[نهاية عصر الفيزكال] سوني تقتل الالعاب الفيزيائية في ٢٠٢٨! بونص:تقفيل متجر البس٣/فيتا
- بادئ الموضوع The Last Lombax
- تاريخ البدء
السوق الامريكي.
اخر بيانات شفناها انه لسه في ٧٠ مليون لعبة فيزيكال عالميا انباعت عادي
Veeto
True Gamer
السوق الامريكي اللي هو اكبر سوق !
توقعت انا شيء سيء بس هالارقام تبين بوضوح وين السوق ماشي .. 7 العاب فوق 100 الف !
شوف وين الحد .. 100 الف !!
بالضبط .. سوني عملت حركة ذكية بالاعلان المبكر جدا
تمتص الموجة السلبية مني الى سنتين الى 2028 !
بوقتها بينزلوا وولفرين وجاو .. و جتا .. والناس بين تنسى وتتناسى .. او تتعايش !
آخر مرة شركة ركزت على "اكبر سوق" واتناست باقي الاسواق، حصلنا الاكسبوكس، وانت تعرف باقي القصة.
سوني نفسها الآن تبكي وتندب حظها انها اهملت السوق الياباني وتبغى تتدارك بعد فوات الأوان، هالسوق الفيزيكال فيه نسبته كبيرة بالمناسبة ولألعاب نينتندو تحديدا، تبيع الملايين، حتى ظاهرة نفس مونستر هنتر وايلدز آخر جزء باع قريب المليون "فيزيكال" فقط باليابان، هذي نسبة معتبرة من ال...مدري 10 ولا 12 مليون مبيعات حقتها
بس يلا عادي ناخذ جزء من القصة وبسنة واحدة فقط واصدارات محدودة -موزعة مبيعاتها ما بين البلاتفورمز المختلفة نفس البي سي مثلا...وباقي الدول- ونقول اهو شوفوا الفيزيكال 100 الف بس هذا حده!
Veeto
True Gamer
ولو انهم بعيدين عن المليون فيزيكال بس بعتبرها ليك مليون اخر رقم ليهم كان 800 الف بس اعتبارا بنقول مليون
https://nintendoeverything.com/japa...mes-of-2025-revealed-mario-kart-world-on-top/
ترى ما رحت بعيد .. مليون من 12 مليون اقل من 10% !
ولا اخذ جزء ولا مقطع .. الشمس ما تنحجب بغربال
يعني راح اعمل تحليل كذا من الكيس ولكن تقريبي لتوصل الفكرة
ايش اكثر لعبة باعت هالسنة؟ ميتشا كاميليون، لحظة هذي حصرية بي سي اصلا، طيب ايش ثاني؟ كريمزون ديزيرت اتوقع، آخر رقم شفناها لها هو 6 ملايين
طيب نعرف انه نصها على البي سي اصلا ، يعني 3 ملايين للكونسولز، هل كلها عالبس5؟ لا جزء منها على الاكسبوكس، بس فرضا نقول انه فقط 500 ألف على الاكسبوكس ومليونين ونص للبس5 والنسبة الغالبة هنا.
على البي سي، نسبة لاعبين امريكا لهاللعبة يساوي 20% من مبيعاتها الكلية، النسبة الاعظم، لكن يظل 20% ، على افتراض انه هالنسبة تطبق على الكونسولز ايضا، نقول 20% من مبيعات كريمزون ديزيرت على البس5 بامريكا، يعني هنا نتكلم عن 500 ألف.
من ال500 ألف ذي، 100 الف فيزيكال او اكثر؟ هذي مو نسبة كبيرة ممتازة يعني؟ يا رجل حتى لو قلنا نسبة مبيعات امريكا طيب هي 30% مثلا، لسه بيكون 600 الف وشوي مقابل 100 الف فيزيكال نسبة منها، نسبة معتبرة ذي.
وهذا بالسوق الضعيف فيزيكال اساسا واضعف من باقي الاسواق هنا
فسالفة انه 100 ألف هو حد الفيزيكال تضليلية تماما بدون ما نضعها بالسياق الصحيح.
هذي قريب مليون "في اليابان فقط".
انت هنا مباشرة افترضت انه باقي الاسواق رقمية 100% ونعرف انه القياس لا يتم كذلك، معناه انه النسبة اكثر من 10% بكثير.
عاد لو تشوف انه خسارة كم مليون من مبيعات لعبة هو شيء عادي طبيعي فهذا يرجع لك.
آخر مرة شفنا لعبة قررت تصدر ديجيتال بدون فيزيكال هالشيء قتل مبيعاتها بقوة، اللي هو Alan Wake 2، غياب الفيزيكال كان عامل قوي لتبطيء مبيعاتها هنا عكس كونترول مثلا، واللي هي كانت نيو آي بي فمهمتها بالبيع اصعب من عنوان معروف نفس آلان ويك.
Veeto
True Gamer
لما تشوف ان اللعبه 20% من مبيعاتها الكلية للسوق الصيني اعرف ان بقية الحسابات كلها تحتاج لمراجعه
لو بتحسب لسوني بالتحديد باعتبارها المعنية هنا
عادة توزيع العابها واجهزتها ماشي بهالنسب
- North America: 40% - 45%
- Europe: 35% - 40%
- Japan and Asia: 10% - 15%
- Rest of the World: 5% - 10%
يعني 100 الف هي 10% ومتسقة ويا ارقام سوني !
مبيعات البس5 بكبرها بامريكا نسبتها ما تتعدى 30% من مجموع مبيعاتها عالميا اصلا آخر مرة شيكت فالحسابات كلها تحتاج لمراجعة فعلا.
بس يلا نعتمد حسبتك انها 10% لامريكا فيزيكال، طيب وباقي العالم؟ واليابان اللي نسبة الفيزيكال فيها كبيرة ضخمة؟ ناهيك عن باقي الاسواق، هذي كلها بتدخل بالحسبة وتصير النسبة اكثر بكثير من مجرد 10% او 15% فيزيكال عالميا، لا تفترض انه باقي الاسواق كلها 100% ديجيتال هنا.
المضحك انه مات باسكاتيلا وهو يشارك نسبة انخفاض مبيعات الالعاب الفيزيكال على مر السنين -وهذا قبل خبر سوني اصلا-، واللي كان فعلا انخفاض كبير، لكن برضو ذكر انه في ارتفاع 3% هالسنة وهو اول ارتفاع للفيزيكال من 2009، وكان يتكلم عن النصف الاول من 2026 فقط، فاحتمال كانت النسبة تزيد مع نهاية السنة اكثر كمان.
Veeto
True Gamer
بما ان عندنا مبيعات اليابان البلاي 5 العادي ذو الديسك ما يتجاوز ستة مليون .. فحتى لو نسبة الفيزيكال (( ضخمة )) ما بتشكل نسبة كبيرة
كمثال
Resident Evil Requiem sold over 194,166 physical copies in Japan during its launch week. The PlayStation 5 version topped the retail charts at 155,373 units, while the Switch 2 version debuted in second place with 38,793 units sold
اللي تشكل كم من نسبة المبيعات الكلية ؟
عندنا مليون مؤشر على ان الجمهور يتحول ديجيتال
اي مؤشر بالدنيا يؤكد هالحقيقة اي دراسة تنوضع للمقارنة تؤكد هالحقيقة .. اي تقرير مالي لسوني يتكلم عن هالشي .. حتى حياتنا الواقعية واحنا نشوف معارفنا
اي موضوع بالمنتدى يتكلم عن هالشي بنشوفه
بس بنقعد نلف وندور بحلقة مفرغة نثبت اثبت الواضحات !
واحنا ما نقول انه مافي انتشار كبير للديجيتال، هذي هي الواضحات.
اللي نقول عنه هو محي الفيزيكال تماما لدرجة انه صار قرار "عادي" قطعه وهذا الغريب التبرير له وكأنه الفيزيكال ما صار له "أي وجود" و انه خلاص "شيء محتم انه يختفي كليا" -مع انه حتى بيانات مات باسكاتال تقول انه صار له زيادة هالسنة ومش نقصان-
بنفس المنطق يعني، مليون مؤشر انه الجمهور الياباني ترك سوني واتحول لنينتندو، الشيء ينعكس بالمبيعات سواء العاب ولا كونسولز، أقلها، وبنفس منطقك بالنسبة للفيزيكال، حصة اليابان بمبيعات البس5 بكبره "ما تتجاوز ال10%" ، جمهور البليستيشن يتناقص باليابان جيل بعد جيل، بشكل معاكس لنمو مبيعات الجهاز عالميا.
مش الأسهل تقطعه وخلاص؟ وسوني فعلا فكرت انها تهمل هذا السوق خلاص لأنه ما صار يهمها طالما "المبيعات العالمية بتزيد وتغطي اي خسارة بسوق اليابان"
بس عادي بشخطة قلم في آخر سنة، وبسبب تغيير الادارة، استوعبوا انه.... لا، أكشلي هذا السوق "مهم" ومش لازم نخسره، يلا نسوي State of Play خاص به، وننزل نسخة خاصة من البس5 ريجون لوكد لليابان رخيصة فيه عشان اهم شيء نبيعه هناك، يمكن ينقذ وضعنا شوي، هل احدث أثر؟ بالكاد، باعوا شوي 300 ألف زيادة، بالوقت اللي السويتش 2 وصل 6 مليون الريدي في اليابان لحالها من أول سنة، في سنة واحدة فقط...تجاوزت مبيعات البس5 بكبره في 6 سنين من وجوده بالسوق، جمهور اليابان بالنسبة للسويتش 2 يمثل حوالي 30% من السوق العالمي.
يلا طالما جبت سيرة مبيعات الالعاب باليابان، لسه توها لعبة كانت "نيش" لنينتندو، ومبيعاتها بحدود ال100 ألف بالعادة، نزلت من كم اسبوع ووصلت نص مليون...فيزيكال! باليابان لحالها، اللي هي Rhythm Heaven Groove، بدون ما نلمس العاب نفس توموداتشي لايف اللي جابت مليون ونص "فيزيكال" باليابان.
او لو نجيبها كنسبة وتناسب، توموداتشي لايف جابت 800 ألف في اسبوعين فيزيكال باليابان، بالوقت اللي وصلت عالميا ل3.8 مليون.
تتكلم عن 21% فيزيكال يابانية من المجموع الكلي..........واحنا حاسبين اليابان فقط! طبعا لو حاسبين مع الاسواق الثانية نسبة الفيزيكال بترتفع بشكل كبير جدا هنا
فمعليش ايش يخلي وضع نينتندو افضل هنا؟ ليش نجحت تحتفظ بالفيزيكال هنا؟ مش الاسهل لجهاز محمول زي السويتش انه الناس تفضل العاب الديجيتال عليه؟ ومع ذلك الفيزيكال له حضور كبير.
باكتفي بالقول انه لو اللي ارتكب قرار قتل الفيزيكال بعد سنتين كان مايكروسوفت، كنا راح نشوف نبرة مختلفة تماما وما راح تبرر لهم!
الناس بدأ تنسى بالفعل اكبر مثال مبيعات بورت كود الرقمية متصدرة
بورت كود لو باعوه على فلوبي ديسك برضو راح يكون متصدر لول
Veeto
True Gamer
لانها نينتندو ونموذج عملها مختلف عن سوني
ومعلقتك عن اليابان كلها ما ليها معنى بالنقاش
بدليل انهم كنسلوا على الفيزيكال بكبره للكل مو لليابان بس
نينتندو فوق نسبتها العالية هناك .. عناوينها تبيع هناك
مضطرة تراعي لهالسوق المهم لها
سوني واضح ان هالسوق
هم يمكن ما اتخذوه بس طبقوه قبل سوني
ولا تخاف بعد ببرر ليهم تصرفهم
الختام .. اذا سمعت صوت الرعد مو معناه ان هناك مطر غزير .. لكن اذا شفت دخان .. فحتما ان هناك نار
معلقتي عن اليابان فكرتها واضحة، النسبة بين اليابان ضد الكل، نفس النسبة بين الفيزيكال ضد الكل.
نسبة المبيعات باليابان قليلة وتتضاءل جيل عن جيل، عادي تتخلى عن السوق، نفس لما نسبة الفيزيكال قليلة، خلاص عادي تتخلى عن السوق سوني على كذا، ولا.
نفس لما اكسبوكس اتخلت عن الاسواق العالمية وسحبت الدعم منها، هنا قلصت سوقها بنفسها وانتقدناها عادي.
وايش نموذج العمل المختلف؟ تبيع العاب زي ما سوني تبيع العاب، عندها ديجيتال زي ما سوني عندها ديجيتال، يبيعون فيزيكال زي ما سوني تبيع فيزيكال، ايش اختلف بالضبط هنا؟ نينتندو تبيع سمك وانا ما ادري؟
والنار تقدر تطفيها، نفس لما سوني قررت انه ترجع تلتفت للنار المحترقة بسوق اليابان وتحاول تطفيها بمعاملة خاصة وجهاز رخيص خاص بدل التخلي عنه كليا.
البارون
Hardcore Gamer
https://www.ign.com/articles/reside...ld-out-online-united-states-ps5-xbox-switch-2
يتلخص خبر شركة كابكوم (Capcom) المنشور في شبكة IGN حول أحدث ألعابها الضخمة Resident Evil Requiem في النقاط الرئيسية التالية:
- نفاد كامل وصادم للمخزون: شهدت النسخ الفيزيائية (الأقراص) للعبة نفاداً حاداً وكاملاً (Sold Out) عبر الإنترنت لدى كبرى المتاجر الأمريكية مثل Best Buy وGameStop وWalmart.
- أمازون الملجأ الوحيد ولكن بشرط: تبيّن أن موقع Amazon هو المتجر الوحيد الذي يمتلك مخزوماً فيزيائياً متبقياً لجهاز PS5،
- بينما شهدت نُسخ جهاز Nintendo Switch 2 تلاعباً في الأسعار وارتفاعاً فوق السعر الرسمي قبل أن تنفد هي الأخرى تماماً.
ما استغربه هو التجاهل التام للاعلاميين والصحفيين مثل دانيل احمد لهذا الامر، الشركات تتعمد تقليص النسخ الى الحد الادنى.
يتم طباعة 10 الاف نسخة مثلا وهناك مليون يريد اللعبة فلا يجدها، فبكل تأكيد راح يأخذ النسخة الرقمية.
Veeto
True Gamer
هذا بالضبط اللي عملوه .. قلصوا عملهم واستثماراتهم بهالسوق بما يتناسب مع حجمه
نيسان يبيعوا تيدا اللي هي سيارة .. والفيراري تبيع الفيراري اللي هي سيارة .. سبحان الله شنو المختلف بينهم
بعدها رفعوه ثاني لانه اكتشفوا انه غلطة وعيب يتخلوا عنه، شيء ما كان عندهم مشكلة معه لدرجة قفلوا جابان استوديو بكبره والآن نادمين على هالشيء.
ما كنت ادري انه سعر التيدا نفس سعر الفيراري.
عجيب انه الفيراري هنا "السويتش" بايع اكثر من التيدا وواصل لجمهور اكبر.
Veeto
True Gamer
تغير شي ؟
افتتحوا استوديوهات جديدة ؟ غيروا استثمااراتهم لهالسوق ؟
تشوف شي احنا ما نشوفه ؟
يستاهلوا
حرفيا كلام CEO البليستيشن، وشيء شفناه لما عملوا ستيت اوف بلاي ياباني وبليستيشن 5 رخيص حصري لليابان.
هذا فقط لأنه الCEO الآن ياباني، بس بإدارة جيم ريان؟ حرفيا ما كانوا مهتمين وكانت نظرتهم معاكسة 100% ، ومش كلامي.
ما يخالف، الادارة اللي استوعبت انه لا غلط نسحب على اليابان وبالتالي لازم نرجع نستثمر فيها هي نفس الادارة اللي قالت نبغى نقتل الفيزيكال لول.
الحصيلة انه النسخة الخاصة اليابانية ما باعت غير حوالي 300 ألف او اقل ، بينما بنفس الفترة السويتش 2 حصد 6 ملايين باليابان لحاله.
Sky Walker
True Gamer
حط ببالك ان بالشهرين اللي راحوا سعر السويتش2 النسخة اليابانية صار اعلى من سعر البلاي5 النسخة اليابانية ، مع ذلك السويتش2 هناك لازال يبيع ثلاث اضعاف البلاي5 ، مافي العاب حصرية عليه تجذب السوق هناك ، اضافة الى انه منزلي مش محمول.
سوني: ما بنوقف خطة قتل الفيزيكال، و مظاهرات النت ما أثرت عالبزنس بالوقت الحالي
Good Hunter
True Gamer
ليست غلطة سوني بل اللاعبين
