hits counter

24 : 6th Season - The Discussion Thread

لول عبد الله والله كلوي ثاني أحسن شخصية بالمسلسل.. بالعكس أشوف أسلوبها خطييير.
 
تكشيرتها كريهه! نافخه خشتها ويطلع شكلها غبي مره.
 
شوف لو ناديا فعلاَ طلعت ملعونه .. المسلسل بيسبب مشاكل كثيره سياسياَ وما اعتقد بيتطرقون لهذا الشي ( ان اغلب المسلمين حتى الي يعيشون في امريكا ارهابين !!) مره ما اعتقد ناديا تطلع ملعونه ... حتى ابو فايد ذا كم حلقه وبينشات بالراحه .... والولد الي عطا ناديا الصلاحيات واضح كمان انه بينشات قريب لانه مو ممثل مهم ... في six feet under كان دوره حبيب بنت في العايله وما يطلع كثير .. خخخخ فمستحيل واحد مثل هذا تشوفه فجاه مسك منصب كبير في CTU ..

هي واضحه شباب .. الولد هذا = ملعون ... مع شركة ابو جاك او الشركة الي مسوي معها اتفاق .. ابو فايد وطقه العرب حدهم الى حلقة 13 بنودعهم صدقوني ... 24 الحين قاعد يكشف حقائق في امريكا !! لان السيزن الي قبله في اشياء كثيره ما عرفنا اجوبتها والسيزن هذا بيجاوب ..

حتى لو تلاحظون .. السيزن الي كان يتكلم عن العرب وكذا .. كان هدفهم هو الجهاد .. ورفع راية الاسلام ومن الكلام هذا .. لكن ابو فايد ابدا ما تطرق لهذا الشي ... هذا دليل انه .. همممممم .. شخصية مو مهمه مره وما بيكون " the bad guy " حق هذا الجزء .. لان ماله شخصية وهدف معين.

كلوي تعجبني ... شوف عبدالله هي خلت تكرهها من تمثيلها ... بصراحه هي الوحيدة الي في STU احسها ضابطه الدور لان هناك كلهم منفعلين (المفروض) ..
 
لالا خالد قالها ابو فايد، قال ابي انتقم من امريكا وكل البلاوي الي سوتها للمسلمين، راجع اول حلقات، يقول ان اساسا هو مرسلينه عشان يرد على امريكا بتفجيرات، ثم ارسلوا الرهيب هذاك (نسيت اسمه) الي تهاون معهم(تراه ممثل كبير) عشان يوقف ابو فايد لكن ما قدر، ابو فايد بايعها بـ** ما عنده لعب. اتوقع هو الشخصيه الكبيره، ما اضن فيه ناس وراه الا يمكن ممولين او شيء زي كذا، لكن عرب\مسلم فما اضن.

الولد الغبي هذاك لاتحكمون عليه بسرعه، لسه ما نعرف شيء كل كلامنا لان شفنا اشياء مو متأكدين منها. انا صراحه ضايق صدري من حركة موريس، لكن مو مشكله نسلك.
 
هممم والله يمكن .. شوف انا عندي توقع ثاني الي هو ..
الارهابي الثاني (الي تحول طيب) بيلعب دور كبير بالفيلم .... احساس كبير ان ابو فايد ذا بينقلع قريب ... الارهابي الثاني يمكن تصير احداث معينه وياخذ محله ... او القصه تتحول من ناحية وهو يرجع ملعون او كان يلعب عليهم او شي .. هذا احتمال.
 
صراحه لو يقلب عليهم خطر اشجعه!
 
لول اتمنى يقلب عليهم .... وينتصر المره هذي !! مو دايما امريكا تفوز -ـ- .. يعني يسوي ضرر ثاني مثلا ويهرب .. خخخ ونشوفه في 24 season 9
 
هههه من جد.

حقين بريزن بريك مسوين زحمه بالعام، يبيلنا نغطي عليهم لول.
 
أقول انتم نسيتوا الصين.. مستحيل يكونوا فكوا جاك لله.. وراهم مصيبة.. الانتحاري الي فجر نفسه في الباص في أول حلقة كان صيني.. و أبو فايد قال إن في دولة تدعمهم.. وحتى يبعدوا فكرة إنها تكون دولة مسلمة جابوا لك كيف ان وين بالمر رفض فكرة شن هجوم على أي دولة من هذي الدول ( يقصدوا دول الخليج والعرب فيما يبدو ) وهم مو متأكدين إنهم هم المستببين.. وواضح جدا ان في ناس قاعدة تتآمر علشان يلصقوا كل شي في المسلمين ويضيقوا عليهم.. خصوصا القوانين الي يبغى توم ( مستشار الرئيس ) انه ينفذها..

عموما المسلسل صار واضح انه بدا يعود لفكرة المؤامرة في الإدارة الأمريكية والشخصيات النافذة .. الفايس برزدنت هذي المرة شكله داشر, و المستشار توم يلعب على الحبلين..
 
والله همام تحليل راقي. برافو. فعلا المسأله اكبر من واحد غبي في ctu او مكارثي. المسأله كبييره!

المستشار شكله ما يلعب، كانه دك تشيني.
 
هذا الي انا قايله من اول بس مني عارف كيف اشرحه -ـ- .. ابو فايد والطقه هذول كلها تسكيت لاول 13 حلقة ... بنودعهم قريب ..
 
ساعتين ولا اروع اليوم ...... من جد حسيت اعصابي مشدوده فيهم ....

ما ادري ايش اخلي وايش اقول .... لول ... مثل ما توقعنا

الخطة المجرمة الي بيسونها على الرئيس ... لهذي الدرجه حقد !!! من جد ودي اعرف ايش مصالحهم هذول.

مثل ما توقعنا ابو فايد والشلة هذي قريب بتنتهي ... الروس دخلوا عرض .. هم وابو فايد احس انهم
بيروحون بدري.

سبويلر من بريفيو الحلقة الجايه .....

والله حماس ... بالذات ببريفيو الحلقة الجايه لمن جاك يعرف ان ابوه ملعون ..

شباب وش رايكم ما نخلي الكلام بالابيض بما ان انا وعبدالله وهمام هم الي يشاركون ويردون بالموضوع ؟؟ كلنا نشوف السيزن هذا وما بيخرب علينا شي نقاشنا.
 
التعديل الأخير:
الرهابة = 24
24 = الرهابة


الحلقة رهيبه والحلقة الجايه حماااااااااااااااااااس ... نهاية الحلقة هذي ابدا مو متوقعه.
 
🙁 🙁 في شي بالدنيا ارهب من 24 ؟؟

اكيد لا ... 🙁 .......

يالله .. افضل مسلسل في الكون ...
 
اللي على اكشن أي سيزن قاعدين يعرضون؟
 
لووول تحس سيزن 7 جاهز
 
مافي الا انا هنا ؟؟؟

هذا الفلاش
http://bauervschina.ytmnd.com/

طالع صحيح اذا .... وداعاَ 24 Season 6 القديم .. اهلا بسيزن 6 الجديد ..

والله من جد هذا السيزن بدا يلخبط ام الدعوه ..

ابو فايد
الامريكان
الصينين

كلهم في سيزن واحد .
 
بعد سلسله من الحلقات العاديه ... حلقة امس رهييييبه مررررره .. اخيرا ..

ما بقي شي .. حلقه وحده + حلقه ساعتين ..

ياخي 24 شي غيييير .
 
يجب تسجيل الدخول أو التسجيل كي تتمكن من الرد هنا.
عودة
أعلى