hits counter

I lost interest in games

نادرا ما تصير لي اني امل الالعاب بالكامل.. لكن دايما يصير اني امل من لعبة معينة و انتقل للعبة ثانية بدون ما اخلص او اعطي الاولى حقها..

(اذا تريد ترجع) اقعد اقرا عن لعبة تحبها او لعبة ما فيك تلعبها و تكملها على النت.. ادخل المواضيع الرسمية في المنتديات او المنتديات الخاصة بهذي اللعبة بتتحمس لها و بترجع تلعبها.. هذا دايما يساعدني اخلص الالعاب او ارجع للالعاب اللي افقد اهتمامي فيها..
 
لوول..انا تركت الجيمينج لمدة سنتين متواصلة حتى استرجع شهيتي مرة ثانية للألعاب !
آخر مرة مسكت فيها يد البلاي ستيشن 2 كانت بتاريخ 2 / 1 / 2005
من وقتها لم تمس يدي اي ريموت كونسول :cryy:
والحين تلفت اعصابي وقررت ارجع بعد الاعتزال , وباذن الله قريبا برجع لعالم الكونسولز و الالعاب ^^
ياخي ماتصدق الحماس اللي احس فيه ..كل يوم اصحى الصبح وانا اتمنى اخذ هالراتب حتى اشتري البلاي ستيشن 3 , والله ماني مصدق لسا امس كنت احلم فيه بالنومة :cooool:

الشباب اللي جيل 20 - 24 سنة , عندنا احساس غريب اتجاه الجيمينج تحسه شيء روحي متصل فيني وما اقدر اتركه , يمكن لاني عايشت الكونسولز و الجيمينج من يوم كان عمري 4 سنين للحين :laugh:

بس عموما الحالة طبيعية جدا , اي انسان عنده هموم حياة ومشاكل واشياء اهم بكثير من الالعاب , وهي اصلا أداة ترفيه مو اكثر ..

ونصيحتي اترك الالعاب لفترة لا تقل عن الشهر , وشوف كيف بترجع games freak :yuck:
 


السلام عليكم ورحمة الله وبركاته ..

أنا من بديت الجامعة وقل اهتمامي للجيمز لانه ممنوع عندنا الفيديو جيمز بالجامعة ..

صرت كله اشوف انيمي وبس

وما ختمت إلا باتين كايتوس 1 و 2 ..

بس هالسنة بعد ما خلصت صيفي اللعبة اللي خلتني فعلا العب مثل اول هي Tales of Rebirth

وصرت بعدها اختم لعبة الآربيجي خلال يومين وابتدي بوحدة ثانية

الشعور هذا مؤقت فعلا وراح يدوم فترة طويلة لو ما لقيت اللعبة اللي تحمسك تلعب مرة ثانية

وشي طبيعي انه الاهتمام بالجيمز يقل مع تقدم العمر لانه مشاغل الحياة تكثر
 
على كذا مرعب ممكن اضيفك باللستة؟

عندي Gears و Halo 2

كله العب مع اجانب واللاج ما يحتاج اتكلم :angry: ابي عرب
 
العب ديابلو2 ! بس المشكلة بعدين ما بتلمس اي كونسول خير شر لول..

انا اشتريت بلاي3 وما العب فيه اكثر من 3 ساعات كل اسبوع.. لكن ديابلو .. شي ثاني :cooool:
 
العب ديابلو2 ! بس المشكلة بعدين ما بتلمس اي كونسول خير شر لول..
أنقر للتوسيع...
nowaydood، ما احب ألعاب الأونلاين ولا الMMO's أبدا ً أبدا ً أبدا ً (ترا ما عندي فكرة عن اللعبة، لكن خمّنت إنها MMO)

+ نصيحة NSider رهيبة، واعتقد حان الوقت إني أشتري الLite (عندي الDS لكن اللايت ممكن يرجعني بشوية حماس لألعاب الجهاز)

نايف كلامك صحيح، لول آنا أحب أقعد في منتديات Gamefaqs واللي خلاني أرجع لمترويد2 هو شباب الموقع. المشكلة إني أكتب في موقع ومجلة، ما ودي النشاط اللي فيني يخف (مجلة=$$$، صحيح إنه يعتبر نشاط فرعي بالجامعة لكن يكفي إني آخذ مكافأة على شي أحبه). السبب الرئيسي كان ضياع الsaves، والثاني هممممم اتوقع هي فترة الملل اللي تحوش اي شخص (فترة الصيف كلها كانت جيمز، وكنت اقعد احيانا ً 9 ساعات عالتوالي للعبة وحدة، يمكن صار لي تشبع لول)
 
شي طبيعي .. الشهر الماضي اخذت لك كومه العاب .. ولمن تشوف العاب كثير قدامك يجيك احباط وتكره الالعاب ... جتني مليون مره .. والآن انا فيها تقريباَ ... بس بشكل خفيف.

نصيحة .. لا تلعب اي شي الحين .. انتظر للاسبوع الجاي عشان تتحمس وتلعب MP3 .. حرام تعلبها وانت مالك نفس فيها.
 
هالحاله غالبا تجي من زحمة الألعاب العبها لعبه لعبه وببترجه لك شهيتك^_^

إلا على فكرة عمر حاولت اضيفك بس اللسته فل ممكن تحذف اي احد من عندك(إذا كان فيه احد ماتحتاجه)

حمد11 إذا تبي تلعب معي جيرس انا داخل كل اليوم ضيفني والعب معاك بالوقت اللي تبيه اما هالو لول القاك بهالو3
 
لول آنا مو محتار من كثر الألعاب، آنا كاره الألعاب (اللي سببها هو خمطة الألعاب اللي كل مرة آخذها ولا العبها، الأسباب كثييررررة وتراكمت فوق بعض)

تحرير: Dota = Warcraft? RTS? nowaydood
 
أنا تقريبا نفس الشي.. قبل سنتين ونص-ثلاثة خرب الـPS2 حقي.. وكنت ثالث ثنوي فقلت لما أتخرج أشتري واحد جديد وأكمل الألعاب اللي ناوي عليها
فقعدت أكثر من 6-8 شهور بدون ألعاب أبدا.. فالظاهر تعودت على عدم الجيمز

بعدها خف لعبي.. ولما دخلت الجامعة وصل لدرجة إنه شبه إختفى
بعدين صرت ألعب بالدي اس وبس (حتى لما أكون في البيت) ما أدري ليش.. أحيانا بس أشغله ألعب كم مرحلة NSMB وأطفيه وكل شوي نفس الحالة P:

لما إشتريت الويي تحمست أكثر إني ألعب وجتني فترة حول شهر أو أقل مدمن جيمز كحالتي العادية.. بس بعدها كسلت >.> ما أدري ليش
المشكلة في القومة للعب.. يعني أقول ما لي نفس.. بس لما أبدأ ألعب أخش جو وأستانس!

بس أعتقد رح أخش جو بالأونلاين لو اشتريت جهاز ثاني.. يعني ماريو سترايكرز على إنها مملة جدا بالسنقل بس لما يقولي حد ألعب أونلاين أتحمس وعلى طول أروح ألعب (مع أني فاشل وعندي 8 فوزات و 32 خسارة xD )
 
أنا ييت لي هالحاله من سنتين تقريبا .. ما كنت أقدر أتحمل ألعب ساعه متواصله و استمر هالشي لفترة مو قصيرة الى أن فجأة انكسرت الحالة و خلصت 5 ألعاب بأسبوع واحد لول !!

أما حاليا مع جهاز يديد مثل PS3 و تلفزيون HD و سويت جو و قعده حلوه للعب .. رجعت لي لذة اللعب الي حسيت فيها مع بداية الـ PS2 و أيام الـ PS1 .
 
السبب معروف خلاص

شيبنا والعوين الله🙁
 
إذا لك خاطر تبيع شي .. تراني شراي P:
 
لول رايز، ما ابيع اغراضي أبدا ً (العابي الNES, SNES, Sega لي الحين موجودين)
 
نصيحه ! اذا بتاخذ الدي اس اخذ برين تريننج 2 (اللعبه مسليه وخفيفه) اذا بغيت معلومات اكثر اسألني ! جدا ممتعه ! وخذلك شي ثاني معاها !
 
برين تريننج 2 (اللعبه مسليه وخفيفه)
أنقر للتوسيع...
برين ايج اكثر لعبة ندمان اني شريتها 🙁
لما سترايف مدحها قلت اكيد ممتعه -_-
كولو خذ بدالها فينكس رايت هذه لازم تلعبها
 
دائما تصير لي، شيء طبيعي، حاليا انا فيها، شريت بيرسونا 3 وما فتحتها.

نصيحتي انك تلعب محمول اكثر، دي اس او بي اس بي، انا اسوي كذا. لكن بشكل عام هي تصير لو كان عندك اشغال ثانيه في الحياة، من اصدقاء وطلعات واهمها الدراسه.

اضم صوتي للي قالوا ان ال360 عزز دوعي للكونسولز، خصوصا العاب الاونلاين الي عليه، كانت فعلا انقاذ جبار.
 
Mr.3B قال:
ما فهمت قصدي .. الحين الآن تلعب ؟؟ ودك تلعب الحين معاي يعني ؟؟
أنقر للتوسيع...
اها .. معليش رد متأخر .. انت اضيفني عندك و يصير خير.. . ننفاهم هناك على اللايف
 
تفس الشي معاي .. اخذت فتره طويله صراحه ما جربت فيها العاب بالمره واذا جربت اجربها واتركها قبل كم سنه .. بس فعلا الاكس بوكس رجعلي الاهتمام مثل اول بس مادري لين متى راح تظل ..
 
شوف كولورايزشين..حاول وانت تلعب تخلق لك جو مناسب..يعني انا مثلا احاول قدر المستطاع اني اخلي صديقي او اخوي يكون معاي وانا العب حتى لو اللعبة سينجل بلاير..صدقني بتحس بمتعه ..مثل الافلام..جرب تشوف فلم كوميدي بالسينما والله تضحك لمن تقول بس..بينما لو تجرب تشوف فلم كوميدي بروحك..صدقني بيمر الفلم وانت نعسان..ومثل ما قالوا الشباب حاول تبتعد ثم ترجع ..لأن كل شيء لا زاد عن حده ينقلب ضده
 
بو جاسم ....

هالسالفه هذه لازم تمر فينا كلنا


تخيل أمس خلصت زيلدا وأنا ألعبها من شهر 5 ....

خلال 50 ساعه

لازم الشخص تمر عليه حالات ماله خلق يلعب كلش ..
 
التغيير في انواع الالعاب طريقة تنفع احيانا .... انا اكره هالحاله لما تصيرلي وعشان اتجنبها مااشتري اكثر من لعبتين بالشهر على الكونسولز والباقي العاب اركيد.
 
أنا اللي يقرفني من الألعاب هو أني غالبا اشتري الأجهزة في وقت متأخر ، وما تكون عندي ميزانية كافية لشراء جميع الأجهزة .. هذا اللي يقرفني بس ..

وبالنسبة للملل شي طبيعي يصيب الإنسان من فترة لأخرى ..
 
محمد ان مشكلتك الـGame saves صح ؟! طيب خذ الهاردسك حقك وروح لمحل من المحلات الي تتعامل معهم انت دايم , وقلهم بشتري منكم هاردسك 120 قيقا "كبير صح بس يجي معه الوصلة الي تنقل البيانات من هاردسك إلى هاردسك ثاني " قل للمحل انه ينقل لك بياناتك للجديد وقله قبل اذا نقل البيانات بتشتري الهاردسك , اما اذا مانقلها مراح تشتريه

وربي يوفقك
 
يجب تسجيل الدخول أو التسجيل كي تتمكن من الرد هنا.
عودة
أعلى