مع اني قيمر نيرد من جيل الطيبين الثمانينات ودائما ماحب احكم على اللعبة الا اذا لعبتها لكن اكيد
لكل شخص له قرارات سيئة بعض الاحيان ومن القرارات السيئة لما حكمت حكم سيئ على كم
لعبة قبل ما العبهم لأسباب مجهولة هههههه ومنهم Last of Us 1, Mass Effect, Deus Ex H.R, Bioshock
وأخيرا تحفة كوجيما Death Stranding .. الالعاب المذكورة كلها عبارة عن Top عندي الحين
ولكن ابدا ما كنت متخيل اني اعجب ب Death Stranding لانها ببساطة لعبة طلبات والامور ماكنت مشجعة..
بس كنت دايما حاب ادخل باللور حق اللعبة واغوص بشخصياتهم وقررت بالنهاية اني العب الجزء الثاني مباشرة
لأن الكل مدح اللعبة على انها افضل من الاول والحلو انها راح تصدر على ال PC بالعيد الفطر ان شاءالله لكن..
عارف ان اللعبة فيها Recap للجزء الاول بس مافي شي احلى من انك تشوف القصة بالكامل وتغوص بالسينارو
قبل لا ادخل برحلة الجزء الثاني والمفاجأة هي اني متحسف ليش مالعبت اللعبة من قبل!!
بصراحة ادمنت على اللعبة وعارف ان وايد منكم موعاجبه فكرة الطلبات والملل وهاذي مشكلة كوجيما ان الفصول الاولية
الى تقريبا الفصل الرابع او حتى الخامس فيها تطور بطيئ جدا ولكن حتى مع هالبطئ تحصل شي او اداة جديدة
يعطيك تنوع اكثر بنظام اللعب وطريقة تتخطى فيها الجبال والثلوج والعصابات والخ من الامور اللي راح توقف جدامك..
القصة ياخي جدا جميلة وعميقة واحلى شي من كوجيما انه تعاون مع المخرج ديل تورو والمخرج نيكولاس ريفين
فتخيل هالثلاثة مع بعض يعني انت امام تحفة فنية سودادية لا تنسى.. الجرافيكس ياخي مجنون والتفاصيل عجيبة
واحلى شي ان كوجيما لعبها صح فكان ممكن يخليك تستخدم الادوات spam ويسهل عليك الامور ولكن كوجيما مستحيل
يكون غبي لهالدرجة لأن عرف شلون يلعب على الاعصاب ويخليك تتعب وتجتهد لان بعض الاماكن البعيدة اللي راح توصل لها
بتكون من منعدمة الشبكة no signal فيعني ماراح تقدر تستخدم الادوات اللي راح تساعدك مثل الجينيراتور لشحن المركبات وامور ثانية..
يخليك تفكر وتخطط شلون تواجه العقبات وشلون ممكن توصل بأكثر طريقة آمنة فأنت امام رحلة العمر لانها رحلة لبناء عالم
جديد فأعتبر نفسك او تخيل كيف كانت حياة البدائيين وشلون صارت هالامور الموجودة من المباني والادوات والامور الكيميائية
والفيزيائية المهمة في حياتنا فأنت هو الشخص اللي راح تربط كل شي والمصير كله تحت يدك نفس مصير الكابتن شيبرد
من سلسلة Mass Effect.. لكن الجهد اللي راح تبذله هالمرة مختلف واكثر صعوبة فكوجيما عطانا ستايل لعب واقعي وجديد
من طريقة التوازن والتغلب على الجاذبية وكيف راح تفكر توصل هالطلبيات اللي راح تبني فيها هالعالم لحياة وبداية جديدة..
في طلبات اخذت مني اكثر من ساعتين الى 3 ساعات للطلب الواحد حتى بعضها عطاني شعور الانجاز خصوصا اللي واجهت
فيها مصاعب علمني شلون اكون حذر اكثر للمرة الجاية, حلو فيها ان عوامل الحياة ممكن تكون ضدك او معاك.
تحفة كوجيما ليست لعبة بل تجربة عظيمة, بالله عليكم مهمة BB الأخيرة يا ناس والثيم..آخ بس
اوكي..
كل لعبة لها سلبياتها وفي بعض القرارات الغريبة من كوجيما, مثلا ليش التمطيط بهالشكل؟ اللعبة 50 ساعات
وبالراحة كانت ممكن تكون 30 ساعة ولكن عادي اساسا اللعبة ادمانية ولكن كنت اتمنى لو العصابات يكون مختلفين ومتنوعين
كنت اتمنى لو في عوامل طبيعية اكثر مثل الرياح والغبار وفيضانات مثلا او زعماء افضل لان اكثرها متشابهة
لكن..
من اللي سمعته ان هالامور انحلت بالجزء الثاني وصديقي توه يلعب الثاني من كم يوم ويقول عنها عظيمة وافضل بمراحل من الاول!!
متحمس وايد العب الثاني وامزمز فيها على راحة لان بالجزء الاول حاولت اخلصها باسرع طريقة مع اني تقريبا خلصت كل المهمات
سواء الريئسية و الجانبية هههه اخذت مني تقريبا اسبوعين..
اكثر مشهد بكاني وأثر فيني هم 3 مشاهد
مشهد ماما لما فقدت طفلها ومشهدها مع أختها بجسم واحد
وطبعا مهمة BB الاخيرة اووووف ما اروعك كوجيما
محد بيعرف قدر اللعبة بشكل كامل الا الأب
