وظيفه ممتعة جدا في الكويت Game Tester

[Painkiller Q8]

في احد منكم فكر ان تكون وظيفته انه يلعب GAMES ?
في الواقع نعم انا طول عمري كنت اتخيل وضيفه مثل هذي.. لاني احب القيمز من كنت صغير.. عموما
.. الوظيفه موجوده في قسم في وزارة الاعلام في الكويت .. اخوي دش المكان وانصدم من عدد القيمز الهائل والاجهزه وشاشات وكمبيوترات وكل شي يتعلق في القيمز .. Wii - Xbox 360 - PS3 - PC - PSP - DS - PS2 .....الخ

يقولك البنات مخصص لهم الPSP والـتWii هههههههه

كال ماعليك انك تلعب الالعاب الي تتوزع على فريق العمل من شباب وبنات.. وحسب كلامه انك لازم تختم اللعبه وتعطي تقاريرك آخر الشهر للمسؤول .. وبالتالي المسؤول يكتب تقرير في اي لعبه ويرسله للجمارك وقسم المراقبه اذا كانت اللعبه تتضمن مشاهد مخله بالآداب ...الخ

الوظيف تتطلب حملة شهادت الدبلوم او الباكالريوس ... وراتب جيد جدا.

عن نفسي والله فكرت انقل واشتغل هناك .. ولاكن اسباب كثيره تمنعني .. لان المكان بعيييييييد تقريبا 40 دقيقه من البيت + زحمة الكويت = ساعه واكثر .. والراتب اقل من وظيفتي الحاليه .. واخاف اذا صارت وظيفتي اللعب قيمز .. راح اكره القيمز طووول عمري من كثر ما اللعب...

FARES360 انصحك في الوظيفه ^^​

 

[Torpedo]

ساعة.. بعيد؟ >.>
يا حليلكم أهل الكويت لول ..

 

[Leon]

خخخ إذا تعتبر إن مشوار 40 دقيقة طويل فأقول انت في نعمة ماشالله تبارك الله ، كلمني أنا كل يوم ساعة وعليها في روحتي بس 🙁 .

لول العمل فلة ، أحس إني إذا اشتغلت هناك ما راح أستوعب إن حياتي فيها جد ، عملي هو لعب والعكس صحيح .

 

[Painkiller Q8]

ساعة.. بعيد؟ >.>
يا حليلكم أهل الكويت لول ..

اي والله بعيد
اذا انا دوامي الحين 7 دقايق من البيت .. ليش اروح لوظيفه دربها سااااااااااعه :yuck::

 

[Zero]

مشوار طويل؟ هذا مشوار قصير بالنسبة لبعض أهل السعودية :laugh::

على العموم تغيير الوظيفة أمر صعب سواء لهذا السبب أو أسباب أخرى، لو في أحد من شباب الكويت يجرب يشتغل هناك ويخبرنا يكون شيء تمام.

كولو جرب تشتغل عندهم :razz::

 

[Jonas]

ياخي شي ممتاز جداً , و ما اعتقد انه موجود في السعودية

بس معقول ان الوظيفة فقط! تلعب جيمز و تسوي تقارير للجمارك عن اللعبة ؟

 

[Painkiller Q8]

ياخي شي ممتاز جداً , و ما اعتقد انه موجود في السعودية

بس معقول ان الوظيفة فقط! تلعب جيمز و تسوي تقارير للجمارك عن اللعبة ؟

اي بس .. وشتبيهم يسوون بعد .. ترا الوظيفه متعبه وممله خصوصا للي توظف فيها عصب ومايحب القيمز اساسا ... يقولون ممكن انك تعمل في القسم بعمل إداري ومسوول عن الاوراق فقط ولا تلعب .. وفي الفراغ ممكن تلعب .. وهذا افضل بصراحه ^^

انك تكون في مكان مليان قيمز وتلعب بدون اجبار من احد.

 

[king zell]

لا تنسى بس إنك يتضطر تلعب ألعاب سيئة جدا في المقابل

 

[Gohan]

السلام عليكم ورحمة الله وبركاته

غريبة... الوظيفة جيدة لكن ما فائدة الوظيفة من الأساس إذا كان ممكن يلاقوا تقارير من ESRB عن الالعاب من قبل اصدارها الفعلي يعني من دون تجارب او غيره?! ...

إلا لو كانوا يخصصوا الأمر هذا في الالعاب اليابنية :S

 

[Wild Fox]

-_-
مستحيل .... طموحاتي اكبر .

 

[Saadawii]

السلام عليكم ورحمة الله وبركاته

غريبة... الوظيفة جيدة لكن ما فائدة الوظيفة من الأساس إذا كان ممكن يلاقوا تقارير من ESRB عن الالعاب من قبل اصدارها الفعلي يعني من دون تجارب او غيره?! ...

إلا لو كانوا يخصصوا الأمر هذا في الالعاب اليابنية :S

تصنيفهم ما ينفع لنا بكل الأحوال. يعني في ألعاب فيها محاذير دينية مثلاً، أو إيحاءات جنسية، أو قيَم تربوية خايسة.
أتمنى الشباب والبنات يكونون على قدر كبير من الوعي، وعلى قد المسئولية.

 

[SHABASH]

ليه مافي في السعودية :sarcastic:

 

[Al Pacino]

واو وظيفة حلوة ..بس دبلوم وبكاليريوس !!

بس بصراحة وظيفة اعجبتني .,. !

 

[Noah`s Ark]

يا الظالم ... 🙁
احسم المبلغ لأنك راح تختبر الألعاب ببلاش + الأجهزة آلردي متوفره .
+ راح تكون من اول الناس الي راح تلعب الألعاب .
تحتاج تعيد النظر ..

 

[q8 spy]

جم الراتب ؟

 

[Gladiator]

يا عيني على الوظيفة
هذي وظيفة الاحلام
بس كم الراتب تقريبا ؟

 

[Revolver]

وظيفه ممتعة جدا في الكويت Game Tester

ما اظنها بتكون ممتعه جداً اذا بتجرب العاب زي هذي:

لأنها ادوات تعذيب بحتة.

 

[G7Ga7]

أوه تجرب الالعاب للجمارك؟ انا شفت في العنوان مكتوب تيستر ووظيفة ممتعة, ومت من الضحك XD.

لأن الـGame tester بمعناها المألوف, هي أتعس وظيفة في صناعة الألعاب. إيه نعم. حتى لو انك تلعب أحسن لعبة في الدنيا, راح تكره نفسك وتكره حياتك لأنك كل الي انت قاعد تسويه انك تضيع أكثر من 5 ساعات متواصلة تلعب مرحلة أو جزء بسيط من اللعبة ترليون مرة. وكل مرة راح تلقى مشاكل و bugs, وكل مرة تلقى مشكلة, لاسم تسوي تقرير للمطورين عشان يصلحون البق هذا. عاد تخيل انك تسوي هالشيء للعبة مخيسة أو شوفل وير :laugh:: .

الوظيفة ذي شكلها أشوى شوي. على الاقل راح تلعب الألعاب كاملة مرة وحدة بس, وكل الي تسويه انك تكتب تقرير صغير.

 

[Emirates]

شي سيء للغاية وبيخليني العب العاب سيئه على جميع الاجهزه بكره الالعاب

وبعدين صحياااا اكبر غلط لانه بيأثر على العين .. كانك تقول وظيفتك فقط التدقيق في شاشة التلفزيون يوميا للعب

اتخيل محمد كولو يتقدم للوظيفه واول لعبه يقيمها اتكوون

:laugh:: :laugh:: :laugh::

 

[Rakan HD]

انا من الكويت و40 يعتبر بعيد على اهل الديره نفس ما نقول ,
انا ساكن بآخر منطقه بالكويت صوب السعوديه (ام الهيمان) ودوامي بالشويخ مشواري كل يوم حق المعهد ساعه تقريبا مع الزحمه -.-

عموما الوضيفه مو طبيعيه @@ يا رجل حاصلك تلعب بدوامك! ,
مهما كانت الالعاب سيئه افضل من قعده على كمبيوتر ما فيه صوت ونص المواقع محجوبه ولا قعده بمكان كأنه دوانيه والسوالف خلصت وملل .

 

[Ghost of sparta K]

و اللخ وظيفه روعه حتى لو يجبروني اكمل توهيومن 1000 يعني وين تحصل وظيفه ما تضطر تشتري العاي وتجيك جاهز ببلاش و تلعب على جميع اجهزة هذا الجيل معا و زياده هم يدقعولك للعب والجربه !!!!

 

[سليل]

يقبلون موظفين سعوديين :whistle: ؟؟

 

[Painkiller Q8]

جم الراتب ؟

الراتب من 650 لي 720 د.ك تقريبا عزابي بدون علاةه أجتماعيه او بدل اجار !!

.. عموما شباب ترا الستاف هناك كبير .. واكيد راح تلعب من لعبتين لي 3 العاب في الشهر .. يعني لو تلعب ساعتين في اليوم راح تخلصهم كلهم على راحتك ..لي نهايه الشهر.. اخوي يقول الشباب مقزرينها هناك .. يلعبون شوي وينحاشون من الدوام .. ههه اول مره اشوف واحد ينحاش من القيمز.
انا مستعد اللعب اسوء الالعاب ولا اكتب برامج كل يوم واصمم شاشات للسستم في دوامي 🙁
واكيد ضبط المسئول علشان يخليك تلعب الالعاب الِAA فقط لووول:laugh::

 

[T i d u s]

طيب يرسلون لي الألعاب إلي تحتاج تجربة لمكان سكني أختمها على روقان
وفي آخر الشهر أرسل لهم تقارير مفصلة .. ومهب مشكلة لو كان الراتب أقل ://

 

[SHABASH]

الراتب من 650 لي 720 د.ك تقريبا عزابي بدون علاةه أجتماعيه او بدل اجار !!

:wow:

ممكن اتوظف عندهم

 

[persona]

الراتب من 650 لي 720 د.ك تقريبا عزابي بدون علاةه أجتماعيه او بدل اجار !!

.. عموما شباب ترا الستاف هناك كبير .. واكيد راح تلعب من لعبتين لي 3 العاب في الشهر .. يعني لو تلعب ساعتين في اليوم راح تخلصهم كلهم على راحتك ..لي نهايه الشهر.. اخوي يقول الشباب مقزرينها هناك .. يلعبون شوي وينحاشون من الدوام .. ههه اول مره اشوف واحد ينحاش من القيمز.
انا مستعد اللعب اسوء الالعاب ولا اكتب برامج كل يوم واصمم شاشات للسستم في دوامي 🙁
واكيد ضبط المسئول علشان يخليك تلعب الالعاب الِAA فقط لووول:laugh::

البكالريوس معاشاتهم 750ّ لي 800 بدون العلاوة الزوجية وبدل الاجار والطريج ،
بس شبيكون المسمى ، مجرب العاب الكترونية (بيعقدون معنى التستر) نفس ماهو حاصل مع مسماي مبرمج صار (صائغ برامج)
والديوان على تغييير مسمى يبيلك مليون خطوه تسويها ..

قريب من دوامي بس يبيله ندب :laugh::


موضوع جانبي

اتخيل الرسمية في الكتابات في الوزاره ..كتاب من هالقسم للمالية مثلاً؟

الموضوع: طلب جهاز جديد
السيد/ مدير الشؤون المالية المحترم
وبعد،،،
يرجى التكرم بتزويدنا بجهاز Xbox 360 عدد 3 أجهزة من شركة مايكروسوفت وذلك لتعرض أجهزتنا للتلف بسبب TRLOD.

وشكراً

:laugh::laugh::

 

[Saadawii]

البكالريوس معاشاتهم 750ّ لي 800 بدون العلاوة الزوجية وبدل الاجار والطريج ،
بس شبيكون المسمى ، مجرب العاب الكترونية (بيعقدون معنى التستر) نفس ماهو حاصل مع مسماي مبرمج صار (صائغ برامج)

تداوم في سوق الذهب؟ لول

 

[The Bloodstains]

مو كأن هالراتب ضعيف نسبياً مقارنة برواتب الموظفين الحكومين و القطاع الخاص في الكويت؟

ما أقول إلا الله يخلي لكم حكومتكم بس، معيشين الكويت في نعمة الكل يحسدكم عليها.

 

[Golden_Sun]

دوام حكومي = meh.
وبعدين شدعوا عليهم يلعبون اللعبة كاملة علشان يسمحون لها او لأ؟ انا موضوع الرقابه هذا مو داش مزاجي ابدا!
رقابه على الافلام، الاغاني، المسلسلات، النصوص المسرحيه، الالعاب، الكتب..الخ خلاص لِ متى!

 

[Photon]

:wow:

ممكن اتوظف عندهم

أكثر شي عاجبني في الموضوع هو البني آدم المفجوع هذا :laugh::

أتوقع المعيشة غالية جدا بالكويت و راتب مثل هذا ما يكفي إلا عزابي يمكن بس لو شاباش بيقعد يحولها بالريال في مخه راح أشوفه يحلم بالليالي طول عمره بالوظيفة هذه :laugh::