الموضوع الرسمي BioShock

[Mesharey]

سؤال سريع اللعبة كم ساعة؟
ماخذها من فترة بس مشغول مع فاينال فانتسي 12 و مو متحمس عشان العبها -__-

 

[Colorization]

^ آنا خلصتها ب12 ساعة، ما تاخذ منك أكثر من 15 أبدا.

 

[hamad 11]

^ آنا خلصتها ب12 ساعة، ما تاخذ منك أكثر من 15 أبدا.

من وين جبتها هذي اللعبة ما تاخذ أكثر من 15 أبداً ؟


اللعبة ممكن تلعبها من 10 - 30 ساعة.. إيه نعم ممكن تاخذ منك 30 ساعة اللعبة إذا كنت ناوي تحللها وتشوف كل شي باللعبة, وأنا خلصتها في 28 ساعة وبعد فيه أشياء كثير ما سويتها

 

[The Shark]

كولو .. بالنسبة للي كنت بقوله لك الفجر هو ..
إلي لعب اللعبة على الايزي ما يعتبر نفسه لعب بيوشوك ...
أنا ختمت اللعبة على المستويات الثلاثة ...
اللعبة في الايزي مسخرة ... أغلب الـsplicers الي باللعبة يموتوا من طلقة بالكثير طلقتين من الشت جن ...
و لا البيج دادي ست خمس طلقات بالشت جن !!!!
و لا الفلوس ما أقعد ربع ساعة إلا و العداد مليان ثاني ...
الفرق بين النورمل و الايزي في اللعبة زي الفرق بين الايزي و الهارد في الألعاب الثانية ...
اللعبة يبغالها 25 ساعة أول مرة عشان تنهيها بالنورمل مع الاستكشاف ...
أما بالايزي :yuck: حدث و لا حرج ... أقسم بالله العظيم إن ولا مرة طاقتي نزلت عن 8 ...
الأعداء يضربوا في و كأنهم ما يضربوا ...
في النورمل ضربتين بيج دادي رحت في خبر كان ...
ناهيك عن صعوبة الأعداء و الساعات الي اقعدها بأسلحة فاضية و من غير فلوس ...
صراحة الايزي قاتل متعة اللعبة قتل ...

 

[Colorization]

آنا خلصتها ب12 ساعة، لكنها ما تاخذ فوق 15 ساعة. إذا إنتوا تتمشون باللعبة فمو كل الناس مثلكم. آنا لعبي سريع، أسوي كل شي بالوقت المطلوب وبنفس الوقت أحاول إني ما أطوّف شي. إنتوا تعيدون عالمكان ألف مرة، كيفكم، لكنها مو طريقة صحيحة لحساب الوقت. 🙂

آنا خلصتها، مافي داعي أحد يقنعني إنه اللعبة طويلة (لول 30 ساعة، إفلقني). إيزي نورمال هارد، خلصتها.

 

[hamad 11]

آنا خلصتها ب12 ساعة، لكنها ما تاخذ فوق 15 ساعة. إذا إنتوا تتمشون باللعبة فمو كل الناس مثلكم. آنا لعبي سريع، أسوي كل شي بالوقت المطلوب وبنفس الوقت أحاول إني ما أطوّف شي. إنتوا تعيدون عالمكان ألف مرة، كيفكم، لكنها مو طريقة صحيحة لحساب الوقت. 🙂

آنا خلصتها، مافي داعي أحد يقنعني إنه اللعبة طويلة (لول 30 ساعة، إفلقني). إيزي نورمال هارد، خلصتها.

ليش مستغرب ! 30 ساعة ممكن تاخذها بالراحة لو تبي

اسمع كل الـDiaries + أدخل كل الأماكن في اللعبة + أقتل كل الـBig Daddies.. هذي ثلاث أشياء سويها اوكي وقابلني إذا ما وصلت 30 ساعة.. اقول لك انا وصلت 28 ساعة وبعدني ما سويت كل شي باللعبة.

وBioshock خصوصاً محد يلعبها مثل الثاني فلا تستغرب أبداً إذا واحد وصل فوق الـ 40 ساعة إن شاء الله



يالله شباب انا بروح عشان افطر خلاص مو قادر اتحمل

 

[The Shark]

كولو صدقني انك ما استكشفت معظم اللعبة و الدليل إنك ما طلعت هالأتشيفمنتس :

محتوى مخفي

Dealt with every Little Sister
Five Fully Upgraded Weapons

كل الي لعبوا اللعبة بضمير هنا في هذا الموضوع طلعوا هالأتشيفمنتس

 

[Colorization]

40 ساعة بعد؟ ههههه يا حبك للمبالغة. آنا مسوي كل اللي إنت مسويه وخلصتها ب12 ساعة. في ناس تخلصها ب20 ساعة، في ناس 15، لكن الaverage حق اللعبة هو 15 ساعة. إذا إنت تذبح كل بيج دادي تشوفه "بس كذا" كيفك، لكني ذابح معظم البيج دادايز اللي معاهم ليتل سيسترز فقط، ليش أتعب نفسي عالفاضي؟ هذي كلها أشياء إنت قاعد تسويها عشان تطوّل اللعبة، ومرة ثانية بكيفك، لكن لا تحسب الأشياء الفرعية مع الوقت الرئيسي للعبة.

آنا طالع من النقاش لأنه عقيم، آنا خلصتها ب12 ساعة وقلت للرجّال اللي طلب تجربتي، إنتهى. لما واحد يطلب زمن اللعبة أتمنى تجاوبونه صح، لأني يوم سألت عنها قبل قالوا لي "أكثر من 20 اقل شي". اوبليفيون ناس تقول "150 ساعة" واعرف ناس خلصتها مع كل المهمات بأقل من 40 ساعة، تقدر تطوّل معاها 150، لكن الوقت الفعلي لها أقل بكثير. هو طلب الوقت الفعلي للعبة، مو الوقت اللي راح تقضيه بأشيائك الفرعية اللي تقدر تسويها حتى تطول عمرها لنفسك.

/thread

تحرير: يعني لازم أجيب كل أتشييفمنت عشان أكون مخلصها "بضمير"؟ واو، منطق روعة، ذكروني فيه بعدين. اللي يبي يلعبها عشان الأتشييفمنت بكيفه، لكني ألعبها عشان أستمتع وأختمها، فقط.

 

[The Shark]

بس كولو ما حد شاري اللعبة عشان يخلصها بسرعة و أي كلام ..
الواحد دافع في اللعبة مبلغ و قدره عشان يلعب اللعبة صح ... اللعبة مو شاريها كوبي عشان ألعبها مرة و ارميها أو لما أوصل منطقة صعبة اسيبها ....
أخوي مشاري عمر اللعبة تقريبا على أقل تقدير 20 ساعة <<< و هذا كلام مصمم اللعبة و قال لو تبغى بس تلعب المهمات فقط دون استكشاف فماراح تاخذ 8 ساعات ... أنا ثالث مرة ختمتها في ثلاث ساعات ...

تحرير: يعني لازم أجيب كل أتشييفمنت عشان أكون مخلصها "بضمير"؟ واو، منطق روعة، ذكروني فيه بعدين. اللي يبي يلعبها عشان الأتشييفمنت بكيفه، لكني ألعبها عشان أستمتع وأختمها، فقط.

أنا ما قلت هذا بتاتا
لا تنسى كولو انت قلت

آنا لعبي سريع، أسوي كل شي بالوقت المطلوب وبنفس الوقت أحاول إني ما أطوّف شي .

و بديهيا أي واحد كان ما يطوف شي في اللعبة هالأتشيفمنتس يطلع معاه لحاله

 

[Super Shadow]

حرام عليك، اللعبة سهلة حيل حيل. ما تموت (التشامبرز) + التكنيك بإستخدام الأبيليتيز والأسلحة (أحلى سلاح الشوت جن) = WINNAR

حلينا مشكلة الصعوبة لووول

المشكلة الرصاص كان مخلص

الحين حصلته و صارت اللعبة سهلة خخخخخخخخخ

ما شاء الله عليكم ختمتوها

المشكلة أنا الوقت عندي ضيق بسبب أشغال خاصة فما بلحق أخلصها بسرعة :cryy:

 

[hamad 11]

آنا طالع من النقاش لأنه عقيم

ليش عقيم؟؟
هذا اسمه منتدى, الواحد عشان ياخذ ويعطي
تبي تتناقش حياك الله, ما تبي تتناقش بعد حياك الله بس لا تجي تقول لي عقيم وما عقيم دام محد غلط عليك بشي ..

ما علينا

المهم انا مثل ما قلت

Bioshock محد يلعبها مثل الثاني, ممكن تمشي على شكل خط وتذبح كل سبلايسر قدامك وتنهيها في 10 ساعات, وممكن تحفر في كل المناطق وتحلل اللعبة تحليل وتخلصها بـ 30 ساعة, هذا الى اقصده

يعني مو مفروض تقول محد بتاخذ منه أكثر من 15 ساعة أبداً..
ممكن تقول الـAverage للعبة 15, أو تقول من 10 - 30 ساعة لكن تقول 15 ساعة أكثر شي ممكن يستغرقه الواحد للعبة غلط

 

[Colorization]

شارك، مو القصد إنه طريقتكم غلط باللعب، لكن اللي أقصده هو لما تجي تحسب وقت اللعبة (أو الaverage) تذكر العمر الإفتراضي والعادي لها، ما تذكر الوقت اللي راح ينهيها لو جمع كل شي و"حللها". (مثلا ً، داركنس مدتها 30 ساعة لما تجمع كل شي فيها. بينما اللعبة 10 ساعات لو تبي تنهيها فقط. ما اذكر عندك اللعبة وإلا لأ، لكن لو جربتها بتفهمني عدل). عمر بايوشوك ماهو عيب أنتقدها فيه لأنها مو قصيرة، لكن اللي يقول لي 30 ساعة وإلا يوصلها 40 هذي أم المبالغة. اي مبالغة.

ممكن تقول الـAverage للعبة 15, أو تقول من 10 - 30 ساعة لكن تقول 15 ساعة أكثر شي ممكن يستغرقه الواحد للعبة غلط

آنا مسوي كل اللي إنت مسويه وخلصتها ب12 ساعة. في ناس تخلصها ب20 ساعة، في ناس 15، لكن الaverage حق اللعبة هو 15 ساعة.

 

[hamad 11]

لكن اللي يقول لي 30 ساعة وإلا يوصلها 40 هذي أم المبالغة. اي مبالغة.

30 ساعة يعني انا لو ما قلت اني لاعب اللعبة 28 ساعة وفوق كذا ما سويت كل شي, هنا نقول عنها مبالغة..

40 ساعة اوكي مبالغة, لكن شوف ايش قلت لك

فلا تستغرب أبداً إذا واحد وصل فوق الـ 40 ساعة إن شاء الله

يعني إذا الواحد ناوي يحللها وناوي يلحس الشريط لا تستغرب إذا وصل 40 ساعة, بتقنعني الحين انه العالم كله والـHardcore Gamers كلهم ولا واحد منهم ممكن يوصل 40 ساعة؟ واللعبة نفسها تساعد , تعطيك حرية وضخامة وكل العوامل عشان يكون عمرها طويل..

 

[Solay]

اللي يبي يلعبها عشان الأتشييفمنت بكيفه، لكني ألعبها عشان أستمتع وأختمها، فقط.

انا معك بهالنقطه لأن الأتشيمنت اشوف شي سخيف ويبيله رواااااااااااااقه....

اما المدة اللي بيلعبها سريع سريع وشوله يلعبها اصلا؟!اللعبه من النوع اللي ترو وتفتش وتدور موب ادعس وخلصنا!!

 

[Mr.3B]

...

ختمت اللعبة .. أخيرًا .. أصوفها بكلمة وحدة

أسطورة

وعرض الـCG الي بالنهاية OMG

 

[Ammar_R]

ياخي يلعن أم القهر
أنا أول واحد مشتري اللعبة في المنتدى وأخر واحد بيختمها >_<"
أففففففففففففففففففففففففففف

المشكلة من يوم رجعت من كندا وأنا مكسل ألعبها - عشان الشاشة المعفنة حقتي أبو 17 بوصة >_<" -

عمما دوبوا جاني إحباط تاني >_<"
أبغا واحد مختم اللعبة يجاوب علي إجابات مقتضبة
ماأبغى سبويلرز .. أوكي

محتوى مخفي

1- كم نهاية في للعبة ؟
2- أنا ماأنقذت ولا لتل سيسترز .. ودوبني موصل عند راين وقتلته .. أخرتها يطلع فونتاين هه ؟ يلعن أبو كدا .. المشكلة متسلي وقلت خلاص دحين حرتاح .. ياخي طول اللعبة بالطريقة الغبية دي سلبية .. كل شوي رايح مكان وإلا ألاقي نفسي في خريطة جديدة تماما - نوعية تكرار >_<" - .. المهم .. دحين أنا لقيت نفسي عند الدكتورة ومعايا البنات الصغار .. قد إيش تقريبا باقيلي لين أغلق اللعبة ؟

لازم أغلقها اليوم .. من بكرة ماراح أفضى أبدا

 

[Colorization]

عمار واللي يرحم لي والدينك حط النقطة الثانية بالأبيض، تراها سبويلر ضخم!!!! -________-

فيها نهايتين، ما باقي لك كثير.

 

[GreeN StorM]

عمار اللعبة فيها ثلاث نهايات : 2

محتوى مخفي

هارفست

ما يفرقون عن بعض كثير لقطة صغيرة مرة ونهاية

محتوى مخفي

ريسكيو

، أما عن باقيلك تقريبا ً ساعتين أو ثلاثة بالكثير .

 

[Ammar_R]

لول كولو .. نسيت أحط السبويلر تاج >_<"
يالله كويس مابقيلي كتير
لازم أغلقها اليوم @_@

كريم .. ماشفت السبويلر تاج اللي حاطيتها إنت .. لمن بغلق اللعبة بشوفها @_@

وحدة من اكبر سلبيات اللعبة بالنسبة ليا
السبتايتل .. وإنو القصة معتمدة على الدايزير + محادثات الراديو ...
كرهتها من قلبي كرهتها .. اففف .. ياخي لو خلو طريقة سرد الأحداث عادية كانت ممكن تكون من أفضل ألعابي .. مشي حالك

ياخي حتى لمن اكتشفت إنو

محتوى مخفي

فانتاين هوا اطلس

.. قعدت افكر مين

محتوى مخفي

هوا فانتين

.. بعدين اتذكرت >_<" .. حاس انهم خربوا علي القصة بسبب طريقة سردها >_<"

يروح اكمل @_@

 

[GreeN StorM]

كريم .. ماشفت السبويلر تاج اللي حاطيتها إنت .. لمن بغلق اللعبة بشوفها @_@

لول !! ، السبويلر تاج هذا للي ما لعب اللعبة أي واحد عدا نص ساعة من اللعبة يقدر يقرأ مضمون السبويلر !!!!

 

[Solay]

للأسف جهازي خرب ومااتوقع اني اقدر انهيها:cryy: :cryy:

 

[Double T]

اليوم خلصت اللعبة .. ما اقول الا واو فعلا تستحق التقاييم الي عطوها

نهايتي كانت

محتوى مخفي

سيفير .. و جبت اتشيفمنت حق كل ال Little sisters و اني ما اسوي هارفست 😀 <<< في احد يقدر يسويل للبرائه هارفست لووول ؟!؟

احد يقلي كيف اقدر اجيب النهاية الثانية ؟ و سؤال مهم كمان

محتوى مخفي

في احد شاف شكل البطل ؟؟؟؟؟؟

 

[Solay]

مبروك طراد على انهائك اللعبه

انا ماقريت السبويلر اللي حطيته بس اللعبه لها نهايتين الأولى:

محتوى مخفي

انك تساعد الليتل سيسترز

الثانيه:

محتوى مخفي

أنك تقتل الليتل سيسترز

 

[Double T]

الله يبارك فيك .. شكلي بجرب اجيب النهاية الثانية اذا امداني ( اذا لقيت Save في ليتل سيستر )

 

[Leon]

الحمدلله دوبي شاري اللعبة مع أوبليفيون ولسة ما فكيتها من الغلاف , دوبي جلست اقرأ صفحات الموضوع .. لول أنواع السبويلر .!!


بإذن لله بكرة راح أبدأ فيها .

 

[emperor-UAE]

الحمدلله اخيرا انهيت اللعبه

بس للأسف

محتوى مخفي

النهايه جدا قصيره

 

[Solay]

مبروووك ليون لشرائك اللعبه ومبروك ايمبرور على انهائك لها^_^

نصيحة ياليون:العبها وانهها قبل ماتفك اوبليفيون...

 

[Leon]

الله يبارك فيك سولاي , برضو أنا قلت كدة وهذا اللي سويته .

بعد 3 ساعات تقريباً من اللعب ما أقول غير مذهلة , جرافيكس , أرت , أصوات , ساوند تراك , .. روعة روعة , لكن .. المياه .! خورافية بشكل ! رغم إني شفت لها صور كثييرة لكن يختلف لمن تكون جالس تلعب.. أنا بطلت أمشي في اللعبة وجلست أطل في الموية , بدعة من جد ..
الموسيقى التصويرية متقنة وخطيرة , ما انتبهت للموسيقى إلا بعد ما

محتوى مخفي

تاخذ قدرة بلازما الكهربا وتنطفي الأنوار فجأة ويهاجموا عليك في الظلام

من جد Perfection .!!

شباب دحين

محتوى مخفي

التفاحة الخضرا اللي ترميها على البيج دادي عشان يحميك.. مفعولها على طول ولا مؤقت .!؟

لول عشان أعمل إحتياطاتي بس .

 

[hussien-11]

الله يبارك فيك سولاي , برضو أنا قلت كدة وهذا اللي سويته .

بعد 3 ساعات تقريباً من اللعب ما أقول غير مذهلة , جرافيكس , أرت , أصوات , ساوند تراك , .. روعة روعة , لكن .. المياه .! خورافية بشكل ! رغم إني شفت لها صور كثييرة لكن يختلف لمن تكون جالس تلعب.. أنا بطلت أمشي في اللعبة وجلست أطل في الموية , بدعة من جد ..
الموسيقى التصويرية متقنة وخطيرة , ما انتبهت للموسيقى إلا بعد ما

محتوى مخفي

تاخذ قدرة بلازما الكهربا وتنطفي الأنوار فجأة ويهاجموا عليك في الظلام

من جد Perfection .!!

شباب دحين

محتوى مخفي

التفاحة الخضرا اللي ترميها على البيج دادي عشان يحميك.. مفعولها على طول ولا مؤقت .!؟

لول عشان أعمل إحتياطاتي بس .

يلا خلصها بسرعة و ابدأ بأوبليفيون :laugh:

 

[Xeno]

ليون... مؤقت.