ورشة للأعمال الفنية =)

[dingo]

السلام عليكم ...شلونكم شباب شخباركم

بصراحة اشتقت لكم ولأبداعاتكم...

قبل كم يوم حاولت ارسم بالالوان المائية ... لأول مرة ... النتائج ماكانت مرضية صراحة ..لكن حبيت احط لكم اللي طلع معاي .. يمكن نشعل حماس الموضوع من جديد
هذا انا في احدا الحفلات الغنائية :whistle:

محتوى مخفي

 

[Noah`s Ark]

^

اهنيك صراحة :fd3:
​

 

[DONY]

ماشاء الله حلوة الرسمة وباين أنها أخدت وقت , لونتهتا بالتلاوين المائية ولا الزيتية ؟؟
​

 

[dingo]

الله يسلمكم ... عيونكم الحلوة ولا الرسمة عادية جدا 🙂

لونتهتا بالتلاوين المائية ولا الزيتية ؟؟

لا هذي بالألوان المائية .... ثاني محاولة لي ... لأني ماعمري رسمت بالالوان " الحقيقية " الا من كم يوم

ان شاء الله القادم احلى 🙂

بس نبي نشوف ابداعاتكم انتو بعد

 

[DONY]

عذراً ما لاحظت جملة :

قبل كم يوم حاولت ارسم بالالوان المائية

​

 

[dingo]

لوول ميخالف ... لأن اغلب اللي شافوها يقولون طريقتك بالتوين اقرب للزيتي من المائي...ويسئلوني نفس السؤال

 

[Ze Truth]

رسمة حلوة عزيز, ماشاء الله عليك 🙂

وزين انك تحاول تغير في طريقة الرسم. اذكر في مره كونسبت ارتست قال لو تجيب لي فرشة ولوح رسمتى ما راح تكون ربع الرسمة على التابلت, لاني ما عودت نفسي باني ارسم بالالوان الحقيقية. فحلو انك تنوع وتجرب اشياء جديدة.


وبعدين وينك يا اخي مختفي؟

 

[Noah`s Ark]

اعرف واحد رجال كبير ..

يقولون عياله ان حلاة القعدة عنده :

يدخن غليون + قاعد قدام اللوحة و الألوان المائية + مشغل الرادو و يسمع .

تطلع منه فنيات عجييييييييييبة , المفروض ينقال عنه فنان عالمي شهير ...

لكن ما يحب يوري , لازم انت تطلب منه يوريك لوحاته .

رهيب رهيب بمعنى الكلمه

الي ما يعرف الغليون :

محتوى مخفي

 

[Lunar Poet]

عزيز أكيد تمزح. الرسمة -ما شاء الله عليك- حيل حلوة و ما أشوفها تقل جودة أبداً عن رسماتك اللي بالتابلت!
عجبتني حيل الوضعية و الألوان، ما شاء الله عليك 🙂

لازم في الفترة القادمة بكمل وحدة على الأقل من الرسمات اللي عندي!

 

[dingo]

يعطيكم العافية ياجماعة على الردود الحلوة واللي تحمس ...خاصة بعد فترة الخمول اللي قاعد امر فيها..

والله شي جميل اني اشوفكم من جديد بعدة هذي الفترة من الانقطاع 🙂

وبعدين وينك يا اخي مختفي؟

اعذرني والله الجامعة ماتخلي الواحد بحاله ..يستلمونك بروجكتات وبرزنتيشنات وامتحانات ... لكن بما اني معطل ... ان شاء الله بتملون مني :q

عزيز أكيد تمزح. الرسمة -ما شاء الله عليك- حيل حلوة و ما أشوفها تقل جودة أبداً عن رسماتك اللي بالتابلت!
عجبتني حيل الوضعية و الألوان، ما شاء الله عليك

ياهلا والله يوسف .. لا لا ماعليك انطر علي شوي وبتشوف المستوى الحقيقي ان شاء الله ...هذي الرسمة كانت حق مادة بكليتنا اسمها art and artist تتكلم عن الabstract art وهذا السر في استخدامي للألوان هذي عشان كنت احاول اسويها ابستراكت شوي

ملاحظة : يوسف وزيتروث ...ترى ماراح احط رسمة جديدة الا بعد ما تحطون انتو 🙂

 

[Lunar Poet]

^أوكي

كالعادة مليااانة أخطاء و مب عاجبتني للأسف =/

 

[Snake-87]

كالعادة مليااانة أخطاء و مب عاجبتني للأسف =/

انا عاجبتني @@
شوف الجينز من تحت بس ما شاء الله

 

[Noah`s Ark]

شوف يوسف راح اقيم لك الرسمه من ناحيتين

الناحية الفنية :

+
التدرجات عندك فنيات فيها
قدرت تقن الفن المخملي فيها

-

مقاسات مب مضبوطه
ابعاد تعبانه

-----------------------------

ناحية النقل
+
....

-
المعالم تبدو واضحه و كفيله بإنها توضح الشخصية
لكن بالنسبة لي اقول حتى ما يشبه لوفي .. بس تقدر تقول واضح انه اهو


عموماً , توقعت يطلع بيدك شي احلى
​

 

[EPIC FAHAD]

شوف يوسف راح اقيم لك الرسمه من ناحيتين

الناحية الفنية :

+
التدرجات عندك فنيات فيها
قدرت تقن الفن المخملي فيها

-

مقاسات مب مضبوطه
ابعاد تعبانه

-----------------------------

ناحية النقل
+
....

-
المعالم تبدو واضحه و كفيله بإنها توضح الشخصية
لكن بالنسبة لي اقول حتى ما يشبه لوفي .. بس تقدر تقول واضح انه اهو


عموماً , توقعت يطلع بيدك شي احلى
​

ابو التحطيم الي عندك :w00t:

الرسمه جميله ومع الوقت ان شئ الله تتطور لافضل

ياليت عندي موهب الرسم باذات :crying:

 

[Lunar Poet]

انا عاجبتني @@
شوف الجينز من تحت بس ما شاء الله

شكراً

زين عرفت إن الرسمة عجبت أحد على الأقل

شوف يوسف راح اقيم لك الرسمه من ناحيتين

رد محطّم لول. لهالدرجة ما عجبتك الرسمة؟ حتى و أنا اللي راسم الرسمة و مب عاجبتني ما أشوف إنها بهذا السوء لول. بما إنها رسمتي و تعبان عليها فأتوقع إن من حقي إني أدافع عنها :fd3:

-

مقاسات مب مضبوطه
ابعاد تعبانه

هالنقطتين ما فهمتهم بالضبط. شنو بالضبط اللي مقاسه مب مضبوط؟ (الراس/العيون/اليدين/الرجلين/الخ)
أما الأبعاد، فأتمنى إنك توضح هالنقطة بعد. ما قدرت أستوعب قصدك بـ"أبعاد تعبانة" بالرغم من إن وضعية الشخصية كلها تقريباً على مستوى واحد!

-
المعالم تبدو واضحه و كفيله بإنها توضح الشخصية
لكن بالنسبة لي اقول حتى ما يشبه لوفي .. بس تقدر تقول واضح انه اهو

مستحيل أصلاً تشوفه تماماً مثل اللي انت تشوفه ألحين في الأنمي. إنت توّك في حلقات مبكرة في الأنمي و عمر لوفي صغير نسبياً في الحلقات اللي إنت فيها، حتى شكله أصلاً غير شوي عن الحلقات المتأخرة بعد ما كبر شوي. أسلوب رسم الشخصيات أصلاً يختلف حسب رسامين الحلقات، مع الوضع بعين الإعتبار إن جميع أشكاله في الأنمي -من منظوري على الأقل- مختلفة عن شكله في المانجا. ملامح الشخصية الأساسية ثابتة، لكن تفاصيلها تختلف حسب الرسام.

شكل لوفي قبل 100-150 حلقة تقريباً:

لاحظ الفرق بينه و بين شكله في بداية المسلسل:

لوفي في المانجا:

لاحظ إختلاف الأسلوب، و بطبيعة الحال، بيكون له شكل مختلف شوي مع أسلوبي الشخصي.

عموماً علي أتمنى إن إنتقاداتك القادمة تكون بنّاءة بدال ما تكون هدّامة. عبارات تحطيميّة مثل "تعبانة" و "و توقّعت يطلع بيدك شي أحلى" جارحة و تُخفض المعنويات جداً أكثر من ما إنها ترفعها و و إنها تحمّس لإنتاج الجديد.

 

[Lunar Poet]

ابو التحطيم الي عندك :w00t:

الرسمه جميله ومع الوقت ان شئ الله تتطور لافضل

ياليت عندي موهب الرسم باذات :crying:

شكراً 🙂، و التطوّر إن شاء الله يكون بتشجيعكم 🙂.

 

[Alucard]

ماشاء الله اشوف ناس مبدعة هنا .. أهنئكم

يوسف عجبتني رسمتك والألوان اللي استخدمتها.

انا طول عمري عقدتي هي التلوين عشان كذا معظم رسومي بالابيض والأسود ..

هذي اخر رسمة اشتغلت عليها .. تناقش موضوع انفلونزا الخنازير وصدرت في مجلة الكترونية. عطونا ارائكم شباب وطبعا باب النقد مفتوح. في النهاية نريد نستفيد من الخبرات الموجودة هنا 🙂

 

[Niessu7]

رسمة لوفي جداً رهيبة لي وكـ fanart اعتبرها توب .

ممكن احس ان فيها شيء غلط بس مو عارف شيء ، على العموم هو احسن حاجة في الفانز ارت انك مو متقيد بشيء معين وهذا الي يعجبني فيهم .

الوكارد واو فكرة رسمتك تحفة ، ماعندي اي ملاحظات عليها ابداً .

 

[dingo]

ماشاء الله يووسف الرسمة روعععة .... ماتوقعت تحط شي بالسرعة هذي ... على راسي والله 🙂

التلوين جمييل ونظيف كعادة رسماتك ماشاء الله عليك

بصراحة ما اشوف اي مشكلة بالمقاسات او الابعاد ..حتى ادين لوفي ورقبته هية هية ماشاء الله ..

في شي واحد يحسس المشاهد ان في شي غلط وهو مو عيب في رسمك اصلا ..الا وهية ..ان ستايل رسم ون بيس بسييييييط جدا... رسمتك صايرة اكثر ريلستك بالمقارنة مع رسمهم ...عشا جذي الناس حاسة ان في شي غلط..
كييييييب ايييت اببب .... والله فرحتني 🙂

جااايكم لكن بعد ما زي تروث يحط شي جديد

 

[Revolver]

ما كنت ناوي ارد لكن رسمة لوفي لفتت انتباهي بشكل كبير
كل شي في الرسمه ممتاز, من ناحية الستايل اللي كأنه سمدج الى الأضاءه والتدرج في الوان ملابس لوفي
رسمة ممتازه, لو بعطي ملاحظة بقول على العيون فقط, حسيتها غريبه شوي * داخله على داخل *
لكن الباقي كله رهيب, تقدر ترسم رسمة للوفي وهو بالجير سيكوند :
حيطلع اوسم.

 

[Noah`s Ark]

رد محطّم لول. لهالدرجة ما عجبتك الرسمة؟ حتى و أنا اللي راسم الرسمة و مب عاجبتني ما أشوف إنها بهذا السوء لول. بما إنها رسمتي و تعبان عليها فأتوقع إن من حقي إني أدافع عنها :fd3:

اولا , انا ما استهين فيها للدرجة الي انت متوقعها , اصلا ما فيه استهانه ...
وكوني قلت النقاط الي شفتها =/= انها ما عجبتني
​

هالنقطتين ما فهمتهم بالضبط. شنو بالضبط اللي مقاسه مب مضبوط؟ (الراس/العيون/اليدين/الرجلين/الخ)
أما الأبعاد، فأتمنى إنك توضح هالنقطة بعد. ما قدرت أستوعب قصدك بـ"أبعاد تعبانة" بالرغم من إن وضعية الشخصية كلها تقريباً على مستوى واحد!

يمكن شوي تسرعت يوم قلت المقاسات , بس ارجع اتكلم عن الأبعاد .
بحكم ان لوفي نشوفه في الأنمي و نشوفه كبعد واحد , فتحس في شي ناقص او غلط بحيث انك تقدر تعدل عليه وتخليه احسن ؟
​

مستحيل أصلاً تشوفه تماماً مثل اللي انت تشوفه ألحين في الأنمي. إنت توّك في حلقات مبكرة في الأنمي و عمر لوفي صغير نسبياً في الحلقات اللي إنت فيها، حتى شكله أصلاً غير شوي عن الحلقات المتأخرة بعد ما كبر شوي. أسلوب رسم الشخصيات أصلاً يختلف حسب رسامين الحلقات، مع الوضع بعين الإعتبار إن جميع أشكاله في الأنمي -من منظوري على الأقل- مختلفة عن شكله في المانجا. ملامح الشخصية الأساسية ثابتة، لكن تفاصيلها تختلف حسب الرسام.

شكل لوفي قبل 100-150 حلقة تقريباً:

لاحظ الفرق بينه و بين شكله في بداية المسلسل:

لوفي في المانجا:

في هالنطقه معاك حق , بديت اغير رايي جزيئاً .
​

عموماً علي أتمنى إن إنتقاداتك القادمة تكون بنّاءة بدال ما تكون هدّامة. عبارات تحطيميّة مثل "تعبانة" و "و توقّعت يطلع بيدك شي أحلى" جارحة و تُخفض المعنويات جداً أكثر من ما إنها ترفعها و و إنها تحمّس لإنتاج الجديد.​

لا تتفاعل حيل , الكلام الي قلته ما اعتقد انه وصل لهالدرجة من التسفيل بالرسمه .

الرسمه " مب شي سهل " , بس "يبقى فيها اخطاء "
​

 

[Mista Koo]

دينقو عجبني اختيارك للألوان

يوسف رهيبة خصوصا الوجه :wow:.. ما شا الله عليك أحس مستواك تحسن بسرعة (يبي لي أغار وأبدأ أتدرب >.>)

ألوكارد رسمتك مو طالعة

 

[Andrew X]

اولا , انا ما استهين فيها للدرجة الي انت متوقعها , اصلا ما فيه استهانه ...
وكوني قلت النقاط الي شفتها =/= انها ما عجبتني
​

يمكن شوي تسرعت يوم قلت المقاسات , بس ارجع اتكلم عن الأبعاد .
بحكم ان لوفي نشوفه في الأنمي و نشوفه كبعد واحد , فتحس في شي ناقص او غلط بحيث انك تقدر تعدل عليه وتخليه احسن ؟
​

في هالنطقه معاك حق , بديت اغير رايي جزيئاً .
​

لا تتفاعل حيل , الكلام الي قلته ما اعتقد انه وصل لهالدرجة من التسفيل بالرسمه .

الرسمه " مب شي سهل " , بس "يبقى فيها اخطاء "
​

ولو انه ماله دخل بالموضوع..بس اغلب الأنيمي يبدا رسمه حلو او يبان انه رسم يدوي متقن..لكن بعدين كل مازادت الحلقات كل مابدوا يستخدمون الكمبيوتر اكثر في رسمه ويصير بايخ..

 

[Alucard]

ألوكارد رسمتك مو طالعة

عدلتها شوف اذا تطلع عندك الحين

 

[dingo]

الووكارد الرسمة حلوة ... الستايل اللي رسمت فيه راكب مع موضوع الرسمة .. نبي نشوف اشياء ثانية من عندك =)

 

[dingo]

السلام عليكم ورحمة الله وبركاته ..🙂

انا بصراحة كنت ناطر زي تروث يحط شي جديد .. بس قلت احط لكم شي تصبيرة على ما يخلص زي تروث رسمته 🙂

محتوى مخفي

ان شاء الله تعجبكم ^^

 

[Lunar Poet]

ما شاء الله عليك عزيز مبدع كالعادة 🙂، وضعيّة الشخصية و تفاصيل الجسم جداً أعجبوني 🙂

زي تروث ننتظرك

!

 

[Dr.Manhattan]

دينجو رسماتك رهيبة ما شاء الله،ما عندك يوزر بديفيانت ارت أو فليكر

 

[Phoenix]

ماشاء الله عليك dingo .. انا متابع الموضوع من اول ما نزلته واستمتع بكل رسمه تحطها

اتمنى بيوم من الايام اصير بربع مهاراتك بالرسم ..بس شلون وانا مافي بغرفتي حتى قلم رصاص !! :xd:

 

[s3rorh]

ماشاء الله عليك dingo .. انا متابع الموضوع من اول ما نزلته واستمتع بكل رسمه تحطها

اتمنى بيوم من الايام اصير بربع مهاراتك بالرسم ..بس شلون وانا مافي بغرفتي حتى قلم رصاص !! :xd:

والحبر... وين راح :confident: .... بتقول شلون ... بقول لك شووووف هالابداع

الرسمه لصاحبي ...وباقي ابداعاته تحصلها اهني http://ifreeze.deviantart.com/

وهو اخو العضو painkillerQ8