3 بطاريات كحد أدنى لهذي المعركة

 

[T u R k I]

قاعد ألعب Peace Walker و موصل لقتال الPupa... مادري إذا لازم أزيد لفل الintel تبعي (لفلهم ~21) بس الsupply مالهم سقيم :\

هو الظاهر إني قاعد أقاتله غلط أو شي لأن استراتيجية الشاغوهود معاه مش بنفس الفعالية (قريت في مكان إني استفيد إذا قتلته من دون تدمير الAI pod..؟) >.>

إلبس ملابس مدرّعه عشان الضرر يكون اخف (وبعض الملابس تقدر تضيف لها 3 اسلحة بدل سلاحين) خذ علاج معك واسلحة وبازوكا أو طوّر اسلحة وبتكون المعركة اسهل, واستعمل القنابل لأنّها بتفيدك برضوا

وش استفيد بعد القصة؟

هل الExtra Ops كثيرة كفاية بعد اللعبة و لا ايش بالضبط؟

لازم تلعب اكسترا اوبس بعد ماتنهي اللعبة عشان تكمّل القصة! يعني ماهي مراحل فرعيه فقط

ايه توي خلصت بيس والكر...‏ وباقي اشياء كثير بعد ‏،‏ فيه ايكسترا ‏،اوبس كثير طبعا مو لازم لأكن للي يحب يكمل ويجمع تروفيز ‏..

لعبت اكستار اوبس بعد انهيت اللعبة؟ اذا مالعبتهم فانت ماانهيت اللعبة! بعد ماتنهي اللعبة لازم تلعب كم اكسترا اوبس عشان تظهر لك مهمات بحث وعددها 6 كل مالعبت مرحلتين اكسترا او ثلاث تفتح لك وحده وبعدهم معركة اخيرة.

 

[SAUD~F-16]

^
من جدك؟! وانا اشوف طلعلي to be contneud in chapter 5 ? وتف ما كان عندي ادنى فكرة:tongue:

 

[Veeto]

وش استفيد بعد القصة؟

هل الExtra Ops كثيرة كفاية بعد اللعبة و لا ايش بالضبط؟

كفاية وتزيد .. عندك مهمات واااجد في الاكسترا بعد ما تنهي اللعبة
وعندك مهمات مونستر هونتر .. عندك مهمات قتال ضد الزعماء .. مطورين مصعبين
فيه مهمات عجيبة .. وحلوة وخفيفة ما ابغي اعطيك سبويلرات اليمة
اخليها ليك تستكشفها احسن

هذا بدون الكو اب .. كمثال عني - ولو اني فانز كبير للسلسلة والى بيس والكر بالتحديد -
انا انهيت القصة تقريبا في 22 ساعة .. حاليا وصل عداد اللعب الى 119 ساعة !

عندك بعد الاسلحة يصير ليهم ابجريد رائع جدا وفعال .. وحتى الادوات
بعطيك مثالين من كل واحد .. الاسلحة القناص اللي ينوم .. يصير تالي .. سايلنت
الادوات .. الرادار البدائي .. يصير مثل رادار ميتال 1 .. وما يخلص بعد !

باختصار .. كمية الاشياء الموجودة في بيس والكر ما ليها مثيل بالسلسلة كلها

 

[Hekari]

شباب احد لعب ميتل جير جوست بابل ؟ افتكر ماخد تقاييم هاي رانكز وفول مارك من IGN ، بس احد يذكرني بقصته ؟؟

 

[ABUALI]

أي لباس إللي يشيل 3 أسلحة؟ أنا وصلت لنهاية تشابتر 4 تقريبا وانا ما ادري عن هالخطة... كل إللى أعرفه إن في أسلحة كثيرة في اللعبة وتطويرها مغري جداً، القناص المخدّر يصير سايلنت ويخدّر من أول طلقة على أي مكان من الجسم... وحتى لاحظت أنا حالياً أطور السلاح وصار يخدّر الجندي أسرع من المعتاد، هذا غير السلاح العجيب قاذف الصواريخ " Gustav أو مثل جذيه إسمه" إللي يسوي Volton Recovery لأربعة جنود من طلقة وحدة!

هذي أشياء عرفتها من يوتيوب + إذا طورت الintel حقك إلى أقصى لفل أعتقد بتتمكن من معرفة أعداد الجنود في الmission عن طريق خيار جديد من قائمة الpause menu

على فكرة، في فايدة من المهمات الفرعية؟ المهمات اللي ترسل لها فرقة جنود علشان يقاتلون في معركة وإنتا تشوف النتائج بس؟

 

[Veeto]

battle suit

هذي تحصلها من الاوتر اوبس على ما اتذكر صار ليي قرن من اخذتها

في فايدة من المهمات الفرعية؟ المهمات اللي ترسل لها فرقة جنود علشان يقاتلون في معركة وإنتا تشوف النتائج بس؟

فيه مخطوطات لاسلحة ما تحصلها الا منهم وبعض الاسلحة بس منها واتذكر الصناديق بعد

هذا غير السلاح العجيب قاذف الصواريخ " Gustav أو مثل جذيه إسمه" إللي يسوي Volton Recovery لأربعة جنود من طلقة وحدة!

عندي اياه :laugh:: .. هذا نوعا ما سهل تحصله .. عليك تخلص مهمة 98 كانه بس وتحصله
ما تحتاج الى الـ S .. بس الباندانا تحتاج تسوي مهمة وتاخذ اس فيها بعد !

 

[Hekari]

قبل خمس دقايق ختمت ميتل جير 3 سنيك ايييتر !

والله اللعبة رهيبة والنهاية اسطورية وملحمية ومؤّثرة والتويستات اليمة ، اللعبة قدمت لي تجربة استثنائية سواءً كانت قصصيا او قيمبلياً او اتموسفيرياً شبيهة لتجربة الجزء الاول من نواحي كثييرة ، من ناحية القصة هي كانت محروقة علي بنسبة 90 % لكن مامنع هالشيئ اني استمتع بشوفة العروض السينمائية واقرا المحادثات ، انسردت بشكل معقَّد ويشد اللاعب يكملها لانها تترك استفهامات كثيرة وتجاوب عليهم في لحظة مناسبة مع مزيج من خلطة الاكشن ولو انه مبالغ فيه في بعض المقاطع صاير الاكشن زايد فيه مثل رمي الذخيرة سلو موشن ، سلامات ؟ يامطورين مافيه شيئ يحمس اللاعب انه يشوف سيجارة مفلوتة بطريقة العرض البطيئ ، ندقق في تفاصيلها مثلاً لما تسووا هالحركة ؟ العروض بالرغم ان اصدار الكولكشن 60 مدري 80 ايطار في الثانية لكن عانيت معها تساقط ايطارات في عروض قتال فلوجن بالنسبة للشخصيات لهم مشاعر تقريباً اعتبرها " عميقة " واتعاطفت مع ذا بوس ليش صارت ضدهم ، لدرجة احياناً ندمت اني هزمت ذا بوس ، في جانب القيم بلي صار اسهل من الاجزاء السابقة من ناحية التجسس وهذا الفضل يعود كله لل Camflouge وتفاعل الشخصية مع البيئة ، معارك البوزيز مهما وصفتهم مابجيب الوصف الادق لهم من الي اشوفه في اللعبة هذا كوجيما ابدع فيه مثل ماقال حمدي كل زعيم وله مش بس طريقة وحدة مثل الاجزاء الماضية له طرق توصل لخمس وهذا الشيئ يحفز اني اسوي بليثرو جديد بس عشان اهزمهم بطريقة جديدة ، ماراح تمل منهم خصوصاً The End عد واغلط في الطرق ! الافضل انك تخدرهم طبعاً عشان تحصل لباسهم او سلاح خاص لهم ، خسارة ان نسخة الكولكشن انشال منها مودات كثير من الثالث خصوصا بوس سرفايفل مافيه الا الثاني 🙁 المعركة الوحيدة الي كنت مابكمل اللعبة عشانها هي معركة the sorrow اكثر معركة حرفياً مملة في تاريخ السلسلة ! ، الاوستات كعادة السلسلة محافظة على مستوى الايبيك حقها ... snake eater مهما عدت سماعها راح تبقى احس بنفس شعور المرة الاولى الي سمعتها في حياتي لهالاغنية لكن يقهرني احياناً ان اذا خزنت اللعبة وسويت لود تختفي الاوست حق الزعيم ويروح جزء كبير من متعة قتاله ، الشخصيات ؟ ياخي في تطور لشخصيتهم مع الوقت وتويستات كثيرة لهم ... اوسولوت ماكنت احس انه مثير للاهتمام في 1-2-4 لكن وهو شباب ؟ باداسس وهو الي محلي هالجزء لولا وجوده وهو ذا بوس كان مالعبتها ..وايفا كرهت مياعتها وحركات الاغراء لها احياناً تخليني اسوي Skip لعروض اذا لعبتها جنب احد بسبب هالحركات >_< عموماً اللعبة تقدم قيمة انتاجية كبيرة وعمر طويل للعبة وتستاهل التجربة .

الايجابيات :-

1- قيمة انتاجية ضخمة للعبة .
2- تعدد طرق قتل الزعماء واستراتيجيتهم ايبيك .
3- طريقة تقديم العروض .
4- قصة عميقة وتويستاتها .
5- الاستفادة من البيئة والاتموسفير حقها مميز وفيه تفاصيل كثير .
6- تطور الشخصيات والاحداث السريع .
7- تقديم كامرتين يناسب ذوق الاولد سكول فانز والنيوكامرز .

السلبيَّات:-

1- انشالت اطوار كثيرة مثل snake vs monkeys بسبب الميلتي و الاونلاين وهذا بدون سبب ، وبوس سرفايفل وبدون سبب برضو .
2- الاكشن الزايد في بعض العروض وتساقط ايطاراتها .
3- التصويب :/

التقييم النهائي : 9.5/10

وبكذا انتهيت من سلسلة ميتل جير في الاجزاء الفرعية والاساسية ، مشن اكمبلشد ! 😡 والان بعيد بليثرو الثالث للثاني عشان البلتيني .

هذا البوست بقتبسه مرة ثانية مش قصدي زيادة مشاركات ولا اكون سبامر لكن هذا المكان الانسب له اول ماكتبته كتبته بالغلط في موضوع تروجيمرز وش قاعدين نلعب بدون ماطلع في العنوان كانت الصفحة مفتوحة وفكرتها موضوع الكولكشن .

 

[zlatanovic]

الحمدلله , اليوم يوم تاريخي في مسيرتي الجيمزية. بعد حروب وصراعات ذاتية قررت اني ادخل عالم ميتل جير واشوف وش هالمبالغات اللي الناس يتكلمون عنها.
كنت ناوي اشوف الجزء الاول يوتيوب ( لأني توقعته غير قابل للعلب ) لكن احد الاصحاب نصحني ابدأ فيه عشان اشبك مع القصة مضبوط. اشتريت الكولكشن والجزء الاول من الـPSN عشان يصير الامر لا رجعة فيه ولا تأجيل. وفوق كذا عندي اجازة 14 يوم بتصير ميتل جيرية بحته.
المهم, بدأت الجزء الاول اللي يفترض انه على البلاي1. الصراحه صدمة جيمزية غير متوقعه! كملت حاليا فيه خمسة ساعات ونص تقريبا ( وصلت عند الزعيم النينجا ). السيناريو مع تمثيله الصوتي افضل بكثير من العاب لعبتها شبيهه بها في الجيل الحالي او السابق. خمسة ساعات طارت بدون ما احس ما يفصل بينها الا الصلاة. شي من عالم اخر تماما. ما توقعت لعبة بلايستيشن ون , يشغلها جوال , فيها سيناريو وحوارات سابقة لجيلها.
الحين صرت متحمس ادخل على الجزء الثاني والثالث الافضل تقنيا.

 

[Century Wizard]

^
هنيئاً لك , احسد كل لاعب جديد على مجس


استمتع بالجزء هذا قد ما تقدر , لأنك ما رح تلاقي احداث ولا شخصيات ارهب من الموجودة فيه
طبعاً بإستثناء البيق بوس و ذا بوس 🙂

 

[Rookie]

الحمدلله , اليوم يوم تاريخي في مسيرتي الجيمزية. بعد حروب وصراعات ذاتية قررت اني ادخل عالم ميتل جير واشوف وش هالمبالغات اللي الناس يتكلمون عنها.
كنت ناوي اشوف الجزء الاول يوتيوب ( لأني توقعته غير قابل للعلب ) لكن احد الاصحاب نصحني ابدأ فيه عشان اشبك مع القصة مضبوط. اشتريت الكولكشن والجزء الاول من الـPSN عشان يصير الامر لا رجعة فيه ولا تأجيل. وفوق كذا عندي اجازة 14 يوم بتصير ميتل جيرية بحته.
المهم, بدأت الجزء الاول اللي يفترض انه على البلاي1. الصراحه صدمة جيمزية غير متوقعه! كملت حاليا فيه خمسة ساعات ونص تقريبا ( وصلت عند الزعيم النينجا ). السيناريو مع تمثيله الصوتي افضل بكثير من العاب لعبتها شبيهه بها في الجيل الحالي او السابق. خمسة ساعات طارت بدون ما احس ما يفصل بينها الا الصلاة. شي من عالم اخر تماما. ما توقعت لعبة بلايستيشن ون , يشغلها جوال , فيها سيناريو وحوارات سابقة لجيلها.
الحين صرت متحمس ادخل على الجزء الثاني والثالث الافضل تقنيا.

القادم أفضل، كمل كمل وراح تعرف ليش أعتبرها أفضل لعبة لعبتها بحياتي مع إني ما لعبتها إلا في هذا الجيل

 

[Hekari]

شباب مافيه احد هنا حصل لقب عالي في اي جزء من الاجزاء ؟ انا ناوي اعيد مجس 1 على الاكستريم واخذ لقب بيق بوس .

 

[ABUALI]

الجزء الأول ما حاولت أبداً فيه،
الجزء الثاني ما كنت أيامها أعرف إن في شي إسمه رتبة البيج بوس، لو كنت أدري فيها جان جبتها لأني خلصتها على جميع المستويات
الجزء الثالث حاولت معاه وفشلت أكثر من مرة
الجزء الوحيد اللي جبت فيه رانك البيج بوس هو الرابع... مع إنه أقل جزء لعبته يمكن ختمته ثلاث مرات بس.

الشي إللى أتذكره إنك لو لعبت على أصعب مستوى جهز نفسك حق تكسير صبعك في لحظات المثلث في كل جزء، يمكن هو أكثر شي يخليك ما تواصل في اللعبة، كل شي مقدور عليه
no alert, no kill, no rations, no special items, no continues, Less than 5 hours (MGS4)
لكن لحظات زر المثلث تصير أصعب دبل عن المستوى العادي

 

[Hekari]

^ الرابع هو الوحيد الي مافيه مشهد تعذيب ، هممم والثاني فيه بس اسهل من الاول بكثير عموماً الثاني عجزت وانا احاول فيه عشان احصل على اللقب لازم يكون تخزيني قليل مرة لكن انا اذا ماسجلت بعد نصف ساعة او اكثر من اللعب تصير وشوشة في شاشة اللعبة وتعلق صارت لي اكثر من ثلاث مرات ، نسخة ال HD فيها مشكلة ._.

 

[alruqeishy]

مين بيلعب كواب بيس والكر معي؟ PS3 طبعا

 

[T u R k I]

^ اذا فاضي بعد ساعة ونص-ساعتين ممكن