hits counter

وظيفه ممتعة جدا في الكويت Game Tester

لأن الـGame tester بمعناها المألوف, هي أتعس وظيفة في صناعة الألعاب.
أنقر للتوسيع...
فيه ناس على بالهم إنها وضيفة الأحلام للجيمرز , شيك على موضوع برنامج سوني الرهيب لول .
 
لوول أنا أحسب الكويتين يسكنوا في مدينة الكويت وضواحيها و10 دقايق بالكثير موصلين الشغل، طلع في ناس زينا ياخذون نص ساعة الى ساعة بالطريق.

بالنسبة للوظيفة، والي الي مستغرب منه ليش يبغوا diploma وbachelor. بعدين ليش ما يوظفوا واحد مهتمه يدور عن اللعبة بجوجل ولما يحصل لعبة تنمنع يروح يجربها ويتاكد؟ لان بالطريقة الحالية، افرض واحد لعب لعبة لاخرها وخلصها وسوا الreport وان مافيها شي، لكن في الواقع فيها شي هو ما انتبه له، ضاع وقته كله وفلوس الدولة على غير فائدة!!

بعدين صحيح ان الشغل في المستشفيات او شركات البترول او البنوك متعب، ولكن الواحد افضل شي لما يكون عنده هدف في الحياة وشي يوميا يعمله، ما اقدر اتخيل مستقبلي لو ماعندي وظيفة وكل يوم ما في هدف معين من حياتي، او بس اجلس العب العاب!!
 
من جد وقتها بكره الجيمز... في الشغل تلعب جيمز وفي البيت تتسلى بجيمز؟! ههههههه
 
أنا من بيتنا لي المعهد آخذ على الأقل 25 إلى 45 دقيقة بالزحمة .

عن نفسي والله فكرت انقل واشتغل هناك .. ولاكن اسباب كثيره تمنعني .. لان المكان بعيييييييد تقريبا 40 دقيقه من البيت + زحمة الكويت = ساعه واكثر .. والراتب اقل من وظيفتي الحاليه .. واخاف اذا صارت وظيفتي اللعب قيمز .. راح اكره القيمز طووول عمري من كثر ما اللعب...
أنقر للتوسيع...
أي منطقة الدوام ؟ ودي أسأل أكثر عن الوظيفة وكم ساعات العمل ؟
عندهم شاشات 40 بوصة و نظام مسرحي ؟ ---> عايش الجو حده .
أدش عليهم وسماعاتي بيدي وأركبهم وأقعد ألعب :laugh:: .
ربع الأتشفمينت يعيشون هناك إييبون أجهزتهم ويقزرونها على الألعاب الموجودة .
لا تنسى بس إنك يتضطر تلعب ألعاب سيئة جدا في المقابل
أنقر للتوسيع...
الألعاب السيئة أقطها على غيري :evil:: .

لأن الـGame tester بمعناها المألوف, هي أتعس وظيفة في صناعة الألعاب. إيه نعم. حتى لو انك تلعب أحسن لعبة في الدنيا, راح تكره نفسك وتكره حياتك لأنك كل الي انت قاعد تسويه انك تضيع أكثر من 5 ساعات متواصلة تلعب مرحلة أو جزء بسيط من اللعبة ترليون مرة. وكل مرة راح تلقى مشاكل و bugs, وكل مرة تلقى مشكلة, لاسم تسوي تقرير للمطورين عشان يصلحون البق هذا. عاد تخيل انك تسوي هالشيء للعبة مخيسة أو شوفل وير :laugh:: .
أنقر للتوسيع...
هم ما قالولك طلع عيوب اللعبة .. فيها سوالف جنسية و سوالف دينية وبس xD .


وبعدين شدعوا عليهم يلعبون اللعبة كاملة علشان يسمحون لها او لأ؟ انا موضوع الرقابه هذا مو داش مزاجي ابدا!
رقابه على الافلام، الاغاني، المسلسلات، النصوص المسرحيه، الالعاب، الكتب..الخ خلاص لِ متى!
أنقر للتوسيع...
عبد الله الرقابة ضرورية ولكن بحدود .. أحيانا يمنعون أشياء بمجرد سمع إشاعات عنها فقط .
يعني رقابة على الأفلام تخيل أخوك الصغير يشتري له فلم وتطلع فيه لقطة مخلة زيادة عن اللزوم ؟ أو نص مسرحي نايم بالحكومة أو نايم بفئة معينة قبلية أو طائفية في ناس راح تنزعج أكيد .
 
التعديل الأخير:
الحين الكويت فيها جامعات ولا لا؟ ما ادري اشوفكم كلكم تدرسوا في معاهد :confuse:
 
^
^

أغلب الشباب الي بالمعاهد تكون معاهدهم تكنلوجية
الجامعات كثيره ولله الحمد ومتنوعه التخصصات وفي 5 جامعات خاصه جديده أخذت تراخيص وراح تبلش بناء


-----------

من ناحية الوظيفه انا من ناحيتي ما اشوفها مناسبه لنفسي لكن للمدمنين تصلح لهم وبقوه
 
Snake-87 قال:
هم ما قالولك طلع عيوب اللعبة .. فيها سوالف جنسية و سوالف دينية وبس xD .
أنقر للتوسيع...
ايه عارف. عشان كذا قلت انها اشوى.

Nyx قال:
فيه ناس على بالهم إنها وضيفة الأحلام للجيمرز , شيك على موضوع برنامج سوني الرهيب لول .
أنقر للتوسيع...

770836278_VG7Cr-L.jpg
 
الحين الكويت فيها جامعات ولا لا؟ ما ادري اشوفكم كلكم تدرسوا في معاهد :confuse:
أنقر للتوسيع...
لا الكويت مافيها جامعات :laugh:: .
 
واو ! وظيفة جيم تيستر ؟ لا شكرا ..:laugh::

عدة أسباب تخلي الواحد يرفض هالنوع من الوظائف:

- بتكون حلوة أول اسبوع , اسبوعين يمكن..بعدين الموضوع بصير ممممللل لأبعد حدود , الجيمز هدفها الرئيسية الترفيه و التسلية , فما تتحول الجيمز لبزنس و وظيفة و ضغط نفسي و انك لازم تخلص اللعبة خلال شهر و تكتب تقرير كاامل و مفصل , بتحس انك فقدت متعتك باللعبة خلاص و انك كرهانها وكرهان شي اسمه جيمز .
- بتكون وظيفة مؤقتة اجباري لان ما اظن أي شاب طموح و معاه ماجستير او بكالوريوس رح يقبل يضيع سنة من حياته وهو يلعب فقط , شو بيحط بالـC.V ؟ :whistle:
- انت متوقع انك كل الالعاب اللي بتجيك ممتعة ؟! شوف الفيديو هذا و اتخيل انك بتقيم اللعبة مكانه :
[YOUTUBE]mB1zWEhgrLs[/YOUTUBE]


الخلاصة انه الواحد لازم يفرق بين الترفيه و البزنس , حلاوة الجيمز انها للترفيه عن النفس , وادخالها للشغل رح يخربها ويخليك تكرهها و تكره عمرك , برأيي ..:nerd:
 
Photon قال:
أكثر شي عاجبني في الموضوع هو البني آدم المفجوع هذا :laugh::

أتوقع المعيشة غالية جدا بالكويت و راتب مثل هذا ما يكفي إلا عزابي يمكن بس لو شاباش بيقعد يحولها بالريال في مخه راح أشوفه يحلم بالليالي طول عمره بالوظيفة هذه :laugh::
أنقر للتوسيع...

ماتدري قد ايش ضحكت على ردك هذا :laugh::
 
بالنسبه للشباب المهتمين الي سألوني عن الوظيفه.. امس كلمت شخص وجابلي معلومات بسيطه يمكن تفيدكم!!

1 - شباب الدبلوم الباكالريوس اذا شهاداتكم (إداري) ما انصحكم فيها لان الراتب عادي جدا.. اما (الفني) راح يكون راتبه عالي. لان يوجد بدلات مثلا بدل شاشه (لانك طول فترة الدوام على الشاشه)
2 - المكان في منطقة الشويخ في مبنى وزارة الاعلام.
3 - التقديم عن طريق ديوان الخدمه ويجب التوصيه علشان مايحذفونك في قسم Random
4 - الوظيفه كما قالوا لي .. انها ليست للقيمز فقط.. في قسم الافلام وغرفه مجهزه... والكتب ويوجد مكتبه مصغره هناك.. والاغاني.. وبرامج الكمبيوتر (يعني القسم متوسع شوي ويتضمن كل المالتي ميديا)
5 - راح احاول اجيبلكم صور من المكان (طبعا لما ارجع من السفر) لاني مسافر غدا ان شاءالله ^^

اسمحولي هذا كل الي اعرفه في الوقت الحالي !
 
طالما في بنات اجل بشارك, وين مكانهم اخوي؟
 
ولا بالعذابين أروح هناك، لو كل يوم يلعبوني ميجامان ومترويد.

ثلاث أحرف بسيطة: KOC. أوفرتايم 4 أيام أييب معاشهم, ساعتي بـ10 دنانير مينيمم. آنا واحد ما أرضى بأقل. آخر خبري بالوزارات إنه أوفرتايم يوم كامل قد ما يوصل 20 دينار، أو حتى 10.

خلك بالـKOC وانظر لبعيد. بعد عشر سنين معاشك راح يتضاعف على الأقل، وما أعتقد تحتاج أقول لك شنو الميزات اللي بتاخذها لما تطمر إلى gradeـات عالية بالمستقبل، لا تستهين بقدراتك وقد تكون Team Leader أو حتى DMD يوم من الأيام.

شغلة حليوة وتمشي الحال لكن طموحي أعلى من testing. رأيي حسب خبرتي إنه مو كل شي sounds nice on paper يكون nice in practice. والأهم إنه الواحد يطالع المستقبل. آنا بجنة الحين، وأبي أكون بجنة بعد سنتين وخمس سنين وعشر سنين وعشرين سنة.

الله يعز الكويت.
 
Kuwait Oil Company، مثل أرامكو عندكم، هي شركة النفط والغاز الرئيسية بالكويت. فيه شركات نفطية أخرى من مثل KNPC (شركة البترول الوطنية) و PIC (الصناعات البتروكيميائية) لكن KOC هي العماد.
 
Saadawii قال:
تداوم في سوق الذهب؟ لول
أنقر للتوسيع...

شدرانى عنهم :laugh::..

كولو شدعوه عاد فيه اوفر تايم بالوزارات؟ يامقزرينها تصاريح او طبيات او ماكو شغل :confuse:..
 
persona قال:
شدرانى عنهم :laugh::..

كولو شدعوه عاد فيه اوفر تايم بالوزارات؟ يامقزرينها تصاريح او طبيات او ماكو شغل :confuse:..
أنقر للتوسيع...

يا معود انت شفت التسيب اللي صار بالجمارك الفترة اللي طافت؟ مافي غير 4 موظفين والمدير إجازة طبية من سنة ونص، و على أرض المطار نص مليون شحنة ما تجمركت! شحناتي كلها تأخرت ما يقارب الثلاث أسابيع بينما بالعادة 10 أيام بالكثير أغراضي عندي.

شغل الوزارات للأسف نايم، والناس عاجبها طبعاً، من متى الناس تحب الشغل وهذا اللي مطيح من حظهم. الناس عبالها بالـKOC دق وشغل متعب حيل، هذا قبل. غالب وقتي الحين يا مجابل النت يا ألعب دي اس. صح، فيه شغل وشغل محترم في أحيان كثيرة (احنا قاعدين نتكلم عن مركز إقتصاد الدولة بالنهاية)، لكن الكلام عن الشركة overrated ويخليك تحس إنه اللي يدش هناك بيطلع ميت. أيام قبل الكويتيين هم اللي كانوا يشتغلون ويسوون كل شي بيدهم، لكن الحين غالباً إذا فيه شغل بتاخذ معاك عمال maintenance شغلتك إنك تراقبهم وتشرف عليهم.
 
لول الحين انك تلعب وتختبر العاب رديئة وسيئة صار عذاب ، صحيح انكم True Gamers

AL-Samurai قال:
طالما في بنات اجل بشارك, وين مكانهم اخوي؟
أنقر للتوسيع...

لول هذا احسن رد داخل بالعرض :laugh::
 
Colorization قال:
ولا بالعذابين أروح هناك، لو كل يوم يلعبوني ميجامان ومترويد.

ثلاث أحرف بسيطة: KOC. أوفرتايم 4 أيام أييب معاشهم, ساعتي بـ10 دنانير مينيمم. آنا واحد ما أرضى بأقل. آخر خبري بالوزارات إنه أوفرتايم يوم كامل قد ما يوصل 20 دينار، أو حتى 10.

خلك بالـKOC وانظر لبعيد. بعد عشر سنين معاشك راح يتضاعف على الأقل، وما أعتقد تحتاج أقول لك شنو الميزات اللي بتاخذها لما تطمر إلى gradeـات عالية بالمستقبل، لا تستهين بقدراتك وقد تكون Team Leader أو حتى DMD يوم من الأيام.

شغلة حليوة وتمشي الحال لكن طموحي أعلى من testing. رأيي حسب خبرتي إنه مو كل شي sounds nice on paper يكون nice in practice. والأهم إنه الواحد يطالع المستقبل. آنا بجنة الحين، وأبي أكون بجنة بعد سنتين وخمس سنين وعشر سنين وعشرين سنة.

الله يعز الكويت.
أنقر للتوسيع...

لاتحاتي وانا اخوك .. مستحيل اخلي وظيفه راقيه ومستقبليه واروح وظيفه عاديه وبقعد طول عمري اللعب قيمز :yuck::

الله يوفق الجميع ويرزقهم بوظايف افضل..
 
Colorization

مو جنه الkoc يبيلهم واسطة عشان تلقى مكان سنع عندهم؟
خاصه حق واحد مثلي ما عنده معارف ومترقع بشهادة دبلوم اداري xD
وحسب ما سمعت انه اغلب الشغل في الشركة كرف ودوام طويل غير المسافه ! الا القليل مرتاحين .
صج هالحجي انه اول جم شهر لازم تنام عندهم ؟ تجنيد صار :laugh::
:annoyed: نورنا اكثر على نظام koc...


بالنسبة للموضوع لول .. دام المعاش تحت 650 - _- مااااابي هالشغل !
الا في حال ما لقيت شغل....... على فكره بالغانم سمعت عندهم game tester بعد بس مو لوحده يشمل رقابتك وهم علاقات عامه في مجال الألعاب تحديدا ونفس المعاش اعتقد بو 600 وشغله
 
التعديل الأخير:
Photon قال:
أكثر شي عاجبني في الموضوع هو البني آدم المفجوع هذا :laugh::

أتوقع المعيشة غالية جدا بالكويت و راتب مثل هذا ما يكفي إلا عزابي يمكن بس لو شاباش بيقعد يحولها بالريال في مخه راح أشوفه يحلم بالليالي طول عمره بالوظيفة هذه :laugh::
أنقر للتوسيع...


الله يقطع ابليسك والله خليتني اضحك من قلبي ع الصباح :laugh:::laugh:::laugh:::laugh::

هو فعلا حولتها بالريال ولكن حولت الوظيفة للسعودية كمان وحسيت انها لو موجوده راح يكون الراتب من 1000 الى 1500 لا اكثر

دوبي انتبهت للرد :xd:

وهذي هديه مني لك

244tr7k.gif


مصيرك ترجع
 
التعديل الأخير:
بو 600 راتب مهندس في السعوديه :laugh::
 
^^

وانت الصادق راتب مدير قسم :laugh::
 
^^
لا تكبروها انتوا كمان :laugh::

هذا تقريبا راتب اللي عنده دبلوم عندنا ( قطاع IT )
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى