Abu Dhabi in 2030 واااااااااااااااااو

[JOKER MASK]

فبقولك ابوظبي تملك فوق 85% من ابار النفط في الدوله لذلك تعد الاعلى دخل اقتصاديا في الدوله الى جانب السياحه والتجاره

اذا سمحتو صح انا داري اني مو امارتي ومالي دخل بس فيه شغله اماره دبي تجذب استثمارات وجذبت فعلا ما شاء الله هيئه كل نوع من انواع استثمارت مكان مخصص مستقل بذاته مثل مدينه اعلام وانتاج ومدينه الانترانت ومنطقه جبل علي واضافه انهامدينه سياحيه ومهرجناتها تجذب السياح ومنتجعات الي فيها وفيه نقطه مهمه تحسب لي امارات بشكل عام النفط ناضب واستثمارت باقيه باذن الله مدام الامن موجود

مابي افصل اكثر من كذا عشان ما يتسكر موضوع علي لووول

 

[Naif]

انا اماراتي و افتخر في ابوظبي تماما مثل الدرجة اللي افتخر فيها في دبي و اي مدينة\امارة باقي و اعتقد هذا الشي ينطبق على كل شخص اماراتي. و ما اعتقد انه Emirates كان قصده شي في اللي قاله غير انه كان يوضح نقطه. فاتمنى ما يخرج احد عن الموضوع او اي واحد يحاول يوضح او يحاول يغير مجرى الموضوع عن كذا ولا باضطر اغلقه.

 

[BioMario]

وما فيه شي اسمه بعيد عن النفط اذا كان اقتصاد الامارات العربية المتحده اساسه النفط يا علي

عبدالله انا فاهمك لكن في أشياء غير النفط طبعاً النفط الأقوى و بفرق شاسع ..
لكن في أشياء أخرى الإمارات و بالأخص دبي بدأت تنفتح لها مثل الذهب و الألماس ..

لكن مثل ما قلت النفط هو الأساس و أبوظبي هي الأقوى بكثير في هذا المجال

عذراً نايف هذا أخر رد لي بهذا الخصوص :happy:

 

[Suzuki Yu]

واو O_O ما شاء الله تبارك الله , عقبالنا في سنة ....... ؟

 

[Saadawii]

اتمنى مباني اكثر مثل فندق قصر الامارات في ابوظبي. كذا لازم تكون المباني في الدول العربية.. تحس تعكس حضارتنا اكثر..

حنا مثل الغراب اللي يبي يقلد مشية الحمامة.


بالنسبة للفيديو، الله يقويهم على الخير بس. إشارة الحرمة الاماراتية اللي جالسة جنب غربي ومعه زوجته على البساط، صرنا نشوف اشارات ما تعكس واقعنا أبداً كثير في الإعلام، من زمان أصلاً، ولكن بما أن هذا الفيديو يتكلم عن أهداف المستقبل، هل هذا أيضاً من أهداف المستقبل؟

بعدين استهلكوا بالسي جي الحرمة اللي تمشي وهي رازة صدرها، شكلها اوجعتها ركبها يومين بعد ما مترت الفيديو كله خخخخخخخخخخ.

 

[Khalid-S]

Green؟ ... هل الامارات بتحاول تغير المناخ في الشرق الاوسط؟ لول. الاصطناعي مهما كان ما بيطلع بالصورة المطلوبه.

 

[Magical Dreamer]

السلام عليكم ورحمة الله وبركاته ..

تفكير أبوظبي بالمستقبل سببه هو الوضع الحالي لانه مع الاسف الامارات من اكثر الدول اللي يصدر منها الكربون غير اعتمادها على النفط

بالنسبة لجانب الـGreen بدايته كانت بإنشاء مدينة "مصدر" أول مدينة خالية من الكربون في أبوظبي طبعا بتعتمد على الطاقة المتجددة بدل النفط ، بالسنوات الماضية دخل الإمارات كان من قطاع الخدمات أكثر من المنتجات النفطية (الناتج المحلي)

الشيء اللي مستغرب منه ، أبو ظبي حسب علمي أصغر إمارة ؟ أجل ليش صارت العاصمة ؟ المباني الحكومية المهمة هناك مثلا ؟ أو أن العائلة الحاكمة أصلها من أبو ظبي أو أنها الأهم أو الأقدم في تاريخ الإمارات ؟

إن كنت تقصد بالمساحة فهي ليست الأصغر بل الأكبر (الأصغر حسب ما اذكر هي عجمان بنسبة 1% من اجمالي مساحة الدولة) ، اما إن كنت تقصد بكثافة السكان فأبوظبي أقل إمارة من هالناحية

بالنسبة للعائلة الحاكمة هذا يرجع لتاريخ الإمارات كانت فيها 3 قوى بني ياس منها البو فلاح (آل نهيان) كانوا موجودين بالظفرة والقواسم (رأس الخيمة) والبوسعيد في عمان.
شيوخ آل نهيان - بوفلاح كان مقرهم أبوظبي والعين واتوقع ابوظبي هي الأقدم لانه اكتشفت كمستوطنة بشرية سنة 1761 والشيخ شخبوط الله يرحمه أسسها كعاصمة سنة 1793

 

[Emirates]

شباب شفيكم .. فيه نقطه حاب اوضحها واصححها لعلي لا اكثر

لا اني ابا افاضل بين اماره واماره ... نحن عيال الامارات وليست الاماره الواحده

واللي يبا يقرا اكثر عن مدينة ابوظبي يتفضل لهالرابطين


http://ar.wikipedia.org/wiki/إمارة_أبوظبي

مدينة ابوظبي الى 2030

http://ar.wikipedia.org/wiki/أبو_ظبي

http://dof.abudhabi.ae/DOFPortal/News+and+Press+Releases/Press+Releases.htm

http://www.moheet.com/show_news.aspx?nid=153015&pg=40

ورجاءا شباب لا حد يحور الموضوع لمنعطف ثاني ... ^_^