I lost interest in games

[Colorization]

أبي حل!!!!!!!!!!! 🙁

هذا الشعور جاني لما إخترب هارددسك ال360. صحيح هي مو نهاية العالم، لكنه كان الكونسول الوحيد اللي العب عليه، وعندي game saves حق أكثر من 50 لعبة، وبالأخير كل شي يختفي 🙁
بعدها جبت الكيوب، وبديت ألعب مترويد2، وعندي لستة ألعاب كبيرة بشتريها. شريت الويي، على أساس إني بكون فرحان حيل و'رغبتي' باللعب ترجع، لكن ماكو. بيبر ماريو وصلت نهاية التشابتر الخامس وأقدر أنهيها لكن مابي العب (أحس إني مو طايق حتى أمسك الوييموت)، واريو وير لعبتها شوية ومليت، كنت مقرر أشتري dozens من ألعاب الفيرتشوال كونسول لكني مو متحمس ابدا الحين، شريت زيلدا وقلت يمكن بتحمس وأرجع العب لكن خلصت أول او ثاني دنجن ووقفت. وبكرة مترويد3 وأخاف تكون آخر لعبة ألعبها! 🙁

تركت الجيمز سنتين أو 3 ايام البلاي ستيشن2، وأخاف تنعاد الكرة مرة ثانية (لول، كفاية إنه بايوشوك اللي كانت أكثر لعبة متحمس لها بحياتي -مع مترويد3- ما شريتها ولا لي خلق أشتريها)

 

[Gon freeces]

استنى أسبوع و شوف , ناس كثار تجيهم هالحالة

 

[Tomb raider]

تصيرلي بين فتره وفتره ! لا تشتري العاب !! الالعاب اذا تكدست عندك بتمل وايد!
نصيحتي كل الالعاب اللي عندك خبيها عن انظارك (في الدولاب مثلا) وشغل الكيوب وحط غلاف متريود ٢ عند الجهاز والعب وانسى الباقي(لا تحط شي ثاني جدامك)! لا تحط شي من الالعاب امام انظارك بعد ما تخلص مترويد ٢ ابدأ في ال٣ او بايوشوك !
اما الحل الثاني هو ، ريح نفسك من الالعاب لفتره وبعدين ارجع !

 

[Leon]

صدقني الفترة هذي تمر على كل واحد فينا , وما تقتصر على الألعاب بس إنما تنطبق على الأفلام أو الإنترنت أو أي شي ثاني تكون متعود تعمله .. بعض الأحيان تجيك حالة ملل من ذا الشي وما ودك تقرب منه حتى ..

 

[dragonwarrior]

yes this is pretty normal
when you play too much you need time to do ... OTHER things
relax and have a break

 

[squall leonhart]

امممممم ان كمان صارت لي هذي الحاله في السنه الماضيه و قل لعبي كثييييييير و كانت تمر شهور بدون ما العب بعدين اشتريت الوي و في البدايه كنت العب فيه كل يوم لكن مع الوقت مليت منه و لان صار لي شهر ما شغلته و رجعت لي نفس الحاله ..

لكن يوم ما شريت 360 رجع لي حب الالعاب .. صرت العب فيه 3 ساعات يوميا على الاقل غير لعبي هيلو كل يوم في الليل اونلاين مع اخوي الي فكندا .. حتى لعبة كلاسيكيه زي بومبرمان صارت ممتعه جدا باللايف .. ايجس ونج الي ما كنت اتخيل اني العابها اعجبت فيها كثير و خلصلت كل الاشمفمنت تقريبا .. زياده على كذا C&C 3 واحده من افضل الالعاب الي لعبتها بحياتي رهيبه رهيبه رهيبه رجعت لي ذكريات C&C 1 .. و كمان متعة الديموهات و عروض الالعاب .. باختصار ال 360 رجع لي متعة اللعب الي كنت مفتقدها من ايام ال PS1

رح اقلك اياها مره ثانيه جرب تلعب هيلو 2 مع ناس محترفين و تعلم و احترف اللعبه .. صدقني انها افضل شي بالعالم و بترجع للجيمنج من اوسع ابوابه

 

[King Wario]

ما قمت العب الا الالعاب اللي انا فان كبير لها + العاب الاولاين القوية ( لان الاونلاين تجربة جديدة لي تقريبا )

this is me :cryy:

لكن يوم ما شريت 360 رجع لي حب الالعاب .. صرت العب فيه 3 ساعات يوميا على الاقل غير لعبي هيلو كل يوم في الليل اونلاين مع اخوي الي فكندا .. حتى لعبة كلاسيكيه زي بومبرمان صارت ممتعه جدا باللايف ..

باختصار ال 360 رجع لي متعة اللعب الي كنت مفتقدها من ايام ال PS1

QFT

 

[ASWD]

حاليا انا امر بالشي نفسه*ومن زماان انا بهالحاله*..عندي العاب كثير ما انهيتها وبعضها ماشغلتها حتى..قلنا ندخل النكست جين ممكن تتغير الحاله..بس ماكو فايده..اوبليفيون من متى شاريها وللحين ماسويت فيها شي مجرد طلعت من السجن وتركتها..نينجا جيدن سيجما مفروض انهيها بكم يوم لاني عارف اللعبه وخاتمها اكثر من مره على الاكس بوكس.فيرتشو فايتر٥ اللي كنت متحمس لها لاخر دجه اخذتها وللحين مافتحتها..وهلم جرا

 

[The Last Fantasy]

قاعد أمر فيها! عندب ألعاب وش كثرها، وأمور كثيرة أشوفها . مع ذلك تشوفني ما أسوي شي. ما لي أي خلق أسوي أي شي من اللي عندي.

مدري متى بترةح هالحالة لول، بس من بداية الصيفية وأنا على هالحال.

 

[Colorization]

سكوال، آنا اللي رجعني للجيمنج عدل هو ألعاب الآركيد، عندي +30 لعبة (وحتى أسخف الألعاب كنت اشتريها لأني أحب الكلاسيكيات). لكن الحين مستحيل أتحمس لشي، كل اللي أبيه هايبر ستريت فايتر HD + مترويد3، والباقي ابدا ً مو مهتم له، مع إنه في أحد مواضيع Mr.3B كنت كاتب لستة طويلة جدا حق الألعاب اللي ابيها هالصيف وكنت فعلا ً بشتريها، لكن -_-

+ ما احب الonline gaming ابدا، جيرز لعبتها كم مرة أونلاين بس، ختمت السينجل بلاير ورجعتها بالبوكس (الMP خرافي، لكن ما احب الأونلاين)

مع إني كنت أنتقد مترويد2 لكن محد يعرف شكثر أحبها يوم العبها، وكنت واعد نفسي إني أختمها (من الألعاب القليلة اللي ألعبها لأني أستانس، مو عشان اضيع وقت). لكن الحين مو مشتهي أمسك الكنترولر وأشغلها مع إني عارف مهمتي عدل :embarrassed:

plus، احب اقرا الأخبار، وأشوف الصور والفيديوز، وأتابع واناقش وكل شي، لكن ماني مستسيغ اللعب ابدا ً. آنا ماخذ بريك، قاعد أقرا كتبي اللي ما قريتها وشريت كم كتاب بالإضافة إلى شوية documentaries (أنيمال بلانيت، بي بي سي..الخ). بس يا خوفي تكون السالفة permanent

 

[the obscure]

عادي انا الحين امر بنفس الحاله إلي أنت فيها، أنا يمكن من سنه تقريبا ما لعبت جيمز ابد، وكل ما حاولت العب تجيني حالت اكتئاب ويضيق صدري واحس ان ما لي نفس العب، الأيام هذي صرت ما اشوف الا تنس او كورة وشوي افلام بس.

 

[NSider]

تجيني الحالة هذي أحياناً، وقاعد أمر فيها حالياً.

أنصحك تشتري DS وتلعب عليه ألعاب خفيفة و pickup and play، وحاول تشيله معك أغلب الوقت. بعدها بفترة راح ترجع تشتهي الألعاب العميقة. أنا كل ما يجيني الملل من ألعاب الكونسول أروح أشتري كم لعبة DS جيدة وألعب فيهم أسبوع أو أسبوعين، وآخذ الجهاز معي وين ما أروح. لما يرجع لي مزاج الكونسول أترك الـDS في البيت.

حالياً تركت كل الكونسولز وقاعد ألعب فينكس رايت 3. لما أخلصها بلعب بايوشوك وميترويد برايم 3 (من الحين بدأ يرجع لي الحماس لول).

 

[Ash]

قبل سنتين كنت نفس موقفك , توقعت انها فتره و تعدي , لكن بهالفتره الي طافت كلها ما لعبت الا جود اوف وور 2 , ألعاب كنت أعد الأيام على ما تنزل علشان ألعبها مثل رووج جالاكسي حتى ما كملتها , و حاليا كملت أكثر من سنتين و مو مشتهي ألعب أي شيئ , أصلا احس اني ماقدر اكمل 10 دقايق لعب , حتى لما لعبت ديمو بايو شوك , قبل النهاية بشوي ما كملتها , مليت/زهقت و كل شيئ , حتى الديمو ما عجبني خير شر و لا جذبني للعبه , نفس الشيئ جيرز اوف وور , قلت واو عالجرافيك بس ما قدرت العبها نفس الشيئ ما لقيت شيئ يجذبني يقول "تعال العب" .

حاليا أنا متابع لا أكثر , مادري اذا بالمستقبل راح أرجع ألعب , أو لا و هذا معناه اعتزال نهائي .

 

[DeaDMaN]

همم انا ماكملت ولا لعبة من قبل سنة وشوي - الى اليوم , اكثر شي لعبته كان زيلدا"24 ساعه" و اخذت كثير العاب ..على الوي والكيوب والبلايستيشن 3 .. الشي الوحيد اللي يخليني ألعب هو المنافسة بيني وبين اصحابي P: , مثلا ً رزستنس العب احيانا ً 3 ساعات اونلاين .. ونلعب ملتي بلاير كثيير , لكن طور اللعب الفردي ماقرّبت منه .

انشاء الله لما يستقرّ حالي بلعب كل شي فاتني + بدخل عالم الـ360

 

[Mr.3B]

...

امممممم ان كمان صارت لي هذي الحاله في السنه الماضيه و قل لعبي كثييييييير و كانت تمر شهور بدون ما العب بعدين اشتريت الوي و في البدايه كنت العب فيه كل يوم لكن مع الوقت مليت منه و لان صار لي شهر ما شغلته و رجعت لي نفس الحاله ..

لكن يوم ما شريت 360 رجع لي حب الالعاب .. صرت العب فيه 3 ساعات يوميا على الاقل غير لعبي هيلو كل يوم في الليل اونلاين مع اخوي الي فكندا .. حتى لعبة كلاسيكيه زي بومبرمان صارت ممتعه جدا باللايف .. ايجس ونج الي ما كنت اتخيل اني العابها اعجبت فيها كثير و خلصلت كل الاشمفمنت تقريبا .. زياده على كذا C&C 3 واحده من افضل الالعاب الي لعبتها بحياتي رهيبه رهيبه رهيبه رجعت لي ذكريات C&C 1 .. و كمان متعة الديموهات و عروض الالعاب .. باختصار ال 360 رجع لي متعة اللعب الي كنت مفتقدها من ايام ال PS1

رح اقلك اياها مره ثانيه جرب تلعب هيلو 2 مع ناس محترفين و تعلم و احترف اللعبه .. صدقني انها افضل شي بالعالم و بترجع للجيمنج من اوسع ابوابه

تلعب الحين هيلو 2 ؟؟

 

[Pichi]

قبل سنتين كنت نفس موقفك , توقعت انها فتره و تعدي , لكن بهالفتره الي طافت كلها ما لعبت الا جود اوف وور 2 , ألعاب كنت أعد الأيام على ما تنزل علشان ألعبها مثل رووج جالاكسي حتى ما كملتها , و حاليا كملت أكثر من سنتين و مو مشتهي ألعب أي شيئ , أصلا احس اني ماقدر اكمل 10 دقايق لعب , حتى لما لعبت ديمو بايو شوك , قبل النهاية بشوي ما كملتها , مليت/زهقت و كل شيئ , حتى الديمو ما عجبني خير شر و لا جذبني للعبه , نفس الشيئ جيرز اوف وور , قلت واو عالجرافيك بس ما قدرت العبها نفس الشيئ ما لقيت شيئ يجذبني يقول "تعال العب" .

حاليا أنا متابع لا أكثر , مادري اذا بالمستقبل راح أرجع ألعب , أو لا و هذا معناه اعتزال نهائي .

نفس الشئ .
يمكن الشئ الوحيد الي يحرضني على اللعب هو ويننج اليفين .

 

[Isaac]

سنة 2006 كاملة ... ما أنهيت فيها غير Call of Duty 2

سنة 2007 ... إلى الآن ما أنهيت غير Gears of War و The Darkness




متخيل الوضع معي ؟



من دخلت الجامعة فقدت الاهتمام بالألعاب بشكل كبييييير جدا ..

+ جتني فترة هوس بالمسلسلات (Prison Break السيزن الأول شفته بجلسة وحدة!) .. (LOST السيزن الأول شفته ب 3 أيام) .. (أدمنت DH) ..

بس جتني حالة كره شديد للمسلات هي الأخرى

للحين موقف على الحلقة 14 من الموسم الثاني لبريزن بريك ..

ولا ودي اكمله

والسبب مجهول !



عندي عالـثري سكستي 12 لعبة ما خلصت منهم غير ثنتين ..


ولما جت الفرصة إني أرجع للفديو جيمز وألعبهم كلهم ..

خرب أكسبوكسي !


كرهت كل شي ...



كرهت الفديو جيمز ...



الوي أعطاني بصيص من الأمل .... وطبعا مترويد اللي جايه بالطريق إن شاء الله

بس شكله مع بداية السمستر الجاي بترجع الأمور زي ما كانت (X كبير عالـGaming) .. حاليا ماني متحمس لشي ... في عندي ذرة حماس بسيطة لماريو جالكسي ...

(ألعاب الإكسبوكس ماني متحمس لها لأن ماعندي جهاز بالوقت الراهن)



من هالموضوع ... لاحظت إن كثير من أعضاء TG صاروا Fake Gamers لول :yuck:

مجرد يتابعون الأخبار الخ ... ويسوون trolling وهم ما يلعبون :yuck:

j/k

 

[Torpedo]

تلعب الحين هيلو 2 ؟؟

رادار لهيلو .. >.>

وضعي مثل حازم .. ما اذكر اني انهيت العاب كثيرة خلال السنتين الي راحوا ..

انهيت ، ممم.. زيلدا على الوي ، جيرز على ال360 ... و بس على ما اعتقد .

الباقي العبه شوي و اتركه ..

و نفس الحالة مع المسلسلات .. لكن انا في الانمي >.> ..


ان شاء الله لما توصلني الدي اس قريباً ... راح تكون مثل الجوال ..معي في كل وقت ، غير كذا انا احب العب أيام الدراسة >.> و هذه النسة ما شاء الله بدايتها فلة >.>

 

[AMG]

انا عندي نفس الاحساس ، اهتمامي بالالعاب و اخبار الالعاب قل بنسبة 90% حتى لما العب لعبة تعجبني ما عدت العب بحماس زي زمان

 

[Golden_Sun]

انا في نفس المشكلة، لكن انا اسبابها غير P:
همممم اشوف حل انسايدر اكثر شي ممكن يساعدك، + لا تفكر انك ملان من الجيمز كثير.. العب وحاول "تِدَخِل" نفسك بجو اللعبة غصب.. او غير مكان ما عادةً تلعب!

 

[Futrus]

عادي تصير للكل وقفت العب جبت الدريم كاست رجعت مدمن العب عليه وانعكس هالشي على الاجهزة الثانيه العبها رديت مليت شريت البي س بي نفس الشي صار وانعكس على الاجهزة الثانيه ،،، شي يغطي على شي

 

[BioMario]

هيه والله الله يعينك .. هذا الشعور جاني الصراحة قمة القرف ..
لكن الحمد لله من بعد الثنوية او اقبل الأمتحانات النهائية بكم اسبوع انفتحت نفسيتي ..
و اشتريت البلايستشن3 و ختمت رزيستنس و نينجا جايدن سجما و ختمت زلدا على الوي ..
و ختمت كم لعبة على الأكس بوكس ..

لكن لاتخاف الحالة هذي تجي بعض الأحيان لكن بسرعة تروح ..
بعطيك بعض النقاط رح تفيدك ان شاء الله ..

- حاول تشكل بالألعاب قدر الأماكن لا تقعد على لعبة وحدة لين ما تختمها
- لا تقعد وقت طويل على الفيديو جيمز يعني يالكثير 4 ساعات و ارتاح ساعتين و كمل لو تبي
- حاول تنوع موب كلة كونسول يعني شوف اي جهاز محمول عندك و العب فيه اي لعبة ممتعة و مسلية موب كلة العاب قوية و من نفس النوع

وان شاء الله ينفع معاك XD
انا متحمس لمترويد3 حماس موب طبيعي ..
ما اريد اختمها بسرعة بمشي فيها على راحتي اريد اتسلى فيها .. من زماااااااان مترويد

 

[Hardcore Gamer]

حاليا انا امر بهالحاله حتى بعض الالعاب شاريها اصليه بقراطيسها ما لعبتها بس فكيت الغلاف ...

رح اقلك اياها مره ثانيه جرب تلعب هيلو 2 مع ناس محترفين و تعلم و احترف اللعبه .. صدقني انها افضل شي بالعالم و بترجع للجيمنج من اوسع ابوابه

وهالشي ممكن يخليه بس ما يشوف بالفديو جيمز الا عالم هيلو ... ياكثر اللي اعرفهم كذا

 

[Huda]

اشوا مو بس انا :sealed:
عادي اخوي هالحاله تجي للكل تقريباً
+
كل ماتكبر كل ماتقل الألعاب الي تلعبها :embarrassed:
والله على بلاي ستيشن 2 اشتري وارمي اشتري وارمي :embarrassed:
:embarrassed: <<<تذكر ايام بلاي ستيشن 1 اي لعبه اشوفها قدامي اختمها زينة شينة مايهم :embarrassed:

 

[hamad 11]

عادي وتصير في أحسن العائلات لول :cooool:

كم مرة صارت لي, شعور مؤقت لكن شهر بس ويختفي ويرجع شغفي للألعاب من جديد

لكن لاحظت بصراحة انه كل ما اكبر كل ما يزيد عدد المرات الى يجيني فيها الشعور, شكلي اخرتها رح اطلع من الجيمر ابد

 

[pacino]

اشتر لك سوبر كمبيوتر جديد..اوكي؟ (او اذا كمبيوترك يوفي ويكفي)
واشتر لك C&C3..اوكي؟

بعدها تعال وكلمنا عن الملل..

 

[Solidus]

حاليا أنا متابع لا أكثر , مادري اذا بالمستقبل راح أرجع ألعب , أو لا و هذا معناه اعتزال نهائي .

same here...

 

[N E R O]

مريت فيها..آخر لعبة اشتريتها كانت فف12 ولعبت 30 ساعة و رميتها..بعدها اخترب الـبلاي 2 حقي..الحين فاتت عليي ألعاب اربي جي كثيرة وأفكر آخذ ps2 slim علشان خاطر روج جالكسي + ff12 وكم لعبة اربي جي..الحين حماسي +1000وصرت متعطش للألعاب... يوم مرت عليي هالحالة غيرت روتيني اليومي.انقطعت عن النت لمدة اربعة شهور او اكثر..صرت اقضي وقتي في المطالعة والجامعة حتى لو مافي محاضرات او مع ربعي وكل يوم نسوي برنامج يديد..رحلات..بطولات بلياردو..إلخ



حاول غير من روتينك اليومي بأي شكل من الأشكال

 

[Colorization]

اشتر لك سوبر كمبيوتر جديد..اوكي؟ (او اذا كمبيوترك يوفي ويكفي)
واشتر لك C&C3..اوكي؟

بعدها تعال وكلمنا عن الملل..

لول جهازي يشغل كرايسيس، لكن ما احب الRTS's ابدا ً.

بعد مترويد3 راح اعرف إذا الشعور مؤقت وإلا بيرماننت

 

[The Last Fantasy]

هههه نيرو، وين اللي بيعتزل الجيمينج !؟ 😛