في حاجتين قاهرتني في اللعبة ومستغرب فروم سوفتوير للآن مو راضين يتخلون عنها او يحلوها متعلقات بالPvP (غير الاونلاين التعبان حقهم الي ماتصلح من دارك3 الحق يقال
)
1-الي هي ال Level respec
في دارك سولز الاولى كان في فرصة وحدة لك فقط تعيد ترتيب لفلك. في 3 صاروا 5.. تقدم ممتاز من فروم سوفتوير
لكن في الدن رينج مع انها صارت 8 (او 10 مو متأكد).. مازلت اشوف انه شئ سئ من الأساس انك تحد من ال Level respec في اللعبة.. خصوصا في ايلدين تحديدا
في دارك 1-3 ماكان فيه كمية أسلحة وWeapon art وتنوع في الجيمبلاي قد ايلدين فغالبا ماكان مشكلة.. وفي دارك3 كان في قلتش منتشر يخليك تسوي respec لا نهائي انا شخصيا كنت استعمله علشان استمتع اكثر في البي في بي وكان نادر ماتلقى احد مايسويه.. لكن في الدن مازال هالشئ محدود لسبب غير معروف. خلي الايتم صعب تفريمها لكن محدودة ؟ طيب الخيارات كثر التراب ودك تجرب مليون سلاح وسبيل وسحر في البي في بي وممكن بيلدات ماتعجبك وممكن تاخذ سلاح بعدين وتضطر ترجع تسوي respec عشان تستعمله xD انا حاليا أعيش المعاناة من ختمت اللعبة لعبت بي في بي واجد وابي اغير لبيلدات كثير.. جربت غيرت لبيلد سترنقث وحبيته ثم لقيت سلاح عجبني وطلع Dex الي هو البيلد القديم حقي... فرجعت له.. ثم لقيت قريت سورد جديد سترنقث xDD والحين لازم اصرف ال Larva tears بس عشان اجربه. لحسن الحظ نسخت تخزينتي قبل اكمل استعمال الباقيات فمازال في مجال أجرب.. لكن فكرتي انه ليش الموضوع محدود كذا اساسا في لعبة فيها كمية كلاسات و اسلحة واسحار مو طبيعية (مجمعة كل السولزبورن الي قبلها). ما اشوف لهالشئ داعي صراحة وماهو عذر لو قالوا عشان مايسهل اللعبة لان اللعبة الريدي مليانة خيارات تسهلها مثل السمون
2-حد اللفل للبي في بي
الي مايعرف البي في بي طول عمره في دارك سولز كان مايدخلك مع ناس الا بشروط معينة.. ومو بس للغزو حتى لو تبي صديقك يساعدك لازم تستوفي هالشروط
الي هي ان اللاعب الثاني يكون أقل\أكثر منك ب10 لفلات. يعني لو انت لفل 20 وصاحبك 60 مايقدر يدخل معك ولا راح تشوف علامته اساسا في الارض. واذكر في احد الاجزاء (او كلها ما اتذكر زين) كان حتى لفل السلاح لازم يكون مقارب
هالشئ كان غاثني زمان والكوميونيتي مع الوقت يحدد لفل معين يوقف عليه الاغلبية علشان يلعبوا بي في بي (وبالغالب بتضطر تسوي تخزينة غير للبي في بي وتلعب من جديد عشان توقف على ذا اللفل)
ما ادري ليش ببساطة مايعملوا لفل\بيلد ثابت منفصل للبي في بي مجرد تدخل عالم الشخص الثاني يعمل له Link
ما اعتقد هالشئ بذاك الصعوبة خصوصا لو كان في ارينا محددة مثل الي في دارك سولز 3. لك 80\100 نقطة لفل وزعها زي ماتبي خلاص كل ماتدخل بي في بي هذي النقاط الي بتدخل فيها. بكذا بيحلون مشاكل ان الاونلاين ياخذ ساعات عشان يدخلك مع احد. الدين رينج مع مبيعاتها ونجاحها لي 3 ايام اذا بغزي بلا مبالغة ممكن انتظر نصف ساعة أو أكثر بس عشان يدخلني عالم احد حول لفلي (120 حاليا)
والأسوأ لو بتساعد ناس على بوس بس لفلك الريدي عالي عليه. طيب ايش المشكلة تنزل لفلي او تعمل له Sync وتخليني ادخل اساعد الناس؟
مدري ليش ماحلو الموضوع خصوصا انه يقتل الاونلاين على المدى البعيد بسبب تباعد لفلات اللاعبين. او على الأقل يعلنوا لفل رسمي له بدل ماناخذ شهور لحد ما الكوميونيتي يكتب في ريديت او اي مكان لفل محدد ماراح يعرفه الا شريحة قليلة من اللاعبين. أو برضو بكل بساطة يسمح لك لمن تسوي Respec انك ماتوزع كل نقاطك (يعني تقدر لو انت 150 توزع قد 90 بس والباقي يرجع لك كأرواح\Runes) Level down يعني
أتمنى يحسنوا في نظام الاونلاين. هو مو شئ اساسي في اللعبة واعتبره Bonus لان اللعبة متكاملة لو تلعبها سولو
بس انها اضافة رائعة وافضل مواقفي في اللعب في دارك3 كانت بالاونلاين والمبارزات فيها. أتمنى يطورون هالشئ لان الاسلحة والخيارات في الدن رينج مغرية جدا جدا! لأول مرة في تاريخ سولز أفكر ألعب بيلد سحر\بيرومانسر بشكل جدي واشوفها شي ممتع
ومع الmimic من ثاني محاولة فزت.
جلست اقاتله بالماجيك انا والمميك وطولت معاه في القتال وبعد عشر محاولات كنت على وشك اهزمه لكن خلصت كل الفلاسكات الزرقاء
