أنا صراحة كنت أفضل لو كان الموضوع الخاص بديمو فاينال ما تقفل لأنه ذا موضوع خاص فقط بدراجون كويست .. يعني محد بيدخل و يشيك عليه لو ما كان مهتم بدراجون كويست و الردود بتكون متباعده كل مجموعه بصفحة .. على العموم مهي مشكلة ..
----------------------------------------
عرض البداية :
العرض ممتاز و كل اللقطات من الـ CG الموجودة باللعبة و فيه حماس شي خيالي و صافي جدا .. أتوقع هو نفس العرض حق E3 ..
موسيقى الديمو :
الموسيقى صراحة ما كانت ذيك الموسيقى الي تشد الواحد للإستماع لها .. لكن ليست سيئة .. الشي الوحيد الي شدني هو تحول المقطوعه بعد ما تستخدم أحد الإستدعائات كانت حلوة
الجرافيكس:
أنا كنت متوقع إن الرسوم بتكون أسوء من كذا و إنها بتطلع out dated .. لكن بالفعل السكانات و الصور المنتشرة بالمواقع ما توفي الرسوم حقها شغل متعوب عليه و مافيه أي أنخفاض بالفريم ريت أو أي مشكلة
و التأثيرات .. صراحة مهما أتكلم عنها ما راح أوفيها حقها شي خيالي جدا .. أي واحد يجرب الديمو يعبي الـ MP حقه و يستدعي واحد من الإستدعائات .. مقطع الإستدعاء يكفي صراحه :razz:
نظام القتال:
أي واحد لعب FFXI و أعجبه النظام القتالي راح ينبسط بالنظام الموجود بـ FFXII
نفس النظام مع تعديلات حتى يناسب Off-line game ..
-الوحوش المنتشرين باللعبة قسمين رئيسيين :
1- أعداء لهم طبيعة عدوانية ( يهاجم اللاعب إذا دخل في نطاق هجومه )
2- أعداء لهم طبيعة مسالمة.
بالنسبة للأعداء الي يهاجمون اللاعب كل نوع من الوحوش له طريقة معينة ينتبه فيها لوجود اللاعب
يعني بعضهم بالسمع و مجموعه بالنظر و مجموعه عن طريق إستخدام السحر قريب منهم
و كل مجموعه من الوحوش بأي منطقة تحكمهم أشياء معينة يعني نوع من الوحوش يكره نوع ثاني .. فتلاقيهم و أنت ماشي فجأة تلاقوا و يدخلون بمعركة ..
أنت ممكن تستغل الفرصه و تقتل واحد منهم ..
و كل وحش لو لقي واحد من نفس نوعه بورطة راح يحاول يساعده
- السحر :
مقسم زي ما أغلبنا عارفين لمجموعات:
white magic و فيه الأسحار العلاجية و بعض الأسحار الهجوميه الي تعتد على الضوء كعنصر لها ( سحر Holy موجود )
black magic و فيه الأسحار الهجومية ( سحر flare موجود )
time magic و فيه الأسحار المتعلقة بالوقت مثل slow - immobilize - etc..
green magic و فيه أسحار تعبر مساعده لشخصياتك مثل protect - shell
الشي الحلو بالجزء ذا أن كل سحر هجومي له نطاق معين يعني ما تقدر بس تلعب كذا من دون ما تفكر .. ممكن تستخدم السحر و تضرب أكثر من عدو واحد و تدخل نفسك بمشكلة
الإستدعائات و الهجوم بالأسلحه :
بالنسبة للإستدعائات طريقة الإستدعائ مشابهه لـ FFX و قريب من FFXI
ما راح تقدر تنفذ الإستدعاء إلا بعد ما يكون الـMP حق الشخصية كامل و راح يتم إستهلاكه بالكامل..
بعد ما تنفذ الإستدعاء راح يجيك مقطع بسيط .. و بعدها تختفي الشخصيات كلها ما عدا الي نفذ الإستدعاء ..
الأستدعاء راح يساعدك بالقتال .. راح يهاجم معاك له عدد معين من الهجمات راح ينفذه .. إذا إنتهى راح يبدا بتفيذ هجوم خاص .. و راح يطلع مقطع للهجوم من أفضل الأشياء الي شفتها في الديمو ( فيه إستدعائين بالديمو )
من الي لاحظته أنه الأستدعائات الي موجودة بالديمو Rank 1 يعني فيه مراتب أعلى للإستدعائات لكن ما أعرف هل فقط راح يضاف أشياء جديدة لنفس الأستدعاء أو يطلع إستدعاء جديد ..
إسم الإستدعائات بالجزء ذا هو Espers
بالنسبة للهجوم بالأسلحه راح تلاحظون عودة الـ hits من الأجزاء السابقة ..
كل هجوم له إحتماليه أنه يضرب أكثر من مره .. وحده من الشخصيات عندي ضربت 6 مرات بنفس الدور
ما كان فيه أي limit breaks أو أي هجوم خاص للشخصيات بالديمو ..
- Gambit :
مافي شي محدد عنه الحين ( لوحة التحكم فيه غير موجوده بالديمو) .. كل الي أعرفه إنه يخلي شخصياتك تهاجم تلقائيا ما تحتاج تعطي كل شخصية أوامر إلا لو كنت تبغاه ينفذ شي معين ..
النظام من وجه نظري ممتاز جدا و يعتبر نقله نوعية بالسلسة و يضع أسس جديدة لكل أنظمة القتال في العاب الـ RPG.. لازم تخطط لكل معركة قبل لا تبدا فيها
الأصوات :
الأصوات بالعروض كانت يابانية و فيه مقاطع فيها معلق باللغة الإنجليزية يقرا الي مكتوب على الشاشة
الأصوات راكبه على الشخصيات .. زي عادة اليابانيين .. الله يستر من النسخة الأمريكية بس لأنهم دايما يختارون مؤدين أصوات الله يخلف عليهم
التحكم و الكاميرا :
الكاميرا حره و تقدر تتحكم فيها زي ما تبغى تحطها بأي إتجاه و بأي وقت و ما فيها أي مشاكل خصوصا للي متعودين على كاميرا FFXI ..
التحكم ممتاز سلس و مافيه أي مشاكل الشخصية الي تتحكم فيها راح تكون الـ Leader و باقي الشخصيات تتبعه
عرض نهاية الديمو :
أتركه لكم حتى تشوفوه .. ممتاز جدا :razz:
الي باقي بس أننا نعرف كيف طريقة ترقيه الشخصيات و الحصول على الأسحار و المهارات .. و القصة
لو حطوا نظام ممتاز و قصه قوية اللعبه هذي راح تكون وحدة من أفضل أجزاء السلسة إن لم تكن الأفضل
