التشبيه بهذيك اللعبة بغير محله لأن التعلق بالشخصيات الشي الي يصير مع أي لعبة RPG ناجحة ومحبوبة، وأحسن علامة لما تشوف الناس تحط الشخصيات رمزيات ما بس تتكلم عنهم، برسونا 5 صار لها هذا وحتى لعبة جدلية مثل FF15 صار لها نفس الشي، ناهيك عن ألعاب محبوبة مثل Disco Elysium أو Balder's Gate 3 لو نوسع دائرة ال RPG.
ما بتكلم عن القصة خليك وحدك تستكشف هي والعالم بس نقطة المراحل والاستكشاف أوافقك عليها وكانت عندي نفس الملاحظة بداية اللعبة، مع الوقت يتحسن الوضع ولو إني تمنيت لو انضافت mini map بس ما مشكلة عويصة.
خلينا نرجع بالزمن قليلا إلى سنة 1991 نزلت لعبة صغيرة اسمها Final Fantasy 4 وكانت أول لعبة حسب علمي تضيف عداد ATB يتعبى عشان يجي دور الشخصية وتلعب، ما صارت لعبة تعاقب أدوار صافية سواء النوع الي كل شخصية حسب سرعتها أو نظام دور الأبطال ثم دور الأشرار، وهذا الكلام قبل 34 سنة واستمرت عليه السلسلة لفترة من الزمن.
سنة 1995 لما نزلت Chrono Trigger غير أنها تستعمل ATB الأعداء أصلا يتحركوا بالكومبات فمرات واجد تنتظرهم يعدلوا مركزهم عشان تستعمل حركة تكفخ ثلاثة بدل أثنين أو شي كذا، وبشكل مضحك Yakuza 7 استعملت نفس الفكرة بعد سنين بتطبيق أسوأ ولو شالوه أفضل.
أظن مرت علي ألعاب من ال PS1 أظن تصير تسوي كومبوات كأنها لعبة فايت أو شي كذا عشان تسوي أفضل دامج، أظن Xenogears كذا؟ الموضوع عندك
@MorridooM
سنة 2003 نزلت Mario & Luigi: Superstar Saga وتقدر فيها تنط عشان تتفادى وترد ضربات الخصم، واللعبة تقدر تسيمها لعبة أكشن بالأدوار لأن بعض حركات الأخوين تحتاج تسوي كومبو بتوقيت معين عشان تضرب ضرب صاحي.
الي أقصده من استحضار هذيلا الألعاب أن من زمان الترند بيسد يتطور خاصة الجربج، هذيلا الجنرا فيها كمية تجريب مش بسيط من ناحية أنظم الكومبات، وكليغ مش أول لعبة أكشن بأدوار جربج لو تريد نستعمل هذا التعبير، وكونها بأدوار ما يخليني أقول لو يقلبوها أكشن أحسن لأن فيه الفكرة ذيك تريد تتفاعل أكثر بالدورين سواء الخصم أو دورك.
الموضوع يذكرني بالفرق بين لعبة يوغي اوه وبين Magic the gathering، وحدة فيها تقدر تلعب بدور الخصم ووحدة تنتظره يخلص وكلهم لهم شعبية، وكلهم ألعاب أدوار بجوهرهم.
ولو نرجع قليلا برسونا 5 لعبة تعاقب أدوار صرفة وضربت، دراجون كويست 11 أظنها نفس الشي ولا وحدة حسب علمي فيها ATB أو شي مشابه، يعني الجنرا متطورة وكل شي، بس اللعبة الجيدة بتفرض نفسها وبتبيع.
لو سموها cry on بتركب هع
