وظيفه ممتعة جدا في الكويت Game Tester

[s3rorh]

أحجزوا لي الوظيفه ... باجر راد على أول طياره (&)

 

[pacino]

ولا بالعذابين أروح هناك، لو كل يوم يلعبوني ميجامان ومترويد.

ثلاث أحرف بسيطة: KOC. أوفرتايم 4 أيام أييب معاشهم, ساعتي بـ10 دنانير مينيمم. آنا واحد ما أرضى بأقل. آخر خبري بالوزارات إنه أوفرتايم يوم كامل قد ما يوصل 20 دينار، أو حتى 10.

خلك بالـKOC وانظر لبعيد. بعد عشر سنين معاشك راح يتضاعف على الأقل، وما أعتقد تحتاج أقول لك شنو الميزات اللي بتاخذها لما تطمر إلى gradeـات عالية بالمستقبل، لا تستهين بقدراتك وقد تكون Team Leader أو حتى DMD يوم من الأيام.

شغلة حليوة وتمشي الحال لكن طموحي أعلى من testing. رأيي حسب خبرتي إنه مو كل شي sounds nice on paper يكون nice in practice. والأهم إنه الواحد يطالع المستقبل. آنا بجنة الحين، وأبي أكون بجنة بعد سنتين وخمس سنين وعشر سنين وعشرين سنة.

الله يعز الكويت.

خبري بشهادتك هندسة كيميائية؟ قليل الي يتوظفون هندسة كيميائية بالkoc ما قدمت بال knpc او pic ؟

انا طالب هندسة بترول سنة ثالث..اذا ممكن سؤال.هل يفرق معاش مهندس البترول عن الكيمكل بالمعاش بال koc

 

[Colorization]

Colorization

مو جنه الkoc يبيلهم واسطة عشان تلقى مكان سنع عندهم؟
خاصه حق واحد مثلي ما عنده معارف ومترقع بشهادة دبلوم اداري xD
وحسب ما سمعت انه اغلب الشغل في الشركة كرف ودوام طويل غير المسافه ! الا القليل مرتاحين .
صج هالحجي انه اول جم شهر لازم تنام عندهم ؟ تجنيد صار :laugh::
:annoyed: نورنا اكثر على نظام koc...

المسألة مو مسألة واسطة، انت لما تقدم شهادتك عند وزارة النفط هم بعدين يفرزون الطلبات اللي وصلتهم إلى KOC و KNPC وهكذا. كون عندك شهادة إدارية معناته دوامك بيكون صباحي بس، مو شفتات. دوام الصباحي من 7 الصبح إلى 3 العصر من الأحد إلى الخميس (aka الدوام المعتاد لكنه أكثر من الوزارات). من ناحية الشغل، ما عندي فكرة عن الدوام الصباحي (أسأل لك لو مهتم)، لكن كله أقول حق الناس حطوا ببالكم إنكم قاعدين تشتغلون بمركز إقتصاد الدولة، لذلك لازم تهيئون نفسكم حق بيئة العمل. بالنسبة لي، حاشتني أيام خايسة وايد، لكن وضعي تحسن عن أول وايد.

أما سالفة النوم هذي عجيبة، لول لا يبا وين قاعدين.

خبري بشهادتك هندسة كيميائية؟ قليل الي يتوظفون هندسة كيميائية بالkoc ما قدمت بال knpc او pic ؟

انا طالب هندسة بترول سنة ثالث..اذا ممكن سؤال.هل يفرق معاش مهندس البترول عن الكيمكل بالمعاش بال koc

شهادتي Oil & Gas Engineering (دبلوم مو بكالوريوس، من الكلية الإسترالية اللي بمشرف)، وحسب اللي سمعته من أهلي والناس اللي أثق في خبرتهم كلهم قالوا لي إنه الـKOC هي أحسن شركة نفطية من بين هالشركات من كل النواحي.

ما عندي فكرة بخصوص سؤالك لكن اللي عرفته اليوم بالصدفة إنه الشخص اللي شهادته تخص العمل بشكل مباشر راح تساعده وايد بالترقيات. على سبيل المثال، في واحد دخل معاي شهادته هندسة معمارية أو شي جذي. لول تحس شاللي يايبه KOC؟ و واحد من ربعي شهادته هندسة ميكانيكية. لما نيي حق وقت التقييم، كون شهادتي Oil & Gas (تخصص مباشر فيما يخص العمل) آخذ نقاط زيادة بسبب الخبرة الدراسية. أيضاً، لو أييب البكالوريوس للشركة بعدين، على طول يرفعوني من Gas Operator 2 (درجة رقم 9) إلى Controller (درجة رقم 16). لو تشتغل بالدبلوم بشكل طبيعي ممكن ما توصل الكنترولر إلا بعد 8 إلى 15 سنة (حسب الشواغر والتقارير السنوية وعوامل مؤثرة متعددة، لكن حتى الـ10 أشوفها صعبة).

بإختصار، كون شهادتك متخصصة بالعمل، لا تحاتي، شغلك ماشي على أكمل وجه.

إن شاء الله أكمل بكالوريوس هالسنة. بروح يوم الأربعا للإسترالية أسأل عن الكورس.

 

[BioHazard]

ولا كبرناها ولا شي, الي عنده دبلوم اصلاً بدري عليه يحصل وظيفه :laugh::

 

[persona]

محمد الفرز مو بوزاره النفط ،اهو المبنى بروحه قاسمينه نص للقطاع الخاص ونص لوزاره النفط
بأغلب الادوار.

لانه توظيف وزاره النفط يكون يتم بديوان الخدمة المدنية
اما توظيف القطاع النفطي الخاص يتم بالاعلان الخاص والمقابله

وزاره النفط وزاره اشرافيه ، مو خدماتيه يعني ماكو مراجعين اللهم اذا كنت إداري شغلك على حسب الشغل اللي بيعطيك إياه المراقب.
الدوام بيكون صباحي من 8 لي 2 ونص.

 

[Jonas]

- انت متوقع انك كل الالعاب اللي بتجيك ممتعة ؟! شوف الفيديو هذا و اتخيل انك بتقيم اللعبة مكانه :
[YOUTUBE]mB1zWEhgrLs[/YOUTUBE]


الخلاصة انه الواحد لازم يفرق بين الترفيه و البزنس , حلاوة الجيمز انها للترفيه عن النفس , وادخالها للشغل رح يخربها ويخليك تكرهها و تكره عمرك , برأيي ..:nerd:

هذا شي غير عن الـGame tester , هذا محرر في موقع Game Spot , و على فكرة الشخص الي يكتب مراجعات لازم يمر ببعض الألعاب التعبانه زي هذي , والعكس صحيح , ممكن يراجع العاب قوية جداً.

و على فكرة هذا الشخص هو المحرر الي كتب مراجعة

محتوى مخفي

Super Mario Galaxy

:smug:.

 

[14/08]

ودي أعرف ليه يطلبون دبلوم و بكاليريوس لأنه أنت بالأخير راح تلعب !
لكن أتوقع إن هذي الوظيفة راح هي حلم أي مواطن كويتي معاه دبلوم و يحب الألعاب 🙂