هلا عزيزي احساس. شوف يالغالي, امش على ميزانيتك واللي تقدر عليه, انا انتظرت فترة واخذت شاشة (تقريبا على عماي صار الإختيار) لكن كنت حاط في بالي بعض الأساسات اللي تأكدت انها موجودة.
ماادري عن سالفة الهيرتز ولا اذكر اني ناظرت تلفزيوني لما شريته من هالناحية. انت شف اول شي نوع الشاشة (LCD او LED) البلازما ابعد عنها كثييييير! بقدر ماهي صافية لكن عمرها الإفتراضي ضعيف بحكم انها تعمل على سائل البلازما اللي راح تضطر تغيّر السائل هذا كل مايتآكل بعد الإستخدام الطويل, وتقريبا عمره الإفتراضي من ثلاث - خمس سنوات. بما انك بتستخدم الجهاز للجيمنج يعني يبيلك LED او LCD اكيد لأنها تعمل بطريقة مُختلفة وماتحتاج تغيّر اي شيء فيها, والعُمر الإفتراضي لها مابين 20-25 سنة.
بما اني انصحك بالـ LCD او LED طبعا بتسأل وش الفرق؟ الـ LCD هي نزلت قبل.. الـ LED تطوير للـ LCD انا جهازي LCD وشغال زي العسل وصفاوته رهيبة والـ respond فيه ممتاز! إذا تقدر على LED خذها.. لو ماتقدر .. عادي لأن الـ LCD يقوم بالواجب واكثر بعد! 🙂 النقطة الثانية اللي لازم تنتبه لها هي الـ contrast ratio اللي هو التباين ودرجة اللون بين الأبيض والأسود, التباين مرة مُهم علشان يظهر لك التفاصيل والظلال وعُمق الألوان في اللعبة او حتى في التلفزيون والأفلام ألخ ألخ, فـ إذا تبغى شاشة مُحترمة لازم يكون فيها كونتراست ريشيو عالي (مثال: الكونتراست ريشيو حق شاشتي 75,000:1 واشوفه ممتاز! لو فيه اكثر خلّك طمّاع :w00t🙂 ويُفضّل انك تلجئ لـ Samsung إذا تبغى رخص + كونتراست ريشيو ممتاز = بعد بحث عميق ايام ماكنت ادور على تلفزيون, لقيت اجهزة السامسونج ارخص من سوني بمراحل! الله اعلم كيف وضعهم اللحين لكن تقدر تدخل موقع الشركتين وتقارن المواصفات والسعر وحجم الشاشة اللي يتناسب معاك.
حاجة ثالثة, الـ respond, فـ إذا تلعب حاجات شوتر أو كوره وتتطلب سُرعة ودقة, فـ لازم يكون فيه ريسبوند عالي جدا في التلفزيون اللي بتاخذه, لذا انتبه للرقم وحاول انه يكون اقل قدر مُمكن علشان يصير اللعب سلس وبدون تعليق. واخيرا حجم الشاشة, هذي ذوق شخصي ولا اقدر اقولك جب البوصة الفلانية علشانها افضل, اللي يقولك كذا ماعنده سالفة. اختار الحجم المُناسب بالنسبة لك واللي ترتاح له, اطلع للمحلات واوقف قدام الجهاز وابعد وتقدّم شوي واحكم بنفسك إذا الحجم تحسه مناسب لك او لا.
لكن لازم احذّرك عن معلومة قريتها في النت وكثير ناس قالولي عنها, ماادري إذا هي صحيحة او لا لكن حطها في بالك: الأحجام فوق الـ 52 انش/بوصة راح تسبب في انقسام بكسلة الشاشة, بحيث راح تقل دقّة الصورة كل ماكبر الجهاز اكثر من كذا. انا عن نفسي حميت نفسي من هالكلام وجبت سامسونج 46" والشاشة في اكتوبر الجاي راح تكمل سنة عندي وممتازة جدا في كافة مقاييسها, ماعمري اشتكيت من اي شي, وفيها مميزات رائعة و 5 مخارج HDMI ومخرجين كمبوننتس ومخرجين ذكر وانثى لكيبل PC وفيه Game Mode بحيث يسوي لك adjustment للإضاءة والألوان والدقة والريسبوند لمقاييس ستاندردز عالمية مُتفق عليها انها مُناسبة للجيمنج وكل شي على اروع مايكون! 🙂
(لاتنسى تتأكد ان تلفزيونك يدعم 1080p HDMI وإلا بتقشر بصل بدون HD gaming لكم سنة قدام :tongue🙂
ولا انسى, حجم اكبر = لازم تبعد عن الجهاز شوي. ماراح اقولك زي كلام الدكاترة عن ضعف البصر ومدري ايش (رغم اني اقدر احلف انك تلبس نظارات اصلا لول) لكن الـ LCD + LED ضررهم يُعتبر اكبر من الشاشات العادية. وإذا انت من النوع اللي ينشب بالتلفزيون او غرفتك صغيرة ابعادها, اجل جب لك شي صغير مايضرّك لو قربت منه شوي. والنصيحة بجمل 😉
تعديل: لول توني اقرأ ردود الصفحة الثانية, تتهنّى بـ برافيا بالعافية حبيبي 😉
: ؟!
