[GoW 2] انطباعاتي بعد تجربة الـDemo

[Khalid-S]

السلام عليكم

اليوم حجزت اللعبة في احد فروع Gamestop .. عطوني الديمو خخخ .. رجعت البيت متحمس اجربه .. هذي انطباعاتي ..

اولاَ شغلت اللعبة على PS3 وطبعا جربتها على وايد سكرين وبروقرسف سكان .... لكن للاسف .. بدون رومبل !! وهذا السبب الي بيخليني العب اللعبة على PS2 (ليش سوني !!)

المهم ... انهيت الديمو .. مو طويل ابدا .. تقريباَ 20 دقيقه لعب فقط .. من العشرين دقيقه هذي بالكاد تطلع فروق بين God of War الاولى والثانية ... تبدا اللعبة وسلاحك Max .. وعندك كل الحركات وكل شي (اعتقد هذي البداية فقط) اللعبة نفس GoW 1 بالضبط .. وهذا شي ما اقدر اقول عنه سلبي او ايجابي .. اللعبة ومحركها وطريقة الباتلز فيها بيرفكت .. ما كنت ابي شي اكثر من الي قدموه لي في GoW 1 بكل امانه ... كل الي ابيه اسلحه اضافيه ومراحل اضافيه وقصة جديدة وطبعا طرق جديدة للعب ...

الجرافيكس نفس GoW 1 المبهر على PS2 . وطبعا على بروقرسف وتشغل خاصيه الوايد سكرين لو عندك تلفزيون وايد سكرين بيكون شي ايجابي ... لكن طبعا الي دخل عالم النيكست جين وتعود على هذاك الجرافيكس صعبه يرجع للPS2 .. لكن اللعبة تسوى انك ترجع بكل تاكيد.

موسيقى اللعبة ممتازه مره .. فيها طابع عربي على اغريقي .. ومن جد تدخلك جو الحرب في المنطقه .. مو يجيبون لك موسيقى بهلاونيه في لعبة حرب (ريزيستنس) خخ

اوكي .. هذا كوم .. ومحاربة الرئيس التمثال العملاق كوم ثاني ... لول ايش اقول ؟؟ من جد شي مبهر ويزعل في نفس الوقت ... تصميم التمثال الكبير جميل وتحسه يعطيك انطباع حلو عن وحوش اللعبة .. لكن ... اموته بكل سهولة !! ما اتكلم عن الباتل نفسه .. اتكلم عن ال"كت سين" .. اتمنى وحش مثل هذا اقدر اتحكم بكريتوس بنفسي واهزمه .. مو "كت سين" يهزمه بدالي !!! aka ابي احاربه مثل شادو اوف دي كولسس !!

الوحوش تصميمه جميل جداَ وفعلا يدخلك جو حلو .. لكن حرام تموتهم بهذي السهولة ... لكن صفقه لديفد جافي على GoW 2 .. حتى مع اني جربت الديمو .. لكن متاكد ان اللعبة الكاملة بتكون افضل بكثير .. لان اكيد الاسلحه والfull power بتروح وبقعد ابني نفسي من جديد .. وطبعا مع اسلحه جديده وطرق جديدة.

بالنهاية .. لحد يتوقع يشوف تغير في العبة او شي .. تراها God of War 1 مع تعديلات .. يعني لحد يتوقع شي جديد .

صح نسيت شي .. اللعبة دموية اكثر من اول !!! بكثير.

 

[Ginko]

اوكي .. هذا كوم .. ومحاربة الرئيس التمثال العملاق كوم ثاني ... لول ايش اقول ؟؟ من جد شي مبهر ويزعل في نفس الوقت ... تصميم التمثال الكبير جميل وتحسه يعطيك انطباع حلو عن وحوش اللعبة .. لكن ... اموته بكل سهولة !! ما اتكلم عن الباتل نفسه .. اتكلم عن ال"كت سين" .. اتمنى وحش مثل هذا اقدر اتحكم بكريتوس بنفسي واهزمه .. مو "كت سين" يهزمه بدالي !!! aka ابي احاربه مثل شادو اوف دي كولسس !!

احسن نقطه بالانطباعات. فعلا هذا اشوفه عيب في جود اوف وور من زمان. شخصيا اذا محرك القتال ايضا بضل على وضعه الي كان من اول فما اضن باخذها.

شكرا خالد 🙂

 

[Leon]

امممم إنطباعات تحمس..أتوقع سهولة الوحوش كونها مجرد ديمو فقط لا غير , أعتقد في اللعبة الكاملة بيكونوا أصعب ..
تسلم خالد ..

 

[dragonwarrior]

شادو أوف ذا كلوسس دلعتنا
خلاص الحين دائما نبي رؤساء عملاقة و نقاتلهم.

 

[Ginko]

شادو أوف ذا كلوسس دلعتنا
خلاص الحين دائما نبي رؤساء عملاقة و نقاتلهم.

ما اضن. هو اذا اللعبه قامت تسوي رؤساء عملاقه وعلى مستوى شادو اوف ذا كلوسس وغيرها من الالعاب (قبلها وبعدها) فلازم يمشون على الستاندرد، وحاليا شادو اوف ذا كلوسس رفعت الستاندرد الى مستوى هائل فصعبه لالعاب مثل جود اوف وور انها تنافس هالمستوى لان قتال الزعماء فيها مو التركيز الاول في اللعبه بعكس شادور اوف ذا كلوسس.

 

[RIZE]

اليوم حجزت اللعبة في احد فروع Gamestop .. عطوني الديمو خخخ .. رجعت البيت متحمس اجربه .. هذي انطباعاتي ..

ببلاش ؟؟؟ شهالدلع هذا .. مالهم نيه يفتحون فرع بمجمع الرحاب P:

صح نسيت شي .. اللعبة دموية اكثر من اول !!! بكثير.

أهم شي ^^



إلا متى تاريخ الاصدار بالضبط ؟ << يبي يروح يشتري له PS2 slim بدال الجهاز القديم الى توفى من 5 أشهر >_>

 

[Hwoarang]

هو جو اللعبة العام أعتبره أكثر ميزاتها ... اذا الجزء الثاني جاب هذا الشئ راح أقول أن اللعبة نجحت بالفعل

الجيم بلاي من الأساس مممم لا بأس فيه
ألغاز حلوة لكنها بسيطة
الأكشن حلو, إلا اذا سبق ولعبت لعبة أكشن "حقيقية"

 

[Uchiha Basem]

The boys at gamespot did a short show of GoW 2 during "on the spot" . The combos were very similar to the original game

 

[TenZen]

من شويه كنت اجرب ال Demo ... اللعبة جدا ممتازه ومسلية
... اقدر اقول انها تستاهل 9.3 (اكيد اللعبة راح تكون اكثر تشويق و متعة)

 

[Khalid-S]

فعلا .. قلت لكم لحد يتوقع شي جديد .. فقط اسلحه جديده مع مناطق جديدة وقصه غير ..
لكنها بالنهايه GoW .. يعني ممتازه ..

 

[ASWD]

اول زعيم على ماقريت راح تواجهه اكثر من مرة باللعبة..ومسألة الصعوبة على الهارد والفيري هارد حلوة*الاول*..بس النورمال والايزي احس انهم يحتاجون صعوبة اكثر كمان تم اضافة طور صعوبة جديد غير*god*..فيه حركات حلوة تم اضافتها للعبة مثل الطيران والقتال في الجو والتعلق بالجدران والحواف العالية من الاسفل بواسطة زوج السيوف اللي عند كريتوس*السلاح الرئيسي*.بالاضافة الى زيادة الاسلحة والماجيك..ناهيك عن الحركات الجديدة اللي اضافوها وزيادة عدد الزعماء ..وطبعا اهم شي الجو العام*صلب الموضوع*..اما الجيم بلاي وجهة نظري مثل وجهة نظر يوسف*هورانج*يمشي الحال

يعطيك العافية خالد على الانطباعات

 

[soosi]

فعلا .. قلت لكم لحد يتوقع شي جديد .. فقط اسلحه جديده مع مناطق جديدة وقصه غير ..
لكنها بالنهايه GoW .. يعني ممتازه ..

بالنسبة اليي ما أبي شئ زيادة

 

[m7tram]

توني خلصت الديمو ممتاااااااز بالنسبه للانطباعات اشوف خالد ما خلى شي الا وقاله .. ناطر اللعبه على نار .

 

[Ash Storm]

ممتاز, انطباعات تحمس صراحة, متحمس جداً لتجربتها, الجزء الاول كان ممتاز !

 

[Final Fantasy]

الديمو اليوم ان شاءالله راح أجربه ... حاسس فعلا بتجربة انبهار كبيرة منتظرتني !!

 

[Kratos]

جربت الديمو جيد لكن توقعت أكثر..

 

[Ash]

أنا واحد لي تاريخ سيئ مع الديموهات , ماعتقد بجرب هذا , لأنه العاده أكره الديمو , و أحب اللعبه بشكل عكسي .

يعني تقريبا الشيئ الوحيد الي ما عجب الي جربوه انها تشبه الجزأ الأول , و هذا شيئ ايجابي .. جدا جدا بالنسبه لي .

 

[Final Fantasy]

أوكي خلصت الديمو ... الحين أقدر أقول و بكل ثقة أن God of War II هي أكثر لعبة أكشن أنتظرها و أتحمس لها بهالشكل الكبير !!

الموسيقى .. الأنيميشن .. المؤثرات .. WOW بقوة :gasp:


و النظام راضي عليه كل الرضا .

 

[ASWD]

لعبت الديمو اليوم..

ممكن اهم نقطة بالنسبة لي..هي محافظة الجزء الثاني على اجواء اللعبة اللي ميزت الجزء الاول..لان فيه كثير سلاسل للأسف بعد اول جزء تشوفها تفقد نكهتها بسبب التغييرات وماشابه..نظام القتال ما اقدر احكم عليه من ديمو ابو10/15دقيقة وسلاح واحد فقط..فيه نقطة كنت متضايق منها صراحا بالجزء الاول لكن الحين انحلت وهي..التكبيت على زر R1 وقت رفع باب ألخ..زين انهم غيرو الزر وخلوه زر الدائرة لانه مريح اكثر بنظري..محاربة الزعيم الاول..انا عكس خالد عجبني مرة فكرت الـ"كت سين" لانك راح تعاني شوي في القتال قبل ماتجيك لحظة ضغط الازرار*ضرباته موجعة صراحا*واغلبها ماتنصد*خصوصا المواجهة الثانية* وممكن يكون القتال معاه بالمواجهات المتقدمة اكثر حرية من المواجهات الاولى

الرسم ماعليه كلام..اظن انه اكثر شي يقدر يقدمه الجهاز..الموسيقى روعة راكبة مرة مع الاجواء..المناطق احسها بتكون رووعة اكثر من الاول

يالله مابقى شي وتنزل اللعبة