الموضوع الرسمي Gran Turismo 5 - أضخم منتج ترفيهي للسيارات صُنع

[S n A k e]

انطباع لعب ساعة؟ :what:
أنت تلعب السلسلة لأول مرة؟

يااخ انا تكلمت عن القيم بلاي بسسس انه شبيه بجي تي 5 برولوق !! ولا اللعبه بشكل عام ماعليها شي
وش الهدف من سؤالك .؟

 

[The Last Lombax]

ألعاب طوكيو يقول اليوم بتنزل اللعبة في السعودية بس العدد محدود !!

 

[D1rk-Knight]

يااخ انا تكلمت عن القيم بلاي بسسس انه شبيه بجي تي 5 برولوق !! ولا اللعبه بشكل عام ماعليها شي
وش الهدف من سؤالك .؟

مجرد سؤال لا أكثر، ما فيه أي داعي تتخذ موقف دفاعي بسببه. ^-^

 

[Raziel]

سنيك

وضح زيادة لأني موب فاهم كلامك باللفات ؟ إذا تجاوب السيارة مع المنعطفات زي 4 فـ meh بقوة 🙁
آخر شيء أتوقعه من لعبة قعدت 5 سنين تعطيني جيمبلاي غير محدّث عن الجزء الرابع وأقصد بالتحديث واقعية التسارع وحساسية Rpm
وأهم شيء المنعطفات ما أبي أسوق "جسيم ثقيل" متجه بشكل إجباري إلى الأمام !!!

 

[m7787m]

^
على حسب نوعية السيارة ... وش السيارة اللي جربتها Snake ؟ ( لا تقول لي البوقاتي ؟؟؟)

 

[SALAH]

همم اللعبة بتكون موجودة اليوم بأبوظبي ان شا الله الساعة 9 بالليل..ما اتخيل شكل حامد سنتر اليوم :tongue:

بس لاحظت انه صارت موجودة بسوق دوت كوم :

http://www.souq.com/GRAN-TURISMO-5-PS3-Game/7647549-EN/

فيه 18 حبة بس لول :yuck:

 

[Xeon-Q8]

خلاص .. اليوم لازم اشتريها قبل اسبوعين من الإمتحانات !

حولي ولا الفروانيه ولا الحفر .. رايح رايح

 

[MALDINI]

يااخ انا تكلمت عن القيم بلاي بسسس انه شبيه بجي تي 5 برولوق !! ولا اللعبه بشكل عام ماعليها شي
وش الهدف من سؤالك .؟

مدري اذا كان كلامك صحيح لاني مجرب ديمو في محل best buy وكان مختلف عن برورلوج تمام.
انشاء الله اخذها قريب و اشوف.

 

[D1rk-Knight]

^
بدر، فضلًا لا أمرًا عدل "انشالله" إلى "إن شاء الله" لأن الأولى غلط وما يصح تقولها.

 

[S n A k e]

سنيك

وضح زيادة لأني موب فاهم كلامك باللفات ؟ إذا تجاوب السيارة مع المنعطفات زي 4 فـ meh بقوة 🙁
آخر شيء أتوقعه من لعبة قعدت 5 سنين تعطيني جيمبلاي غير محدّث عن الجزء الرابع وأقصد بالتحديث واقعية التسارع وحساسية Rpm
وأهم شيء المنعطفات ما أبي أسوق "جسيم ثقيل" متجه بشكل إجباري إلى الأمام !!!

اذا جربت برولوق وماعجبك القيم بلاي هنا بتفهم كلامي
نظام اللفات ماادري كيف جاي ماعجبني مقارنه مثلا بفورزا وللأسف من ورا السياره ماتقدر تحرك الكاميرا يعني السياره ثابته ماتقدر تحرك الكاميرا ابي اتفرج على الجرافكس والسياره مااقدر
باللفات لما الف بقوه والسياره فحطت واحاول ارجعها لوضعها الطبيعي ماترجع مثلا من يسار الى يمين تروح للجهه الثانيه بشكل عنيف وسريع ماادري كيف اشرحها المهم نفس برولوق واصوات التفحيط والاصطدام نفس ماهو ماتغير من ايام ديمو اللي اسمه GT HD نفس اصوات التفحيط اللي من قبل اربع سنوات اللي 2006 ونفس اصوات الاصطدام -
السياره لما تتكسر ماادري عنها اصلا مافي اي صوت الا لما احط الكاميرا اللي تطلع السياره من قدام
عموما اللعبه بشكل بالنسبه لي ماينقال عليها كلمة واااااو
حاطين لي 1000 سياره على قله فايده
احلى مافي اللعبة الحلبات والجرافكس والمنيو والموسيقى لكن اهم شي ماغيروه - لا جديد بالقيم بلاي - طبعا الناس اللي عاجبهم قيم بلاي برولوق اقولهم مبروك عليكم

 

[Raziel]

من الرئيسية : http://www.true-gaming.net/home/16710

أجل 259 ريال للعادية و 749 للتوقيع 🙁
مثل ماتوقعت اللعبة بيبعها بالسعر المقدس , وكأن اللعبة تباع بـ 70 دولار ؟؟

إذا كان الوكيل بشحمه ولحمه يستغفل المستهلك فما بالك بالمحلات الأخرى ؟ الله يبدلنا بوكيل يلتزم بالأسعار الرسمية :sadwalk:

 

[MALDINI]

من الرئيسية : http://www.true-gaming.net/home/16710

أجل 259 ريال للعادية و 749 للتوقيع 🙁
مثل ماتوقعت اللعبة بيبعها بالسعر المقدس , وكأن اللعبة تباع بـ 70 دولار ؟؟

إذا كان الوكيل بشحمه ولحمه يستغفل المستهلك فما بالك بالمحلات الأخرى ؟ الله يبدلنا بوكيل يلتزم بالأسعار الرسمية :sadwalk:

اقتباس للحقيقه, معليش يامجموعة الفيصليه الحق حق..........
مدري ليش العالم يشترونها بالسعر الاصلي ليش حننا مختلفين يعني ولا كيف حد يشرحلي.

^
بدر، فضلًا لا أمرًا عدل "انشالله" إلى "إن شاء الله" لأن الأولى غلط وما يصح تقولها.

شكرا, تم التعديل 🙂

 

[m7787m]

259 سعر ممتاز مقارنة بـ 290 ريال 🙁

 

[D1rk-Knight]

أتوقع عندنا بتصير 350 ريال ومش بستغرب إن وصل إلى 500 ريال بسبب سالفة الكمية المحدودة. :sadwalk:

@MALDINI
يعطيك العافية. 🙂

 

[Q8 YSooF]

شباب الكويت اللعبة نزلت عند game center

 

[Vorg Zangief]

^
ياخي اليوم انا الساعة 11 صباحاً عن جيم ستوب (جيم سنتر)
يقول العصر .
لكن بما انها نزلت الحين . ان شاء الله العصر راح اروح له مرة ثانية

 

[Xeon-Q8]

^
بجم ؟؟

 

[Good Hunter]

سنيك حطمتني 🙁

 

[MALDINI]

سنيك حطمتني 🙁

اذا فكرت فيها بالفعل ليش ماغيروا اصوات التفحيط اعتقد سهله يسوونها, التصادم ماهمني, وكنت من الناس اللي يطالبوا بهذا الشي الحين ماهمتني بقد مايهمني جيمبلاي GT و نظام الفيزيكس الجديد وال 200 سياره بريميوم فيها, والخيارات الرهيبه اللي تقدر تسويها في سيارة البريميوم والاطوار الاضافيه و الجديده باللعبه.
انصحك بقراءة اكثر من انطباع واحد او اثنين!! اللعبه ناس يمدحونها وذكروا فيها كم شي ماعجبهم مثل اصوات التفحيط وناس ثانيه ما توقعوا سيارات الستاندرد تكون بهذا الجرافيكس الممتاز مع انها ستاندرد. الحكم على اللعبه راجع لك اما عن طريق تقاييم المواقع, او كلام الناس وانطباعاتهم الخ.

 

[Zero]

واحد من الشباب يقول بيجيبها لي اليوم ب220 ريال، مو لازم 220 ريال أتمنى تجي بس حتى لو بأكثر : (

 

[The Doctor]

من الرئيسية : http://www.true-gaming.net/home/16710

أجل 259 ريال للعادية و 749 للتوقيع 🙁
مثل ماتوقعت اللعبة بيبعها بالسعر المقدس , وكأن اللعبة تباع بـ 70 دولار ؟؟

إذا كان الوكيل بشحمه ولحمه يستغفل المستهلك فما بالك بالمحلات الأخرى ؟ الله يبدلنا بوكيل يلتزم بالأسعار الرسمية :sadwalk:

أفا زيل... لا سعر العادية و لا سعر الSE هامني... فين سعر الكولكتر؟ :'(

سنيك حطمتني 🙁

معليش، بس انطباعات الأخ ناقصة جداً، ايش هي السيارة اللي ساقها؟ على أي مضمار؟ ايش اعدادات الفيزكس؟ ايش نوعية الاطارات؟ بكنترولر و لا بديركسون؟ هل دخل المنعطفات بالسرعة الصحيحة؟ أيضاً، جداً غلط تلعب بالكاميرا خلف السيارة.. Hood cam أو Cockpit view فقط و لا مافي أمل تزبط المنعطفات أو تسيطر على السيارة صح

أنا قريت انطباعات amar212 من GTP، معروف عنه موثوق، غير إن الانطباعات مفصلة و واضحة جداً.. و انطباعاته كلها ايجابية من ناحية الجيمبلاي

 

[The Doctor]

زيرو... >:|

 

[Zero]

زيرو... >:|

يبغى ليي أتصل على صاحبي، المحل مو بعيد ترى في الدمام بس إن شاء الله ما ينكب بنا :laugh::

 

[The Doctor]

إذا في كولكتر ادشن فأبرسل لك عشى

 

[Zero]

المحل صغير ويجيب نسخ عادية دائما حسب علمي، الكولكتر الأمريكي (لو تبغى أمريكي) المفروض أنها تنجاب بعد فترة ما دام شكله الكولكتر ما بيجي هنا رسميا : \

 

[The Doctor]

وت؟ الكولكتر ما بيجيبوه رسمي؟ WTF؟؟

هذا بعد ما كنسلت الpreorder من أمازون >:|
يا رب بيت الكمبيوتر ما ينكبني

 

[Zero]

هذا اللي فهمته من خبر محمد في ترو جمينج أنه ما في خبر عنها... لا تاخذ كلامي على أنه أكيد 100%، طيب لو ما جائتنا الكولتر رسميا؟ يمكن المحلات ما تقصر وتجيبها.

اللعبة هذه وضعها زحمة من جد : \

 

[The Doctor]

شكلي احتياط ابكلم بيت الكمبيوتر و أقول له اللي يوصلك احجزه

 

[MALDINI]

وت؟ الكولكتر ما بيجيبوه رسمي؟ WTF؟؟

هذا بعد ما كنسلت الpreorder من أمازون >:|
يا رب بيت الكمبيوتر ما ينكبني

لول
انا الحين اللي المفروض طالبها من امازون كوليكتر وكنسلت البري اوردر عشان الاوروبيه واخرتها ما فيه شي.
باخذ الامريكيه الحين, ما اعتقد اوروبيه.

 

[Xeon-Q8]

أفا زيل... لا سعر العادية و لا سعر الSE هامني... فين سعر الكولكتر؟ :'(


معليش، بس انطباعات الأخ ناقصة جداً، ايش هي السيارة اللي ساقها؟ على أي مضمار؟ ايش اعدادات الفيزكس؟ ايش نوعية الاطارات؟ بكنترولر و لا بديركسون؟ هل دخل المنعطفات بالسرعة الصحيحة؟ أيضاً، جداً غلط تلعب بالكاميرا خلف السيارة.. Hood cam أو Cockpit view فقط و لا مافي أمل تزبط المنعطفات أو تسيطر على السيارة صح

أنا قريت انطباعات amar212 من GTP، معروف عنه موثوق، غير إن الانطباعات مفصلة و واضحة جداً.. و انطباعاته كلها ايجابية من ناحية الجيمبلاي

+1
احسنت القول 🙂