هل تشوف ان الركيزتين ذول مختلفتين؟ لأنه كثير العاب تاخذ الجانبين ذول وتطبقهم مع بعض عادي، بالحقيقة مافي في بالي لعبة تمشي بشكل طبيعي 100% ، بتمشي ورا ذائقة جماهيرية معينة، سواء مينستريمي او niche ، بس ما بتفصل نفسها منها، ايضا كل لعبة الآن تحاول تحشر جانب سايكولوجي بالموضوع، من اجل جعل اللاعبين يستمتعوا اكثر، او جعل اللاعبين يدمنوا اللعبة وحتى ببعض الاحيان يدفعوا لها مشتريات داخل اللعبة وتزيد ارباحهم
كلامك صحيح
هو مافي شي يمنع ان الركيزتين يتقاطعون في امور مشتركة ، ولا يمنع يتم تسخيرهم مع بعض في لعبة
الفكرة في كلامي هو النظر للعناصر ك stand alone
خلني اشرح :
التصميم وفق اسس ومنهجية محسوبة نتائجها المحتملة هو لما انت ك مصمم تفكر في اللاعب وش بيحس بشكل طبيعي ، مثلا العاب المددسات ، شعور الباد اس و انك شارب شوتر وكاوبوي قد الدنيا هو شعور كويس بشكل طبيعي
انك تصير بطل خارق وتطير ، انك تصير محقق ، انك تصير ساحر ، انك تصير ساموراي
في التصميم انت تحط بعين الاعتبار اولا واخيرا كيف تبغى اللاعب يحس ، وتفصل التجربة على تلاعب بذي المشاعر
كيف تخلي اللاعب يبدا من اللاشئ وضعيف وتحسسه بالضعف والعجز بالمرحلة الاولى ، بعدها تعطيه قدرة او سلاح بالمرحلة الثانية ، بعدها تخليه لا يقهر باعطاءه اعداء ضعاف جدا بالمرحلة الثالثة ، وبالمرحلة الرابعة تصدمه بالواقع وتعطيه بوس يعطيه ويك اب كول ويقول له لا يا روح امك انت ولا شي
لاحظ كيف كل مرحلة مدروسة ، فيه توقع محتمل يحصل ، الانسان له برسبشن معين طبيعي ، يحب يشعر بالقوة يحب المفاجآت ، يحب الاخرين يقدرونه يحب يعمل الخير -او الشر كل واحد و سايكوباثيته عاد هع هع-
ذي الركيزة في التصميم هي اللي نقيمها في المراجعات والتحليلات والاراء
المحتوى المتكرر ننتقده ليش؟ لانه ما يرضي حبنا للمفاجآت
المحتوى التعجيزي نكرهه ليش؟ لانه ما يرضي حبنا للقوة
ولكن هل من الممكن تكون مواطن النقص ذي ، شي ممتاز وناجح؟
ذا يقودنا للنقطة الثانية : ركيزة ذائقة الجمهور
ممكن جدا شي منفر بشكل طبيعي يكون له جمهور ، حتى لو نقديا وحسابيا ما يجي
على سبيل المثال العاب تبادل الادوار ، هل هي شي سئ؟ حسابيا وطبيعيا اوم اللي سئ واسوء من السئ ، هو مجرد اختيار تكست على قولة
@Solay
وليومك ما ادري شلون خلص فف٧
مواجهات مكررة وغثيثة ، معادلات رياضيات معقدة ، عوالم اغلبها طرق محدودة ، شخصيات كليشيه ، دائما البطل المختار وكرستالات على قولة
@I B R A
لكن نموذج محبوب وناجح وجانرا عريقة ونحط فيها الاف الساعات!
هل يعني انها شي غلط؟ ابدا! مع انه منطقيا وحسابيا جالسين نتفق انه سئ ، لكن ذائقة الجمهور تبغى ذا الشي ومبسوطين فيه
ف لما المطور يصير قوود بوي ويسمع الكلام ويعطيهم اللي يبونه ويكونون راضين ، ذا يخرجه من اطار اللوم على قرارات تصميمية معينة
كح كح لوت بوكس كح كح كوزماتكس كح كح دمك٥
ههههههههههه
بالنهاية اللعب الحقيقي هو لعب المطور باللاعب
🙂
مالقيت وش تفسير
