*لما تستوعب إن وقت ما تنزل هالرد بكون الخميس*
*صورة ميني كي و هي منزعجة*
في ملاحظة مهمة أنا قاعد أطلع في رمزيتي عشان أقدر أحافظ على الإيجابية، أو كذا اعتقدت. لما تطلع في الشمس ما تبان النجوم و لو تطلع في شيء هو سعادتك متجسدة مارح تشوف غير التعاسة في كل مكان ثاني. للحق هذي مشكلة في ديزآيري و هي إنك ماتقدر توقف مقارنات مع أشياء أخرى سوت نفس إلا سوته ديز آيري أحسن. المشكلة ما تكون في إنها سوت نفس الشيء هذا الشيء بشكل أحسن، بل إن عشان هذي الحاجات تكون سوت الشيء أحسن من ديز آيري نوعا ما تحتاج إنها تكون استثنائية و هالشيء يحولها للشمس إلا تخفي النجوم. وقت ما تكون نقاط قوة الشيء تختفي تبقى على كل شيء سيء و خاطئ. عشان تتجاوز هالحالة تحتاج يا إمك تنظر للمنتج ككل بدون ما تحسب حساب الأجزاء إلا تكونه و هالشيء بكون -مع احترامي لأي واحد يسويه- بكون غبي لأن عمرك ما بتوصل لفهم أعمق للمنتج إلا تتحدث عنه لو ماعندك نية إنك تشرحه. هالشيء يبقي خيار و هو إنك تتكلم عن كل شيء مش فقط الأشياء الاستثنائية أو المختلفة، إلا ممكن يخليك تستجن. عندك خيارين أحلاهم مر و بالطبع في هذي الحالة في خيار واحد ممكن تاخذه لو كنت أنا:
تقلب الطاولة، و ما تاخذ أي واحد من الخيارات.
بياتريس تشان و هي تمارس الشيء إلا تحبه.
إنت تعرف إن المشكلة موجودة بالتأكيد، فالشيء إلا تسويه بخصوصها؟ تعاملها على إنها مش موجودة و تتصرف زي ما تتصرف في أي حالة ثانية. ماسادا بقولك إنك تحاول تطلع كل شيء صغير و كبير زي ما هو حاول في ديز آيري. إذا حاولت تخش في كل شيء في المنتج مارح توصل المرحلة إلا توصل فيها من الاستثنائية في أي شيء. بالمختصر هنا، ديز آيري تحاول تسوي كل شيء بدون ما تسوي كفاية في أي شيء.
هالشيء يتضخم أكثر لما تستوعب إن الرواية ما كانت تحاول تسوي أي شيء في المسارين إلا قبل هذا، تعطيك معلومات بسيطة و على إنها كانت ريواردنج في كم مشهد، أغلب المعلومات إلا تنعطى إياها في مسار كازومي تعطيك الرواية إياها في مسار ماري مرة ثانية - و بشكل احسن- و فوق كذا ما أقدر أدافع كثير عن مسار كي بشيء غير إنه أحسن بكثير من الأرك الحركي في مويجي (مسار كازومي). مسار كي يعطي و يعالج كم نقطة ما تعالجت في مسار ماري، بس مادري لو هالنقاط نفسها بيتعامل معاها مسار ريا أيضا فمحتاج أنتظر أكثر. بس بناء على هالشيء مافي نقطة سبب أو هدف من قراءة مسار كازومي غير إنه بسوي أمبليفاي للسلبية حقك من الرواية، و باقولها الحين لاحد يقرأ مسار كازومي.
هو حبيت أتعامل مع أول مسارين و المسار العام قبل ما أنتقل لمسار ماري عشان أصفي ذهني كثر الإمكان. الشيء هو إن مسار ماري فيه نقلة كبيرة و واضحة جدا في مستوى الكتابة بشكل سخيف، لدرجة إنك تقدر تشك - و بكون معاك حق- إن الكاتب نفسه تغير. هالشيء له علاقة بكثر وين الرواية عندها و لأي درجة هي ماتريد تكب كل شيء في أول مسارين فيكون عندها تحفظ زائد فيهم. هالشيء ماله علاقة بإن الرواية تحاول تسوي كل شيء بالمناسبة، الشيء فقط إن الرواية ما كان لقصتها حاجة لعدد المسارات الموجود. لا المعلومات موزعة بشكل مفيد للبيسنج على المسارات و لا الرواية تحاول تخلق ارتباط مهم فعلا. هالشيء يبان إن الأحداث المهمة في مسار كي مثلا تبدي في آخر فصلين و الباقي كان تضييع وقت في غالبه.
من هنا بتكلم عن مسار ماري و يمكن أتطرق للمسار العام. ديز آيري بشكل عام عندها بيسنج كارثي نابع من جهل كلي من طرف ماسادا بأساليب السرد. ماسادا كاتب Crude بشكل ما حصل و لا استوى، إرمي كلمات ورا بعض و hope for the best، الشيء إلا يقهر هنا إن الشيء هذا يشتغل مع ماسادا. لكن هالشيء فيه ردة فعل إن هالشيء يشتغل على حسب جودة شخصياته و بشكل سخيف أيضا كل الشخصيات حصلت أبجريد كجودة في مسار ماري و هالشيء إشتغل زي الفل. بس قبل لا أحيد كليا، لسا ماسادا يحاول يسوي كل شيء ممكن في هذا المسار خصوصا. خليني أقول إن محاولة ماسادا هذي هي نقطة ضعف و تشارم ديز آيري في نفس الوقت. لازم تتقبل كثر وين ماسادا يحاول يحط أحداث و كثر وين رح يقاطعها بحاجات ثانية لأنه يبغى يحط حاجة ثانية. هالقصة فعلا مكتوبة من واحد وده يكتب و يبغى يكتب كل شيء في راسه.
النتيجة هنا إن الرواية ماعندها بيسنج و لا أي شيء مشابه، تمشي بأعلى تنشن في الوجود و تكسره لأن ماسادا حاب يطلع شخصية بللت ملابسها الداخلية. هالشيء ماحصل بس كان عندي رغبة أسخر على حدث معين مرة ثانية، لأن ماسادا مش مستعد يترك شخصية حطها في الرواية بدون دور و مرارا و تكرارا بيرجع للشخصيات هذي عشان يعطيها أدوار. هالشيء زي ماله نتائج إيجابية فهو يقدر يطلع نتائج سلبية أيضا. بس هالمسار نتائجه الإيجابية كانت أكبر من نتائجه السلبية في تحميل الشخصيات أكثر من إلا تتحمله، فياه رح أسكت عنك هالمرة ماسادا.
كان بكون كويس لو ماسادا عمل بهذا الشيء.
في هالمسار ماسادا استطاع يتغلب على مشكلة كانت موجودة عنده في صياغة القتالات. المواجهات بمعنى أصح كانت تبدو خاوية أكثر من اللازم لأن مافي دافع فعلي للمعركة من قبل الأطراف المتحاربة و ما في شيء فعلا على المحك. بالطبع شيء على المحك ما تعني شيء جسدي لما تقاتل إنت تحط مبادئك و وجودك كله على المحك، الفائز يحصل كل شيء و الخاسر يخسر كل شيء. الخاسر ماله أي شيء إلا ذل الخسارة.
خليني أقول لك، الفوز هو اللذة إلا تحصلها بس ما تسلب الشخص إلا واجهك من كل شيء يعزه و كل شيء له قيمة عنده. النصر هو إنك تحطمه بشكل كلي مايقدر يرجع منه. إنك تقتل شخص شيء ماله قيمة، تقدر تقتل شخص و لسا يكون هو الفائز، ما بتكون استفدت شيء لأن فكره بيرجع لك مرة ورا مرة و في النهاية رح يغلبك و يسحقك و يحطم عزتك و جبروتك.
هالشيء حول القتالات إلا يكتبها ماسادا من قتالات تحتاج أنميشن عشان تكون مثيرة للإهتمام إلى شيء يقدر يوقفك من قعودك. إنت جالس عشان تشوف من رح يفوز و كيف رح ينتصر، من إلا في النهاية رح يوصل هدفه و يفرض نظرته و عالمه. المعارك مش مكان للجبان عشان يهرب و يترك ذله خلفه، مكان للماكر كي يمكر، و القوي ليفرض جبروته. رين أكبر جبان في ديز آيري و آخر واحد يحق له يقول أي شيء لأي أحد اي شيء عن أهدافهم و مواقفهم، مادري لأي درجة ممكن أكره رين ما أكرهه أكثر من كازومي بس هذا سبب كفاية عشان أكرهه. مع ذلك هالمسار قدر يمسك نفسه كفاية من نقطة التفرع من المسار العام و في الغالب المسار قدر يبطل خرابيطه عن حياته اليومية و سخافاته... أولثو هو لسا شخصية سيئة، و من هنا ننتقل للكلام عن الشخصيات.
وحدة من الحاجات إلا تقوم عليها تشوني و تسقط هي جودة الشخصيات و هالشيء يبان في ديز آيري كثير لأن واحد من العوامل المحددة لجودة كل مسار كانت الإنتقائية في الكاست و مستوى الكاست نفسه. وحدة من الأشياء إلا لازم تسويها لما تبدأ تكبت كاست هي إنك تحدد السيدو علم نفس إلا ناوي تستخدمه في بناء شخصيات و تكوين ردات فعلها، المفتاح هنا مش إن الأساس يكون صحيح كثر ما إن الأساس يكون ثابت و تقدر توصله للمتلقي. وحدة من المشاكل إلا كانت تبين راسها القبيح كثر واجد نقاط من ديز آيري هي غياب هالشيء. واقعا، نقطة القوة إلا خلت مسار ماري يشتغل هي تحديدا هالنقطة. و لو كنت بكسر الاستمرارية حق النص هنا، هالنقطة تقدر تلاحظها في اي منتج و تكون مرتبطة بالكتابة المحكمة. طول ما الشخصيات تشتغل على نفس الأساس المتين هذا، فهي توصل النقطة إلا المتلقي يقدر يفهمها و يقدر يستوعب ليش هي تتصرف بهذا الشكل. اللعبة توصل في بعض القصص إنك تحتاج تفهم الأساسات حق التصرف للكاست عشان تفهم القصة، أشوف إن قصص أقل وضوح من هالناحية زي ريممبر تقدر فعلا توصل لك أهمية هالشيء، بس واقعا أيضا ديز آيري.
شرايبر و الأب تريفا من أكثر الشخصيات المؤثرة في ديز آيري و حتما من أفضلها مطلقا. هالشخصيات عشان تشتغل تحتاج وجود نظام نفسي شغال و ثابت كفاية، تريفا لأنه شخصية معقدة جدا و شرايبر لأنه يمثل أقصى درجات الجنون إلا ممكن أي شخصية في الرواية توصلها. يس تقدر تجادل إنه أي واحد بالمنطق الطبيعي يقدر يستوعب إنه شخص زي شرايبر مجنون، بس الشيء ما يشتغل كذا. مادري إذا في أحد مستوعب بس إنك تحمل أساس علمي صحيح كفاية عشان تسوي شخصية معقدة تشتغل بأساس علمي صحيح مش حاجة ممكنة، في عدة توجهات عشان تحقق شيء مشابه لكنها لسا تحتاج كم وقتي غير معقول و لسا إنت بتحتاج بنفس القدر إن كل الشخصيات حقك تشتغل على نفس الأساس. الصعوبة هنا لو حاولت تقلد الواقع إنك بتحصل منظومة ردات فعل معقدة جدا تتطلب إنك تتعامل -مع المتلقي- مع كل ردة فعل لكل فعل على حدى. غير إن قصتك بتصير مملة في الحالة هذي، ما أتوقع المقدرة موجودة عند شخص إنه يكتب شيء بدرجة العمق هذا.
كنتيجة إنت تحتاج إنك تبين منظومة العمل حق الكاست من خلال تفاعلات الكاست مع بعضه، و هذي المنظومة تحتاج تكون ثابته. بالمناسبة ثبات المنظومة هذا مش شيء أساسي الكل يسويه لأنه لسا صعب و أي واحد يسويه يستحق المديح. على هذا ماسادا في مسار ماري جدا توفق في هذا.
هالشيء بالإضافة للمواجهات الفكرية سمحت بشيء ضخم و ممتاز جدا من الكاست. بالطبع هالشيء حصل لأن المنظومة هذي كانت معقدة كفاية عشان تسمح بعمق و ردات فعل مميزة كفاية من الشخصيات، الشيء فعليا يستحق المديح خصوصا لما يكون يجي من كاتب يكتب على سجيته زي ماسادا.
هيمورو سيمباي تنفخ صدرها باعتزاز.
هو على كل حال أجد صعوبة إني اتكلم عن الكاست نفسه لأن عندي واجد أقوله، بس نقطة الانتقائية كانت مش مهمة كثير هنا، لأن ماسادا يحاول يعطي دور لكل شخص من الكاست فما تحس فعلا إن في أحد إنترك أو ما كان له نصيب فعلا. لكن الإنتقائية لسا كانت موجودة في عدد الشخصيات إلا يتعامل معه الكاتب خلال الصراعات و كثر وين يحتاج يتعامل مع شخصية وقتا بأقل تدخل ممكن من الشخصيات الثانية في الكاست. تريفا أو ماكينا مثلا يحتاجوا كم وقت مهول عكس شخصية بسيطة زي رين أو شيرو. الإنتقائية في تحديد التعامل هنا لسا كانت موجودة و لحسن الحظ كانت On point بشكل مش متوقع.
طبعا هنا جدا متأسف على إن الرواية ما أخذت نقاشات فلسفية أعمق من الشيء الإبتدائي إلا كانت تقدمه بس للحق الكاست ما كان يتحمل أبعد من كذا، و واقعا كويس إن ماسادا ما قرر يحول الشيء إلا نقاشات وجودية في وقت ما تتحمله.
ماسادا ككاتب نضج كثير بين مسار كي و مسار ماري، بشكل كوميكي. ماعرف كيف نضج بهذا القدر أو إذا كانت المشكلة سابقا مشكلة وقت أو أولويات بس الكم حاجة إلا شفتها تخليني أنتظر شيء من اعماله المستقبلية إنها تكون أفضل و إنه يقدم حاجة أقرب إلى ذوقي من الشيء الCrude المطروح.
على طاري الحاجات إلا تحتاج تنقيح، الترجمة كان فيها كم كبير من الإنتقائية و الشيء في كثير أحيان نتيجة إنك ما تقدر تجلس على سطر 3 أيام عشان تحاكي النص الياباني. الترجمة على قد ماهي ممتازة للأسف مش الشيء إلا كنت أتمناه جودتاً، الشيء هذا جزئيا لأنها كانت تحاول إنها لسا تبقى مفهومة للعوام من ناحية انتقاء الكلمات و إلخ. كويستل و ريتو في جاكثان مروا في مشكلة انتقاء الكلمات و الأساليب و قدروا يطلعوا عمل يقدر يكون نصيا منفر لأن مستوى النص أعلى بواجد من القارئ العام، لهذا ما أقدر أعترض على الخيار هذا فعلا. كثر ما إني أتمنى لو جاري انعطى وقت أكبر في الترجمة، الصياغات الغير اعتيادية الكثيرة الموجودة في ديز آيري كان ممكن تطلع بشكل أصلب و أفضل. على كل لازالت أحلامي بترجمة أفضل من هاناشيراسو تعيش عند ماكوتو و CC في موراماسا.
بالطبع هذا ما يقول إن ترجمة ديز آيري سيئة، ديز آيري لغويا أفضل من أغلب الفيجوالز و تحط كثيرين في جيبها كجودة ترجمة+ المشاهد المهمة كلها حصلت أقصى حق ممكن بشكل يمنعني من أي اعتراض. مايحتاج نتكلم عن جودة اللوكيلايزيشن في الألعاب.
الإخراج في الرواية متواضع. توزيع الموسيقى مش بمستوى الموسيقى و طريقة التقديم الصورية و الصوتية خسرت واجد مشاهد الإمباكت الممكن منها. على عكس الإخراج التمثيل الصوتي يحصل اعتراف مني بجودته، و يحصل علامة جودة. كل الأولاد عملوا شغل كويس و يستاهلوا حضن من ربة الميتم الجميلة
بشكل عام ما عندي كثير عشان أحنق ضده في مسار ماري، و على كل تقاييم المسارات لحد الحين لو أحد مهتم:
المسار العام : 5.5
كازومي: 5.0
كي:6.0
ماري: 8.0
عندي شعور إن كان عندي رغبة أقول المزيد، لكن نسيت الشيء لسبب ما فقررت إنه مات. لو تذكرت و هذا مارح يحصل رح أرجع للنقاط. لكن أنا سعيد جدا باللي حصلته من مسار ماري، كان شيء مرضي بعد عناد مضني مع التوسط و السوء في الحاجات إلا قبله.
