الموضوع الرسمي Max Payne 3 | (تحديث) حياكم الله في TRUEGAMING Crew

[MAX9009]

جيم تريلرز أعطاها 7.6

اوك يعني انت مقتنع او عندك شك انه اللعبه ماهي قد ال9 او 8.5
من فان للجزء الاول من يوم نزوله و شخص لعبها . اللعبه اقل من 8.5 واقولها للمره الثانيه يعتبر تبخيس بحقها مالي علاقه برشاوي المواقع ولا اعلاناتها ولا ايش يقولوا عنها .

 

[hussien-11]

ما عندهم مجاملات لكن وقت صدور كود التسعات تطلع 🙂

لول في هذه صدقت للأمانة، طيب خلنا نقول مجاملاتهم "أقل" من غيرهم P:

بانتظار نسخة الـPC من اللعبة

أتمنى تعطيني المتعة الي كانت موجودة بـ1 و 2
من أكثر ألعاب الأكشن الي استمتعت فيهم على الإطلاق

 

[Painkiller Q8]

جاري تحميل فيديو Unboxing للعبه .. وعندي احساس انه من اول فيديوهات unboxing للعبه لان مافي ولا فيديو في اليوتيوب للنسخه الخاصه !

اتمنى يعجبكم ^^ بس تكلمت انجليزي ههههههههه :laugh::

 

[I-NERO-I]

اللعبه اقل من 8.5 واقولها للمره الثانيه يعتبر تبخيس بحقها مالي علاقه برشاوي المواقع ولا اعلاناتها ولا ايش يقولوا عنها .

يارجل مين يهتم بتقاييم المواقع والمجلات هاذي الايام وضعهم صاير مزري .

اصلا من يوم ما كشفوا عنها باين انها منتج فخم وماهي لعبة سبعات ابدا .

 

[PS]

بما أنك مجنون روك ستار نبي أنطباعك عن اللعبة أنطباع أولي نشوف كيف حماسك.

 

[Raheem]

Painkiller Q8
يالهي ماشاء الله تبارك الله
اااخ ياخالد بس متى اشتريها متى!!🙁

 

[Raziel]

للأمانة متفاجئ من تقييم جيم ترايلر أكثر مراجعات أشوفها تميل للمنطق وحتى لو تفاجئت بتقييم معين لهم أسباب واضحة قابلة للآخذ والرد.
منتظر اللعبة ولو إني قلت متخوف من الأجواء وسيناريو اللعب بيد روكستار فانكوفر.

هذي هي المراجعة الوحيدة الي تهمني
جماعة ما عندهم "مجاملات" و تسعات محجوزة فقط لأنه اللعبة من روكستار مثل غيرهم
و مرة ثانية : الألعاب عمرها ما كانت تتقيم بناء على القصة، مهما كانت القصة هذي حلوة

عموما، أنا من البداية متحمس لها كلعبة شوتر ممتعة مع قصة مسلية
اما لعبة السنة و و و .. بالمشمش P:

1- مستحيل أثق بمراجعين يشتغل الكذب والتدليس إذا كان منتج محلي (بريطاني)
2- ليش مستبعدها من لعبة السنة؟ هات أقوى مرشحين هالسنة باستثناء ريزي6 وأساسين3 وسلق البيض (ماس إفيكت3) ويمكن هيتمان وهيلو4 لول. مع استبعاد بايوشوك إنفنت وتومب رايدر صارت المساحة تسع لمرشحين أكثر، وبلعبة بمستوى منتجات روكستار المصقولة ليش ما تترشح مع وجود الأسماء اللي فوق؟

 

[Painkiller Q8]

أعذروني على اللخبطه .. ههههههههههه اول فيديو unboxing اسويه

لاتقصرون علينا في الايكات علشان ينشهر ^^

[video=youtube_share;pwteJJO6hmk]http://youtu.be/pwteJJO6hmk[/video]

 

[Sonata]

استفسار بسيط يا شباب، بطل اللعبة شرير و لا طيب ؟

 

[hussien-11]

2- ليش مستبعدها من لعبة السنة؟

لأنها قصيرة و ما فيها كثير أفكار أوريجنال ؟ اللعبة الي تكون ماتريال goty تشتم رائحتها من بعد أميال مثل بيوشوك انفنت، أما هذي .. امممم لأ، و مش أي لعبة مصقولة جيدا تكون لعبة ممتازة، فف13 أكثر لعبة مصقولة و مع ذلك ليست ممتازة و لا جوتي

وسلق البيض (ماس إفيكت3)

XD XD XD

هذه السنة لا يوجد أي مرشح للجوتي عندي، بس نسيت Last of us من قائمتك.

 

[SCREAMING_RAGE]

^
اي شخص يعطي زيلدا سكاي سورد 10/10 , و يسميها جوتي .............. هذا المفروض ما تاخذ بأعتباره ابداً !!!

 

[Jonas]

خالد الـadd on تلعب بمونا في الستوري ؟؟ و هل هو حصري للسبشل ادشن ؟

 

[Dark Master]

^
اي شخص يعطي زيلدا سكاي سورد 10/10 , و يسميها جوتي .............. هذا المفروض ما تاخذ بأعتباره ابداً !!!

بس سكايوارد سوورد تستاهل 10/10 وتستاهل الجوتي !!

 

[DEMON]

^^^^
للأسف .. لأ .

سكايوورد سورد بعيدة كل البعد عن الـ10 .

 

[DEMON]

للأمانة متفاجئ من تقييم جيم ترايلر أكثر مراجعات أشوفها تميل للمنطق وحتى لو تفاجئت بتقييم معين لهم أسباب واضحة قابلة للآخذ والرد.
منتظر اللعبة ولو إني قلت متخوف من الأجواء وسيناريو اللعب بيد روكستار فانكوفر.

أنا بعد مثلك ، GT أكثر موقع أشوفه منصف بالمراجعات ، عموما شاريها باذن الله ، بس خلني أخلص الأول ولثاني لول .

 

[loca]

توني شاري اللعبه يسسسس ،، بجربها واعطكم انطباعي

 

[loca]

انطباعي بعد تجربه اللعبه

اللعبه بختصار طشار عنف دم جنون اكشن دمار اجرام

الفيزيائيه والسينمائيه رهيبه والاصوات مش ممكن

هاللعبه مو لعبه مره وحده وقطها هاللعبه لعبه سنه كامله

 

[Assassin'o]

والله أنا من بعد سالفة زيلدا سكايوورد وأنا غاسل يدي من إيدج.

عموماً مراجعة جيم سبوت وصلت..

With savage gunplay and an absorbing personal story, Max Payne 3 is an exhilarating shooter that grabs hold of you and doesn't let go.

http://www.gamespot.com/max-payne-3/reviews/max-payne-3-review-6376769/

 

[Old Snake]

طبعاً المراجعات كلام فاضي ولكن كنوتس لا أكثر, المراجعات حتى الآن بالأفاريج المعتاد للسلسلة.
يعني لا جديد, ولو أخذناها بجدية جدلاً فالمفروض نطمن إنه جزء جديد لماكس بين وصل بنفس المستوى.
على فكرة ماكس بين2 أخذت 6 من إيدج...

 

[Game Time]

شباب بالنسبة لي لم العب بالجزء الأول أو الثاني هل سيؤثر هذا على فهمي لقصة الجزء الثالث ؟

 

[MAX9009]

^
لا .. لكن ماراح تحس بمعانات ماكس ولا راح تفهم تصرفاته ابدااا

 

[Painkiller Q8]

خلصت دسك 1 ... اللعبه من اروع مايكون وفعلا احساس ماكس بين الاصلي ... وتحس بالفخامه وانت تلعب

بس التأثيرات في الكات سين شوي اوفر .. بس تعودت عليها بعد فتره

مرحلة الشركه (بكل بساطه .. اروع اكشن تصويب شفته في حياتي في عالم الالعاب ) شعور الخوف والكفر وكل شيء يتحطم والاصوات والAI ..... مجنوووووووووووووووون

JUST PERFECT !

 

[Classic]

خوش unboxing بو وليد 🙂

انشاء الله باخذ اللعبة قريباً.

 

[DEMON]

والله أنا من بعد سالفة زيلدا سكايوورد وأنا غاسل يدي من إيدج.

عموماً مراجعة جيم سبوت وصلت..



http://www.gamespot.com/max-payne-3/reviews/max-payne-3-review-6376769/

لول ، مش عارف أثق بجيمسبوت بعد مراجعة زيلدا اللي ظلمتهم فيها "الآن تقريبا أتفق معهم بكل شي" ولا لأ .

عموما التقيمات ممتازة ، فيه مدح رهيب لـ بوليت تايم و الجيمبلاي بشكل عام .
متحمسلها جدااااااا ونفسي العبها بأسرع وقت .
وبنفس الوقت مستمتع جدااااا بالجزء الأول وما أبيه يخلص ، واذا السلسلة كلها بنفس المستوى أنا بأكون مبسوط جدا الأيام الجاية .

بالمناسبة ، أمس لعبت الجزء الاول لفترة طويلة ، من بعدها صرت أقرأ كل شيء بصوت ماكس "الرهيب" :laugh::

 

[Sir Guts]

ابدعت فالـunboxing يا بو وليد و الله يعطيك العافية

انا طالع اليوم اشوف اذا موجودة اللعبة عندنا فالبحرين

كلامكم يحمّس لكن نصيحة الي مالعب اول جزئين يلعبهم اول

لأن اللعبة كلها تحتصر في معاناة ماكس بالنسبة لي

 

[DEMON]

ببالمناسبة Painkiller Q8 ، فيديو الـ unboxing كان ممتاز جدا ، يعطيك العافية 🙂

 

[Painkiller Q8]

لعبت ساعتين Multi Player بصراحه استمتعت فيه وأكثر شيء مود GANG WARS ..

و الDeathmatch ممتع بصراحه وطريقه اللعب مماثله للسنجل بلير ممكن تشغل الSlow Mo وبطريقه ذكيه الاعب العدو يتأثر فيه

شوي صعب استخدام القمبله .. بس مع الوقت اكتشفت الطريقه بالضغط على LB وبعدها بجزء من الثانيه RB طبعا اذا ناوي تحذفها بسرعه

 

[PS]

توني خلصة مرحلة الشركة أف أف أف على الدمار الشامل اللي يصير من حولك و الطلق من كل مكان حماااااس.

محتوى مخفي: نهاية مرحلة الشركة

و الحريق اللي في أخر مرحلة الشركة أف جو دماااااااار أحساس بالاجرام على أصووووول,ولا صلعة ماكس بين و ملابسه واااااو شي يحمس.

 

[Wild Fox]

خلصت الدسك الاول !
انطباعي الاولي .. واو ! على شغلات ! و اخص عليكم يا روكستار على شغلات ثانيه .

 

[DEMON]

^^^
تفاصيل يا عبدالله .... تفاصيل .