الشابتر يعتبر بداية الجد سواء بالنسبة للرحلة للقارة المظلمة أو للصراع بين الأمراء ، الآرك عنده Potential إنه يبقى أحسن آرك فى العمل و الأحداث رهيبة حتى الآن بس فى بعض النقط ماكانتش واضحة بالنسبة لى:
كلام كورابيكا فى الشابتر اللى فات عن إنه ماعرفش دوافع معظم المتقدمين من كاكين و إن عدد منهم فلتوا من اختبار السلسلة كان غريب، اختبار كورابيكا قدر يكشف كل رجال باريستون و على حسب الكلام اللى اتقال قبل كده المفترض إنه كان دقيق جدا و كون إن عدد كبير يقدر يفلت منه كان غير منطقى إلا إذا كان كورابيكا بيدور على حاجة معينة فقط فى الإختبار ، على سبيل المثال العلاقة بباريستون فقط
موضوع الصيادين المؤقتين تم الكلام عنه أكثر من مرة من بداية آرك الإنتخابات و مع كده كان دايما بيتم التعامل معاه على إنه موضوع جانبى و مافيش تفاصيل كفاية عنه ، أظن إن التفاصيل اللى تم ذكرها هى المهمة للآرك فقط بس كنت اتمنى يبقى فى معلومات أكثر عنهم
النقطة اللى اتمنى توضحيها فعلا هى إزاى هايتم التغطية على موضوع قتل الأمراء ، فكرة إن الأمراء يقتلوا بعض أثناء حدث عالمى بالأهمية دى تبقى فكرة غريبة جدا و منتظر أشوف إزاى توجاشى هايتعامل معاها
بالرغم من النقط دى حبيت الشابتر و الأحداث حتى الآن ، كورابيكا بيكتشف فى كل لحظة إن موقفه أسوء من اللى كان متخيله و مشهد فقدانه لأعصابه فى النهاية كان رهيب
نقطة أخيرة ، حد انتبه ل Lum فى الشابتر
😛
