hits counter

الموضوع الرسمي Grand Theft Auto V - (( هـنـا يـنـتـهـي الـجـيـل ))

Q8Dante قال:
امس صارلي قلتش مزعج بالاونلاين ... اسمع صوت الناس والسيارات بس المدينة خاااااااليه مافيها احد :no_mouth:
أنقر للتوسيع...

يا حبيبي انا شفت واحد يسوق السيارة وهو فالهوا.....
 
انا كل ما ادخل الاون لاين يرسلي رسالة سيمون يقلي جيب فيها سيارات

كيف حلها هذه المهمة
 
^

هذي مو مهمه ، سيميون يطلب منك سيارات بشكل اسبوعي ، وانواع محدده ، يوم تاخذها توديها لـ لوس سانتوس كستومز وتغير لونها وتوديها لحرف الـ S.
 
جبت نسبة 99.05% باقي لي سباقين ( ستريت ريس ) مو جاي يطلعون لي بالخريطة

طلعت بالليل بفرانكلين وعندي سيارة لمبورجيني استعدادا للمواجهة لكن لاحياة لمن تنادي

واتصلت ب Hao كل مرة بيزي ايش الحل كيف يطلعون لي ؟!!
 
Freaky قال:
^

هذي مو مهمه ، سيميون يطلب منك سيارات بشكل اسبوعي ، وانواع محدده ، يوم تاخذها توديها لـ لوس سانتوس كستومز وتغير لونها وتوديها لحرف الـ S.
أنقر للتوسيع...


شكرا لك ياناصر

وفي مهمة H

بعد ما اخد الغواصه والطياره الحربيه

اروح للطيارة الحربية يقلي خد معاك الغواصه وارميها في مكان محدده في البحر بعد ما ارميها يفتح لي الجوال ويطلع كشف وفي نقطة حمرا

اروح هناك معرف شو اعمل
 
^

حوّل لتريفور و تحكم بالغواصة وانت مشغل ابلكسيشن الجوال " التراكر " ، اتبع النقطة الحمرا وبتلقى صندوق هناك ..


شباب احد يلعب اونلاين ؟ PS3 ؟
 
^
واحد هنا، هذا الأي دي حقي CQC93

شباب المشكلة عندي وإلا من تدخل ليفل 30 يروح التصويب الأوتوماتيكي ؟ المشكلة أنا متعود عليه، والحين قاعد أتعود على التصويب اليدوي :neutral_face:
 
^
أنا شوي وطالع من البيت، رجعتي نلعب إن شاء الله :thumbsup:
 
ناصر بعد ماعملت الي قلت عليه اخدت الصندوق

كملت لمهمة H


اعطاني زي المهمه هذه

http://www.youtube.com/watch?v=kv4daxuOnBk

واظل اضرب ومحاصر حتى خلص الرصاص واموت في كل الاحوال ؟
 
يسسسس جبت النسبة 100% واخيييرا

الشوتينج كلهم ميدالية ذهبية

الفلايت سكول كلهم ذهبية

باقيلي بس اعبر تحت 3 جسور ضايعين مادري كيف بلقاهم :::sweat:::

والحين بجلس كل فترة احاول اجيب ميدالية ذهبية في المهمات الاساسية والجانبية على الراحة

ما افكر العب طور الاونلاين لاني مجربه في العاب ثانية يخليني اترك السينجل مود

وحتى الالعاب الثانية مالعبهم بسببه :thumbsdown:
 
^^^
مبروك اعتقد انها اول تجاربك مع روكستار الا اذا كنت مشاكك بينك وبين شخص ثاني ؟

اذا كانت اولى تجاربك وياهم انصحك تجرب ريد ديد ما تقل متعة عن جراند 5
 
الله يبارك فيك هههههه صحيح بالفعل اول لعبة العبها لهم

كيف مشاكك مع شخص ثاني !! وضح يا مؤمن :stuck_out_tongue_cl

بالنسبة لريد ديد ابشرك دخلت مزاجي اكثر من جي تي ايه

بس جالس هالفترة ادور عالنسخة الكاملة الجوتي مو لاقيها :triumph:
 
YAEE قال:
ناصر بعد ماعملت الي قلت عليه اخدت الصندوق

كملت لمهمة H


اعطاني زي المهمه هذه

http://www.youtube.com/watch?v=kv4daxuOnBk

واظل اضرب ومحاصر حتى خلص الرصاص واموت في كل الاحوال ؟
أنقر للتوسيع...

استمع للتوجيهات ، المهمة تتطلب منك تغير بين الشخصيات ، خصوصاً لما يقولك انتقل لتريفور ، تريفور هو اللي راح يساعدهم من فوق. ما ابغى احرق عليك المهمه العبها 🙁

-

ها شباب ، ايش رايكم بجمعة في برايفت سشن ؟ PS3.
 
كيف الاونلاين بذآ الجزء يا شباب
يستاهل أفعل حسابي قولد علشان v ؟ 😀
مثل متعة IV و لا كيف 😀 ؟
 
NOBLE قال:
كيف الاونلاين بذآ الجزء يا شباب
يستاهل أفعل حسابي قولد علشان v ؟ 😀
مثل متعة IV و لا كيف 😀 ؟
أنقر للتوسيع...

الأون لاين إدماني وأفضل من IV كمان، بس أستحمل التدريب الخايس إلى ماتبدأ تنفتح لك الشغلات :thumbsup:

لو ماعندي زحمة ألعاب قاعد أخلص فيها، كنت حصلتني مسنتر عليه هالفترة
 
تقريبا انهيتها
لم يتبقى لي سوى 4 مهمات
تجربة ممتازة لكن هناك بعض النقاط السلبية :
بالنسبة للخريطة كنت اتوقع شيء افضل صحيح ان العالم كبير خاصة جهة الريف و الصحراء لكن حسيتها بدون قيمة كبيرة .. تمنيت اضافة مدن اخرى مثل سان اندرياس ( سان فييرو ) حتى تخلق التنوع وهذا الشيء لاحظته من اول ما رايت الخريطة ,, مدينة لوس سانتوس وحدها لا تكفي و هذا الذي خيب امالي في اللعبة ,,
انا تقريبا اكملت اللعبة و لدي احساس باني للان لم ابدا فعليا بها ,,
احس اللعبة ناقصة ,,
عمر اللعبة جيد لكن اقصر من الي توقعته ليش 69 مهمة :stuck_out_tongue_wi؟ وسهلة جدا كذلك ,, قضيت في سان اندرياس وقت اكثر ,,
القصة غير مقنعة و تشبه كثيرا المسلسلات الامريكية التافهة حتى بعض الشخصيات كذلك مثل فرانكلين كانت سيئة ( تحس شخصيته ضعيفة و دائما يعمل تحت امر سيديه مايكل و تريفور ),,
كلعبة جتا توقعت شيء افضل بكثير للامانة و كانت اقل من الهايب الي اخذته لكن هذا لا يمنع انها قدمت اشياء رائعة مثل التبديل بين الشخصيات و المستوى التقني الذي يعد الافضل في هذا الجيل ,,
نعم gta v اقوى لعبة تقنيا هذا الجيل ,,
يتبين لنا جيدا ان روكستار قامت بعمل جزء اسطوري مثل سان اندرياس منذ عشر سنوات و لم تستطع الى الان انها تقدم جزء مثل مستواه فقامت و اقتبست هذا الجزء منه ,, لا اعرف لماذا روكستار لم تقم ابتكار مدينة جديدة و ابقت نفسها رهينة ليبتري سيتي و لوس سانطوس ,
 
العاب زي جي تي اي ، ضخمة المحتوى اكره اني انهيها بسرعه ، الحين واصل 52 ٪ تقريبا ..

- شخصية مايكل تعجبني ، وتريفور ايضا .
- فرانكلين دورة مهمش جدا ..
- اللعبة فيها احساس غريب ، كل ما شغلت اللعبة وبديت من جديد ، ابدا م تشعر بملل .. شعور جدا غريب وكاني العب اللعبة لاول مره ، كل الشكر لروكستار و تعبهم على ذلك .
- رسوم اللعبة جدا مذهلة بالنسبة لحجمها !
- ياه ، نفسي اعرف كم عدد صفحات نصوص اللعبة ؟ .. هههه كثيررررر !
- احس غلط لعبة بهالحجم اتكلم عن اخطاءها التقنية ! .. لانه ضخمه !
- قيادة المركبات ، م اتوقع فيه احسن من كذا

- القصة مش قوية ، بس تمشيك مع اللعبة ..

سؤال و سببه عدم تركيزي لاني العب ع فترات متقطعة

تريفور يوم كان يتكلم مع مايكل ، وسالة اذا مش انت الشخص الي اندفن من قبل ، اجل من كان .. لما سافر و اكتشف
انه براد المدفون ، وش سبب غيضه ؟ و مين براد ذا .. ومين العصابة الي هجمت ! .. احس اني جد ضيعت بالقصة -ـ-


فيه مشهد ضحكني جدا ..

فيه مهمه .. احد مهمات سرقات السيارات .. كان تريفور بالهيلكوبتر و فرانكلين اخذ السيارة .. قاله يعني بمعنى كلامه
ضبطني مع الليدي الي انت رايح لها ؟ .. قال فرانكلين مالي شغل .. قاله تراك سارق سيارة تدري ؟ وبلغ عليه ههههه :joy:


وسلامتكم ..
 
المهم من بيلعب معي الايدي حقي MCU1992 ترا انا داخل اربع وعشرين ساعه
 
ياخي مافي مود بالاونلاين تجمع بالمطار و هبال و هجولة و ضحك زي IV
ابد ما ابغا اونلاين جتا بديث ماتش و من هالمودات اللي تطفش 😀
الفري مود جدا هادئ و اللاعبين مفرقين عن بعض :|
 
طفح الكيل .... أبي واحد عربي ألعب وياه اونلاين مو محصل

ألي يبي يلعب وياي ... يضيفني على Jok3r 57 نسخه الاكس360
 
s3rorh قال:
طفح الكيل .... أبي واحد عربي ألعب وياه اونلاين مو محصل

ألي يبي يلعب وياي ... يضيفني على Jok3r 57 نسخه الاكس360
أنقر للتوسيع...

لول وينك ايامها كنا نترس اللوبي وسهر عليها ساعات لانهائيه لمده 3 اسابيع

بس احتمال ادخل معاك هل يومين ^^

اليوم شغلتها متتتتتتتتتتتتتتتتتتتتعه
 
1505011_10152111213070097_2049211653_n.jpg


GTA Online Update: Free Deathmatch & Race Creators Beta launching this week plus Capture Mode and more on the way. Details at http://rsg.ms/1cl4l3R
 
السلام عليكم ورحمة الله وبركاتهـ

لاهنتم ضيفوني ع البلاستيشن 3 : raadfifa111

لفلي: 516

فلوسي 30 مليار

🙂

ارسلولي رسالهـ انكم عرب 🙂

:thumbsup:
 
رعـــــــد قال:
السلام عليكم ورحمة الله وبركاتهـ

لاهنتم ضيفوني ع البلاستيشن 3 : raadfifa111

لفلي: 516

فلوسي 30 مليار

🙂

ارسلولي رسالهـ انكم عرب 🙂

:thumbsup:
أنقر للتوسيع...

ههههههههههههههههههه ,,,, ابو التهكير !!! شنو مسوي انت؟

لا مانبي نضيفك لا يبندوننا :stuck_out_tongue_wi
 
^^^

لول .. هذا ولا شي

في واحد لفله 1000 .. طبعا كله من الجليتشات الي كانت ببداية الاونلاين و روكستار عاقبوا الي كانوا يستعملون هالجليتشات و الي رفعوا الفيديوات عاليوتيوب
بحيث خلوهم في سيرفر واحد لما يدخلون الاونلاين لول
 
في اعداد تحت كل شخصية اذا جيت ابدل بينهم. وش تعني؟
 
يجب تسجيل الدخول أو التسجيل كي تتمكن من الرد هنا.
عودة
أعلى