هندسة مدنية أو إعلام ؟ الرجاء المساعدة ..

[Id]

هندسة مدنية ... مواد دراسية عامة عن إنشاء الطرق و المواد الخام المستخدمة فيها ويضاف عليها دراسة بيئيه تخطيطيه... ونعم يوجد رياضيات ... بس مو مثل باقي التخصصات الهندسية ... وظائف (( شركات التنمية , بلديات المدن , مشاريع التطوير العمراني )) ...

إعلام ... صحيح الإعلام مجال رهيب جداً ... بس أظن و أنا مع أعلم عنك أخوي BioMario بس ترى مجالها في دول مثل الإمارات كبير ... بس الإنتشار في جميع المجالات عندكم ... وظائف (( قنوات تلفازيه , شركات تنظيميه للمؤتمرات , شركات دعاية و إعلان )) ...

دعواتي لك بالتوفيق ...

 

[Magical Dreamer]

لوول كنت احسب بس الاولاد اللي مشهور عندهم النتوورك.. نحنه كلهم يروحون يا سكيوريتي يا نتوورك. بالغصب تحصل اي تخصص ثاني مفتوح (خاصة مع اعدادنا الصغيرة)

مادتين الهاردوير اللي اخذتهم في الجامعة خلتني ما افكر ابدا بالـComputer system engineering.
Computing Systems عند باراساد (اللاب) كان عذاب لوول.. و بعدها الـArchitucture عند وليد و أسئلة امتحاناته اللي ما اعرف من وين ييبهن.

ما شفت شي لول هذول الاثنين يعتبرون أكثر أساتذة الهاردوير رحمة على الطلاب ما شفت الباقي

اصلا دكاترة الهاردوير هم أهم سبب يخلي الناس تتهرب من دخوله ، الـArchitucture خذته عند Valeriu Beiu هذا سوني فان متعصب قعد يشرح لنا عن البلاي ستيشن 2 و3 وقوتهم لول

النتورك هو التخصص الوحيد اللي دايما يكون full من ناحية الطالبات ، الهاردوير والـE-commerce اكثر التخصصات اللي تتسكر من سنة للثانية

 

[BioMario]

إعلام ... صحيح الإعلام مجال رهيب جداً ... بس أظن و أنا مع أعلم عنك أخوي BioMario بس ترى مجالها في دول مثل الإمارات كبير ... بس الإنتشار في جميع المجالات عندكم ... وظائف (( قنوات تلفازيه , شركات تنظيميه للمؤتمرات , شركات دعاية و إعلان )) ...

دعواتي لك بالتوفيق ...

أشكرك اخوي ..
بس ترى الإعلام انا يوم افكر ادخلة موب أفكر اني اطلع مذيع مثلاً او مثلاُ اطلع اتكلم في مؤتمرات او ما شابه ..
كنت ناوي ادخلة على اساس التصميم و الجرافكس فقط طبعاً هذي مثل ما تقول شيء فرعي تقريباً ..
لأن الإعلام الحقيقي صحافة و إذاعة و و و و وانا ما احب ابداً هذي السوالف ..
فقلت لو اخلي الجرافكس كهواية أحسن لأن الجرافكس مجال فرعي تقريباً من الإعلام
ومثل ما قلت غلى ما اعتقد الإعلام يركز على الصحافة و الإضاعة و الظهور امام الكميرا وما يشبه هذي الأشياء

 

[Id]

أشكرك اخوي ..
بس ترى الإعلام انا يوم افكر ادخلة موب أفكر اني اطلع مذيع مثلاً او مثلاُ اطلع اتكلم في مؤتمرات او ما شابه ..
كنت ناوي ادخلة على اساس التصميم و الجرافكس فقط طبعاً هذي مثل ما تقول شيء فرعي تقريباً ..
لأن الإعلام الحقيقي صحافة و إذاعة و و و و وانا ما احب ابداً هذي السوالف ..
فقلت لو اخلي الجرافكس كهواية أحسن لأن الجرافكس مجال فرعي تقريباً من الإعلام
ومثل ما قلت غلى ما اعتقد الإعلام يركز على الصحافة و الإضاعة و الظهور امام الكميرا وما يشبه هذي الأشياء

ياحبي لك :bigSmile: هذا قصدي انك مو لازم تكون مذيع بس ... المجال كبير 🙂

.. الا اا ودك تطلع مذيع علشان نكشخ فيك نقول انك من TG وتحط اعلان عن الموقع ...:yuck:

​

 

[G7Ga7]

^
ههههههههههههه
ابداع xD

 

[Mada Mada Dane]

بما اني اشوفك تايه شوي, نصيحة, لا اتخذت قرارك, لا تتراجع فيه ..
التراجع قاتل ..

 

[Mista Koo]

شوف الجرافكس ما أعتقد رح تحصل شغل يرضيك في الدول العربية.. إلا لو تغامر وتبدأ بزنس خاص فيك
وهذا السبب اللي أبعدني عن التخصصات اللي كنت أبيها (جرافكس/game development).. لكن دخلت تخصص قريب منها (computer science) عشان لو هاجرت ممكن أتوظف باللي أبيه P:

أول شي لازم تشوفه طبعا رغبتك ثم رغبتك ثم رغبتك.. ثم طموحك وبعدين العمل (يعني مو تتخصص شي أبدا ما له مستقبل.. لا تدقق كثير عالتفاصيل والراتب وغيره بس أهم شي إنك تحصل فيه وظايف)

والرياضيات هل تكرهها كمادة دراسية ولا تكرهها تماما؟
يعني أنا شخصيا أكره دراسة الرياضيات وأكره موادها لكني الحمدلله جيد فيها وتخصصي معتمد عليها كثير
فإذا إنت مجرد تكره دراستها وإنت شاطر فيها فما عندك مشكلة إدخل هندسة

وأهم أهم أهم شي بعد ما تقرر كل شي وقبل لا تدخل في التخصص... الإستخارة 🙂
والله ولي التوفيق << خطاب مدرسي

 

[Emirates]

اذا تبا تضرب راتب

ادخل هندسة كيميائيه بعدها قدم في ادنووك

تضرب راتب محترف على الراحه

اما اذا خيرتني بين هالتخصصين .. ولا باختار ولا واحد فيهم

 

[persona]

BioMario

الاعلام\الصحافه بشكل عام شغل متعب ..أسئلني..
اذا تحب الالتزمات..واعني الالتزامات بما تعنيه من كلمه ..دشه