فكرة الموضوع صح .. بس العنوان غلط .. اعتقد ان الموضوع مو متمحور حول تحول نينتندو الى شركة طرف ثالث .. بقدر ما هو تساؤل وتمني حوالي الاقتباس هذا :
باختصار أنا أرى أن أجهزة ننتندو عائق لنجاح ألعاب ننتندو في الوقت الحالي.
أشعر بالحزن أحياناً على أن هذه الألعاب لا تصل إلى جميع فئات اللاعبين،
الاختلاف اللي عندي هو التحليل الغلط للوصول لهالنتائج .. لان اساس هالعبارتين هو نقطتين ما ادري ليش حسين تجاهلهم :
أجهزة غير جذابة للمستهلك ( أياً كانت الأسباب )
علاقة الطرف الثالث مع ننتندو أصبحت شبه معدومة خارج اليابان،
كشخص ما تهمه سلاسل نينتندو المعتادة .. يعني نسبيا انا واحد من الناس اللي الموضوع يتسائل عنهم .. ما اشوف مبرر لشراء اجهزة نينتندو للسببين اللي فوق
اجهزتهم غير جذابة ليي .. وكل شي حواليهم يقول ليي لا تشتريني .. والسبب الثاني الاهم .. العاب الطرف الثالث اللي نينتندو ما بتقدر تعوضهم
لهالسبب ما اشوف غياب جهاز نينتندو بذاك الغياب عليي .. لاني مو متعلق بسلاسلهم
لما كنت انتقد نينتندو طوال السنتين اللي فاتوا بالتحديد بعد E3 لسنة 2012 .. اللي اعتبره كارثي جدا .. وقتها كنت متحمس للوي يو .. جهاز جيل جديد بعد جيل طويل
كنت متحمس ليه اكثر .. لانه باكوورد .. بقدر اجرب العاب الوي اللي فاتتني .. نينتندو اعادتني للسبب الاساسي الي خلاني مبتعد عنها .. ان الجهاز فعليا هو العائق امام العابهم وبيظل عائق
لهالسبب انا ما اعتقد ان تقديم الالعاب للمنصات الثانية هو الحل .. لاني اعتقد انه بيصاحبه تغيير في نموذج العمل كامل .. نينتندو حاليا ما لا يقل عن 57 % من مداخيلهم كلها من مبيعات الهاردوير
خسارتها بتؤدي لتغيير في منظومة عمل السوفتوير .. وبالتالي بتتغير كل شي فيه .. اعتقد هم محتاجين لتغيير في هيكلية وعمل الادارة العليا ليهم
نينتندو لازم تعرف انها في صراع ومعركة شاءت او ابت .. مع مايكرو وسوني على جمهور الجيمنج .. كونها تبي تتوجه لجمهور صغير السن او عوائل بالسوفتوير .. ما يعني ان الهاردوير يكون نفس الشي
الى ذاك الوقت .. اعتقد ان الانسب وضع كل شي في نصابه الصح .. نينتندو اعتقدت مثل ما اعتقد الكل هني .. ان الناس تشتري اجهزتها علشان العابها .. بينما الواقع الحقيقي اللي لا مناص منه .. ان العاب نينتندو تبيع الى ملاك اجهزتها بنسبة كبيرة
غياب الملاك .. بيؤدي الى ضعف المبيعات .. وهالشي واضح وجلي في انهيار مبيعات ماريو 2 دي و ماريو 3 دي .. وماريو كارت وسماش بتلحقهم .. ما بين الوي والوي يو
ضعف مبيعات الوي يو .. او تحول اجهزة نينتندو الى عائق امام مبيعات العابها .. شي تتحمله نينتندو لوحدها بقراراتها حوالي اجهزتها .. والحل ما يكون بانها تتحول للتطوير لمنصات مختلفة .. الحل انها تقدم اجهزة مثيرة للمستهلك والزبون
تشخيص الخلل نص العلاج .. وتشخيصك للمشكلة .. ما اعتقد انه كان مصيب لهالسبب تعتقد ان الحل التطوير لمنصات ثانية .. بينما الحل كليا مختلف
:
